Brahmaputratimes Assam

11/07/2026

👋মুখ্যমন্ত্রীলৈ পত্র
🔯ষ্টাফ ৰিপৰ্টাৰ
ডিব্ৰুগড় উকীল সন্থাৰ সচেতন অধিবক্তা গনেশ গোহাঁই ফুকনে ডিব্ৰুগড়ত স্থাপিত অসম চৰকাৰৰ সচিবালয়ৰ যুটীয়া সচিবৰ যোগে অসমৰ মুখ্যমন্ত্ৰী ড° হিমন্ত বিশ্ব শর্মালৈ দ্বিতীয় মহানগৰী হিচাপে খ্যাত ডিব্ৰুগড়ৰ উন্নয়নৰ হকে এখন পত্ৰ প্ৰেৰণ কৰি এক ৰাজহুৱা দায়িত্ব পালন কৰিছে। পত্ৰখনৰ বিষয়বস্তু হৈছে-ডিব্ৰুগড়ত ডেবট ৰিকভাৰী ট্রাইবুনেল আৰু ৰেভিনিউ বৰ্ডৰ চাৰ্কিউট কর্ট ডিব্ৰুগড়ত গঠন কৰাৰ বাবে অনুৰোধ জনায়৷

ডিব্রুগড় চিকিৎসা মহাবিদ্যালয় পূর্ণাংগ ৰূপত উন্নীতকৰণ আৰু চণ্ডীগড় মেডিকেল চাইঞ্চ ইনষ্টিটিউটৰ দৰে উন্নত সেৱাৰ শিক্ষাৰ ব্যৱস্থা কৰা, অধিবক্তাগৰাকীয়ে এখন সম্পূর্ণ সা-সুবিধা, উচ্চ শিক্ষা ব্যৱস্থাৰ বাবে চিকিৎসা মহাবিদ্যালয়খন হ'ব প
লাগে বুলি পত্ৰখনত উল্লেখ কৰে।

লগতে উচ্চ শিক্ষাৰ বাবে উজনি অসমৰ উন্নত ব্যৱস্থা আৰু নিয়োগ ব্যৱস্থাৰ প্ৰয়োজনীয়তাৰ কথা পত্ৰত উল্লেখ কৰে। উল্লেখ্য যে গোহাঁয়ে ডিব্রুগড়ত পার্কিং সমস্যা সমাধানৰ বাবে বিভিন্ন পৰামর্শ পত্ৰখনত আগবঢ়াইছে। লগতে জিলা আৰু মহকুমাৰ আদালতৰ অধিবক্তাৰ বাবে স্বাস্থ্যবীমা, মেডিক্লেইম ব্যৱস্থাৰ বাবে পত্ৰখনত উল্লেখ কৰিছে।

ডিব্ৰুগড়ত এটা মেনেজিং কমিউনিটী হলৰ গুৰুত্ব উপলব্ধি কৰি অধিবক্তা গোহাঁই ফুকনে চৌকিডিঙ্গী কনভয় ৰোড, সেউজপুৰ, ডিব্ৰুগড় বিশ্ববিদ্যালয়ৰ কাষৰ-পাজৰ ঠাইত এনে হল স্থাপন কব্বিলৈ অনুৰোধ জনাইছে। সকলো বিষয় ৰাজহুৱা স্বাৰ্থৰ খাতিৰত সমাধা হব বুলি অধিবক্তাগৰাকীয়ে আশা প্রকাশ কৰিছে৷

25/06/2026

❤️পাঠকৰ দাবীত পুনৰ উলিয়াই দিয়া হল৷
💚আগ্ৰহী পাঠকে পঢ়ক৷
👽নাপালে হোৱাটছএপ কৰক:9954069955

25/06/2026

Story of Biswajit Barooah, Author

If you read any of the beloved author Biswajit Barooah’s stories—from the age of 9 to 99—some might make laughter slip through your lips, while others might bring tears to your eyes. A story based on a true incident may stir your heart and leave you speechless, while the pace and flow of another might awaken in you a deep sense of life’s meaning.

