Swamy Muddam

19/01/2025

ప్రపంచానికి దూరంగా ప్రకృతికి దగ్గరగా..

04/11/2024

ఫోన్ ఉన్న ప్రతి ఒక్కరిపై "డిజిటల్ అరెస్టు" వల వేస్తున్నారు సైబర్ నేరగాళ్ళు. దీని నుంచి ఎలా తప్పించుకోవచ్చో తెలుపుతూ వార్త దిన పత్రిక ఎడిటోరియల్ లో నేను రాసిన ఆర్టికల్.

- స్వామి ముద్దం

31/10/2024

అంద‌రికి దీపావ‌ళి శుభాకాంక్ష‌లు..
దీపావ‌ళి సంద‌ర్భంగా సాక్షి దిన ప‌త్రిక ఎడిటోరియ‌ల్ పేజీలో నేను రాసిన ఆర్టిక‌ల్.

- స్వామి ముద్దం

#దివ్యదీపావళి చెబుతున్న సందేశమిదే..

చీకటి వెలుగుల రంగేళీ.. మన జీవితమే ఒక దీపావళి అన్నాడు మనసు కవి ఆత్రేయ. దీపావ‌ళి అంటేనే వెలుగు పండ‌గ‌. చీక‌టిని పార‌దోలుతూ, చెడు మీద గెలిచిన మంచికి గుర్తు. చీకటి అజ్ఞానానికి, నిరాశకు ప్రతీక. కాంతి.. ఆనందానికి సూచిక. దీపం ఐశ్వర్యం.. అంధకారం దారిద్రం. అజ్ఞానమనే చీకటి నుంచి విజ్ఞానమనే వెలుగులోకి పయనింపజేయడమే దీపావళి పండుగ ఉద్దేశం. దీపం ఉన్న చోట జ్ఞాన సంపద ఉన్నదని.. దీపం సాక్షాత్తు లక్ష్మీదేవి అని మన శాస్త్రాలు చెబుతున్నాయి. దీపం జ్ఞానానికి, త్రిమూర్తులకు ప్రతీక. అందుకే సనాతన ధర్మంలో ప్రతీ శుభకార్యంలో దీపాన్ని వెలిగిస్తారు.

చెడు అంటే అది రాక్షసుల రూపంలోనే ఉండాలని లేదు. నిరాశా నిస్పృహలు, వ్యాకుల పడటం, నిరుత్సాహ పడటం మ‌నం చూడని రాక్షసుల కంటే మన‌ జీవితానికి ఎక్కువ నష్టాన్ని కలిగిస్తాయి. దీపావళి పండుగ మ‌న‌ జీవితంలోని అన్ని ప్రతికూల విషయాలను సంహరించాలనే విషయాన్ని గుర్తుచేస్తుంది.

దీపావళి ముఖ్య ఉద్దేశం, మీ జీవితంలో ఆ పండుగ వాతావరణం, వెలుగు జిలుగులు తీసుకురావటమే.. అందుకే ఈ టపాసులు కూడా, మ‌న‌లో కూడా కొంచం ఉత్తేజాన్ని కలిగించటానికే! ఈ ఒక్కరోజు ఆనందించి ఇక దాని గురించి మర్చిపోవటం దాని ఉద్దేశం కాదు. మ‌నం ఒక తడిచిన తారాజువ్వ అయితే మీకు రోజూ బయట నుంచి నిప్పు కావాలి. లేకపోతే ఇలా మీలో ప్రతీ రోజూ జరగాలి. మనం అలా కూర్చుంటే మన ప్రాణ శక్తి, గుండె, మనస్సు, శరీరం ఒక తారాజువ్వలా ఎగిసిపడాలి. కేవలం ఈ ఒక్కరోజే కాదు జీవితాంతం మన మనసు, ఇల్లు సుఖ సంతోషాలతో ఓ పండుగలా వెలుగుతూ ఉండాలన్నదే దీపావళి పండుగ ముఖ్య ఉద్దేశం. దీపం నుంచి వచ్చే వెలుగు బాహ్యమైనదే కాదు అంతర్గ‌మైనది కూడా. అంటే మన మనస్సు కూడా ఎలాంటి కల్మషం లేకుండా, మనలోని దుర్గుణాలు పోగొట్టుకుని, సుగుణాలు వెల్లివిరిసేలా వెలిగించుకోవాలనే వాస్తవాన్ని గుర్తుచేసేదే ఈ దీపాల పండుగ.

