13/03/2024
https://www.facebook.com/share/p/ZXxJUaGZ2obBNsXQ/?mibextid=qi2Omg
প্ৰয়াত নিপন গোস্বামীৰ আন এখন ছবি "পিঞ্জৰা"
কায়িকভাৱে নাথাকিলেও সমৃদ্ধ কৰি ৰাখিছে অসমবাসীক-
অভিনয় জগতৰ অন্যতম মহীৰূহ তথা উজ্জ্বল নক্ষত্ৰ স্বৰূপ প্ৰয়াত নিপন গোস্বামী দেৱে পূৰ্বে অভিনয় কৰি যোৱা এখন অসমীয়া ছবি বৰ্তমান মুক্তিৰ পথত। ছবিখনৰ নাম "পিঞ্জৰা"। তেখেতে জীয়াই থকা সময়লৈকে যিমান অসমীয়া ছবিৰ উপহাৰ অসমবাসীলৈ আগবঢ়াইছে তাৰ সমানেই কায়িকভাৱে নাথাকিলেও তেখেতৰ অনুপস্থিতি অনুৰাগীক অনুভৱ হ'বলৈ দিয়া নাই।
JRM ৰ বেনাৰত নিৰ্মিত "পিঞ্জৰা" ৰ কাহিনীভাগে দুগৰাকী বান্ধৱীৰ বন্ধুত্বৰ দিশত থকা সততা, নিষ্ঠা আৰু মৰমক প্ৰতিফলিত কৰিছে। ইজনীৰ বাবে আনজনীয়ে কৰা ত্যাগৰ কাহিনীয়ে হৈছে "পিঞ্জৰা"। অসীম হাজৰিকাৰ দ্বাৰা পৰিচালিত এই ছবিখনৰ প্ৰযোজনা আৰু কাহিনীভাগ হৈছে ৰুণা লাইলাৰ। সহঃ প্ৰযোজক হিচাবে আছে জাহানগিৰ আলম। বেকগ্ৰাউণ্ড স্কৰ বিৰাজ বৰাৰ, চিত্ৰনাট্য আৰু মুখ্য সহকাৰী পৰিচালকৰ দায়িত্বত আছে দিগন্ত বৰাৰ লগতে সহঃ পৰিচালক হেমন্ত হীৰু। দৃশ্যগ্ৰহণ হীৰক জ্যোতিৰ।
ছবিখনত নিপন গোস্বামীৰ লগতে অভিনয় কৰিছে কিংকিনী ভট্টাচাৰ্য, উদয়ন দুৱৰা, বিদ্যা ৰাও, চিমি ৰায়ন, ৰূপম বৰুৱা, বন্দনা বৰুৱা, তুহিন কন্যা বৰা, পাৰ্ণিকা চৌধুৰী আৰু আন বহু ন-পুৰণি অভিনেতা-অভিনেত্ৰীয়ে। অতিথি শিল্পী ড° জয় বৰা।
