Samay Samachar

Directions Website

Samay Samachar 05 August 1974
(1)

29/09/2026

વડાલીમાં એક્સપ્લોઝિવ સામગ્રી સાથે એક આરોપી ઝડપાયો
મારુતી-800માંથી નાઇટ્રેટ મિક્ચર ટોટા, ડિટોનેટર કેપ અને કોડ વાયર સહિત રૂ.60,373નો મુદ્દામાલ કબજે

સાબરકાંઠા એસ.ઓ.જી. પોલીસે એટીએસ ચાર્ટર અંતર્ગત કામગીરી હાથ ધરી વડાલી પોલીસ સ્ટેશન વિસ્તારમાં ધામડી ગામની સીમમાંથી એક્સપ્લોઝિવ સામગ્રી સાથે એક આરોપીને ઝડપી પાડ્યો હતો. પોલીસે આરોપીની મારુતી-800 કારમાંથી નાઇટ્રેટ મિક્ચર ટોટા, ડિટોનેટર કેપ, કોડ વાયર અને બેટરી સહિતનો મુદ્દામાલ કબજે કર્યો હતો.

મળેલ માહિતી મુજબ એસ.ઓ.જી.ની ટીમ વડાલી પો.સ્ટે. વિસ્તારમાં પેટ્રોલિંગમાં હતી. દરમિયાન પોલીસ કર્મચારીઓને મળેલી બાતમીના આધારે ધામડી ગામની સીમમાં તપાસ હાથ ધરવામાં આવી હતી. જેમાં સુમિતસિંહ ચેનસિંહ રાજપૂત, મૂળ રહે. ભીલવાડા, રાજસ્થાન તથા હાલ ઇડર ખાતે રહેતા ઇસમની કબજાની મારુતી-800 કારમાંથી એક્સપ્લોઝિવ સામગ્રી મળી આવી હતી.

પોલીસે નાઇટ્રેટ મિક્ચર ટોટા 14 નંગ, ડિટોનેટર કેપ 75 નંગ, આશરે 75 મીટર કોડ વાયર, બેટરી અને મારુતી-800 કાર સહિત કુલ રૂ.60,373નો મુદ્દામાલ કબજે કર્યો હતો.

આ મામલે વડાલી પોલીસ સ્ટેશન ખાતે એક્સપ્લોઝિવ એક્ટ હેઠળ કાર્યવાહી કરી આરોપીને વધુ તપાસ માટે વડાલી પોલીસને સોંપવામાં આવ્યો છે. આ ઉપરાંત ચેનસિંહ રેવતસિંહ રાજપૂત (ચૌહાણ), રહે. ભીલવાડા, હાલ ઇડર, ફરાર હોવાનું પોલીસે જણાવ્યું છે અને તેની શોધખોળ હાથ ધરવામાં આવી છે.

એક વર્ષથી ફર્લો પર ફરાર હત્યા કેસના બે પાકા કેદી ઝડપાયાસાબરકાંઠા LCBની કાર્યવાહી,બહીયલ ગામેથી બંને કેદીઓને ઝડપી અમદાવાદ ...
29/09/2026

એક વર્ષથી ફર્લો પર ફરાર હત્યા કેસના બે પાકા કેદી ઝડપાયા
સાબરકાંઠા LCBની કાર્યવાહી,બહીયલ ગામેથી બંને કેદીઓને ઝડપી અમદાવાદ મધ્યસ્થ જેલમાં મોકલાયા

સાબરકાંઠા જિલ્લામાં નાસતા ફરતા તેમજ પેરોલ-ફર્લો પર ફરાર કેદીઓને ઝડપી પાડવા ચાલી રહેલી કામગીરી અંતર્ગત લોકલ ક્રાઇમ બ્રાન્ચે હત્યાના ગંભીર ગુનામાં સજા ભોગવી રહેલા અને છેલ્લા એક વર્ષથી ફર્લો પર ફરાર બે પાકા કેદીઓને ઝડપી પાડ્યા છે.

