News9tv Telugu

17/06/2022

17/06/2022

సికింద్రాబాద్ రైల్వే స్టేషన్ వద్ద తీవ్ర ఉద్రిక్త పరిస్థితి నెలకొంది. అగ్నిపథ్ రద్దు చేసి ఆర్మీ పరీక్షలు యధాతథంగా నిర్వహించాలని యువకులు ఆందోళనకు దిగారు. పెద్ద ఎత్తున యువకులు రైల్వే స్టేషన్ వద్దకు చేరుకుని అక్కడ ఉన్న బస్సులపై రాళ్లు రువ్వారు. అద్దాలను ధ్వంసం చేశారు. అలాగే రైల్వేస్టేషన్‌లోకి ప్రవేశించి రాళ్లతో రైలుపై దాడి చేస్తూ నానా హంగామా సృష్టించారు. సమాచారం అందుకున్న పోలీసులువెంటనే సంఘటనా స్థలానికి చేరుకుని యువకులను అదుపులోకి తీసుకునే ప్రయత్నం చేశారు.

పార్సల్ బ్యాగులను పట్టాలపై వేసి ధ్వంసం చేసారు. రైలు అద్దాలను రాళ్లు రువ్వి పగులకొట్టారు. ఫ్లాట్ ఫామ్లపై వస్తువులకు, మూడు రైళ్లకు నిప్పటించారు నిరసనకారులు. అలాగే 20 బైక్ లను కూడా తగులబెట్టారు. పోలీసులు ఆందోళనకారులపై కాల్పులు జరిపారు. ఈ కాల్పుల్లో పలువురు యువకులు గాయపడ్డారు. రైల్వే స్టేషన్ దగ్గర పోలీసులు 15 రౌండ్లు కాల్పులు జరిపారు. అగ్నిపథ్ పథకంపై స్పందిస్తూ కేటీఆర్ ట్వీట్ చేశారు. కేంద్ర సర్కార్‌ అప్పుడేమో రైతులను ఇబ్బంది పెట్టి ఇప్పుడు సైనికులను గందరగోళానికి గురిచేస్తోందని మండిపడ్డారు.