https://www.facebook.com/168228096880779/

Muslim Media Studio

Home
India
Hyderabad
Muslim Media Studio

Sirf Aur Sirf Haq Ka Sath

07/08/2026

Assam Ke Beghar Khandanon Ke Liye Salman Khan Ka Bada Qadam, 500 Semi-Permanent Ghar Ban Rahe Hain

Assam me shadeed sailaab se mutasir hazaron khandanon ki madad ke liye Bollywood actor Salman Khan ne ek badi insani pahal ki hai.

Media reports ke mutabiq, Salman Khan ek NGO ke saath milkar sailaab se mutasir logon ke liye 500 semi-permanent ghar banwa rahe hain, taake beghar hue logon ko mehfooz rehne ki jagah mil sake.

Reports ke mutabiq, ab tak takreeban 220 ghar tayyar ho chuke hain. Har ghar par lagbhag 35 se 40 hazar rupay kharch aa raha hai.

Salman Khan ne mutasireen se kaha, "Aap log fikr mat kijiye."

Bataya ja raha hai ke is madadi muhim me actor Randeep Hooda bhi zameeni satah par mutasireen ki madad kar rahe hain.

07/08/2026

Vijay Hukumat Ka Bada Elaan:
Pehli Baar Hajj Par Jaane Walon Ko Tamil Nadu Hukumat Ki Taraf Se 35 Hazar Rupay Ki Imdad.

06/08/2026

Agar Aap Ka Chhota Sa Karobar Hai, Do Waqt Ki Roti Naseeb Horahai Hai,
Shaam Ko Biwi Bacchon Ke Saath Hansi Mazaaq Karne Ka Waqt Mil Jata Hai To Yaqeen Maaniye Aap Duniya Ke Ameer Tareen Shakhs Hain.

Ya Allah, Sabko Accha Karobar Aur Behtareen Sahet, Tandurusti Ke Saath Halal Rizq Ata Farma, Aur Har Momin Ko Namaz Ka Paband Bana, Hamari Duaon Ko Qubool Farma: Aameen Summa Aameen

06/08/2026

Mohammad Saleem Ki Telangana Ke Voters Se Aham Appeal
Sabiq MLC aur Telangana Waqf Board ke Chairman Mohammad Saleem ne Telangana ke logon, khaas taur par aqalliyati tabqon se appeal ki hai ke 10 August se pehle apna SIR form zaroor jama karein.
Unhon ne kaha ke 10 August SIR forms jama karne ki aakhri tareekh hai aur tareekh badhne ke imkaan bahut kam hain. Isliye jin voters ne abhi tak form jama nahi kiya hai, woh jald se jald apna form complete karein.
5 August ke data ke mutabiq Telangana mein 3.38 crore se zyada registered voters hain. Inmein se lagbhag 2.63 crore voters ke forms digitize ho chuke hain, jabke 75 lakh se zyada voters ke forms abhi baqi hain.
Mohammad Saleem ne khaas taur par Hyderabad aur aas-paas ke ilaqon mein SIR forms jama hone ki sust raftaar par fikr zahir ki. Unhon ne kaha ke waqt par form jama na karne se voters ko aage chal kar voting aur doosre qanooni mamlaat mein pareshani ho sakti hai.
Unhon ne siyasi jamaaton, milli tanzeemon, samaji karkunon aur zimmedar afraad se bhi appeal ki ke woh logon ko SIR ke baare mein jagruk karein, forms bharne aur jama karwane mein madad karein aur BLOs se rabta banaye rakhein.

06/08/2026

Sonipat Ka Dil Dukhane Wala Waqia

74 saal ke kapde ke tajir Shivcharan Gupta ka kal Sonipat ke ek old age home mein inteqal ho gaya. Unki 3 betiyan hain, lekin afsos ki baat yeh hai ke un mein se koi bhi apne walid ke aakhri deedar ya janaze mein nahi aayi.

Shivcharan Gupta aur unki marhoom biwi ne apni teenon betiyon ko padhaya likhaya aur unhe apne pairon par khada kiya. Aaj unki betiyan Nepal, Uttar Pradesh aur Mumbai mein rehti hain aur do betiyan school teacher hain.

Biwi ke inteqal ke baad Shivcharan Gupta old age home mein akelay rehte the. Unke paas sirf ek mobile phone tha, jisse woh apni betiyon se baat karte the.

Old age home ke manager ke mutabiq, unki tabiyat kharab hone ki khabar 20 din pehle hi teenon betiyon ko de di gayi thi, lekin koi bhi unse milne nahi aaya. Jab tabiyat zyada kharab hui to betiyon ne phone uthana bhi band kar diya.

Inteqal ke baad old age home ne dobara unse rabta kiya aur kaha ke agar woh aana chahein to aakhri rasoomat rok di jayengi. Lekin kisi bhi beti ne aane se inkar kar diya.

