16/07/2024
కన్నడంలో కూడా విడుదల కానున్న ఆర్. కె పురంలో?
పవన్ దీపికా ఆర్ట్స్ బ్యానర్ పై నిర్మితమైన ఆర్. కె పురంలో? సినిమా కన్నడ భాషలో కూడా విడుదల కానున్నది. ఈ సందర్భంగా బెంగుళూరు కన్నడ ఫిలిం చాంబర్ లో ఫిలిం చాంబర్ అధ్యక్షుడు, డి.ఎస్సీ సినిమాస్ అధినేత డాక్టర్ సునీల్ కుంబా ఆధ్వర్యంలో పోస్టర్ ఆవిష్కరణ చేసారు . కోనసీమ యువకుడు గుబ్బల రవికిరణ్ హీరోగా త్రిషల , రక్షా హీరోయిన్ లుగా యాక్షన్ , థ్రిల్లర్ మూవీగా ఈ సినిమాను తెరకెక్కించారు . ఈ సినిమా తెలుగుతో పాటు తమిళం, కన్నడ , హిందీ భాషల్లో ఆగష్టు 22 న విడుదల కానున్నది. ఈ చిత్రం కుటుంబ నేపధ్యంలో సాగిందని ,ఇది కుటుంబ సమేతంగా చూడదగ్గ చిత్రమని కన్నడంలో కూడా విడుదల చేస్తున్నామని సునీల్ కుంబా తెలిపారు . హీరో రవి కిరణ్ కు మంచి భవిష్యత్ ఉందని ఈ చిత్రంలో పోలీస్ అధికారిగా విశ్వరూపం చూపించారని ,డాన్స్ , పైట్స్ అద్భుతంగా చేశారని ఫిలిం చాంబర్ అధ్యక్షుడు సునీల్ కుంబా తెలిపారు . మెగాస్టార్ చిరంజీవి జన్మదినం సందర్భంగా ఆగష్టు22 న విడుదల చేయనున్నట్లు హీరో మరియు నిర్మాత రవి కిరణ్ తెలిపారు .ప్రముఖ దర్శకుడు కట్టా శ్రీకర్ ప్రసాద్ దర్శకత్వంలో నిర్మించిన ఆర్.కె .పురం లో? ఒక సస్పెన్స్ గా సినిమా సాగుతుంది అన్నారు ప్రధానంగా మత్తుకు బానిస అవుతున్న యువత , గంజాయి రాకెట్ లపై ఈ చిత్రాన్ని నిర్మించామన్నారు . బెంగుళూరులో జరిగిన పోస్టర్ ఆవిష్కరణ కార్యక్రమంలో కెమెరామెన్ వాసుదేవన్ , ప్రముఖ కన్నడ దర్శకుడు గురురాజ కులకర్ణి ,వాసంశెట్టి తేజ , మేనేజర్ రూప రాస్విని , వినయ్ తదితరులు పాల్గొన్నారు .