પોલીસની માહિતી મુજબ, હિંમતનગર એ ડિવિઝન પોલીસ સ્ટેશનમાં નોંધાયેલા હત્યાના ગુનામાં ઈ.પી.કો. કલમ 302, 120(બી) અને 201 હેઠળ સજા પામેલા કિશનસિંહ બાલાજી મકવાણા, રહે. નનાનપુર, તા. પ્રાંતિજ અને સરસ્વતીબેન ડો./ઓ. વિક્રમસિંહ જવાનસિંહ પરમાર, રહે. સાગપુર, તા. તલોદ, અમદાવાદ મધ્યસ્થ જેલમાં સજા ભોગવી રહ્યા હતા.

બંને કેદીઓને તા. 15 ઓક્ટોબર 2025ના રોજ ફર્લો રજા પર મુક્ત કરવામાં આવ્યા હતા અને તા. 30 ઓક્ટોબર 2025ના રોજ જેલમાં પરત હાજર થવાનું હતું. જોકે, બંને કેદીઓ નિયત સમયે જેલમાં પરત ન ફરતાં ફર્લો પરથી ફરાર જાહેર થયા હતા.
આ દરમિયાન LCBની ટીમે બંને કેદીઓની શોધખોળ હાથ ધરી હતી. તેઓ પોતાના દર્શાવેલા સરનામે રહેતા ન હોવાનું અને અલગ-અલગ સ્થળોએ રોકાઈને છુપાઈ રહ્યા હોવાની માહિતી મળતી હતી. તપાસ દરમિયાન LCBને બાતમી મળી હતી કે બંને કેદીઓ દહેગામ તાલુકાના બહીયલ ગામમાં હાજર છે.

બાતમીના આધારે LCBની ટીમે બહીયલ ગામ ખાતે તપાસ કરતાં બંને કેદીઓ મળી આવ્યા હતા. પોલીસે બંનેને ડિટેઇન કરી બાકીની સજા ભોગવવા માટે અમદાવાદ મધ્યસ્થ જેલ ખાતે મોકલી આપ્યા હતા.

આ કાર્યવાહી પોલીસ અધિકારીઓની સૂચના અને LCB PI ડી.સી. સાકરિયાના માર્ગદર્શન હેઠળ PSI આર.કે. જોષી તથા PSI વી.આર. ચૌહાણની રાહબરીમાં LCB ટીમે હાથ ધરી હતી.

29/09/2026

સાબરકાંઠા જિલ્લા દિવેલા તેલીબિયાં સંઘની 36મી સાધારણ સભા ઈડર ખાતે યોજાઈ હતી. સંઘની આ સામાન્ય સભામાં સાબરકાંઠા અને અરવલ્લી જિલ્લાના આગેવાનો તેમજ ખેડૂત અગ્રણીઓ ઉપસ્થિત રહ્યા હતા. સભામાં સંઘના વાર્ષિક અહેવાલ સહિત આગામી આયોજન અંગે ચર્ચા કરવામાં આવી હતી.
ઈડર ખાતે સાબરકાંઠા જિલ્લા દિવેલા તેલીબિયાં સંઘની 36મી સાધારણ સભાનું આયોજન કરવામાં આવ્યું હતું. સિદ્ધાર્થ પટેલની મુખ્ય ઉપસ્થિતિમાં યોજાયેલી સભામાં સાબરડેરીના ચેરમેન, મોડાસાના ધારાસભ્ય, પૂર્વ સાંસદ તેમજ તલોદ, વડાલી અને ઈડર સહિતના માર્કેટયાર્ડના ચેરમેનો ઉપસ્થિત રહ્યા હતા. સભા દરમિયાન સંઘનો વાર્ષિક અહેવાલ રજૂ કરવામાં આવ્યો હતો. સંઘ દ્વારા ચાલુ વર્ષ દરમિયાન સારો નફો કરવામાં આવ્યો હોવાનું જણાવાયું હતું. સંઘના નફામાંથી 15 ટકા રકમ સભ્યો અને ખેડૂતોને આપવાની જાહેરાત કરવામાં આવી હતી. સાથે જ સંઘમાં શેર ધરાવતા સભ્યોને પણ નફામાંથી લાભ આપવામાં આવશે. આગામી દિવસોમાં ખેડૂતોને ગુણવત્તાયુક્ત બિયારણ મળી રહે અને તેના થકી ખેડૂતો સારું ઉત્પાદન મેળવી શકે તે માટે પણ આયોજન અંગે ચર્ચા કરવામાં આવી હતી. સભામાં ખેડૂત હિતને કેન્દ્રમાં રાખીને આગામી કામગીરી અંગે આગેવાનો દ્વારા ચર્ચા કરવામાં આવી હતી.

