02/10/2023
*ᱫᱷᱚᱨᱚᱢ ᱜᱩᱨᱩ ᱢᱟ.ᱡᱷᱤ ᱨᱟᱢᱫᱟᱥ ᱴᱩᱰᱩ "ᱨᱟ.ᱥᱠᱟᱹ"*
ᱛᱮᱦᱧᱧ ᱫᱚ *ᱫᱷᱚᱨᱚᱢ ᱜᱩᱨᱩ ᱢᱟ.ᱡᱷᱤ ᱨᱟᱢᱫᱟᱥ ᱴᱩᱰᱩ* ᱣᱟᱜ ᱥᱟ.ᱜᱩᱱ *ᱡᱟᱱᱟᱢ ᱢᱟᱦᱟᱸ* ᱠᱟᱱᱟ ᱾ *ᱫᱟᱸᱥᱟᱭ ᱵᱚᱸᱜᱟ* ᱨᱮ ᱡᱟᱱᱟᱢ ᱮᱝᱜᱽᱨᱤ ᱢᱟ.ᱦᱤᱛ *2 ᱚᱠᱴᱩᱵᱚᱨ 1854* ᱥᱟᱞᱮᱨᱮᱭ ᱡᱟᱱᱟᱢ ᱞᱮᱱᱟ ᱢᱤᱫ ᱢᱟ.ᱡᱷᱤ ᱵᱟ.ᱠᱷᱩᱞ ᱨᱮ ᱡᱟᱦᱟᱸ ᱫᱚ *ᱫᱟᱢᱯᱟᱲᱟ ᱛᱚᱨᱚᱯ* ᱨᱮᱱᱟᱜ ᱢᱤᱫ *ᱠᱟ.ᱲᱣᱟ.ᱠᱟᱴᱟ ᱟ.ᱛᱩ* ᱨᱮ ᱾ ᱟᱭᱳ-ᱵᱟᱵᱟ ᱠᱤᱱᱟᱜ ᱧᱩᱛᱩᱢ ᱫᱚ *ᱢᱚᱸᱡᱚᱫᱚᱨᱤ* ᱟᱨ *ᱥᱤᱛᱟ.ᱨᱟᱢ ᱴᱩᱰᱩ* ᱾
ᱛᱟᱞᱢᱟ ᱵᱤᱱᱤᱰ ᱯᱟᱥ ᱠᱟᱛᱮ ᱠᱤᱪᱷᱩ ᱫᱤᱱ ᱯᱚᱨ *ᱢᱚᱭᱥᱟ.ᱫᱷᱚᱨᱟ* ᱢᱤᱫ ᱟ.ᱛᱩ ᱟᱥᱲᱟ ᱨᱮ ᱪᱮᱪᱮᱫ *ᱢᱟᱪᱮᱫ* ᱞᱮᱠᱟᱛᱮᱭ ᱵᱟᱦᱟᱞ ᱞᱮᱱᱟᱭ, ᱟ.ᱛᱩ ᱨᱮᱱ *ᱢᱟ.ᱡᱷᱤ* ᱟᱨ ᱫᱟᱢᱯᱟᱲᱟ ᱛᱚᱨᱚᱯ ᱨᱮᱱ ᱢᱤᱫ *ᱠᱷᱟᱡᱽᱱᱟ ᱟ.ᱫᱟ.ᱭᱤᱭᱟ.* ᱞᱮᱠᱟᱛᱮᱭ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾
ᱥᱟᱱᱛᱟᱞ ᱵᱤᱨᱟ.ᱫᱟ.ᱞᱤ ᱢᱩᱫᱽ ᱨᱮᱱ ᱢᱟ.ᱡᱷᱤ ᱨᱟᱢᱫᱟᱥ ᱴᱩᱰᱩ ᱫᱚ ᱯᱟ.ᱦᱤᱞ ᱵᱮᱞᱟ ᱨᱮᱱ ᱚᱱᱚᱞᱤᱭᱟᱹ ᱠᱟᱱᱟᱭ ᱾ ᱩᱱᱤ ᱚᱞᱟᱜ ᱯᱩᱛᱷᱤ *"ᱠᱷᱮᱨᱣᱟᱞ ᱵᱚᱝᱥᱚ ᱫᱷᱚᱨᱚᱢ ᱯᱩᱛᱷᱤ"* ᱫᱚ 1894 ᱥᱟᱞ ᱨᱮ *ᱠᱚᱞᱠᱟᱛᱟ* ᱨᱮᱭᱟᱜ *"ᱵᱮᱫᱟᱱᱛᱟ ᱯᱨᱮᱥ"* ᱠᱷᱚᱱ ᱪᱷᱟᱯᱟ ᱥᱚᱫᱚᱨ ᱞᱮᱱᱟ ᱾ ᱚᱱᱟ ᱫᱚ *68* *ᱥᱟᱠᱟᱢ* ᱥᱮ ᱥᱟᱦᱴᱟ ᱨᱮᱭᱟᱜ ᱢᱤᱫᱴᱟ.ᱝ *ᱵᱤᱱᱛᱤ ᱯᱩᱛᱷᱤ* ᱢᱮᱱ ᱜᱟᱱᱚᱜᱼᱟ *ᱫᱷᱚᱨᱚᱢ ᱯᱩᱛᱷᱤ* ᱛᱟᱦᱮᱸ ᱠᱟᱱᱟ ᱾ ᱛᱟᱭᱚᱢ ᱧᱚᱜᱼᱛᱮ ᱫᱚᱥᱟᱨ ᱨᱟᱫᱟ ᱫᱚ *ᱫᱷᱟᱞᱵᱷᱩᱢ ᱨᱟᱡᱽ ᱤᱮᱥᱴᱮᱴ* ᱨᱮᱱ *ᱢᱮᱱᱟᱡᱟᱨ ᱵᱚᱝᱠᱤᱢᱪᱚᱱᱫᱽᱨᱚ ᱪᱚᱠᱨᱚᱵᱚᱨᱛᱤᱭᱟᱜ* ᱜᱚᱲᱚ-ᱥᱚᱯᱚᱦᱚᱫ ᱛᱮ ᱚᱱᱟ ᱯᱩᱛᱷᱤ ᱫᱚ ᱢᱟᱨᱟᱝᱼᱧᱚᱜ ᱠᱟᱛᱮ *268 ᱥᱟᱠᱟᱢ ᱥᱟᱦᱴᱟ* ᱛᱮ *1951* ᱥᱟᱞ ᱨᱮ ᱩᱪᱷᱟ.ᱱ ᱪᱷᱟᱯᱟ ᱥᱚᱫᱚᱨ ᱞᱮᱱᱟ ᱾
ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮᱭᱟᱜ ᱱᱟᱜᱟᱢ ᱨᱮ ᱱᱚᱶᱟ ᱫᱚ ᱢᱤᱫ ᱧᱩᱢ-ᱦᱟᱞᱟᱝ ᱜᱷᱚᱴᱚᱱ ᱠᱟᱱᱟ ᱾
ᱥᱟ.ᱜᱩᱱ ᱡᱟᱱᱟᱢ ᱢᱟᱦᱟᱸ ᱨᱮ *"ᱫᱷᱚᱨᱚᱢ ᱜᱩᱨᱩ" ᱢᱟ.ᱡᱷᱤ ᱨᱟᱢᱫᱟᱥ ᱴᱩᱰᱩ "ᱨᱟ.ᱥᱠᱟ."* ᱞᱟᱥᱟᱬᱦᱮᱫ ᱥᱟᱭ-ᱥᱟᱭ ᱥᱟᱨᱦᱟᱣ ᱥᱟᱶᱛᱮ ᱡᱚᱦᱟᱨᱤᱧ ᱪᱟᱞᱟᱭ ᱠᱟᱱᱟ ᱾