జీవితం కష్టసుఖాల కలబోత.. చీకటి వెలుగుల విరిపూత.. కష్టాల్లోనూ సుఖాన్ని కలగనడం ఆశాజీవుల లక్షణం.. ఇదే చిమ్మచీకట్లను వెలిగించే దివ్యదీపావళి చెబుతున్న సందేశం.

- స్వామి ముద్దం

29/09/2024

డిజిట‌ల్ యుగంలో ఆన్‌లైన్ న్యూస్ మీడియా ప్ర‌భావంపై 'వార్త' దిన ప‌త్రిక ఎడిటోరియల్ పేజీలో నేను రాసిన ఆర్టిక‌ల్.
- స్వామి ముద్దం


ప్రపంచంలో ఎక్కడ ఏ మూల ఏం జరిగినా క్షణాల్లో ఈ భూమ్మీద ఉన్న 800 కోట్ల జనాభాలో 90 శాతం మందికి తెలిసిపోతుంది! ఈ డిజిట‌ల్ యుగంలో జనజీవితాలతో పెనవేసుకుపోయిన పాత్రికేయ రంగమూ పెనుమార్పులకు లోనవుతోంది. మారుతున్న కాలానికి త‌గ్గ‌ట్టే స‌మాచార రంగ‌మూ కొత్త పుంత‌లు తొక్కుతోంది. ఎదుగుతున్న తరాల ఆసక్తులకు అనుగుణంగా తనను తాను తీర్చిదిద్దుకుంటోంది. ఈ నేపథ్యంలోనే డిజిట‌ల్ మీడియా ఆవిర్భ‌వించి జ‌న‌జీవితాల్లో ఒక‌టిగా నిలిచింది. ఈ కొత్త మీడియా తెలుగు రాష్ట్రల్లోనూ ప్ర‌జ‌ల‌కు చురుకుగా, వేగంగా స‌మాచారాన్ని చేర‌వేస్తోంది.

ఇటీవలి కాలంలో ఆన్‌లైన్ మీడియా ప్రభావం అనూహ్యంగా పెరిగింది. సాంకేతిక పరిజ్ఞానం విపరీతంగా అభివృద్ధి చెందడంతో సమాచార ప్రసారం వేగవంతం, విస్తృతం అవుతోంది. ఆన్‌లైన్ మీడియా ద్వారా సమాచారాన్ని ఎక్కడినుండైనా సులభంగా పొందవచ్చు. వార్తలు, విశ్లేషణలు, ప్రత్యేక కథనాలు స్మార్ట్‌ఫోన్, ల్యాప్‌టాప్, లేదా టాబ్లెట్‌లో కొన్ని నిమిషాల్లోనే అందుబాటులోకి వస్తాయి. ఈ సౌలభ్యం సమాజానికి సమయాన్ని ఆదా చేస్తుంది. అనేక అంశాలపై అవగాహన పెంచుతుంది.

ఆన్‌లైన్ మీడియా వేగవంతంగా సమాచారాన్ని వ్యాప్తి చేస్తుంది. ప్రత్యక్ష ప్రసారాలు, తాజా వార్తల అప్‌డేట్‌లు, బ్రేకింగ్ న్యూస్ కేవలం కొన్ని క్ష‌ణాల్లోనే ప్రపంచవ్యాప్తంగా వినియోగదారులకు చేరవచ్చు. ఈ వేగం సమాజానికి ముఖ్యమైన వార్తలను త్వరగా తెలుసుకోవడంలో సహాయపడుతుంది. ఆన్‌లైన్ మీడియా వేదికలు అనేక రకాలైన సమాచారం అందిస్తాయి. రాజకీయాలు, ఆర్థిక వ్యవస్థ, సాంకేతిక విజ్ఞానం, క్రీడలు, సినిమా, ఆరోగ్యం వంటి విభాగాలపై విస్తృత సమాచారం పొందవచ్చు. వినియోగదారులు తమకు కావాల్సిన సమాచారం కోసం ప్రత్యేక వెబ్‌సైట్‌లు లేదా యాప్‌లను అనుసరించవచ్చు.