28/09/2026

અરવલ્લી જીલ્લાના ભિલોડા તાલુકાના ખેરંચાની સ્કુલનું વિધાર્થીઓનું બ્રાસ બેન્ડે હિંમતનગરના ભોલેશ્વર ખાતે આવેલ સાબર સ્ટેડીયમમાં DGP CUP ની ઓપનીંગ સેરેમનીમાં કરતબ રજુ કર્યા

28/09/2026

હિંમતનગરમાં DGP કપ એથલેટીક્સ એન્ડ સાયકલીંગ 2026નો પ્રારંભ,રાજ્યની 22 ટીમોના 450 ખેલાડીઓએ ભાગ લીધો

સાબરકાંઠા જીલ્લાના હિંમતનગરમાં ભોલેશ્વર ખાતે આવેલ સાબર સ્ટેડીયમમાં આજથી ચાર દિવસ ચાલનારી DGP કપ એથલેટીક્સ એન્ડ સાયકલીંગ 2026નો પ્રારંભ થયો છે જેમાં રાજ્યની 22 ટીમોના 450 ખેલાડીઓએ ભાગ લીધો હતો.
આ અંગેની વિગત એવી છે કે,સાબરકાંઠા પોલીસના યજમાન પદે 28 સપ્ટેમ્બર થી 1 ઓક્ટોમ્બર સુધી ચાર દિવસ ચાલનાર રાજ્ય કક્ષાની DGP કપ એથલેટીક્સ એન્ડ સાયકલીંગ 2026નો સોમવારે ગાંધીનગર રેંજ આઈજી વિરેન્દ્રસિંહ યાદવના હસ્તે પ્રારંભ થયો છે.આ પ્રસંગે સાબરકાંઠા જીલ્લા પોલીસ વડા ડૉ.પાર્થરાજસિંહ ગોહિલ,જીલ્લા કલેકટર લલિત નારાયણ સિંધ સાંદુ,જીલ્લા વિકાસ અધિકારી એચ.પી.પટેલ,જીલ્લા શિક્ષણાધિકારી મીતાબેન ગઢવી,અધિક કલેકટર ક્રિષ્ના વાઘેલા,પ્રાંત અધિકારી,હિંમતનગર પોલીસ હેડક્વાર્ટસના DYSP પાયલ સોમેશ્વર,હિંમતનગર DYSP એ.કે.પટેલ,ઇડર DYPS સ્મિત ગોહિલ,ખેડબ્રહ્મા DYSP કુલદીપ નાયી સહીત એલસીબી.એસઓજી PI,PSI અને પોલીસ કર્મીઓ ઉપસ્થિત રહ્યા હતા.
રાજ્ય કક્ષાની DGP કપ એથલેટીક્સ એન્ડ સાયકલીંગ 2026માં રાજ્યમાંથી પોલીસ વિભાગમાંથી ભાગ લેનાર ખેલાડીઓએ માર્ચપાસ્ટ કરી હતી.અરવલ્લી જીલ્લાના ભિલોડા તાલુકાના ખેરંચા પીએમશ્રી વિધાલયના વિધાર્થીઓ બ્રાસ બેન્ડ સાથે કરતબ રજુ કરી સૌ ઉપસ્થિતોને મંત્રમુગ્ધ કર્યા હતા.ત્યારબાદ રાજ્ય કક્ષાની DGP કપ એથલેટીક્સ એન્ડ સાયકલીંગ 2026ને ફુગ્ગાઓ ઉડાડીને વિધિવત પ્રારંભ કરવામાં આવ્યો હતો.સાયકલીંગમાં 40 કિમી પુરુષ વિભાગ અને 30 કિમી મહિલા વિભાગની યોજાશે.
આ અંગે રેંજ આઈજી વિરેન્દ્રસિંહ યાદવે જણાવ્યું હતું કે,સાબરકાંઠા પોલીસના યજમાનપદે યોજાયેલી આ સ્પર્ધામાં રાજ્યભરના 26 જિલ્લાઓમાંથી પોલીસકર્મીઓ અને ખેલાડીઓ જોડાયા છે.આ મહાકુંભનો મુખ્ય ઉદ્દેશ્ય માત્ર વિજય મેળવવાનો નથી પરંતુ પોલીસ વિભાગ માં ફિટનેસ, ટીમ સ્પિરિટ અને પરસ્પર ભાઈચારો વધારવાનો છે.આ સ્પર્ધામાં અવ્વલ નંબરે આવનાર ખેલાડીઓ અગામી સમયમાં રાષ્ટ્રીય કક્ષાએ ભાગ લેશે.22 ટીમો ના 450 ખેલાડીઓએ ભાગ લીધો છે.સાબરકાંઠા પોલીસનું સુંદર આયોજન કરવામાં આવ્યું છે.