24/06/2026

24/06/2026

ডিব্ৰুগড়ত চেণ্টাৰ ফৰ ইছলামিক ষ্টাডিজৰ ২৮ সংখ্যক প্ৰতিষ্ঠা দিৱস পালন
াছিম_আলি
ডিব্ৰুগড়ৰ অন্যতম সামাজিক অনুষ্ঠান চেণ্টাৰ ফৰ ইছলামিক ষ্টাডিজৰ ২৮ সংখ্যক প্ৰতিষ্ঠা দিৱসৰ লগত সংগতি ৰাখি বাৰ্ষিক সভাৰ আয়োজন কৰা হয়। এই উদ্দেশ্যে ২১/৬/২০২৬ তাৰিখে ডিব্ৰুগড় ঈদগাহ ময়দান প্ৰেক্ষাগৃহত এখনি সাধাৰণ সভা অনুষ্ঠিত কৰা হয়।

সভাৰ আৰম্ভণিতে চৌকত আলিৰ কোৰআন তিলাৱতেৰে কাৰ্য্যসূচীৰ পাতনি মেলা হয়।সভাপতি চেহিৰ আহমেদে সঞ্চালনা কৰা সভাত উপসভাপতি আব্দুল খালেকে আলোচনাৰ পাতনি মেলি বিগত বছৰবোৰৰ বিস্তৃত খতিয়ান দাঙি ধৰে।সভাত চেণ্টাৰৰ বয়োজ্যোষ্ঠতম সদস্য আব্দুল হকে কয় যে নিজ ধৰ্মৰ বিষয়ে অধ্যয়ন কৰাৰ লগতে অন্যান্য ধৰ্মৰ বিষয়েও চিন্তা চৰ্চা কৰা একান্ত প্ৰয়োজন আছে। অনুষ্ঠানৰ অন্যতম প্ৰতিষ্ঠাপক সদস্য,বিশিষ্ট সাংবাদিক ইকবাল আহমেদে কয় যে মুচলমান সমাজখনক আগবঢ়াই নিবলৈ নব প্ৰজন্মক সুশিক্ষাৰে আগবঢ়াই নিব লাগিব। সদস্য,বিশিষ্ট চিকিৎসক ডাঃ ইণ্টিকাবুৰ ৰহমানে চেণ্টাৰৰ মুখপত্ৰ "অনুভূতি"খন বিভিন্ন অঞ্চললৈ লৈ পাৰিলে ইছলামী সমাজখনক বেলেগ সম্প্ৰদায়ে বুজি পোৱাত সহায়ক হ'ব বুলি ব্যক্ত কৰে।লগতে তেওঁ সমাজক কলুষিত কৰা ড্ৰাগছ সেৱনৰ দৰে ব্যাধি সমূহ আঁতৰোৱাৰ ক্ষেত্ৰত বিভিন্ন অঞ্চললৈ গৈ সজাগতা সভাৰ আয়োজন কৰাৰ পোষকতা কৰে। এই ক্ষেত্ৰত তেওঁ নিজেও সংগ দিয়াৰ প্ৰতিশ্ৰুতি প্ৰদান কৰে।

সভাত নতুন সদস্য তথা নিয়োগ বিনিময় কেন্দ্ৰৰ অৱসৰী বিষয়া চিতাৰা খাতুনে মহিলা সকলোকো অনুষ্ঠানটিৰ কাৰ্য পালনত অগ্ৰণী ভূমিকা গ্ৰহণ কৰাৰ পৰামৰ্শ দিয়ে।

