Rashtriya Sahara Mushahid Nagar Gonda

Rashtriya Sahara Mushahid Nagar Gonda Yaha Se Apko Sachchi Khabare Padhne Ko Milengi. Urdu & Hindi Me..

01/09/2025

جشن عید میلادالنبیﷺ و پیغام مظہر اعلٰی حضرت کانفرنس01 ستمبر بروز دوشنبہ مبارکہ(سوموار) کوتیاریاں جاری ہیں

رپورٹ شرف الدین خان حشمتی

(مشاہد نگر ،گونڈہ(ایس این بی
قادری منزل موضع ایدیا سعداللہ نگر کی سر زمین پر یکم ستمبر مطابق 8 ربیع النور شریف کو بڑے پیمانے پر ایک روزہ جشن عیدمیلادالنبیﷺ بنام پیغام مظہر اعلٰی حضرت کانفرنس کی تیاریاں کی جا رہی ہے،
واضح ہو کہ مذکورہ جلسہ شہزادۂ مظہر اعلٰی حضرت علامہ مفتی محمد ناصر رضا خان حشمتی آستانہ عالیہ حشمتیہ حشمت نگر پیلی شریف کی سرپرستی میں ہوگا،
جبکہ خصوصی بیان شہزادہ حضور قطب زمن علامہ مفتی محمد مہران رضا خان حشمتی مفتی اعظم پیلی بھیت شریف کا ہوگا،انکے علاوہ شہزادہ حضور معصوم ملت علامہ مفتی محمد فاران رضا خان حشمتی آستانہ عالیہ حشمتیہ حشمت نگر پیلی بھیت شریف کا خصوصی بیان ہوگا،
بانی جلسہ نقیب اہل سنت مولانا ہاشم رضا الہ آبادی نے بتایا کہ اس جلسہ میں مفتی عبدالرحمان قادری، خلیفۂ شیر ہندوستان علامہ حامد رضا خان پرتاب گڑھی، انکے علاوہ خلیفۂ معصوم ملت حافظ و قاری عبدالصمد خان حشمتی بستوی، مولانا قاری محمد وسیم بیگ قادری حشمتی ،مولانا عبدالسبحان مشاہدی،قاری عبد الرؤف حشمتی،وغیرہ کو دعوت دی گئی ہے،انکے علاوہ مولانا محمد نعیم مشاہدی،مولانا سید عرفان رضا جامعی،مولانا محمد احمد حشمتی،مولانا قیام رضا حشمتی ممبئی،مولانا زاہد رضا حشمتی،حافظ اکبر علی حشمتی، قاری شہزاد رضا حشمتی،مولانا سعدین رضا،مولانا شمشاد رضا حشمتی،مولانا بلال رضا حشمتی سمیت قرب جوار کے علمائے کرام وشعراے اسلام شرکت کر رہے ہیں، پروگرام کا آغاز تلاوت کلام ربانی سے قاری معین الدین قادری استاذ دارالعلوم اہلسنت حنفیہ ہدایت العلوم ایدہا کرینگے،
جبکہ منظوم خراج عقیدت محترم مرزا سبطین رضا بلرام پوری،محترم اختر گونڈوی، محترم اخلاق محبوبی پیش کریں گے، پروگرام کے کنوینر محمد انیس احمد قادری،محمد احمد نوری نے لوگوں سے شرکت کی اپیل کی ہے،

30/08/2025

*سعداللہ نگر تھانہ حلقہ کے تحت آنے والے ایک موضع میں نوجوان کو 'طالبانی سزا دی گئی، چار لوگ نامزد ، ویڈیو وائرل*