28/09/2026

સેવા સંકલ્પ અભિયાન અંતર્ગત હિંમતનગરના મોતીપુરામાં પ્લાસ્ટિક મુક્ત અભિયાન, કાપડની થેલીઓનું વિતરણ

વડાપ્રધાન નરેન્દ્રભાઈ મોદીના જન્મદિવસ નિમિત્તે ચાલી રહેલા 'સેવા સંકલ્પ અભિયાન' અંતર્ગત હિંમતનગરને પ્લાસ્ટિક મુક્ત બનાવવાના સંકલ્પ સાથે મોતીપુરા ખાતે પ્લાસ્ટિક મુક્ત અભિયાન હેઠળ લોકજાગૃતિ કાર્યક્રમ યોજાયો હતો.

કાર્યક્રમ દરમિયાન રોડ પર પડેલો પ્લાસ્ટિકનો કચરો એકત્રિત કરી સ્વચ્છતા અંગે જનજાગૃતિ ફેલાવવામાં આવી હતી. કાર્યકર્તાઓએ દુકાને-દુકાને ફરીને પ્લાસ્ટિક એકત્રિત કર્યું હતું. નગરપાલિકા દ્વારા પ્લાસ્ટિકના વિકલ્પ તરીકે નાગરિકો અને વેપારીઓને કાપડની થેલીઓનું વિતરણ કરવામાં આવ્યું હતું.

અભિયાનનો મુખ્ય હેતુ પ્લાસ્ટિકના વધતા ઉપયોગથી પર્યાવરણ પર થતી અસરો અંગે નાગરિકોમાં જાગૃતિ લાવવાનો તથા "પ્લાસ્ટિકનો ઉપયોગ ટાળો અને સ્વચ્છ-સુંદર હિંમતનગર બનાવો" નો સંદેશ જન-જન સુધી પહોંચાડવાનો રહ્યો હતો.

આ કાર્યક્રમમાં હિંમતનગરના ધારાસભ્ય વિનેન્દ્રસિંહ ડી. ઝાલા, જિલ્લા મહામંત્રી બિપીનભાઈ ઓઝા, નગરપાલિકા પ્રમુખ અરુણાબેન કડિયા, કારોબારી અધ્યક્ષ રાહુલભાઈ પટેલ, ચીફ ઓફિસર ગઢવી, શહેર પ્રમુખ કુલદીપભાઈ પાઠક, ચેરમેન રાજુભાઈ દેસાઈ, ચેરમેન ધર્મરાજસિંહ દેવડા, કોર્પોરેટર ગોપાલભાઈ પ્રજાપતિ, કોર્પોરેટર સૂચિબેન શાહ, કોર્પોરેટર ભુમિકાબેન મહેતા સહિતના આગેવાનો, કાર્યકર્તાઓ તથા સ્થાનિક નાગરિકો ઉપસ્થિત રહ્યા હતા.