জ্যেষ্ঠ সদস্য,অৱসৰী বন বিষয়া মুহিবুল আহমেদে চেণ্টাৰৰ মূল প্ৰতিষ্ঠাপক, বিশিষ্ট চিন্তাবিদ,ডাঃ মছউদুল হকৰ সকলো লেখনি একত্ৰিত কৰি এখন সংকলন উলিয়াবলৈ আহ্বান জনায়। সদস্য নাচিমুল গনিয়ে অনুষ্ঠানৰ লগত সংগতি ৰাখি এখন মাহেকীয়া "বুলেটিন" প্ৰকাশ কৰাৰ ওপৰত গুৰুত্ব আৰোপ কৰে। সভাত (সদস্য সকল) আব্দুল মজিদ, ৰফিক আহমেদ,ৰেহেনা বানু, মুহিবুল হুচেইন, চৌকত আলি, ইমৰাণ হুছেইন, আজিমুদ্দিন আহমেদকে আদি কৰি কেবাগৰাকীও সদস্যই বহুমূলীয়া পৰামৰ্শ আগবঢ়ায়।
সভাত ভাৰপ্ৰাপ্ত সম্পাদক, অধিবক্তা আব্দুল চাজিদে সভাৰ আৰম্ভণিতে উদ্দেশ্য ব্যাখ্যা কৰাৰ উপৰিও সামৰণিত শলাগৰ শৰাই আগবঢ়ায়।

20/06/2026

ডিবৰু সন্তান ডাঃ চাকিৰ আহমেদৰ সাফল্য : ২০২৫ চনৰ এচ চি আই গ্ল’বেল ৰেজিষ্ট্ৰীত বিশ্বৰ শীৰ্ষ ৫% বিজ্ঞানীৰ তালিকাত স্থান
াছিম_আলি
সংবাদদাতা, ডিব্ৰুগড়.
ডিব্ৰুগড়ৰ কনভয় ৰোড নিবাসী ডাঃ চাকিৰ আহমেদে ২০২৫ চনৰ Sci Rank গ্ল’বেল ৰেজিষ্ট্ৰীৰ মূল্যায়ন অনুসৰি বিশ্বৰ শীৰ্ষ ৫% বিজ্ঞানীৰ তালিকাত স্থান লাভ কৰিবলৈ সক্ষম হৈছে। বৰ্তমান তেওঁ ভুৱনেশ্বৰৰ কলিঙ্গা ইনষ্টিটিউট অৱ মেডিকেল চাইন্সেছৰ ৰিউমেট’লজি আৰু ক্লিনিকেল ইমিউন’লজি বিভাগত অধ্যাপক হিচাপে কৰ্মৰত।

ডাঃ আহমেদৰ গৱেষণামূলক প্ৰবন্ধ বহুতো ৰাষ্ট্ৰীয় আৰু আন্তঃৰাষ্ট্ৰীয় জাৰ্ণেলত প্ৰকাশ পাইছে। ইয়াৰ উপৰিও তেওঁ বৰ্তমান এখন খ্যাতনামা আন্তঃৰাষ্ট্ৰীয় জাৰ্ণেলৰ মুখ্য সম্পাদক হিচাপেও দায়িত্ব পালন কৰি আছে।তেওঁ দক্ষিণ-পশ্চিম এছিয়া, ইউৰোপ আৰু আমেৰিকা যুক্তৰাষ্ট্ৰৰ বিভিন্ন দেশত গৱেষণাপত্ৰ উপস্থাপনৰ বাবে আমন্ত্ৰণ লাভ কৰিছে। উল্লেখযোগ্য যে, শেহতীয়াকৈ ভাৰত চৰকাৰৰ উদ্যোগত নতুন দিল্লীত অনুষ্ঠিত ভাৰতীয় বিজ্ঞান কংগ্ৰেছত অংশগ্ৰহণৰ বাবে তেওঁ আমন্ত্ৰিত হৈছিল। ভাৰতৰ প্ৰধানমন্ত্ৰীয়ে উদ্বোধন কৰা এই সন্মানীয় অনুষ্ঠানত তেওঁ আমন্ত্ৰিত বিশিষ্ট যুৱ বিজ্ঞানীসকলৰ অন্যতম আছিল।