*رپورٹ- شرف الدین خان حشمتی*

*مشاہد نگر،گونڈہ(ایس این بی)*
تھانہ سعداللہ نگر حلقہ کے تحت آنے والے موضع اہرولہ میں ایک نوجوان کو ایسی سزا دی گئی کہ جس کو سن کر آپ کی روح کانپ جائے گی۔
بتاتے چلیں کہ کھیت میں کام کرنے کی غرض سے گیے نوجوان کو گاؤں کے ہی کچھ لوگوں نے اس کو یرغمال بنا کر بے رحمی سے مارا پیٹا۔ واقعہ کی اطلاع اس وقت ہوئی جب سوشل میڈیا پر ویڈیو وائرل ہونے لگی لوگ تو پہلے یہی نہیں سمجھ پا رہے تھے کہ وائرل ویڈیو کس جگہ کی ہے لیکن جو بھی ویڈیو دیکھتا تھا اس کے رونگٹے کھڑے ہو جاتے تھے کافی کوشش کرنے کے بعد لوگوں کو پتہ چلا کہ یہ ویڈیو سعد اللہ نگر تھانے کے اہرولہ گرام سبھا کی ہے، اس کے بعد علاقے میں سنسنی پھیل گئی۔
کچھ لوگ تو اس پورے معاملے کو ذاتی رنجش بتا رہے ہیں توکچھ لوگ اس معاملے کو عاشقی سےجوڑ رہے ہیں لیکن گاؤں والے اس پورے معاملے کوطالبانی سزا مان رہے ہیں۔
واضح رہے کہ یہ پورا معاملہ 19 اگست کا بتایا جاتا ہے۔ متاثرہ وجے کمار ولد رام سورت نے پولیس کو دی گئی شکایت میں الزام لگایا ہے کہ اس کا 18 سالہ بیٹا نشال کھیت میں کام کرنے کے لئے گیا تھا۔ تبھی گاؤں کے ہی رہنے والے ستیش چندر مشرا، ان کی بیوی اور بیٹے نے نشال کو پکڑ کر مارنا شروع کردیا۔ اس دوران گاؤں کے ہی جگدیپ ولد رام ا جور نے بھی مارنے میں مدد کی۔
وجے کمار کے بتانے کے مطابق، حملہ آوروں نے ان کے بیٹے کو ذات پات کے تعلق سے گالی گلوج کی اور جان سے مارنے کی دھمکی دی۔ شور سن کر گاؤں والے موقع واردات پر پہونچ گئے اور پورے معاملے کو رفع دفع کرایا ۔ شدید زخمی نوجوان کا علاج کرانے کے بعد اہل خانہ نے تھانے پہونچ کر مقدمہ درج کرایا
اس معاملے کے تعلق سے تھانہ انچارج منوج کمار سنگھ نے بتایا کہ متاثرہ کی شکایت کی بنیاد پر چار لوگوں کے خلاف مقدمہ درج کر لیا گیا ہے۔ معاملے کی جانچ سرکل آفیسر اترولہ کو سونپی گئی ہے۔

29/08/2025

دالعلوم اہلسنت اعجاز مصطفی قصبہ خاص میں جشن عیدمیلاد النبی صلی اللہ علیہ وسلم کی تیاریوں کے سلسلے میں میٹنگ ہوئی*۔
جس میں علاقائی علمائے کرام و جلوس کے ذمہ داران نے۔ کثیر تعداد میں شرکت کی

رپورٹ شرف الدین خان حشمتی

(مشاہد نگر ،گونڈہ(ایس این بی
:گوراچوکی چندردیپ روڈ پر واقع قصبہ خاص میں آئندہ 5 ستمبر بروز جمعہ مبارکہ کو برآمد ہونے والے جلوس عید میلاد النبی صلی اللہ علیہ وسلم کی تیاریوں کے سلسلے میں دالعلوم اهلسنت اعجاز مصطفی قدم رسول شريف میں جمعرات کو دن میں صبح دس بجے ایک میٹنگ منعقد کی گئی، جس میں علاقائی علمائے کرام ،و ائمہ مساجد و مکاتب و عوام اہلسنت نے کثیر تعداد میں شرکت کی۔اس موقع پر دارالعلوم اہلسنت اعجاز مصطفٰی کے پرنسپل مولانا ربیع اللہ علیمی نے میٹنگ میں آۓ ہوئے لوگوں سے خطاب کرتے ہوئے کہا کہ ہر سال کی طرح امسال بھی جلوس عید میلاد النبی ﷺ 5 ستمبردن جمعہ مبارکہ کو نکالا جائیگا۔ جسکی تیاریاں آپ لوگ پورے جوش و خروش سے کریں ہماری خوشی کے لیئے اس دن سے بڑا کوئی دن نہیں ہے اس لیئے کہ جس کے آمد کے صدقے میں دنیا کا وجود ہوا اس کی آمد پر اگر ہم اپنے گھروں پر چراغاں نہ کریں تو ہم سے بڑا کوئی احسان فراموش نہیں ہے اس آمد سے صرف اور صرف ابلیس کو تکلیف ہوتی ہے اگر چراغاں پر کوئی باتیں کرتا ہے کہ یہ سب فضول خرچی ہے تو سمجھ لیجیے کہ وہ بھی ابلیس کا بھائی ہے،
واضح رہے کہ جمعہ کے دن ربیع الاول شریف پڑنے سے دورو دراز سے جلوس لیکر آنے علمائے اہلسنت کو تھوڑی پریشانی ہوگی،
انہوں نے اس کے مد نظر دارالعلوم کی مسجد میں جمعہ کی ٹائم کو بدل کر ساڑھے بارہ بجے کر دی ہے ،اور سارے مساجد کے اماموں سے گزارش کی ہے کہ آپ لوگ بھی اپنی اپنی مسجدوں میں ساڑھے بارہ بجے تک جمعہ کی نماز ادا کر لیں اس کے بعد فوراً دارالعلوم اہلسنت اعجاز مصطفٰی قصبہ خاص قدم رسول شریف۔ کے لیے روانہ ہو ۔جس پر موجود تمام علماء کرام ائمہ مساجدو مکاتب نیز عوام اہلسنت نے تائید کرتے ہوئے متفقہ طور پر اس مشورے پر عمل کرنے کا فیصلہ لیا ۔اور بڑی ہی سکون و اطمینان سے جلوس عیدمیلاد النبی صلی اللہ تعالیٰ علیہ وآلہ وسلم میں شامل ہونے کی تائید کی،تمام مسلمانان اہلسنت سے زیادہ سے زیادہ تعداد میں جلوس میں شامل ہونے کے لئے اپیل کی ہے ۔
اس موقع پر
خصوصی طور پر مولانا معراج احمد، مولانا غلام غوث ساقی تنویری، مولانا رمضان علی فیضی، مولانا شریف،ماسڑ فرید احمد،قاری غلام صابر صدیقی سمیت کثیر تعداد میں عوام اہلسنّت موجود تھے ۔

