Guruvayur Vartha

11/07/2025

ഗുരുവായൂർ പടിഞ്ഞാറെ നടയിൽ അർബൻ ബാങ്കിന് സമീപം മാൻ ഹാളിൽ നിന്നും കക്കൂസ് മാലിന്യം പൊട്ടി ഒഴുകി ദുർഗന്ധം വമിക്കുന്നന്നതിനെതിരെ ബിജെപി ഗുരുവായൂർ ഏരിയ കമ്മിറ്റിയുടെ നേതൃത്വത്തിൽ പ്രതിഷേധിച്ചു.ഏരിയ പ്രസിഡൻ്റ് പ്രദീപ് പണിക്കശ്ശേരി അദ്ധ്യക്ഷത വഹിച്ചു.വാർഡ് കൗൺസിലർ ശോഭ ഹരി നാരായണൻ ഉദ്ഘാടനം ചെയ്തു.CPMൻ്റെ നേതൃത്വത്തിലുള്ള ഗുരുവായൂർ നഗരസഭ ഭരണം അഴിമതിയിൽ മുങ്ങി കുളിച്ചിരിക്കുകയാണെന്നും അതിൻ്റെ ഉദാഹരണമാണ് കോടികൾ ചിലവിട്ട് പണിത അഴുക്കുചാൽ പദ്ധതി ഇപ്രകാരം പരാജയമാകുന്നതെന്നും കൗൺസിലർ ആരോപിച്ചു.ബിജെപി ഗുരുവായൂർ മണ്ഡലം വൈസ് പ്രസിഡൻ്റ് മനീഷ് കുളങ്ങര, വൈസ് പ്രസിഡൻ്റ് ജ്യോതി രവീന്ദ്രനാഥ്, സെക്രട്ടറി പ്രസന്നൻ വലിയപറമ്പിൽ, ട്രഷറർ ദീപ ബാബു,ജിതിൻ കാവീട്, നിധിൻ മരയ്ക്കാത്ത്,ദീപക് തിരുവെങ്കിടം, കെ.കാളിദാസൻ,സൂരജ് താമരയൂർ,മനോജ് പൊന്നുപറമ്പിൽ എന്നിവർ നേതൃത്വം നൽകി

08/07/2025

ഗുരുവായൂർ ആയൂർവ്വേദ ആശുപത്രിയിലെ ശോചനീയാവസ്ഥയെ കുറിച്ച് CMO യോട് നഗരസഭ പ്രതിപക്ഷ നേതാവ് കെ പി ഉദയന്റെ നേതൃത്വത്തിൽ UDF കൗൺസിലർമാർ ചർച്ച നടത്തുന്നു

08/07/2025

ഉപരാഷ്ട്രപതി ഗുരുവായൂർ ക്ഷേത്ര ദർശനത്തിൽ..

10/06/2025

ഗവർണ്ണറും കുടുംബവും ഗുരുവായൂരിൽ ദർശനം നടത്തി.
ഗുരുവായൂർ : കേരള ഗവർണ്ണർ രാജേന്ദ്ര വിശ്വനാഥ് ആർലേക്കറും കുടുംബവും ഗുരുവായൂർ ക്ഷേത്ര ദർശനം നടത്തി. ഇന്ന് വൈകുന്നേരം അഞ്ചു മണിയോടെയായിരുന്നു ദർശനം. ഉച്ചതിരിഞ്ഞ് മൂന്നര മണിയോടെ ഗുരുവായൂരിൽ മാടമ്പ് സ്മൃതി പർവ്വം 2025 ഉദ്ഘാടനം ചെയ്യാനെത്തിയ ഗവർണർ ഗുരുവായൂരപ്പ ദർശനത്തിന് ആഗ്രഹം പ്രകടിപ്പിക്കുകയായിരുന്നു. ഉദ്ഘാടന ശേഷം നാലരയോടെ ഗവർണ്ണർ
പത്നി അനഘആർലേക്കർ മകൾ അദിതി കുൽക്കർണി, കൊച്ചുമകൻ ശ്രീഹരി കുൽക്കർണി എന്നിവർ ശ്രീവത്സം അതിഥി മന്ദിരത്തിൽ എത്തി .