ছাত্ৰজীৱনৰ পৰাই ডাঃ আহমেদে শিক্ষাক্ষেত্ৰত অসাধাৰণ কৃতিত্বৰ পৰিচয় দিছিল। তেওঁ অসম মেডিকেল কলেজৰ পৰা এমবিবিএছ পৰীক্ষাত শ্ৰেষ্ঠ স্নাতক হিচাপে উত্তীৰ্ণ হৈছিল। পাছত একেই শিক্ষানুষ্ঠানৰ এমডি (মেডিচিন) পৰীক্ষাতো প্ৰথম স্থান অধিকাৰ কৰিছিল। ইয়াৰ পিছত বিশ্ববিখ্যাত ৰিউমেট’লজি বিশেষজ্ঞ অধ্যাপক ডাঃ আৰ. কে. মিশ্ৰৰ তত্ত্বাৱধানত লক্ষ্ণৌস্থিত SGPGI-ৰ পৰা নিজৰ বিশেষ বিষয়ত ডিএম ডিগ্ৰী লাভ কৰে। এখন খ্যাতনামা ইমিউন’লজি জাৰ্ণেলৰ মুখ্য সম্পাদক হিচাপে ডাঃ আহমেদে ৱাশ্বিংটন, ছান ডিয়েগো, ছিংগাপুৰ, মাদ্ৰিদ (স্পেইন), ফুকুওকা আদি বিশ্বৰ বিভিন্ন বৈজ্ঞানিক মঞ্চত গৱেষণাপত্ৰ উপস্থাপন কৰিছে। চলিত বৰ্ষত তেওঁ ছিউলত অনুষ্ঠিত এক আন্তঃৰাষ্ট্ৰীয় সন্মিলনত আমন্ত্ৰিত বক্তা হিচাপে অংশগ্ৰহণ কৰে। তদুপৰি, তেওঁ ৫০খনতকৈ অধিক জাৰ্ণেলৰ বাবে সমীক্ষক হিচাপে ১,৫০০ৰো অধিক গৱেষণাপত্ৰ মূল্যায়ন কৰিছে। ডাঃ আহমেদৰ উল্লেখযোগ্য সাফল্যসমূহৰ ভিতৰত ২০০৩ চনত নেচনেল টেলেণ্ট স্ক’লাৰশ্বিপ লাভ, ২০০৬ চনত এন চি চি গ্ৰেড -বি প্ৰমাণপত্ৰ অৰ্জন আৰু ভাৰত চৰকাৰৰ পৰমাণু শক্তি বিভাগে আয়োজিত ৰেডিঅ’ আইছ’টপৰ প্ৰয়োগ বিষয়ক প্ৰতিযোগিতাত প্ৰথম পুৰস্কাৰ লাভ অন্যতম। শেহতীয়াকৈ তেওঁ Springer Nature-ৰ সন্মানীয় “Distinguished Editor Award” লাভ কৰিছে।

ডাঃ আহমেদে ডিব্ৰুগড়ৰ ডন বস্ক’ বিদ্যালয়ত প্ৰাথমিক শিক্ষা গ্ৰহণ কৰে। ইয়াৰ পিছত ডিব্ৰুগড়ৰ ছল্ট ব্ৰুক একাডেমীৰ পৰা উচ্চতৰ মাধ্যমিক শিক্ষা সম্পূৰ্ণ কৰি অসম মেডিকেল কলেজত চিকিৎসা শিক্ষাত অধ্যয়ন কৰে। ডাঃ আহমেদ শিৱসাগৰৰ জয়সাগৰ মহাবিদ্যালয়ৰ অৱসৰপ্ৰাপ্ত পদাৰ্থ বিজ্ঞানৰ অধ্যাপক জেবিন আহমেদৰ একমাত্ৰ পুত্ৰ। তেওঁ অসম মেডিকেল কলেজৰ অস্থি চিকিৎসা বিভাগৰ প্ৰতিষ্ঠাপক অধ্যাপক আৰু বিভাগীয় মুৰব্বী স্বৰ্গীয় ডাঃ এ. জে. আহমেদৰ নাতি।

20/06/2026

📌অসমৰ চাহঃ তেজে লিখা ইতিহাস
A single Englishman is a lonely man,
Two Englishmen would establish a club,
Three would build an empire.

