Achyut kumar

25/04/2025

সন্ত্রাসবাদী
হেৰ নৰপিশাচৰ দল
ধর্ম ধর্ম কৈ অধর্ম কৰিছ
মানৱতা কবৰ দি ৰাখিছ
হাঁহি ধেমালি স্ফূৰ্তিৰ জীৱনত
নমাই আনিছ
মৃত্যুৰ বিভীষিকা
বুজিব নোৱাৰিলি
কাহানিও তহঁতে
হেৰুৱাৰ বেদনাত
বুকু ভগা মানুহৰ
চিৎকাৰ আর্তনাদ
হেৰ ধৰ্মান্ধহঁত
তহঁতৰ মূল্য ক'ত
জীৱনৰ অৰ্থ ক'ত
আনৰ জীৱনৰ মূল্য
অর্থ নুবুজিলি
ফুল কুমলীয়া
শিশুহঁতৰ মুখৰ
মাত কাঢ়িলি
বহু নাৰীক কৰিলি বিধৱা
মোৰ দেশত বোৱাই দি দুখৰ বতাহ
তহঁত সাৰি যাব নোৱাৰিবি
তহঁতৰ ধ্বংস অনিবার্য |

[ পেহেলগাম হত্যাকাণ্ডৰ দুখত ]

17/04/2025

বিহুৰ হুচুৰি দল মৰাণৰ তিলৈ নগৰত

15/04/2025

16/01/2025

শিল্পী ৰাজীৱ শদিয়া ই অসমীয়া
জাতিৰ অৱনমিত হব ধৰা চিন্তা চেতনাক জোগাবলৈ সচেতন কৰিবলৈ অহৰহ গানৰ
মাজেৰে কথাবোৰ কলে চিঞৰিলে কিছুৱে
হয়তো শুনি পালে আন বহুতে নুশুনিলেই বা শুনাৰ চেষ্টা নকৰিলে কিছুৱে শুনিও নুশুনাৰ ভাও ধৰিলে | যাৰ বাবে তেওঁৰ অৱৰ্তমানত আজি বহুতৰে বুকু ভাগিছে কান্দিছে
জাতিক জগাব খোজা লৰাটো বৰ দুখ লৈ
যেন অভিমান কৰি গুচি গ'ল |

15/10/2022

উপাই নাই (অনুগল্প )
ইমান দিনৰ মূৰত আহিছা ভাত খাই যাবা । অনিতাৰ মাকে জয়ক ক'লে ।
হয় নেকি আনটি । (জয়ে মনে মনে ভাবিলে ছোৱালীৰ মাকে কৈছে যেতিয়া হয় ভৰ দিয়াই ভাল বেয়া পোৱাতকৈ ।)
হব দিয়ক কৈছে যেতিয়া ।
অনিতা আৰু মাক পাকঘৰলৈ গ'ল - অ ' মা ই দেখোন একে কোবেই খাম বুলিয়ে হয়ভৰ দিলে । কি কৰা যায় এতিয়া লাজ মান যাব । তুমি হে বৰ ভাত খাই যাবা ভাত খাই যাবা কৰিছা । একো এটা নাই ঘৰত ।
হ'ব ৰবা কিবা এটা কৰিম ।
মাক পাকঘৰৰ পৰা উধাতু খাই আহি জয়ক কলে । দেখিছা নে জয় এই মেকুৰীটোৰ পৰা উপাই নোহোৱা হৈছে । কিমান যতনেৰে তুমি আহিবা বুলি মাছ ভাত বনালো । মুখ দি গোটেই নষ্ট কৰিলে ।
জয় - এহ হয় নেকি । অইন এদিন খাম দিয়ক ।
অনিতাৰ মাক - ইছ্ নহ'ব বোপাই । তুমি সাউট কৰে গৈ যোগেনৰ দোকানৰ পৰা লোকেল মুৰ্গী এটা গেলামালৰ দোকানী তগৰৰ পৰা জহা চাউল ১ কেজি আনিলে হল । মোৰ কথা কৈ বাকীত আনিবা ।
জয় - হ'ব আনটি । ছোৱালীৰ মাকে বস্তু অলপ আনিব দিছে বাকীত আনিম নে ।
বাটে বাটে জ্য়ে হিচাপ কৰিছে ৫০০ + ৭০ =৫৭০ টকা । হৈ যাব ।
ইপিনে জয়ৰ বন্ধু কেইজনে ৰৈ ৰৈ খঙে উঠি গৈছে । আজি জয়ে খানা এটা দিয়াৰ কথা আছিল সিহঁতক ।
কি হ'ল জয় - জয় আহি পোৱাত বন্ধু কেইজনে সুধিলে - ইমান দেৰি কৰিলি যে । দে টকা সোনকালে দোকানে বন্ধ হ'ব এতিয়া ।
জয়- আজি থাক দে । মোৰ খানাৰ পইচাটো বেলেগত খৰছ হল অ' ।
বন্ধু কেইজন- (খঙত) ফাঁকিবাজ , তোক কোনে বিশ্বাস কৰে । গোটেই কেইজন বন্ধু আতৰি গ'ল ।
জয় - উপাই নাই ।