ദേവസ്വം ചെയർമാൻ ഡോ. വികെ.വിജയൻ ,ഭരണ സമിതി അംഗം സി.മനോജ് ,അഡ്മിനിസ്ട്രേറ്റർ ഒ.ബി.അരുൺകുമാർ എന്നിവർ ചേർന്ന് ഗവർണ്ണറെ സ്വീകരിച്ചു.തുടർന്ന് അൽപ നേരം ശ്രീവത്സത്തിൽ വിശ്രമിച്ച ഗവർണ്ണറും കുടുംബവും തെക്കേ നടയിലൂടെ കിഴക്കേ ഗോപുര കവാടത്തിലെത്തി. ദേവസ്വം ഭരണസമിതി അംഗം സി.മനോജിൻ്റെ നേതൃത്വത്തിൽ ഡപ്യൂട്ടി അഡ്മിനിസ്ട്രേറ്റർമാരായ പ്രമോദ് കളരിക്കൽ, എം.രാധ ,അസി.മാനേജർമാരായ ലെജുമോൾ, സുഭാഷ്
എന്നിവർ ചേർന്ന് ഗവർണറെയും കുടുംബത്തെയും ക്ഷേത്രത്തിലേക്ക് ആനയിച്ചു.
ആദ്യം കൊടിമര ചുവട്ടിൽ നിന്ന് ഗുരുവായൂരപ്പനെ തൊഴുതു. തുടർന്ന് നാലമ്പലത്തിലെത്തി ശ്രീഗുരുവായൂരപ്പനെ ഗവർണ്ണറും കുടുംബവും തൊഴുത് പ്രാർത്ഥിച്ചു. കാണിക്കയുമർപ്പിച്ചു.കൊച്ചുമകൻ ശ്രീഹരി കുൽക്കർണി തുലാഭാര വഴിപാടും നടത്തി.
കളഭവും തിരുമുടി മാലയും നെയ്യ് പായസവും പഴവും പഞ്ചസാരയുമടങ്ങുന്ന ഗുരുവായൂരപ്പൻ്റെ പ്രസാദങ്ങൾ ദേവസ്വം ഭരണസമിതി അംഗം സി.മനോജ്, ഗവർണർക്കും പത്നിക്കും നൽകി.
ഗവർണ്ണറായി ചുമതലയേറ്റശേഷം രണ്ടാം തവണയാണ് രാജേന്ദ്ര വിശ്വനാഥ് ആർലേക്കർ ഗുരുവായൂരിലെത്തുന്നത്. കഴിഞ്ഞ ഏപ്രിൽ 10ന് അദേഹം ക്ഷേത്രദർശനം നടത്തിയിരുന്നു.

06/06/2025

ഗുരുവായൂർ: ചട്ടിക്കൽ അപ്പു മകൻ ലോകേട്ടൻ (സി.എ. ലോക്നാഥ് ഹോട്ടൽ വെൽക്കം , മമ്മിയൂർ, ) എറണാകുളത്തുള്ള സ്വകാര്യ ഹോസ്പിറ്റലിൽ വെച്ച് മരണപ്പെട്ടു.
KHRA തൃശൂർ ജില്ല വൈസ് പ്രസിഡണ്ട്,
KHRA ഗുരുവായൂർ യൂണിറ്റ് സെക്രട്ടറി , KVVES മമ്മിയൂർ- മുതുവട്ടൂർ യൂനിറ്റ് പ്രസിഡണ്ട് എന്നീ നിലകളിൽ പ്രവർത്തിച്ച് വരികയായിരുന്നു. സംസ്കാരം വൈകീട്ട് 5 ന് വീട്ടുവളപ്പിൽ.. ഭാര്യ അനിത , മക്കൾ അമൽനാഥ്, അതുല്യ , മരുമക്കൾ അശ്വതി, ഷിൽജിത്ത്