🔍প্ৰথম প্ৰকাশঃ ১৯৯৭
প্ৰকাশকঃ তপন শৰ্মা বৰুৱা (অসম জাতীয়তাবাদী যুৱ ছাত্ৰ পৰিষদ),ৰাইজমেল প্ৰকাশনৰ হৈ৷
🔍দ্বিতীয় প্ৰকাশঃ ২০০৫
ব্ৰহ্মপুত্ৰ প্ৰকাশন৷ ডিব্ৰুগড়৷
🔍তৃতীয় প্ৰকাশঃ যন্ত্ৰস্থ৷

ব্রিটিছৰ শাসন কালত কোৱা হৈছিল: এজন ব্রিটিছ চাহাব অকলশৰীয়া, দুজন ব্রিটিছ একত্ৰ হলে এটি ক্লাবৰ সৃষ্টি হয়, তিনিজন ব্রিটিছ সন্মিলিত হলে তেওঁলোকে সাম্রাজ্যই পাতে। অসমত এই এমুঠিমান ব্রিটিছে সৃষ্টি কৰিছিল এক বিশাল সাম্রাজ্য। এই সাম্রাজ্য হৈছে চাহ সাম্রাজ্য।

অসমৰ ওখ, সাৰুৱা, বানপানীয়ে নোচোৱা লাখ লাখ হেক্টৰ মাটিত চাহ গছ ৰোপণ কৰি ব্রিটিছসকলে গঢ়ি তুলিছিল এই বিশাল সাম্রাজ্য, যি সাম্রাজ্যই কম সময়তে কেৱল দেশৰে নহয়, বৰঞ্চ আজিও বিশ্ব অর্থনীতিৰ এক গুৰুত্বপূর্ণ অধ্যায়ত নিজৰ স্বর্ত অক্ষুণ্ণ ৰাখিবলৈ সক্ষম হৈ আহিছে।

অসমীয়া মানুহৰ ঘৰৰ পিৰালি চুকতে লাগি আছে এই সাম্রাজ্য: কিন্তু আমি চাহ শিল্পৰ অতীত আৰু বৰ্তমানৰ বিষয়ে জানিবলৈ কিমান ইচ্ছুক? এই প্রশ্নৰে উত্তৰ বিচাৰি গৈছিলো আমি। চাহ সাম্ৰাজ্যখনৰ ইতিহাসৰ পৃষ্ঠাইদি যিমানে আগবাঢ়ি গৈছিলো সিমানে বিস্ময় বিমূঢ় হৈছিলো৷

ৰহস্য, ৰোমাঞ্চ, চাছপেন্সৰ কি এক অপূৰ্ব সমন্বয়৷ লিখি উপযুক্ত ভাৱে পৰিৱেশন কৰাৰ যোগ্যতা নাই, কিন্তু কলম হাতত তুলি ললো নিজৰ অতীত গৌৰৱ সোঁৱৰণ কৰাৰ এই সোনালী সুযোগৰ সদ্ব্যৱহাৰ কৰাৰ উদ্দেশ্যেৰে, লগতে যাতে নৱ প্ৰজন্মও অৱগত হয় আমাৰ গৌৰৱমন্ডিত অতীতৰ বিষয়ে৷

সমগ্র বিশ্বজুৰি খদমদমাই থকা এই পানীয়বিধৰ নাম 'চাহ'- TEA শব্দটো কৰ পৰা উদ্ভৱ হল, এই সম্পর্কীয় অনুসন্ধান আৰু গবেষণা এতিয়াও শেষ হৈছে বুলি নোৱাৰি। এই প্রসিদ্ধ আৰু জনপ্রিয় পানীয় বিধৰ ওপৰত প্ৰকাশিত প্রথমখন গ্রন্থৰ নাম 'চা-চিং' যিখনৰ ৰচনাকাল ৭৫০ৰ পৰা ৭৮০ খ্ৰীষ্টাব্দৰ সময়চোৱাৰ বুলি অনুমান কৰিব পৰা গৈছে। চমুকৈ কবলৈ হলে চীনা ভাষাত লিখিত এই কিতাপখন বিশ্বৰ বিভিন্ন ভাষালৈ অনুবাদ হোৱাৰ পাছত চীনাসকলে ব্যৱহাৰ কৰা 'চা' শব্দটোৱেই জগত ব্যাপী প্রচলন হ'ল।