11/10/2022

চাইদ বিজনেচ (অনুগল্প )
Night চুপাৰ গাড়ী খন গুৱাহাটীৰপৰা আহি ৰৈ গ'ল আমনিত । সকলোৱে ভোকৰ প্ৰয়োজন অনুসৰি খাদ্য খায় ললে । আকৌ গাড়ী খনে যাত্ৰা আৰম্ভ কৰিলে । বহুসময়ৰ নিৰৱতা ভাঙি প্রথম ব্যক্তিজনে আনজনক উদ্দেশ্যি আৰম্ভ কৰিলে এটি দুটি কথা । একদম মনে মনে গৈ ভাল নালাগে দে চোন ।
১ ম ব্যক্তি আপুনি ক'লৈ যাব?
২য় ব্যক্তি তিনিচুকীয়ালৈ । আপুনি ক'লৈ যাব ?
১ ম ব্যক্তি - জাগুনলৈ ।
২ য় ব্যক্তি- ও হয় নেকি ।
আপুনি তাত কি কৰে চাকৰি নে বিজনেচ ।
১ ম ব্যক্তি - মোৰ এটা চাইদ বিজনেচ আছে । মাহে ৫০ হাজাৰ মান আহে ।
২ য় ব্যক্তি - ঐ বাপৰে ! চাইদ বিজনেচ ৰ পৰা ৫০ হাজাৰ - মেইন বিজনেচটো তু ডাঙৰে হ'ব চাগে । সুধো নসুধো কৈ সুধিলে ।
আপোনাৰ মেইন বিজনেচটো নো কি?
১ ম ব্যক্তি - মেইন বিজনেচ টো বিচাৰি হে আছো ।

06/10/2022

ছাঁয়া ছবি

05/10/2022

অলপ কথা
এডাল গছ এশ সন্তান সমান কথাটো এই বাবে কোৱা হয়- গছ অক্সিজেনৰ ভান্ডাৰ । লগতে পৰিবেশ শীতল ৰখাৰো । এডাল ডাঙৰ গছে এদিনত প্রায় সাতশ লিটাৰ পানী এৰে । অক্সিজেনোও সেই অনুপাতে মানুহৰ প্ৰয়োজন পূৰণ কৰি থাকে । জনসংখ্যা আৰু গাড়ী-মটৰৰ পৰা ভাবিব নোৱাৰাকৈ দৈনন্দিন কাৰ্বন - ডাই- অক্সাইড , কাৰ্বন - মন- অক্সাইড ওলাই আছে। এশ বছৰ পুৰণি গছ এডাল কোনোঠাইত কাটিব লগা হলে এশ বাৰ ভাবক । গছ বচাওক মানুহ বাচিব । গছেহে কাৰ্বন- ডাই - অক্সাইড আৰু অক্সিজেনৰ সমতা ৰক্ষা কৰি থাকে ।

01/10/2022

মেজেংকৰী
গৰু গাড়ীৰ পিছফালে ধুলি ধুলি কিজে মজা লাগিছিল । গৰুৰ গলধনত টিলিং টিলিং টিলিঙা বাজিছিল । গাৰোৱানে লৰু দালেৰে আমালৈ বুলি কোব এটা মাৰি ভয় খুৱাইছিল - এবাৰ এৰি দি আকৌ ধুলিছিলো । সেয়া অতীত মাথোন ৰোমন্থন কৰিছো । ভাল লাগে দেচোন ।