సమాజంలోని సమస్యలు, ఆందోళనలు, ఇతర ముఖ్యమైన అంశాలపై ఆన్‌లైన్ మీడియా ముఖ్యపాత్ర పోషిస్తుంది. సామాజిక అన్యాయం, ఆరోగ్య సమస్యలు, విద్య, పర్యావరణ అంశాలపై చర్చలకు ఇది వేదికగా ఉంటుంది. ప్రజలు తమ అభిప్రాయాలను వ్యక్తపరచేందుకు ఇది ఒక అద్భుతమైన వేదికను అందిస్తుంది.

ఆన్‌లైన్ మీడియా పత్రికలు, ముద్రిత పత్రికల అవసరాన్ని తగ్గిస్తుంది, తద్వారా కాగితాలను ఆదా చేస్తుంది. దీని వల్ల పర్యావరణానికి రక్షణ కలుగుతుంది, వృక్ష సంపదను కాపాడవచ్చు. ముద్రణ, పంపిణీ వంటి ప్రక్రియల తగ్గింపుతో ఖర్చులు తగ్గడమే కాకుండా పర్యావరణ పరిరక్షణకు తోడ్పడుతుంది. ఆన్‌లైన్ మీడియా వినియోగదారుల రుచులు, అభిరుచులకు అనుగుణంగా కంటెంట్ అందిస్తుంది. ప్రతి వ్యక్తి తనకు కావాల్సిన సమాచారం, కంటెంట్‌ను సులభంగా అనుసరించవచ్చు. ఆన్‌లైన్ ప్లాట్‌ఫారమ్‌లు వినియోగదారుల అభిరుచులను గుర్తించి, వారికి ప్రత్యేకమైన వార్తలు, కథనాలు అందించడం వల్ల అనుభవం మరింత ఆకర్షణీయంగా మారుతుంది.

ఆన్‌లైన్ మీడియా ద్వారా ప్రపంచవ్యాప్తంగా ఎక్కడైనా ఉన్న ప్రజలకు సమాచారాన్ని చేరవేయవచ్చు. భౌగోళిక పరిమితులు లేకుండా ప్రతి ఒక్కరు వార్తలను, విశ్లేషణలను సులభంగా చూడవచ్చు. ఈ కారణంగా, అంతర్జాతీయ సంఘటనలు కూడా క్షణాల్లో ప్రపంచవ్యాప్తంగా ప్రసారం అవుతాయి. ఆన్‌లైన్ మీడియా వేదికలు వ్యాపారాలు, మార్కెటింగ్ అవకాశాలను విస్తృతం చేస్తాయి. న్యూస్ వెబ్‌సైట్‌లు, యాప్‌లు, డిజిటల్ ప్లాట్‌ఫారమ్‌లు స‌మాజంలో ముఖ్య పాత్ర వ‌హిస్తున్నాయి. వ్యాపారాలు తమ ఉత్పత్తులను ప్రజలకు చేరవేయడానికి ఆన్‌లైన్ మీడియా వేదికలను సద్వినియోగం చేసుకుంటున్నాయి.

ప్రజాస్వామ్యంలో ఆన్‌లైన్ మీడియా వేదికగా సార్వజనిక చర్చలు సజీవంగా జరుగుతున్నాయి. సామాజిక, రాజకీయ అంశాలపై ప్రజలు తమ అభిప్రాయాలను వ్యక్తపరచడానికి ఈ వేదికలు ముఖ్యమైనవి. ఈ చర్చలు సమాజంలో మార్పులకు కారణమవుతాయి. ఇక్క‌డ కావాల్సింది ఆన్‌లైన్ మీడియా సంస్థ‌లు స్వీయ నియంత్ర‌ణ పాటించ‌డం ముఖ్యం.

ఆన్‌లైన్ మాద్య‌మాలు నేటి సమాజానికి ఓ అద్భుతమైన వేదిక‌లు. సమాచారాన్ని వేగవంతంగా, సమర్థవంతంగా అందించడంలో దీని పాత్ర చాలా కీలకం. ప్రజలకు స్వేచ్ఛా వేదికగా, ఆలోచనలను ప్రోత్సహిస్తూ, సమాజ అభివృద్ధిలో భాగస్వామ్యం అవుతూ, ఆన్‌లైన్ మీడియా మన జీవితాల్లో అసాధారణమైన ప్రాముఖ్యత సంతరించుకుంటుంది.