24/08/2025

رپورٹ شرف الدین خان حشمتی،
مشاہد نگر،گونڈہ(ایس این بی)
:سعداللہ نگر گورا چوکی روڈ پر واقع دارالعلوم سرکار آسی محلہ الہی نگر منوا گڑھ میں گزشتہ سال کی طرح امسال بھی دن میں صبح آٹھ بجے ذکر مولیٰ حسن و جشن امام احمد رضا رضی اللہ عنھما کے موقع پر نعتیہ مشاعرہ کا اہتمام کیا گیا،
جسکی سرپرستی ادارہ کے سربراہ اعلی علامہ خواجہ سید محب الحق آسوی نے کی، جبکہ قیادت مولانا مفتی سید اسرار الحق رضوی سر پرست مسجد رضاۓ حق سعد اللہ نگرنےکی،نظامت کے فرائض مشہور ناظم مولانا غلام غوث ساقی تنویری نے بحسن وخوبی انجام دی،
محفل آغاز تلاوت کلام ربانی سے مولانا قاری سید فیضان رضا نے کی،
باہر سے آئے ہوئے مہمان شاعر محترم مہک بلرام پوری،محترم اظہر اسماعیلی، محترم فیصل ربانی بہرائچی، نے امام حسن مجتبیٰ و سرکار اعلی حضرت کی بارگاہ میں منظوم خراج عقیدت پیش کی، اور سامعین سے خوب داد وتحسین وصول کیا، خصوصی طور سے خطاب مولانا اسرار احمد فیضی نے سیدنا امام حسن مجتبیٰ و سرکار اعلی حضرت کی فضیلت و شان پر بہترین روشنی ڈالتے ہوئے فرمایا کہ ہمیں اہل بیت کرام و سرکار اعلی حضرت سے سچی محبت کرکے ان کے نقش قدم پر چلنے کی اشد ضرورت ہے، اہل بیت کے دامن سے جب تک وابستہ رہوگےتب تک کوئی بھی بدعقیدہ گستاخ صحابہ، گستاخ اہلبیت، آپ کے ایمان پر ڈاکہ نہیں ڈال سکتا لہذا اہلبیت سے محبت کرتے رہو یہاں بھی بیڑا پار ہے وہاں بھی بیڑا پار ہے،
ان کے علاوہ مولانا سید محمد مشاہد رضا،مولانا نظام الدین قادری صدر المدرسین دارالعلوم سرکار آسی،مولانا سید عرفان رضا،مولانا شاکر علی مصباحی، وغیرہ نے بھی خطاب کیا، اس موقع پر مولانا غفران احمد،مولانا ریاض الدین،حافظ انوار،ماسٹر نوشہ اقلیم،ماسٹر خان محمد،ماسٹر طیب،ماسٹر مونس ،ماسٹر وقاص،وغیرہ خاص طور سے موجود تھے، اس پروگرام کے اہتمام کرنے میں خاص طور سے دارالعلوم سرکار آسی کے طلباۓ کرام کا تعاون رہا،انکے علاوہ اساتذہ کرام نے بھی اس پروگرام میں بڑھ چڑھ کر حصہ لیا محفل کا اختتام صلاۃ وسلام مولانا سید محب الحق آسوی کے رقت آمیز دعا پر ہوا انہوں نے ملک میں امن اور شانتی اور ترقی کے لئے دعا کی،
اخیر میں پروگرام کے کنوینر مولانا سید عرفان رضا جامعی نے باہر سے آئے ہوئے مہمانوں کا شکریہ ادا کیا اور عرس امام حسن مجتبیٰ رضی اللہ تعالیٰ عنہ، اور عرس اعلی حضرت کی مبارکباد پیش کی،

