29/08/2026
✅কাহিলিপাৰা শিৱপুৰৰ, এজন সচেতন অসমীয়া উদয়মান যুৱক ৰাজু মহন্তৰ কাহিলীপাৰা অঞ্চলত বানপানী হোৱাৰ মূল কাৰণসমূহ তথ্য ভিত্তিক আমাৰ আগত প্ৰকাশ কৰে।
📍 কাহিলীপাৰা, শিৱপুৰ , মৈত্ৰী নগৰ, নামঘৰ পথ, দক্ষিণ গাওঁ, নলা-নৰ্দমা পৰিষ্কাৰৰ অভাৱ, এজাক বৰষুণতে বানপানীৰ আশংকা
📍গুৱাহাটী পৌৰ নিগমৰ চাফাই ব্যৱস্থাক লৈ পুনৰ উত্থাপন হৈছে গুৰুতৰ অভিযোগ। গুৱাহাটীৰ কাহিলীপাৰাস্থিত শিৱপুৰ অঞ্চলৰ এটা পথৰ দুৰৱস্থাই যেন উদঙাই দিছে পৌৰ নিগমৰ নলা-নৰ্দমা পৰিষ্কাৰ ব্যৱস্থাৰ বাস্তৱ ছবিখন।
📍স্থানীয় ৰাইজৰ অভিযোগ অনুসৰি, অঞ্চলটোৰ বহু নলা-নৰ্দমা মাটি, জাবৰ-জোঁথৰ আৰু অন্যান্য আৱৰ্জনাৰে প্ৰায় পুতি যোৱাৰ ফলত পানী নিষ্কাশনৰ পথ বন্ধ হৈ পৰিছে। ফলত এজাক বৰষুণ দিলেই পথত পানী জমা হৈ বানপানীৰ দৰে পৰিস্থিতিৰ সৃষ্টি হয়।
📍ইফালে, শিৱপুৰ অঞ্চলৰ বহু ঘৰৰ পৰা নিয়মীয়াকৈ জাবৰ-জোঁথৰ সংগ্ৰহ কৰিবলৈ পৌৰ নিগমৰ বাহন নোযোৱাৰো অভিযোগ উত্থাপন কৰিছে স্থানীয় ৰাইজে।
📍ইয়াৰ ফলত ঘৰুৱা আৱৰ্জনা ইফালে-সিফালে পেলোৱাৰ পৰিস্থিতি সৃষ্টি হোৱাৰ লগতে নলা-নৰ্দমাতো জাবৰ জমা হোৱাৰ অভিযোগ কৰিছে ৰাইজে।
📍স্থানীয় লোকসকলে অভিযোগ কৰে যে, গুৱাহাটী পৌৰ নিগমৰ পৰ্যাপ্ত সংখ্যক কৰ্মচাৰী নথকাৰ বাবেই নলা-নৰ্দমা পৰিষ্কাৰ আৰু জাবৰ সংগ্ৰহৰ কাম নিয়মীয়াকৈ সম্পন্ন নহয়।
📍শিৱপুৰৰ এই সমস্যাৰ ফলত পথচাৰী, স্থানীয় বাসিন্দা আৰু যান-বাহন চলাচল কৰা লোকসকলেও যথেষ্ট অসুবিধাৰ সন্মুখীন হ'বলগীয়া হৈছে।
📍সেয়ে শিৱপুৰ অঞ্চলৰ নলা-নৰ্দমা শীঘ্ৰে পৰিষ্কাৰ কৰাৰ লগতে নিয়মীয়াকৈ ঘৰুৱা জাবৰ সংগ্ৰহৰ ব্যৱস্থা কৰিবলৈ গুৱাহাটী পৌৰ নিগমৰ ওচৰত দাবী জনাইছে স্থানীয় ৰাইজে।
📍লগতে আগন্তুক বৰষুণৰ সময়ত যাতে পুনৰ জলাবদ্ধতাৰ সৃষ্টি নহয়, তাৰ বাবে স্থায়ীভাৱে পানী নিষ্কাশন ব্যৱস্থা উন্নত কৰাৰ আহ্বান জনাইছে ৰাইজে।
