28/06/2025
অহা ১ আগষ্টলৈ আন এখন ছবিৰ প্ৰস্তুতি…
৭০-৮০ দশকৰ বাস্তৱধৰ্মী ঘটনাক লৈ "কলাজ" -
আন এখন অসমীয়া ছবিৰ শুভমুক্তিৰ খবৰ। যিখন ছবিৰ বাবে মুক্তিৰ পূৰ্বেই পৰিচালক অমৰ দীপ গগৈয়ে লাভ কৰিছে "সপ্তম শৈলধৰ চলচ্চিত্ৰ বঁটা"ত শ্ৰেষ্ঠ পৰিচালকৰ খিতাপ। "কলাজ"ৰ মুক্তি অহা ১ আগষ্ট তাৰিখে।
এই ছবিখনত আপুনি ৭০-৮০ দশকৰ অসমৰ পটভূমিত ঘটা সঁচা কাহিনীক প্ৰত্যক্ষ কৰিবলৈ পাব। আলফা, নক্সালবাদ, আলফা স্বাধীনৰ গঠনকে আদি কৰি অসম আৰক্ষীৰ দমনমূলক নীতি ইত্যাদিৰ এখন বাস্তৱ ছবি আপুনি দেখিবলৈ পাব "কলাজ"ত। অৱশ্যে এনে সঁচা কাহিনীক চিত্ৰায়ন কৰাৰ বাবেই ছবিখনৰ নাম দিয়া হৈছে "কলাজ"। ছবিখনৰ শেহতীয়াকৈ দুখনকৈ পষ্টাৰ মুকলি কৰাৰ লগতে মুক্তিৰ তাৰিখ ঘোষণা কৰা হয়।
ছবিখনৰ পৰিচালনা আৰু চিত্ৰনাট্য অমৰ দীপ গগৈৰ, কাহিনী আৰু প্ৰযোজনা সুমিত্ৰা হাজৰিকাৰ। চিত্ৰগ্ৰহণ নাহিদ আহমেদৰ। অভিনয়ত আছে ক্ৰমে কুল কুলদীপ, ৰাজীব কলিতা, দীপজ্যোতি কাকতি, মেঘালী কলিতা, দীপক তাঁতী , অপু অপূৰ্ব বৰ্মন, ৰাজু ৰয়, অন্তৰা জি জি চৌধুৰী, বিদ্যা ভাৰতী, কৃষ্ণা কল্যাণী, কাব্যশ্ৰী হাজৰিকা, লক্ষ্যজিত বৰুৱা, বিশ্বজিৎ বৰা, বিনোদ লাল দাস, মহেন্দ্ৰ দাসৰ লগতে প্ৰাণজিৎ বসুমতাৰী। ছবিখনত সংগীতৰ দায়িত্ব বহন কৰিছে সৌৰভ মহন্তই, শব্দ গ্ৰহণ আৰু মিশ্ৰণ দেৱজিত গায়নৰ, ডি আই ঘনশ্যাম কলিতাৰ। সম্পাদনা ডৰেন্দ্ৰ অবেৰাম সিঙৰ।
Kula Kuldiip
゚viralシfypシ゚viralシalシ