23/08/2025

*رپورٹ شرف الدین خان حشمتی*

*مــشـــــاہـــد نـــگـــر،گـــونـــڈہ(ایس این بی)*
سعد اللہ نگر منکاپور روڈ پر واقع مشرقی یوپی کی ممتاز دینی درسگاہ دارالعلوم سرکار آسی محلہ الہی نگر منوا گڑھ سعداللہ نگر میں ہر سال کی طر ح امسال بھی 23اگست بروز ہفتہ مطابق 28 صفرالمظفر دن میں صبح آٹھ بجے سے ذکر مولیٰ حسن رضی اللہ تعالیٰ عنہ و107 واں سالانہ جشن امام احمد رضا رضی اللہ تعالیٰ عنہ کے حسین موقع پر نعتیہ مشاعرہ کا اہتمام کیا گیا ہے ،
جسکی سرپرستی خطیب جہانگیری علامہ سید خواجہ محب الحق آسوی سربراہ اعلیٰ دارالعلوم سرکار آسی کرینگے، جبکہ قیادت مولانا مفتی سید اسرار الحق رضوی سر پرست مسجد ر ضاۓ حق سعداللہ نگر کرینگے،
مولانا سید فیضان رضا جامعی نے بتایا کہ پروگرام سے خطاب کرنے کے لئے خصوصی مقرر کے طور پر مولانا ڈاکٹر خورشید ہمدم گونڈوی کو دعوت دی گی ہے، جبکہ انکے علاوہ جامعہ کےشیخ الحدیث مولانا مفتی سید محمد مشاہد رضا بھی خطاب کرینگے، انکے علاوہ مولانا نظام الدین قادری پرنسپل دارالعلوم سرکار آسی،مولانا اسرارِ احمد مصباحی نائب پرنسپل دارالعلوم سرکار آسی بھی خطاب کرینگے،
مولانا سید فرحان رضا مصباحی نے بتایا کہ مہمان شاعر کے طور پر شہنواز عالم گونڈوی کو مدعو کیا گیا ہے ,انکے علاوہ محترم اظہر اسماعیلی گونڈوی،محترم فیصل ربانی بہرائچی، محترم مہک بلرامپوری کو دعوت دی گئی ہے، ان کے علاوہ دیگر علاقائی علماء و شعراء کو بھی دعوت دی گئی ہے، ادارہ کے جملہ اساتذہ بھی شرکت کر ینگے،واضح ہو کہ نظامت کے فرائض مولانا غلام غوث ساقی تنویری گونڈوی،انجام دینگے
یہ جانکاری پروگرام کے کنوینر مولانا سید عرفان رضا جامعی نے دی ہے انہوں نے لوگوں سے زیادہ سےزیادہ تعداد میں شرکت کی اپیل کی ہے