মূল 'THEA' ৰ পৰা সামান্য অপভ্রংশ হ'লগৈ TEA. চাহৰ বৈজ্ঞানিক নাম হ’ল camellia sinensis, ইয়াৰে চীনা প্ৰজাতিৰ চাহক camellia sinensis var sinensis আৰু ইয়াৰ পৰা কিছু পৃথক অসম প্ৰজাতিৰ চাহক camellia sinensis var assamica বুলি পৰিচিত৷ চেমুৱেল বাইডেনে ১৯৭৭ ত লিখা "টী ইন আসাম" গ্ৰন্থই অসম প্ৰজাতিৰ চাহক জগতবিখ্যাত কৰি তুলিলে আৰু অসমৰ চাহে পৃথক পৰিচিতি লাভ কৰিলে৷
বিশ্বৰ বজাৰত খদমদম তোলা এই চাহ প্রকৃততে কি সেয়া জানিবলৈ আমি কিছু অতীতলৈ ঘুৰি যাব লাগিব।

কেমেলিয়া চিনেচিছ প্রজাতিৰ এই উদ্ভিদ বিধৰ আৱিষ্কাৰ সম্পৰ্কত দুটা পুৰণি কাহিনী পৃথিৱী ব্যাপী প্রচলিত হৈ আছে। প্রথমটো কাহিনী চীন দেশৰ। পাঁচ হেজাৰ বছৰৰ পূৰ্বৰ কথা সেয়া। চীন দেশৰ শ্বেন নিউনাং নামৰ শাসনকর্তাজনৰ এটা অভ্যাস আছিল যে তেওঁ সদায় পানী উতলাই ঠাণ্ডা কৰিহে পান কৰিছিল। এবাৰ এনেদৰে পানী উতলাই থাকোতে কাষৰ এজোপা গছৰ পৰা কেইখিলামান পাত উৰি আহি পানীত পৰিলহি।

গছৰ পাতহে, কি হ'ব বুলি ভাবি সম্রাটেও পানীখিনি পেলাই নিদিলে। সম্রাটজনে এই পানীখিনি খাই অতি তৃপ্তি পালে আৰু পাছলৈ তেওঁ পানী উতলালেই এনেদৰে সেই গছজোপাৰ পাত পানীৰ সৈতে উতলাই পান কৰিবলৈ আৰম্ভ কৰিলে। সম্রাট শ্বেন ১৫০ বছৰ জীয়াই আছিল। কোৱা হয় এই গছৰ পাত কেইখিলাই আছিল চাহপাত।

দ্বিতীয়টো কাহিনী আমাৰ ভাৰতবৰ্ষৰে। এজন শাস্ত্রজ্ঞ বৌদ্ধ ভিক্ষুৱে দোভাগ নিশা পর্যন্ত সাধনাত বহিছিল; কিন্তু সমস্যাটো হ'ল নিশা বাঢ়ি অহাৰ লগে লগে নিদ্রাদেৱীয়ে তেওঁক হেঁচা মাৰি ধৰে। এনেদৰে নিদ্রাদেৱীয়ে বাৰম্বাৰ আমনি কৰাৰ বাবে অতিষ্ঠ হৈ এদিন তেওঁ নিজৰ চকুৰ পতা দুটিকে কাটি পেলায়।

কথিত আছে এই পতা দুটি সৰি পৰা স্থানতেই দুজুপি গছ একোলা দুকোলাকৈ বাঢ়ি আহিল। সেয়াই চাহগছ। সেয়ে চাহপানী পান কৰিলে বহু দেৰিলৈকে টোপনি নহাকৈ থাকিব পৰা যায় বুলি লোকবিশ্বাস আছে।