સ્વચ્છતા, પર્યાવરણ સંરક્ષણ અને જનભાગીદારીના સંકલ્પ સાથે યોજાયેલા આ અભિયાન થકી હિંમતનગરને વધુ સ્વચ્છ, સુંદર અને પ્લાસ્ટિક મુક્ત બનાવવાનો સંદેશ આપવામાં આવ્યો હતો.

28/09/2026

જામળા ગામે ‘નમો યશગાથા’ નાટકનું આયોજન
હિંમતનગર તાલુકાના જામળા ગામે ‘સેવા સંકલ્પ અભિયાન’ અંતર્ગત નમો યશગાથા નાટકનું આયોજન કરવામાં આવ્યું હતું. ધારાસભ્ય વિનેન્દ્રસિંહ ઝાલા સહિત સ્થાનિક હોદ્દેદારો, આગેવાનો, કાર્યકર્તાઓ અને મોટી સંખ્યામાં ગ્રામજનોએ નાટકનું સામૂહિક નિહાળન કર્યું હતું.
સાબર યુવા કેન્દ્રની ટીમ દ્વારા રજૂ કરાયેલા નાટકમાં વડાપ્રધાન નરેન્દ્ર મોદીના જાહેર જીવન, વિકાસલક્ષી કામગીરી, રાષ્ટ્રનિર્માણ અને વિવિધ જનકલ્યાણલક્ષી કાર્યોને નાટ્યરૂપે રજૂ કરવામાં આવ્યા હતા. નાટકની રજૂઆતને ગ્રામજનોએ ઉત્સાહપૂર્વક નિહાળી પ્રતિસાદ આપ્યો હતો.
આ પ્રસંગે હિંમતનગર તાલુકા ભાજપ પ્રમુખ હિતેન્દ્રભાઈ પટેલ, જિલ્લા પંચાયત બાંધકામ સમિતિના ચેરમેન નારાયણભાઈ પટેલ, હિંમતનગર તાલુકા પંચાયત પ્રમુખ નરેશભાઈ પરમાર, તાલુકા પંચાયત સદસ્ય વાલજીભાઈ દેસાઈ, તાલુકા ભાજપ સંગઠન ઉપપ્રમુખ નવલસિંહ ચૌહાણ, જામળા ગામના સરપંચ વિકાસભાઈ લીમ્બચિયા સહિત આગેવાનો અને કાર્યકર્તાઓ ઉપસ્થિત રહ્યા હતા. સાબર યુવા કેન્દ્રના પ્રમુખ પ્રકાશચંદ્ર વૈદ સહિત સંસ્થાની ટીમે કાર્યક્રમનું આયોજન કર્યું હતું.

27/09/2026

સાબરકાંઠા જિલ્લા કોંગ્રેસ સમિતિ દ્વારા જન આક્રોશ પદયાત્રા,ભારતના મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે વિરોધ,જિલ્લા કોંગ્રેસ કાર્યાલય ખાતે અનુસૂચિત જાતિ વિભાગની વિસ્તૃત કારોબારી બેઠક યોજાઇ
​
સાબરકાંઠા જિલ્લા કોંગ્રેસ સમિતિ તથા જિલ્લા કોંગ્રેસ અનુસૂચિત જાતિ વિભાગના સંયુક્ત ઉપક્રમે આજે હિંમતનગર ખાતે જન આક્રોશ પદયાત્રા અને વિરોધ પ્રદર્શન કાર્યક્રમનું આયોજન કરવામાં આવ્યું હતું. આ પદયાત્રા ભારતના મુખ્ય ચૂંટણી કમિશનર જ્ઞાનેશ કુમારના રાજીનામાની માંગ સાથે યોજવામાં આવી હતી.

​આ કાર્યક્રમમાં હિંમતનગરના મોતીપુરા ખાતે આવેલ સાબરકાંઠા જિલ્લા કોંગ્રેસ કાર્યાલયથી શરૂ કરીને મહાત્મા ગાંધીજીની પ્રતિમા સુધી એક જન આક્રોશ પદયાત્રા યોજાઈ હતી.ગાંધીજીની પ્રતિમા પાસે પહોંચીને કોંગ્રેસના આગેવાનો અને કાર્યકરો દ્વારા ઉગ્ર વિરોધ પ્રદર્શન અને દેખાવો કરવામાં આવ્યા હતા.