తెలుగు రాష్ట్రాల్లో డిజిట‌ల్ మీడియా జ‌ర్న‌లిస్టులు ఎప్ప‌టిక‌ప్పుడు.. వెబ్ పోర్టల్, మొబైల్ యాప్, న్యూస్ లైవ్ స్ట్రీమింగ్ ద్వారా ఎప్ప‌టిక‌ప్పుడు న్యూస్ వీడియోలు, టెక్ట్స్ న్యూస్, ఫోటోన్యూస్‌, లైవ్‌ క‌వ‌రేజీ చేస్తున్నారు. ప్రింట్, ఎలక్ట్రానిక్ మీడియా తరువాత కొత్త మాధ్యమంగా ఆవిర్భ‌వించి ఆన్‌లైన్ ద్వారా ప్ర‌తిక్ష‌ణం ప్ర‌జ‌ల‌కు స‌మాచారాన్ని చేర‌వేస్తున్న డిజిట‌ల్ మీడియాకు రాష్ట్ర‌ ప్రభుత్వాలు గుర్తింపు ఇవ్వాలి. ప్ర‌భుత్వ ప్ర‌క‌ట‌న‌లు ఇవ్వాల్సిన స‌మ‌యం ఆస‌న్న‌మైంది. ఆన్‌లైన్ ప్లాట్‌ఫామ్ (వెబ్‌సైట్‌, యాప్‌)ల‌లో ప‌ని చేస్తున్న జ‌ర్న‌లిస్టుల‌కు ఆక్రిడిటేష‌న్‌లు, హెల్త్ కార్డులు అందించాల్సిన అవ‌స‌రం ఉంది.

- స్వామి ముద్దం

13/06/2024

11/06/2024

ఆఫీసులో జ‌రిగిన బ‌ర్త్ డే వేడుక 🥰
Swamy Muddam

16/05/2024

స్టేట్ ఆర్ట్ గ్యాలరీ(మాదాపూర్‌)లో చిత్ర కళాకృతుల ప్రదర్శనలో త్రిపుర గవర్నర్ ఎన్. ఇంద్రసేన రెడ్డి, ద‌ర్శ‌క‌నిర్మాత త‌మ్మారెడ్డి భ‌ర‌ద్వాజ‌తో క‌లిసి పాల్గొన్న సంద‌ర్భంగా..
- స్వామి ముద్దం

30/04/2024

ఎన్నిక‌ల్లో NOTA ప్ర‌భావంపై ఆంధ్ర‌ప్ర‌భ ఎడిటోరియ‌ల్ పేజీలో నేను రాసిన ఆర్టిక‌ల్.

22/04/2024

ఉన్నత చదువుల కోసం అమెరికాలో వెళ్లిన భారతీయ విద్యార్థులు ఇటీవ‌ల‌ వరుస మరణాల‌కు గుర‌వుతున్న ఘ‌ట‌న‌లు ఆందోళన క‌లిగిస్తున్నాయి. వార్త దిన ప‌త్రిక ఎడిటోరియ‌ల్ పేజీలో దీనిపై నేను రాసిన ఆర్టిక‌ల్.

22/04/2024

ఈ రోజు (ఏప్రిల్ 22న) 'ప్రపంచ ధరిత్రి దినోత్సవం' సంద‌ర్భంగా 'గ్లోబ‌ల్ టైమ్స్‌'లో నేను రాసిన ఎడిటోరియల్

ఎడిటోరియ‌ల్ | ✍🏻 స్వామి ముద్దం, సీనియ‌ర్ జ‌ర్న‌లిస్టు (ఏప్రిల్ 22న ప్రపంచ ధరిత్రి దినోత్సవం సంద‌ర్భంగా వ్యాసం) తీ...

02/04/2024

"అంతర్జాతీయ ఫ్యాక్ట్-చెకింగ్ డే" సందర్భంగా నేను రాసిన ఆర్టికల్. ఆంధ్రప్రభ & మన తెలంగాణ ఎడిటోరియల్ పేజీల్లో.

08/03/2024

GBN మ‌హ‌శివ‌రాత్రి, ఉమెన్స్ డే వేడుక‌లు
@ The Plaza Hotel