30/05/2026
আজি পুৱাৰ ভাগত গুৱাহাটীৰ উজানবজাৰ স্থিত গুৱাহাটী পৌৰ নিগমৰ কাৰ্যালয়ত এক বিশেষ সংবাদমেলত উপস্থিত থাকি গুৱাহাটী মহানগৰীৰ উন্নয়নৰ চালিকা শক্তি আৰু স্বচ্ছতাৰ জন আন্দোলনৰ ক্ষেত্ৰত এক গুৰুত্বপূৰ্ণ সিদ্ধান্ত গ্ৰহণ সম্পৰ্কে অৱগত কৰো। উন্নয়ন সমিতি, নাগৰিক সমিতি, মহিলা সমিতি, ক্লাব, সংঘকে আদি কৰি বিভিন্ন অনুষ্ঠান প্ৰতিষ্ঠানে স্বচ্ছতাৰ ক্ষেত্ৰত সকলোৱে সহায় সহযোগ কৰে।
সেইবাবে আমি অনাগত জুলাই মাহৰ পৰা স্বচ্ছতা প্ৰতিযোগিতা এখনিৰ আয়োজনৰ চিন্তা চৰ্চা কৰিছোঁ।
সকলোৱে এইধৰণৰ প্ৰতিযোগিতাত অংশগ্ৰহণৰ বাবে উৎসুকতাৰে আমাক সঁহাৰি আৰু আদৰণি জনাইছে। অহা ১৬ জুনৰ পৰা ৩০ জুনলৈকে তেওঁলোকৰ সৈতে আমি প্ৰতিযোগিতাৰ বিৱৰণ তথা আন আন কাৰ্যক্ৰমৰ বিষয়ে আমি আলোচনাত বহিম। উক্ত প্ৰতিযোগী সকলে ১ জুনৰ পৰা ১৫ জুনৰ ভিতৰত Division সমূহত গৈ পঞ্জীয়ন কৰিব পাৰিব।
অহা ১ জুলাইৰ পৰা ৩১ আগষ্টলৈ দুমাহ পৰ্যন্ত এই প্ৰতিযোগিতাখনি চলিব। এই বিশেষ স্বচ্ছতা প্ৰতিযোগিতাৰ মূল্যাংকন তথা চোৱা-চিতাৰ ক্ষেত্ৰত গুৱাহাটী পৌৰ নিগমে পৰ্যাপ্ত পৰিমাণে ভূমিকা গ্ৰহণ কৰাৰ লগতে সকলো সময়তে তদাৰক কৰিব।
ইয়াৰ লগতে আজিৰ এই বিশেষ সংবাদমেলত আৱৰ্জনা মুক্ত মহানগৰীৰ উদ্দেশ্য হাতত লৈ জনসাধাৰণৰ অধিক অংশগ্ৰহণক উৎসাহিত কৰিবলৈ ঘৰুৱা আৱৰ্জনা সংগ্ৰহৰ ব্যৱহাৰকাৰীৰ মাহিলী ৫০ ₹ৰ পৰা ৩০ ₹লৈ হ্ৰাস কৰা হৈছে আৰু লগতে ঘৰে ঘৰে আৱৰ্জনা সংগ্ৰহৰ দক্ষ যোগান অব্যাহত ৰখাটো নিশ্চিত কৰা হৈছে।
এই পদক্ষেপে স্বচ্ছ সুৰক্ষাত চহৰখনৰ প্ৰদৰ্শন উন্নত কৰাৰ লগতে অনাময় আৰু পৰিষ্কাৰ-পৰিচ্ছন্নতাৰ ক্ষেত্ৰত গুৱাহাটী পৌৰ নিগমৰ এই দায়িত্ব সৰ্বাংগীন উৎকৰ্ষ সাধনৰ বাবে।
আজিৰ এই বিশেষ সংবাদমেলত আমাৰ সৈতে উপস্থিত থাকে গুৱাহাটী পৌৰ নিগমৰ উপ-পৌৰপতি শ্ৰীযুতা স্মিতা ৰয় ডাঙৰীয়ানী, আয়ুক্ত শ্ৰীযুত চিন্ময় প্ৰকাশ ফুকন ডাঙৰীয়া প্ৰমুখ্যে গুৱাহাটী পৌৰ নিগমৰ আন আন সংশ্লিষ্ট বিষয়-ববীয়া সকল উপস্থিত থাকে।
গুৱাহাটী ও আমাৰ দায়িত্ব ও আমাৰ'।।
Mrigen Sarania CMO Assam
BJP Guwahati City District