এনে ধৰণৰ পৌৰাণিক কাহিনীসমূহৰ সত্যতাৰ ভেটি কিমান শক্তিশালী সেয়া কব পৰা নাযায়; কিন্তু এটা কথা স্বীকাৰ কৰিবই লাগিব যে সমগ্র বিশ্বজুৰি চাহৰ দৈনিক চাহিদা অনুমানিক তথ্য অনুযায়ী খ্ৰীষ্টজন্মৰ পূৰ্বেই দৈনিক আঠ কোটি কাপ।
পঢ়ি ভাল পাব৷
#গ্ৰন্থসুবাস
#গ্ৰন্থ
#সুবাস


#কিতাপ

#উপন্যাস
#গল্প
#আলোচনী
#বাতৰিকাকত
#কবিতা

13/06/2026

ডিব্ৰুগড়ৰ ডিব্ৰু স্প'ৰ্টছৰ স্বত্বাধিকাৰী বিশিষ্ট ব্যৱসায়ী মুহিদুৰ ৰহমানৰ মৃত্যু
াছিম_আলী
ডিব্ৰুগড়ৰ পাঁচআলি নিবাসী, বিশিষ্ট ব্যৱসায়ী , ডিব্ৰু স্প'ৰ্টছ মাৰ্টৰ স্বত্বাধিকাৰী মুহিদুৰ ৰহমান কিছুদিন ৰোগাক্ৰান্ত হৈ থাকি কালি সন্ধিয়া ৫৭ বছৰ বয়সত মৃত্যু হয়। সকলোৰে মাজত মুন্না নামে পৰিচিতি ডিব্ৰুগড়ৰ পাঁচআলিত জন্ম গ্ৰহণ কৰা ৰহমানৰ পিতৃ আছিল অসমৰ এগৰাকী খ্যাতনামা ফুটবল খেলুৱৈ মৰহুম ৰফিউৰ ৰহমানৰ কনিষ্ঠ পুত্ৰ।

ডিব্ৰুগড়ৰ বিভিন্ন সামাজিক কামত জড়িত থকাৰ লগতে পায়নিয়াৰ স্পৰ্টিং ক্লাবৰ এগৰাকী সক্ৰিয় সদস্য আছিল। এগৰাকী অমায়িক ব্যক্তি হিচাবে পৰিচিত মুহিদুৰ ৰহমানে মৃত্যুৰ সময়ত পত্নী, এগৰাকী কন্যা, আৰু এজন পুত্ৰ সন্তান ইহ সংসাৰত এৰি থৈ যায়।

ৰহমানৰ জানাজা আজি ডিব্ৰুগড়ৰ স্থানীয় আমোলাপট্টি কবৰ স্থানত অনেক গুণমুগ্ধৰ উপস্থিতিত সম্পন্ন কৰা হয়। তেখেতৰ অকাল বিয়োগত ডিব্ৰুগড় জিলা ক্ৰীড়া সন্থাৰ সভাপতি নিৰঞ্জন শইকীয়া, কাৰ্য্যকৰী সভাপতি মানস জ্যোতি দত্ত, সাধাৰণ সম্পাদক কামাখ্যা শইকীয়া, ডিব্ৰুগড় ক্ৰিকেট কোচিং চেণ্টাৰৰ সভাপতি জ্ঞান প্ৰকাশ শৰ্মা আৰু সাধাৰণ সম্পাদক চেলিম আহমেদ,ডিব্ৰুগড়ৰ চেণ্টাৰ ফৰ ইছলামিক ষ্টাডিজ,পাঁচআলি মছজিদ কমিটি, থলগিৰি মুছলিম জাতীয় ঐক্য পৰিষদ, #ব্ৰহ্মপুত্ৰ_সাহিত্য_গোষ্ঠী আদিকে ধৰি অনেক অনুষ্ঠান প্ৰতিষ্ঠানে তেওঁৰ মৃত্যুত শোক প্ৰকাশ কৰাৰ লগতে শোকসন্তপ্ত পৰিয়াললৈ সমবেদনা জ্ঞাপন কৰে।

12/06/2026

📌হিয়া চুই যোৱা কলমৰ অন্য নাম বিশ্বজিৎ বৰুৱা৷
🔍একেটা ক্লিকতে উপলব্ধ ’এমাজন’ত৷
✔অসুবিধা পালে খবৰ কৰকঃ 9954069955.