News 12 Urdu Network

20/09/2026

Hyderabad | Vattepally

Vattepally mein 42 saala Mohd Mukaram ki mubayyina tor par berahmi se pitai ke baad maut ho gayi. Marhoom ke bhai ne ilzaam lagaya hai ke Mukaram par chand maloom afrad ne hamla kiya, jin mein ek shakhs bhi shamil tha jo khud ko media person batata tha. Unhon ne yeh bhi dawa kiya ke yeh log ilake mein ghair qanooni sargarmiyon mein mulawwis hain aur hukumat se mutaliba kiya ke zimmedaron ke khilaf sakht se sakht karwai ki jaye. Police mamle ki tahqeeqat kar rahi hai.

20/09/2026

19/09/2026

AIMIM MLA Ahmed Bin Abdullah Balala ne Malakpet murder case par sakht reaction dete hue kaha ke qatl ke mulzimon ko sakht saza dilane ke liye waqt par chargesheet dakhil karna, bail ki mukhalifat karna aur case ki tezi se pairwi karna zaroori hai. Unhone marhoom ke khandan ko har mumkin madad ka yaqeen dilaya aur kaha ke bewa ke liye 2BHK aur beti ki shaadi mein bhi taawun kiya jayega. Balala ne nashe ke ghair qanooni karobar par bhi sakht karwai ka mutaliba karte hue kaha ke agar police action nahi karti, to AIMIM workers khud nasha faroshon ka ta'aqub karenge.

18/09/2026

Hyderabad Mein Badhtai Huwai Qatl Ke Waqiyaat Ko Rokne Ka Assembly Mein MIM MLA Ahmed Balala Ne Kiya Demand. Kaha Unki Constituency Mein Kal Hi Ek Baap Aur Bete Ka Qatl Huwa.

18/09/2026

🏠 Indiramma Indlu Housing Scheme par awaaz uthayi

AIMIM Yakutpura MLA Jaffar Hussain Meraj Sahab ne Assembly mein Indiramma Indlu Housing Scheme par aham baatein uthayi aur haqdar ko makaan ki sahulat dene par tawajjo dilayi.

Viral Trending Explore

17/09/2026

Hyderabad: Bagh e Jahan Aara Madanapet Mein Ek Tarfa Ishq Ka Shikar Naujawan ne Ladki Ki Baap Ka Qatl Kardiya, Bhai Ko Zakhmi. Police Tahqiqaat Jari. DCP Aur MLA ne Spot Ka Inspection Kiya.

15/09/2026

🚨 AIMIM Zaroorat Ke Waqt Awaam Ke Saath

Santosh Nagar ke Milad Road par Monar Kids School mein aag lagne ka waqia pesh aaya. Do families doosri manzil par phans gayi thi.

Jaise hi iski khabar mili, AIMIM President Barrister Asaduddin Owaisi Sahab aur Floor Leader Akbaruddin Owaisi Sahab ki hidayat par AIMIM Yakutpura MLA Jaffar Hussain Meraj Sahab ne foran Police aur Fire Brigade ko ittila di aur khud mauqe par pahunch kar rescue operation aur emergency response ka jaiza liya.

AIMIM members Rasheed aur Taher bhi foran mauqe par pahunchay aur families ko rescue karne mein madad ki. Mr. Shafath Ali, Ex-Corporator Kurmaguda, bhi mauqe par pahunche.

AIMIM ke Primary Unit Members aur local youngsters ne himmat dikhate hue rescue operation mein madad ki aur families ko mehfooz bahar nikala.

Alhamdulillah, aag par qaboo pa liya gaya hai aur kisi jaan ke zaya hone ki khabar nahi hai. 🤲

15/09/2026

AIMIM MLC Riyaz Ul Hassan Effendi ne kaha ke Miyapur Madina Village ke rehaishiyon ne AIMIM Supremo Barrister Asaduddin Owaisi se mulaqat karte hue shikayat ki ke Waqf ki qabristan ki zameen par boundary wall ki tameer rok di gayi hai. Owaisi ki hidayat par Waqf Board ke CEO se fauri taur par rabta kiya gaya. Effendi ke mutabiq CEO ne yaqeen dilaya hai ke jald se jald court mein petition dakhil karke zaroori orders hasil kiye jayenge aur Waqf ki qabristan ki zameen ka tahaffuz yaqini banaya jayega.