21/08/2025

*عروس حشمتی ، مشاہدی ورضوی میں عقیدت مندوں کا ازدہام*

*لاکھوں عقیدت مندوں کی موجودگی میں قل شریف کی محفل کے ساتھ چار روزہ عرس اختتام پذیر*
*رپورٹ شرف الدین خان حشمتی* پــــریـــــس ریــلـــیــــز
پــیــلـــی بــھــیـــت۔(نامہ نگار)
شہر کے محلہ حشمت نگر میں واقع درگاہ مظہر اعلیٰحضرت پر امام عشق ومحبت سیدنا سرکار اعلیحضرت امام احمد رضا خان رضی اللہ تعالیٰ عنہ کا 107واں سالانہ عرس رضوی، و مظہر اعلیحضرت مولانا مفتی محمد حشمت علی خان رضی اللہ تعالیٰ عنہ کا 67واں سالانہ عرس حشمتی و28واں سالانہ عرس مشاہدی مولانا مفتی محمد مشاہد رضا خاں حشمتی رضی اللہ تعالیٰ عنہ کا چارہ روزہ عرس حشمتی و مشاہدی اعلیٰحضرت امام احمد رضا خان رضی اللہ تعالیٰ عنہ کے قل شریف کی محفل کے ساتھ بحسن خوبی اختتام پذیر
بتاتے چلیں کہ مولانا مفتی محمد حشمت علی خاں علیہ الرحمتہ کا تعلق اعلیٰحضرت رضی اللہ عنہ سے بڑا گہرا تھا انہوں نے مولانا مفتی محمد حشمت علی خاں کو اپنا فرزند روحانی مانا تھا اس لئے آپ کا مرتبہ اعلیٰ حضرت سرکار کے سارے خلفاء میں بالکل الگ مقام رکھتا ہے وہیں آپ نے ہند اور بیرون ہند میں بہت سارے مناظرے بھی کیئے ہیں اسی مناسبت سے عرس رضوی سے متصل عرس حشمتی ومشاہدی کا اہتمام کیا جاتا ہے جو آج دوپہر دو بجکر اڑتیس منٹ پر اعلیٰحضرت امام احمد رضا خان فاضل بریلوی علیہ الرحمتہ کے قل شریف کی محفل کے ساتھ بحسن خوبی اختتام پذیر
، ماہر عملیات حضور ناصر ملت مولانا مفتی محمد ناصر رضا خاں حشمتی کی رہائش گاہوں، سمیت قادری مہمان خانہ اور حشمتی لنگر خانہ میں عرس حشمتی مشاہدی کی مناسبت سے متعدد تقریبات آراستہ کی گئیں جس میں ہزاروں عقیدت مند موجود رہے اس دوران شہزادگان مظھراعلی حضرت کی میزبانی میں بیرونی و مقامی زائرین عرس کی خاطر و مدارت کے لئے وسیع پیمانے پر دستر خوان آراستہ کئے گئے تھے اور دور دراز سے آنے والے زائرینوں کے لئے قیام و طعام کا بہترین نظم و نسق کیا گیا تھا، تاکہ مہمانوں کو کسی بھی طرح کی پریشانی نہ ہواسکے لیے جگہ جگہ ہیلف سینٹر بنایا گیا تھا،
جبکہ عرس میں آۓ ہوئے زائرین سے خصوصی خطاب نوجوان عالم دین نبیرہ مظہر اعلیحضرت مولانا مفتی محمد فاران رضا خان حشمتی نے حضور شیر بیشہ اہلسنت کی دینی خدمات پر روشنی ڈالی انہوں نے کہا کہ حضور شیر بیشہ اہلسنت مولانا مفتی محمد حشمت علی خان رضی اللہ تعالیٰ عنہ نے اپنے دور میں سر اٹھانے والے اسلام مخالف ہر ایک فتنہ کا رد اپنے مرشد سرکار اعلیحضرت امام احمد رضا خان فاضل بریلوی رضی اللہ عنہ کی تعلیمات و ارشاد کے مطابق کیا دشمنان خدا ورسول کے خلاف پوری شدت و توانائی کے بلا خوف قرآن وحدیث کی اصل تعلیمات کو پیش کرنا مفتی محمد حشمت علی خان رضی اللہ عنہ کا طرۂ امتیاز تھا تو وہیں سادہ لوح مسلمانوں کے ایمان وعقیدہ کو مجروح کرکے شدھی تحریک کے نام سے مسلمانوں کو الحاد میں مبتلا کرنے کی مہم کو نیست و نابود کرنے میں جو جرات مندانہ کارنامہ مفتی محمد حشمت علی خان علیہ الرحمہ نے انجام دیا وہ تاریخی نوعیت کا حامل ہے ،
