24/10/2025
চি.চি.কি যে লজ্জাৰ বিষয় হৈ পৰিছে ।
মানুহ নে মানুহ ৰূপী শগুণ কবলৈ লাজ লগা হৈছে । এটা মাহে অতিক্ৰম কৰিব নোৱাৰিলে জুবিন দা'ৰ মৃত্যু ! লাগি গল শগুণৰ দৰে মৰা শ লৈ টনা-আজোৰা ।
দৰাচলতে, আপোনালোকে জুবিন দা"ৰ ন্যায় বিচাৰি প্ৰতিবাদ কৰিছে, নে জুবিন দা'ৰ অচিলা লৈ নিজৰ ৰাজনৈতিক মুনাফা আদায়ৰ বাবে কাম কৰিছে বুজিবলৈ টান হৈছে !
মই কোনো নিৰ্দিষ্ট এটা দলৰ কথা কোৱা নাই ! ৰাজনৈতিক দল, জাতীয়তাবাদী সংগঠন, নেতা-অভিনেতা, গায়ক-গায়ীকা, লেখক-লেখিকা,সাংবাদিক কোনো গুণে কোনো কম নহয় । লাগি পৰিছে সকলো নিজৰ নিজৰ ব্যৱসায় বিস্তাৰত । প্ৰকৃতাৰ্থত আপোনালোকে জুবিন দা'ৰ ন্যায় বিচাৰি অপৰাধীয়ে শাস্তি পোৱাটো বিচাৰিছে নে ?
মূল কথাটো হল, সঁচাকৈ অন্তৰ্কনে জুবিন দা'ক ভাল পাই প্ৰতিবাদ কৰা সকল কিন্তু, এই প্ৰতিবাদৰ পৰা বহুত দূৰত থাকি গল । কাৰণ তেওঁলোক নিস্বাৰ্থ ভাবে জুবিন দা'ক ভাল পায় । আৰু যি কোনো মূল্যৰ বিনিময়ত জুবিন দা'ৰ অপৰাধী বাচি যোৱাটো নিবিচাৰে । যাৰ বাবে তেওঁলোক এই ৰাজনৈতিক মেৰপাকৰ পৰা আঁতৰি থাকিল ।
প্ৰকৃত জুবিন অনুৰাগী নিজৰ ব্যক্তি স্বাৰ্থ ত্যাগ কৰি,ৰাজনীতিৰ উৰ্ধত গৈ জুবিন দা'ৰ আদৰ্শক মানি লৈ জুবিন দা'ৰ আদৰ্শক অনুকৰণ কৰি কাম কৰি যাব ।
বাকীবোৰ মানে "পলিটিকচ নকৰিবা বন্ধু"...