ആദരാഞ്ജലികൾ💐

06/06/2025

ജൂൺ 5 പരിസ്ഥിതി ദിനത്തോടനുബന്ധിച്ച് ഗുരുവായൂർ നഗരസഭാ 13-ാം വാർഡിൽ കൗൺസിലറുടെ നേതൃത്വത്തിൽ വൃക്ഷതൈ വിതരണം നടത്തി.വാർഡ് കൗൺസിലർ സി.എസ്.സൂരജ് അങ്കണവാടി വർക്കർ ശ്യാമള ടീച്ചർക്ക് വൃക്ഷതൈ നൽകിക്കൊണ്ട് വിതരണ ഉദ്ഘാടനം നിർവ്വഹിച്ചു.ആശാ വർക്കർമാരായ രേഷ്മ,ധന്യ,ടീം ഓർബിറ്റ് ഭാരവാഹികളായ മുഹമ്മദ് റാഫി,ഭഗത് ബാബു,ദേവരാഗ്‌,ആദിൽ എന്നിവർ നേതൃത്വം നൽകി.

05/06/2025

കോൺഗ്രസ്സ് സേവാദൾ ഗുരുവായൂർ നിയോജക മണ്ഡലം കമ്മിറ്റി പരിസ്ഥിതദിനാചാരണം സംഘടിപ്പിച്ചു

കോൺഗ്രസ്സ് സേവാദൾ ഗുരുവായൂർ നിയോജമണ്ഡലം കമ്മിറ്റിയുടെ ആഭിമുഖ്യത്തിൽ ലോകം മുഴുവൻ പരിസ്ഥിതി ദിനമായി ആചരിക്കുന്ന ജൂൺ 5 വ്യാഴാഴ്ച്ച മുതുവട്ടൂർ മുക്തി സ്കൂളിൽ വൃക്ഷത്തൈകൾ നട്ടുകൊണ്ട് പരിസ്ഥിതി ദിന സന്ദേശവും ബോധവത്ക്കരണവും നൽകി.

കോൺഗ്രസ്‌ സേവാദൾ നിയോജമണ്ഡലം പ്രസിഡന്റ്‌ സിന്റോ തോമസ് വൃക്ഷ തൈകൾ നട്ട് ഉദ്ഘാടനം നിർവഹിച്ചു.

കോൺഗ്രസ്‌ സേവാദൾ ജില്ലാ ഭാരവാഹികളായ ചോ മുഹമ്മദുണ്ണി, ജമാൽ താമരത്ത്, മുക്തി സ്കൂൾ മാനേജർ ഫാ.റൂബൻ, ഇന്ത്യൻ നാഷണൽ കോൺഗ്രസ്‌ നേതാക്കളായ സി കെ ഡേവിസ്, നാസർ വഞ്ചികടവ്, ബഷീർ കുന്നിക്കൽ എന്നിവർ സംസാരിച്ചു.

രജിത തേക്കാട്ട്, ഷാഫി പുന്നയൂർകുളം, കെ ജെ പോൾ,സി ഡി ഫ്രാൻസിസ്, ജോസഫ് മമ്മിയൂർ, മുഹമ്മദ്‌ ഹാഷിം,, ഫാൻസിൻ ഫ്രാൻസിസ്, മുക്തി സ്കൂൾ അധ്യാപകർ, വിദ്യാർത്ഥികൾ എന്നിവർ നേതൃത്വം നൽകി.