​રેલી દરમિયાન કાર્યકરો દ્વારા સાંકેતિક રીતે વિરોધ દર્શાવી જ્ઞાનેશ કુમાર રાજીનામું આપોના નારા લગાવવામાં આવ્યા હતા તથા ચૂંટણી પંચની નીતિઓ સામે ભારે આક્રોશ વ્યક્ત કરતા બેનરો અને પ્લેકાર્ડ દર્શાવી વિરોધ નોંધાવ્યો હતો.

વિરોધ પ્રદર્શનમાં કોંગ્રેસે નરેન્દ્ર મોદી,અમિત શાહ અને જ્ઞાનેશકુમાર યાદવનું મુખોટુ પહેર્યું હતું.અને હાથકડી લગાવી જ્ઞાનેશકુમાર યાદવ નરેન્દ્ર મોદી અને અમિત શાહના પગમાં પડેલા વિરોધ પ્રદર્શનમાં જોવા મળ્યા હતા.

વિરોધ પ્રદર્શન પહેલા જિલ્લા કોંગ્રેસ કાર્યાલય ખાતે જિલ્લા અનુસૂચિત જાતિ વિભાગની વિસ્તૃત કારોબારી બેઠક યોજાઇ હતી.જેમાં સંગઠન મજબૂત કરવા માટે વધુમાં વધુ લોકો કોંગ્રેસમાં જોડાય તે વિશે ચર્ચા કરીને તેનો અમલ કરવાની વાત પર ભાર મૂકવામાં આવ્યો હતો.

​આ જન આક્રોશ પદયાત્રામાં સાબરકાંઠા જિલ્લા કોંગ્રેસ પ્રમુખ રામભાઈ સોલંકી,હિતેન્દ્ર પીઠડીયા,શંકર યાદવ,રેખાબેન સોલંકી,કમળાબેન પરમાર,અશોક પટેલ, અશ્વિન પટેલ,ગજેન્દ્રસિંહ રહેવર,પ્રિયવદનભાઈ પટેલ, અજમલસિંહ ઝાલા,કુમાર ભાટ, સહિત વિવિધ તાલુકા તેમજ શહેર પ્રમુખો, જિલ્લા કોંગ્રેસના તમામ હોદ્દેદારો, સંગઠનના અગ્રણીઓ, ચૂંટાયેલા પ્રતિનિધિઓ, ચૂંટણીના ઉમેદવારો, સક્રિય કાર્યકરો તેમજ મોટી સંખ્યામાં જાહેર જનતા ઉપસ્થિત રહી હતી.

27/09/2026

હિંમતનગરના ગાંભોઈના બામણા ત્રણ રસ્તા નજીકથી LCBનીએ ત્રણ સહીત રૂ.14.19 લાખનો મુદ્દામાલ જપ્ત,10 સામે ફરિયાદ ,પાચ આરોપીઓ પકડાયા,પાચ આરોપીઓ ફરાર

