Purbayon Publication

01/04/2026

https://www.facebook.com/share/14XQGSG18e3/

Suprakash Bhuyan

24/03/2026

08/03/2026

এখন প্ৰাচীন চহৰ। বুকুৱেদি বৈ গৈছে ভাগীৰথী গংগা। শিৱৰ জঁটাৰে সৰগৰ পৰা মৰ্ত্যলৈ নামি অহা সেই জাহ্নৱী গংগা; যাৰ পাৰতে যুগ-যুগান্তৰৰ ইতিহাস,উদ্ভাসি উজলি আছে পৃথিবীৰ এক পুৰাতন চহৰ।

নাম 'কাশী' ---- The City of Light.
'পোহৰৰ নগৰী' এই কাশীয়েই 'বৰুণা' আৰু 'অসি' নদীৰ নামেৰে আজিৰ 'বাৰাণসী'।

স্বয়ং মহাদেৱৰ বাস হেনো এই চহৰ ! বিশ্বাস কৰা হয়, শিৱৰ ত্ৰিশূলৰ ওপৰত শিৰোন্নত কৰি থিয় দি থকা এই চহৰ চিৰ অক্ষত, চিৰ জীৱন্ত।

প্ৰেম আৰু প্ৰাৰ্থনাৰ চহৰ --- কাশী।

জীৱনৰ শেষ ঠিকনা আৰু মোক্ষ প্ৰাপ্তিৰ দুৱাৰ --- কাশী।

ঘাটে ঘাটে অলেখ মঠ-মন্দিৰ সাৱটি, বাটে-পথে অযুত কাহিনী- -আখ্যান-কিংবদন্তি সামৰি গংগাৰ পাৰত সম্ভ্ৰমেৰে জিলিকি থকা সদা উজ্জীৱিত চহৰখনৰ আমন্ত্রণ যেন বহু যুগৰ!

অৱশেষত সেই আমন্ত্রণ ৰক্ষাৰ আকাংক্ষিত দিনটি আহিল। সৌভাগ্য নে সংযোগ নাজানো;শিৱৰাত্ৰিৰ দিনাই কাহিলী পুৱাতেই ওলালোঁ সেই শিৱৰ নগৰী কাশীলৈ, পৃথিৱীৰ এখন প্ৰাচীনতম জীৱন্ত চহৰলৈ...

কিমান পুৰণি বাৰু এই চহৰ!
প্ৰখ্যাত আমেৰিকান লেখক মাৰ্ক টোৱেইনে কৈছে --

"Benaras is older than history, older than tradition, older even than legend and looks twice as old as all of them put together "

07/03/2026

তথ্য-প্ৰযুক্তিৰ যুগত শেহতীয়াকৈ বিশ্ব সাহিত্যই যি মাধ্যমৰ বাটেৰে আগবাঢ়িছে সেই একেই বাটেৰে অসমীয়া সাহিত্যয়ো বাট বোলাতো সময়ৰ আহ৩ান৷ সম্প্ৰতি বিশ্বৰ পশ্চিমীয়া দেশসমূহত এনে সাহিত্য একক বিদ্যায়তনিক বিষয় বা বিভাগৰূপে সমাদৃত আৰু স্বীকৃত৷ তাৰ বিপৰীতে তেনে সমাদৰ আৰু স্বীকৃতি আমাৰ দেশৰ শৈক্ষিক-সাহিত্যিক মহলৰপৰা পাবলৈ এতিয়াও বহুদূৰ বাকী৷ নব্য মাধ্যমৰ সাহিত্য সম্পৰ্কে বিশ্বৰ অন্যান্য ভাষাত ইতিমধ্যে বহু গ্ৰন্থ প্ৰকাশ হৈছে যদিও অসমত কেৱল ড॰ পৰিণীতা বৰাইহে ‘‘নব্য মাধ্যমত সাহিত্য : তত্ত্ব আৰু বিচাৰ’’ নামৰ গ্ৰন্থখনৰে সেই অভাৱ পূৰণ কৰিছিল৷ পৰৱৰ্তী সময়তো তেনে এক চিন্তাৰেই সাহিত্য, সমাজ, সংস্কৃতি, ভাষা আদি ক্ষেত্ৰলৈ নব্য মাধ্যমে আনি দিয়া ন-ন চিন্তা, সম্ভাৱনীয়তা, সম্পৰ্ক তথা প্ৰভাৱক সামৰি “সাহিত্যত নব্য বীক্ষণ” নামেৰে তেওঁ দ্বিতীয়খন গ্ৰন্থ প্ৰকাশৰ পথত আগবাঢ়িছে৷ এই গ্ৰন্থখনে বিশেষকৈ নব্য মাধ্যমত সাহিত্য সম্পৰ্কীয় চিন্তা, সংজ্ঞা, অধ্যয়ন, বহুকেইখন বৈদ্যুতিন সাহিত্য গ্ৰন্থৰ পৰিচয়, অসমীয়া ই-গ্ৰন্থৰ ধাৰণা, ইতিহাস, ভৱিষ্যত আৰু বৈদ্যুতিন অভিধানকে আদি কৰি সাহিত্যৰ লিখন কৰ্মত অত্যাধুনিক এ. আই. সঁজুলিৰ ব্যৱহাৰ, অসমীয়া আৰু বাংলা ভাষাৰ প্ৰথমখন বৈদ্যুতিন আলোচনীৰ বিষয়ে তুলনামূলক আলোচনাকো সামৰি লৈছে৷ নব্য মাধ্যমৰ ব্যৱহাৰ এতিয়া আৰু সাহিত্যৰ ক্ষেত্ৰখনৰপৰা যে নিলগত নহয় এই কথা নবীনৰ দৰে প্ৰবীনেও বুজি উঠি স্বীকাৰ কৰিবৰ হ’ল বুলি মই বিশ্বাস কৰোঁ৷ ড॰ বৰাৰ এই গ্ৰন্থখনে নি(য় সেইটো বাৰ্তা দিবলৈ সক্ষম হ’ব বুলি মোৰ বিশ্বাস৷
--- ময়ূৰ বৰা

06/03/2026

গল্পকাৰ হিচাপে এক সুপৰিচিতি লাভ কৰিলেও অন্যান্য গদ্য ৰচনাতো অপু ভৰদ্বাজৰ নিজস্ব গদ্য ৰীতিৰ আভাস পোৱা যায়৷ অসমীয়া ভাষাটোৰ এটা সৰস, সমৃদ্ধ ৰূপ তেওঁৰ গদ্যত উপলব্ধ৷ তদুপৰি কাহিনী কথক হিচাপে তেওঁৰ আকষৰ্ণীয় বাক-ৰীতিৰ চমৎকাৰিত্বয়ো পঢ়ুৱৈক সততে মোহাৱিষ্ট কৰে৷ এই কথাৰ প্ৰতিফলন ঘটিছে ‘আপঁইতা গল্পৰ টোম’ত৷ ইয়াত থকা ৰচনাসমূহৰ শাহটো আত্মজৈৱনিক যদিও আনুষংগিক বিভিন্ন প্ৰসংগ- অনুসংগই দিছে এক ৰসময় আয়তন৷