03/06/2025

തിരുവെങ്കിടാചലപതി ക്ഷേത്രത്തിലെയ്ക്ക് വലിയ ഘടികാരം നൽകി വാർഡ് കൗൺസിലർ വി.കെ.സുജിത്ത് .......
കേരള തിരുപ്പതി എന്നറിയപ്പെടുന്ന ഗുരുവായൂർ തിരുവെങ്കിടാചലപതി ക്ഷേത്രത്തിലേക്ക് കമനീയമായ വലിയ ഘടികാരം ക്ഷേത്രം വാർഡ് കൗൺസിലർ വി.കെ.സുജിത്ത് ആഹ്ലാദ നിറവിൽ സമ്മാനിച്ചു. ക്ഷേത്ര തിരുമുററത്ത് നടന്ന ഗൃഹാത്വര ചടങ്ങിൽ കൗൺസിലർ വി.കെ.സുജിത്തിൽ നിന്നും ക്ഷേത്ര സമിതി പ്രസിഡണ്ട് ശശിവാറണാട്ട്, മാനേജർ പി.രാഘവൻ നായർ എന്നിവർ ക്ലോക്ക് സന്തോഷ നിറവിൽ ഏററുവാങ്ങി. ക്ഷേത്ര സമിതി ജോയിന്റ് സെക്രട്ടറി ബാലൻ വാറണാട്ട്, ക്ഷേത്ര ജീവനക്കാരായ ഉണ്ണികൃഷ്ണൻ കാഞ്ഞുള്ളി, ഹരിവട കൂട്ട്,മൂത്തേടത്ത്സുരേന്ദ്രൻനായർഎന്നിവർസന്നിഹിതരായിരുന്നു. പ്രഭാത- ഉച്ചവരെയുള്ള ക്ഷേത്ര ദർശന സമാപന സമയം ഉച്ചക്ക്12.30 നാണ് ഭക്തജനപങ്കാളിത്തത്തോടെക്ലോക്ക് സമർപ്പണം നിർവഹിച്ചത്. നേരത്തെ വിഷു കൈനീട്ടമായി ക്ലോക്ക് എല്ലാ ഭവനങ്ങളിലും നേരിട്ടെത്തി വി.കെ.സുജിത്ത് സമ്മാനിച്ചിരുന്നു.