Badi beti ne sirf ₹5,100 online bhej diye aur kaha ke janaze ki rasoomat video call par dikha di jaye. Pehle unhone asthiyan sambhal kar rakhne ko kaha, lekin baad mein yeh keh diya ke unke paas aane ka waqt nahi hai aur Ganga mein visarjan bhi old age home hi kar de.

Yeh waqia dil ko jhanjhor dene wala hai. Jo walid apni poori zindagi bachon ki parwarish aur unke mustaqbil ke liye laga dete hain, agar unka aakhri safar tanhai mein guzre, to yeh samaj ke liye sochne ki baat hai.

06/08/2026

Achar Boy Abrar Ki Namaz e Janaza Baad Namaz e Asar (5:15 PM) Kanzul Uloom Markaz Shaheen Nagar Me Ada Ki Jayegi.

06/08/2026

LPG Cylinder 18 Rupay Mahenga Hone Ka Imkaan, Ghar Ke Budget Par Pad Sakta Hai Asar
Mahengai ke beech aam logon ko ek aur jhatka lag sakta hai. Bharat me LPG gas cylinder ki qeemat me taqreeban 18 rupay izafe ka imkaan bataya ja raha hai.
Reports ke mutabiq, Petroleum aur Natural Gas Ministry LPG par 1.29 rupay prati kilo levy (tax) lagane par ghaur kar rahi hai. Agar yeh tajweez lagu hoti hai, to gharelu LPG cylinder ki qeemat lagbhag 18 rupay badh sakti hai.
Iske alawa, Natural Gas par bhi naya levy lagane ki tajweez di gayi hai, jisse hukumat ko har saal achchi khaasi aamdani ho sakti hai.
Filhaal petrol aur diesel ki qeematon me koi naya tabdeeli nahi hui hai.
Aham Baat: Abhi LPG cylinder 18 rupay mahenga nahi hua hai. Sirf iske mahenga hone ka imkaan bataya gaya hai.

06/08/2026

Rangareddy District ki Fast Track POCSO Court ne 2 saal ki masoom bachi ke saath ziyadti karne wale mulzim ko umar qaid (life imprisonment) aur ₹7,000 jurmana ki saza sunayi hai. Court ne mutasir bachi ke liye ₹5 lakh muawza dene ka bhi hukm diya hai.
Yeh waqia 22 June 2025 ko Balapur mandal ke Shaheen Nagar mein pesh aaya tha. Mulzim Sonu Chakravarti Alias Mohammad Asif (22), jo bhutte bechta tha, ne ghar ke bahar khel rahi 2 saal ki bachi ko "bhutta dunga" kehkar apne kamre mein le gaya aur uske saath ziyadti ki.
Bachi ke rone ki awaaz sunte hi mulzim wahan se farar ho gaya tha. Ab Court ne sabooton ki bunyaad par mulzim ko umar qaid ki saza dekar insaf ka faisla sunaya.

05/08/2026

UPI Ab Bilkul Free Nahi Rahega? Hukumat Ki Badi Tayyari, Digital Payment Par Lag Sakta Hai Naya Charge
UPI se payment karne ke nizam me badlav ki taiyari shuru ho gayi hai. Markazi hukumat ne Lok Sabha me ek bill pesh kiya hai, jisse aage chal kar kuch UPI payments par MDR (Merchant Discount Rate) lagaya ja sakta hai.
MDR woh fees hoti hai jo bank ya payment company, dukaandar ya businessman se digital payment lene ke badle leti hai. Filhal aam UPI payments par koi MDR nahi lagta.
Reports ke mutabiq, hukumat har UPI payment par charge lagane ki planning nahi kar rahi. Sirf badi rakam ki transactions ya zyada business karne wale merchants par fees lagane ka option socha ja raha hai. Isme ₹2,000 se zyada ki payment aur saalana ₹1.5 crore se zyada turnover wale merchants ka zikr hai, lekin abhi koi final faisla nahi hua hai.
Sabse zaroori baat: Filhal aam logon ko UPI se payment karne par koi naya charge nahi dena hoga. Yeh bill sirf hukumat ko mustaqbil me MDR se jude qawaid banane ka ikhtiyar dene ki taraf ek qadam hai.

05/08/2026

Inna Lillahi Wa Inna Ilaihi Raji'oon
Bade afsos ke saath batana pad raha hai ke Charminar ke mashhoor Achar Boy Abrar ab hamare beech nahi rahe.
Allah Ta'ala se dua hai ke Abrar ki maghfirat farmae, unki qabr ko roshan aur wasee farmaye, unhe Jannat-ul-Firdaus mein aala maqam ata farmae, aur unke ghar walon ko sabr-e-jameel ata farmae.
Aameen Ya Rabbal Aalameen.

Address

Hyderabad

Website

facebook.com

Alerts

Be the first to know and let us send you an email when Muslim Media Studio posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Muslim Media Studio:

Muslim Media Studio

07/08/2026

07/08/2026

06/08/2026

06/08/2026

06/08/2026

06/08/2026

06/08/2026

06/08/2026

05/08/2026

05/08/2026

Address

Website

Alerts

Contact The Business

Shortcuts

Share

Category

Listing takedown request