انکے علاوہ نبیرہ مظہر اعلیحضرت مولانا مفتی محمد مہران رضا خان حشمتی،مولانا مفتی محمد مشارب الحشمت خاں،شہزادہ ناصر ملت مولانا مفتی مناقب الحشمت خاں،مولانا قاری عبد الحفیظ حشمتی خلیل آبادی، مولانا مفتی ریاض حیدر حنفی حشمتی گونڈہ ،مولانا مفتی عبد الرحمان قادری،مولانا معین الدین حشمتی ،کا خطاب ہوا، اس موقع پر ملک کے طول و عرض سے آنے والے ہزاروں عقیدت مندوں نے مزارات پر گلپوشی، عطر پوشی، چادر پوشی کرکے اپنی عقیدت و محبت کا اظہار کیا اور مولانا مفتی محمد حشمت علی خاں المعروف حضور شیر بیشہ اہلسنت کی مناظرانہ وداعیانہ خدمات کو یاد کرتے ہوئے انہیں امام اہلسنت اعلی حضرت فاضل بریلوی علیہ الرحمہ کا روحانی فرزند قرار دیا عرس حشمتی مشاہدی کی مناسبت سے متعدد سیاسی و سماجی شخصیات نے درگاہ پہنچ کر گل پوشی وچادر پوشی پیش کی اس کے بعد چاندی شریف کی لونگ کو سرکار کے موئے مبارک پر نچھاور کرکے زائرینوں میں لٹایا گیا لوگ اس کو حاصل کرکے اپنی منتوں مرادوں کو مانتے ہیں اور لوگوں کی منتیں بھی پوری ہوتی ہیں
اس موقع پر خاص طور سے شہزادگان میں مولانا مفتی محمد فاران رضا خان حشمتی،مولانا مفتی محمد فرمان رضاخان حشمتی،مولانا مفتی مشارب الحشمت خاں،مولانا مفتی محمد مناقب الحشمت خاں،مولانا محامد الحشمت خاں،الحاج شرف الدین خان حشمتی، حشمتی ،مولانا حنظلہ رضا،قاری شہزاد رضا حشمتی،مولانا زاہد رضا بیگ حشمتی،
خاص طور سے موجود رہے
اخیر میں صلاةوسلام (، شہزادہ شیر بیشہ اہلسنت مولانا مفتی محمد ناصر رضا خان حشمتی ،شہزادہ حضور معصوم ملت مولانا مفتی محمد فرزان رضا خان حشمتی کی دعا پر عرس رضوی حشمتی ومشاہدی اختتام ہوا
انہوں نے باہر سے آئے ہوئے زائرین کے ایمان اور عقیدے کی جان ومال کی حفاظت ایمان کی سلامتی کے لئے دعا کی ساتھ ہی ملک ہندوستان کی ترقی ،امن و چین اور خوشحالی کے لئے دعا کی،
اس موقع پر الحاج تجمل حسین حشمتی،صغیر احمد، ممبئ، سلیم لفٹر،ماسٹر غلام جیلانی بیگ،مرزا سبطین رضا حشمتی، مقصود احمد حشمتی، مولانا غلام جیلانی،حافظ محمود الحسن بیگ ،حشمتی،ٹھیکیدار محمد فاروق حشمتی، مولانا علی احمد حشمتی،مولانا قیام رضا حشمتی ممبئی، مولانا خورشید احمد حشمتی، احمد بھائی حشمتی،نورالحسن نوری،مولانا بلال احمد،عرفان چودھری، حافظ اکبر علی، مولانا اخلاق محبوبی،محبوب بھائی،عبد الرزاق حشمتی ،پردھان احمد علی،،مولانا شاداب رضا حشمتی،حافظ صدام حسین حشمتی،صغیر احمد حشمتی،بدر عالم حشمتی،، مولانا خالد رضا، مولانا زبیر احمد، عبد الوحید نوری کے علاوہ ملک اور بیرون ملک سے آئے ہوئے زائرین کثیر تعداد میں موجود تھے

*اس کو ان باکس میں لگائیے*

واضح رہے کہ ہر سال کی طرح
اس سال بھی کثیر تعداد میں جن لوگوں کی منتیں پوری ہوئی تھی انکی طرف سے چاندی شریف کی لونگ کو سرکار کے موئے مبارک پر نچھاور کرکے زائرین میں یں لٹایا گیا لوگ اس کو حاصل کرکے اپنی منتوں مرادوں کو مانتے ہیں اور لوگوں کی منتیں بھی پوری ہوتی ہیں
ایک سوال کے جواب میں مولانا مفتی محمد فرزان رضا خان حشمتی نے بتایا کہ اس سال تقریبا گیارہ کلو چاندی کے لونگ سرکار دو عالم صلی اللہ علیہ وسلم کے موئے مبارک پر نچھاور کرکے زائرین میں لٹائی گئی ،

Address

Mushahid Nagar
Gonda
271307

Telephone

+919838169671

Website

Alerts

Be the first to know and let us send you an email when Rashtriya Sahara Mushahid Nagar Gonda posts news and promotions. Your email address will not be used for any other purpose, and you can unsubscribe at any time.

Shortcuts

Share

Category