સાબરકાંઠા LCBની ટીમે હિંમતનગરનાગાંભોઈ નજીક બામણા ત્રણ રસ્તા પરથી પોલીસે ત્રણ કાર ઝડપી પાડી હતી.જેમાંથી વિદેશી દારૂ તથા બીયરની કુલ 50 પેટી, બોટલ-ટીન નંગ 1824 મળી આવ્યા હતા. પોલીસે કુલ રૂ.14.19 લાખનો મુદ્દામાલ જપ્ત કરી પાંચ આરોપીઓને ઝડપી પાડ્યા છે.10 સામે ગાંભોઈ પોલીસ સ્ટેશનમાં ગુનો નોધાયો છે.
પોલીસે આપેલ માહિતી મુજબ સાબરકાંઠા LCBની ટીમ શામળાજી-હિંમતનગર નેશનલ હાઇવે પર પ્રોહિબિશન ડ્રાઇવ અંતર્ગત પેટ્રોલિંગમાં હતી.દરમિયાન ગાંભોઈ બ્રિજ નજીક બાતમી મળી હતી કે, રાજસ્થાનથી બે સ્વિફ્ટ કારમાં દારૂ ભરવામાં આવ્યો છે અને આગળ એક મારૂતિ ઇકો કાર પાયલોટિંગ કરી રહી છે.
બાતમીના આધારે પોલીસ ટીમે ભિલોડા-ગાંભોઈ રોડ પર બામણા ત્રણ રસ્તા પાસે વોચ ગોઠવી હતી. આ દરમિયાન શંકાસ્પદ ત્રણેય ગાડીઓ આવતા પોલીસે તેમને રોકવાનો પ્રયાસ કર્યો હતો. જોકે, ગાડી ચાલકોએ યુ-ટર્ન મારી ગાડીઓ ભગાવી હતી.પોલીસે પીછો કરતા થોડે દૂર પાંચ ઇસમોને ઝડપી પાડ્યા હતા, જ્યારે ત્રણ ઇસમો નાસી છૂટ્યા હતા.
પોલીસે ત્રણેય ગાડીઓની તપાસ કરતા દારૂ અને બીયરની 1824 બોટલ-ટીન મળી આવ્યા હતા, જેની કિંમત રૂ.5,39,643 હોવાનું સામે આવ્યું છે. આ ઉપરાંત ત્રણ ગાડીઓની કિંમત રૂ.8.50 લાખ તથા ત્રણ મોબાઇલ ફોનની કિંમત રૂ.30 હજાર મળી કુલ રૂ.14,19,643નો મુદ્દામાલ કબજે કરવામાં આવ્યો છે. ગાડીની ડેકીમાંથી એક અન્ય નંબરની બે નંબર પ્લેટ પણ મળી આવી હતી.
આ મામલે ગાંભોઈ પોલીસ સ્ટેશનમાં 10 સામે ગુજરાત પ્રોહિબિશન એક્ટની કલમ 65AE, 81, 83 તથા ભારતીય ન્યાય સંહિતાની કલમ 336(2), 340(2) મુજબ ગુનો નોંધી વધુ તપાસ હાથ ધરવામાં આવી છે. પોલીસે ફરાર પાચ આરોપીઓને ઝડપી પાડવા તપાસ તેજ કરી છે.
પકડાયેલ આરોપી
1-નરસીંહભાઇ સ/ઓ અરવીંદભાઇ માવજીભાઇ નીનામા ઉ.વ.20 રહે.દેમત તા.નાયાગાંવ જી.ઉદેપુર રાજસ્થાન
2-જીજ્ઞેશભાઇ સ/ઓ મહેન્દ્રભાઇ ધુળાભાઇ ડામોર રહે.વસાયા (પાંચ મહુડી) તા.શામળાજી જી.અરવલ્લી
3-જીતેન્દ્રભાઇ સ/ઓ દરજીભાઇ રામાભાઇ ડામોર રહે.બાબરી મતાઇ ફલા તા.નાયાગાંવ જી.ઉદેપુર રાજસ્થાન
4-જગદીશભાઈ સ/ઓ દીનેશભાઇ રામાભાઇ ડામોર રહે.બાબરી મતાઇ ફલા તા.નાયાગાંવ જી.ઉદેપુર રાજસ્થાન
5-દીનેશ સ/ઓ પન્નાલાલ જીવાજી ડામોર ઉ.વ.૨૩ રહે.બાબરી મતાઇ ફલા તા.નાયાગાંવ જી.ઉદેપુર રાજસ્થાન
પકડવાના બાકી આરોપીઓ
1-રોહીત કાંન્તીલાલ રહે.ગુડા રાજસ્થાન જેનુ પુરૂ નામ સરનામુ જણાઇ આવેલ નથી.
2-કલ્પેશ રહે.ખેરવાડા રાજસ્થાન જેનુ પુરૂ નામ સરનામુ જણાઇ આવેલ નથી.
3-દાદો સુરેશ કોટડ રહે.રાજસ્થાન જેનુ પુરૂ નામ સરનામુ જણાઇ આવેલ નથી.
4-બંસીલાલ કલાલ (ભારતીય બનાવટનો વિદેશી દારૂ/ બીયર ભરી આપનાર)
5-દીલીપ પરમાર (વિદેશી ભરેલ ગાડી લેવા આવનાર ઇસમ જેનુ પુરૂ નામ સરનામુ જણાઇ આવેલ નથી.)