03/06/2025

02/06/2025

മഹാത്മാഗാന്ധിയെ സ്മരിച്ച് പ്രതിഭകൾക്ക് ആദരംനൽകി ശ്രദ്ധേയമായി ഗാന്ധി കുടുംബസംഗമവും, പ്രതിഭാദരവുമായി നഗരസഭ പതിമൂന്നാംവാർഡ് കോൺഗ്രസ്സ് കമ്മിറ്റി.... കാലവും.ലോകവും കണ്ട മഹാത്മാവായ ഗാന്ധിജി പ്രസ്ഥാനത്തിന്റെ അമൂല്യമായ അമരക്കാരനായിരുന്നതിന്റെ നൂറാം വാർഷിക നിറവിൽ ഗാന്ധി സ്മരണകളുമായി വ്യത്യസ്ത തലങ്ങളിലുളള നീണ്ട നിരയിലെ പ്രതിഭാധനർക്ക് സ്നേഹാദരം നൽകി ഗുരുവായൂർ നഗരസഭ വാർഡ് 13 കോൺഗ്രസ് കമ്മിറ്റിയുടെ ആഭ്യമുഖ്യത്തിൽ ഒരുക്കിയ ഗാന്ധി കുടുംബ - പ്രതിഭാ സംഗമം വേറിട്ട ശ്രദ്ധേയമായ വേളയായി. കാരക്കാട് ഗോൾഡൻ -പേൾ റസിഡൻസിയിൽ വാർഡ് നഗരസഭ കൗൺസിലർ സി.കെ. സൂരജിന്റെ അദ്ധ്യക്ഷതയിൽ ചേർന്ന സംഗമ സദസ്സ് മുൻ ഡി.സി.സി പ്രസിഡണ്ടും, മുൻ യൂഡിഎഫ് ചെയർമാനുമായ എം.പി.വിൻസന്റ് എക്സ് എം.എൽ.എ. ഉൽഘാടനം ചെയ്തു. പ്രതിഭാ സംഗമത്തിൽ എണ്ണിയാൽ ഒടുങ്ങാത് തപ്രതിഭാ നിരയുമായും, ഉന്നത വിദ്യാർത്ഥി ശ്രേഷ്ഠ വ്യക്തിത്വങ്ങളുടെ സ്നേഹാദരമായും, വാർഡിലെ മുഴുവൻ വിദ്യാർത്ഥികൾക്കും പഠനോപകരണവിതരണം, കുട്ടികൾക്ക് കരിയർ ഗൈഡൻസ് കൺസൾട്ടിങ്ങ് തുടങ്ങി വിത്യസ്തമായി നടത്തിയ സംഗമ സദസ്സിൽ വിവിധ രംഗങ്ങളിലുള്ള പ്രഗൽഭരായ ഡോ.ഡി.എം.വാസുദേവൻ, കീഴേടം രാമൻ നമ്പൂതിരി, ഡോ. ശിവകുമാർ , ഡോ.അച്ചുതൻ കുട്ടി മാസ്റ്റർ, സരളസിസ്റ്റർ, . ശോഭന ചക്രവർത്തി , കോമത്ത്‌ നാരായണ പണിക്കർ ,കാരയിൽ ശ്രീനിവാസൻ ഉണ്ണികൃഷ്ണൻ.വി തുടങ്ങി നിരവധി വിദ്യാർത്ഥി നിരയിലുള്ളവർ വരെ മാററുരച്ച പ്രതിഭകൾക്ക് സ്നേഹാദരം നൽകി. നേരത്തെ ഗാന്ധി ചിത്രത്തിന് മുന്നിൽപുഷ്പാർച്ചന നടത്തി ഗാന്ധി സ്മരണ പ്രാർത്ഥനയുമായി തുടക്കം കുറിച്ച വേദിയിൽ ഉന്നത വിദ്യാർത്ഥി വിജിയകൾക്ക് നഗരസഭപ്രതിപക്ഷ നേതാവ് കെ.പി.ഉദയൻ ഉപഹാര സമർപ്പണവും,മണ്ഡലം പ്രസിഡണ്ട് ഒ.കെ.ആർ മണികണ്ഠൻ വിദ്യാർത്ഥികൾക്ക് പഠനോപകരണങ്ങളും സമ്മാനിച്ചു. ഹരിത കർമ്മസേന, ആശാ വർക്കർ , അംഗൻവാടി അദ്ധ്യാപിക എന്നിവരെയും അനുമോദിച്ചു. ബാലൻ വാറണാട്ട് ആമുഖപ്രസംഗം നടത്തി.ഡോ.ഹനിനി.എം .രാജ് കുട്ടികൾക്ക് കരിയർ ഗൈഡൻസ് ക്ലാസ് എടുത്തു.കെ.വി.സത്താർ,ടി.എൻ.മുരളി,വി.എസ്.നവനീത്, പ്രതീഷ് ഓടാട്ട്,ടി.കെ.ഗോപാലകൃഷ്ണൻ,ഷൈലജ ദേവൻ, കെ.എം.ഷിഹാബ്, സുഷ ബാബു,രാജലക്ഷ്മി,ശശി വല്ലാശ്ശേരി,ബാബുരാജ് ഗുരുവായൂർ,കൃഷ്‌ണകുമാർ ചെമ്പകശ്ശേരി,കെ.സലിൽ കുമാർ,പ്രേംകുമാർ ജി മേനോൻ ,പി.എം.മുഹമ്മദുണ്ണി ,കൃഷ്ണകുമാർ.പി,വി.എ.ഉദയൻ,ശ്രീന എന്നിവർ സംസാരിച്ചു.