27/09/2026

છ વર્ષથી ફરાર પ્રોહિબિશનના આરોપીને સાણંદથી ઝડપી પાડ્યો,સાબરકાંઠા LCBની ટીમે હિંમતનગર ગ્રામ્ય પોલીસ સ્ટેશનના ગુનામાં આરોપીને ઝડપી પાડ્યો

હિંમતનગર ગ્રામ્ય પોલીસ સ્ટેશનમાં નોંધાયેલા પ્રોહિબિશનના ગુનામાં છેલ્લા છ વર્ષથી નાસતો ફરતો આરોપી સાણંદના છારોડી ગામ નજીકથી ઝડપાયો છે.સાબરકાંઠા LCBની ટીમે બાતમીના આધારે કાર્યવાહી કરી આરોપીને ઝડપી હિંમતનગર ગ્રામ્ય પોલીસ સ્ટેશનને સોંપવાની કાર્યવાહી હાથ ધરી છે.
સાબરકાંઠા જિલ્લામાં નાસતા ફરતા તથા પેરોલ-ફર્લો ફરાર આરોપીઓને ઝડપી પાડવા પોલીસ અધિકારીઓ દ્વારા સૂચના આપવામાં આવી હતી. જેના અનુસંધાને LCB PI ડી.સી. સાકરીયાના માર્ગદર્શન હેઠળ PSI વી.આર. ચૌહાણની રાહબરીમાં ટીમ આરોપીઓની શોધખોળમાં હતી.
દરમિયાન LCB ટીમને બાતમી મળી હતી કે હિંમતનગર ગ્રામ્ય પોલીસ સ્ટેશનના થર્ડ ગુ.ર.નં. ૭૨૨/૨૦૨૦, પ્રોહિબિશન કલમ ૬૫(એ)(ઇ), ૯૮(૨), ૧૧૬બી, ૮૧ અને ૮૩ મુજબના ગુનામાં સંડોવાયેલ કમલસિંહ પ્રતાપસિંહ રાઠોડ (ઉં.વ. ૩૧), રહે. થાના, ચાવડ રોડ, તા. સરાડા, જી. ઉદયપુર, રાજસ્થાન, ટ્રક નંબર GJ-15-AZ-0797 ચલાવતો હોવાનું જાણવા મળ્યું હતું.
બાતમીના આધારે LCBની ટીમ સાણંદના છારોડી ગામ નજીક પહોંચી હતી. વિવિધ કંપનીઓમાં ટ્રકની તપાસ કરતા એક કંપની નજીક રોડ પર ઉપરોક્ત નંબરનો ટ્રક મળી આવ્યો હતો. ટ્રકમાં એક વ્યક્તિ સૂતેલી હાલતમાં મળી આવતા પોલીસે તેની ઓળખ કરી પૂછપરછ કરી હતી. તેણે પોતાનું નામ કમલસિંહ પ્રતાપસિંહ રાઠોડ હોવાનું જણાવ્યું હતું.
પોલીસે ગુનાની વિગતોની ચકાસણી કરતાં આરોપી છેલ્લા છ વર્ષથી ફરાર હોવાનું સામે આવ્યું હતું. જેથી ભારતીય નાગરિક સુરક્ષા સંહિતા (BNSS)ની કલમ 35(1)(J) હેઠળ તા.26 સપ્ટેમ્બર 2026ના રોજ તેની અટકાયત કરી આગળની કાર્યવાહી માટે હિંમતનગર ગ્રામ્ય પોલીસ સ્ટેશનને સોંપવાની તજવીજ હાથ ધરવામાં આવી છે.

Address

Himatnagar
383001

Website

Alerts

Be the first to know and let us send you an email when Samay Samachar posts news and promotions. Your email address will not be used for any other purpose, and you can unsubscribe at any time.

Shortcuts

Share

Category