02/06/2025

ദേശീയ പാതയുടെ അശാസ്ത്രീയ നിർമാണം ; പ്രിയദർശിനി ജനകീയ വേദി പ്രതിഷേധ കൂട്ടായ്മ സംഘടിപ്പിച്ചു..
ചാവക്കാട് : ദേശീയ പാതയുടെ അശാസ്ത്രീയമായ നിർമ്മാണത്തിനെതിരെ
പ്രിയദർശിനി ജനകീയ വേദി സംസ്ഥാന കമ്മിറ്റിയുടെ ആഭിമുഖ്യത്തിൽ പ്രതിഷേധ കൂട്ടായ്മ സംഘടിപ്പിച്ചു.ചാവക്കാട് മണത്തല പള്ളിക്ക് സമീപം നടന്ന പ്രതിഷേധ കൂട്ടായ്മ ഗുരുവായൂർ നഗരസഭ പ്രതിപക്ഷ ഉപ നേതാവ് കെ.പി.എ. റഷീദ് ഉദ്ഘാടനം ചെയ്തു.
ദേശീയപാത NH റോഡിന്റെ അശാസ്ത്രീയമായ നിർമ്മാണത്തിനെതിരെ പ്രിയദർശിനി ജനകീയ വേദി ചാവക്കാട്/ ഗുരുവായൂർ യൂണിറ്റ് നടത്തിയ പ്രതിഷേധ കൂട്ടായ്മ മാതൃകാപരമാണ്. ഈ വിഷയത്തിൽ അധികാരികളുടെ ശ്രദ്ധ ക്ഷണിക്കാനും ജനങ്ങളുടെ ബുദ്ധിമുട്ടുകൾക്ക് ശാശ്വത പരിഹാരം കാണാനും ഇത്തരം കൂട്ടായ്മകൾ സംസ്ഥാനത്തുടനീളം വ്യാപിപ്പിക്കേണ്ടത് അനിവാര്യമാണ്.
ദേശീയപാത നിർമ്മാണത്തിലെ അപാകതകൾ കേരളത്തിലെ പല പ്രദേശങ്ങളിലും ജനജീവിതം ദുസ്സഹമാക്കുന്നുണ്ട്. അശാസ്ത്രീയമായ നിർമ്മാണ പ്രവർത്തനങ്ങൾ ഗതാഗതക്കുരുക്കിനും അപകടങ്ങൾക്കും കാരണമാകുന്നു, ഒപ്പം പരിസ്ഥിതി പ്രശ്നങ്ങൾക്കും വഴിവെക്കുന്നു. ഈ സാഹചര്യത്തിൽ, പ്രിയദർശിനി ജനകീയ വേദി നടത്തിയ ഈ ഉദ്യമം പൊതുജനങ്ങളിൽ അവബോധം വളർത്താനും സമാനമായ, നിർമാണത്തിലിരിക്കുന്ന പുതിയ റോഡ് ജനങ്ങളിൽ ആശങ്ക ഉളവാക്കിയിട്ടുണ്ട് . വിണ്ടു കീറിയ റോഡിലെ സമീപത്തെ പ്രദേശവാസികൾ അഭിമുഖീകരിക്കുന്ന വിഷമങ്ങൾ മനസ്സിലാക്കേണ്ടതുണ്ടെന്നും മറ്റ് പ്രദേശങ്ങളിലെ ജനങ്ങൾക്കും ഒരു പ്രചോദനമാകുമെന്നും ഞങ്ങൾ വിശ്വസിക്കുന്നു.
ഈ പ്രക്ഷോഭത്തിന് എല്ലാ പിന്തുണയും വാഗ്ദാനം ചെയ്ത കേരളത്തിലെ എല്ലാ ജനങ്ങളും ഈ വിഷയത്തിൽ ഒറ്റക്കെട്ടായി നിൽക്കണമെന്നും, അധികാരികളിൽ സമ്മർദ്ദം ചെലുത്തി ഈ പ്രശ്നത്തിന് ഒരു പരിഹാരം കണ്ടെത്താൻ മുന്നിട്ടിറങ്ങണമെന്നും പ്രിയദർശിനി ജനകീയ വേദി അഭ്യർത്ഥിക്കുന്നു. ഇത് ഒരു പ്രദേശത്തിന്റെ മാത്രം പ്രശ്നമല്ല, മറിച്ച് നമ്മുടെയെല്ലാം പൊതുവായ ഒരു വിഷയമാണ്. പ്രസംഗീകർ ഒരേ സ്വരത്തിൽ പറഞ്ഞു.
സംസ്ഥാന പ്രസിഡന്റ് ഉമ്മർ എരമംഗലം അധ്യക്ഷത വഹിച്ചു. പുന്നയൂർക്കുളം ആസാദ് ഫൗണ്ടേഷൻ ചെയർമാൻ സലീൽ അറക്കൽ മുഖ്യപ്രഭാഷണം നടത്തി. സംസ്ഥാന ജനറൽ സെക്രട്ടറി ടി. കെ. ഗോപാലകൃഷ്ണൻ സ്വാഗതവും, മോഹൻദാസ് ചേലനാട്, ജമാൽ താമരത്ത്, ഗഫൂർ മാറഞ്ചേരി രാജേഷ് , റഷീദ്‌ പാലയൂർ, മജീദ് പാവറട്ടി , പ്രേം ജി മേനോൻ , എന്നിവർ .പങ്കെടുത്തു

18/05/2025

ഗുരുവായൂരിൽ കണ്ടെയ്നർ ലോറിയിൽ കേബിൾ ഉടക്കി ഇലക്ട്രിക് പോസ്റ്റ് കാറിന് മുകളിലേക്ക് വീണു.....
കണ്ടെയ്നർ ലോറിക്ക് മുകളിൽ ഉടക്കി കേബിൾ വലിഞ്ഞ് കാറിന് മുകളിലേക്ക് വൈദ്യുതി പോസ്റ്റ് വീണു. ഗുരുവായൂർ മഹാരാജ ജങ്ഷനിൽ ഞായറാഴ്ച പുലർച്ചെയായിരുന്നു അപകടം. നാഗാലാൻഡ് രജിസ്ട്രേഷനിലുള്ള ലോറിയാണ് കേബിളിൽ കുടുങ്ങിയത്. മഹാരാജക്ക് സമീപം പാർക്ക് ചെയ്ത കോട്ടപ്പടി സ്വദേശിയുടെ കാറിന് മുകളിലേക്കാണ് പോസ്റ്റ് വീണത്. കാറിൻ്റെ പിൻഭാഗത്ത് നാശനഷ്ടങ്ങളുണ്ട്. നാട്ടുകാർ വിവരം അറിയിച്ചതിനെ തുടർന്ന് കൗൺസിലർ സി.എസ്. സൂരജ് സ്ഥലത്തെത്തി. പൊലീസും അഗ്നി രക്ഷ സേനയും സ്ഥലത്തെത്തി റോഡിലെ തടസങ്ങൾ നീക്കി. ലോറി ആനത്താവളം റോഡിലേക്ക് മാറ്റിയിട്ടു. അപകട ഭീഷണിയായി താഴ്ന്ന് നിൽക്കുന്ന കേബിളുകൾ അപകട ഭീഷണിയായി മാറിയിട്ടുണ്ടെന്ന് നഗരസഭ കൗൺസിലിൽ പ്രതിപക്ഷ നേതാവ് കെ.പി. ഉദയൻ പലപ്രാവശ്യം ഉത്തരവാദിത്തപ്പെട്ടവരുടെ ശ്രദ്ധയിൽപ്പെടുത്തിയിരുന്നു.