The Urdu Daily

25/04/2025

پاکستان اور انڈیا کے درمیان حالیہ کشیدگی کے بعد دونوں ملکوں نے ایک دوسرے کے شہریوں کو 48 گھنٹوں کے اندر ملک چھوڑنے کی ہدایت جاری کی ہے۔
اس پس منظر میں یہ پیشِ نظر رہے کہ اس وقت پاکستان سپر لیگ سیزن 10 (پی ایس ایل) کے براڈکاسٹنگ عملے میں شامل بیسیوں انڈین شہری مختلف تکنیکی ذمہ داریاں سرانجام دے رہے ہیں۔

20/04/2025

بی جے پی لیڈر اور بالی ووڈ اداکار متھن چکرورتی کے بنگال میں صدر راج نافذ کرنے کے بیان پر ٹی ایم سی کے رکن پارلیمنٹ شتروگھن سنہا کا رد عمل سامنے آیا ہے۔ پٹنہ میں ہفتہ (19 اپریل) کو نامہ نگاروں سے بات کرتے ہوئے انہوں نے کہا کہ ''متھن چکرورتی میرے دوست ہیں، میں انہیں ایک اچھے اداکار اور ایک اچھے دوست کے طور پر جانتا ہوں، لیکن وہ کوئی سیاسی شخص نہیں ہیں۔ انہیں سیاست میں لایا گیا ہے۔

20/04/2025

ہفتہ کی رات دودھی کوتوالی علاقے میں ڈی جے پر گانے کو لے کر شادی کی پارٹی والوں کے درمیان جھگڑا ہوا۔ اس واقعہ میں ایک نوجوان کی موت ہو گئی۔ تین نوجوان شدید زخمی ہیں۔

19/04/2025

ٹرمپ انتظامیہ نے حالیہ دنوں میں سینکڑوں بین الاقوامی طلبا کا ویزا منسوخ کر دیا ہے۔ ساتھ ہی ان طلبا کو ای میل کے ذریعہ انتباہ کیا ہے کہ اگر انہوں نے جلد امریکہ نہیں چھوڑا تو انہیں حراست میں لیا جا سکتا ہے یا پھر انہیں ان کے آبائی وطن کے بجائے کسی دیگر ملک میں ڈپورٹ بھی کیا جا سکتا ہے۔ دراصل امریکی حکومت نے حال ہی میں بین الاقوامی طلبا پر کارروائی کی تھی تھی۔

18/04/2025

وقف (ترمیمی) ایکٹ 2025 کے خلاف دائر متعدّد مفاد عامہ کی عرضیوں پر 17 اپریل 2025 کو سپریم کورٹ آف انڈیا میں سماعت عمل میں آئی، جو اس قانونی عمل کا ایک اہم مرحلہ ہے۔ اس سماعت میں کسی بھی فریق کو کامیاب یا ناکام قرار نہیں دیا گیا بلکہ عدالت نے سماعت کے دوران مرکزی حکومت کے نمائندے، معزز سالیسٹر جنرل آف انڈیا جناب تشار مہتا کے زبانی بیان کو ریکارڈ پر لے لیا، جو بظاہر ایک عبوری ریلیف کے زمرے میں آتا ہے۔

17/04/2025

سری نگر میں شہرہ آفاق جھیل ڈل کے کناروں پر واقع ایشیا کے سب سے بڑے باغ گل لالہ کے پر کیف نظاروں سے محظوظ ہونے کے لئے مقامی و غیر مقامی سیاحوں کا بے تحاشا رش تواتر کے ساتھ جاری ہے۔متعلقہ حکام کے مطابق قریب 7 لاکھ مقامی و غیر مقامی سیاحوں نے اب تک اس باغ کی سیر کی ہے جس سے تمام سابقہ ریکارڈ پاش پاش ہوئے ہیں۔ واضح رہے کہ جموں وکشمیر کے وزیر اعلیٰ عمر عبداللہ نے 26 مارچ کو یہ باغ لوگوں کے لئے کھول دیا تھا

16/04/2025

بنگلہ دیش نے اپنے پاسپورٹس پر ”سوائے اسرائیل“ پھر سے چھاپنا شروع کردیا ہے۔ اُس نے اپنے شہریوں کے اسرائیل جانے پر پابندی لگادی ہے۔ غزہ پٹی پر اسرائیلی حملوں کے خلاف عوام کی برہمی بڑھتی جارہی ہے

16/04/2025

مرکزی سرکار کی جانب سے منظورکئے گئے وقف ترمیمی قانون2025 کے خلاف داخل عرضیوں پر کل یعنی 16؍ اپریل کو سپریم کورٹ کی تین رکنی بینچ سماعت کریگی جس کی سربراہی چیف جسٹس سنجیوکھنہ کریں گے۔یہ اطلاع جمعیۃعلماء ہند کی جاری کردہ ایک ریلیز میں دی گئی ہے۔

16/04/2025

چین کی جانب سے جاری سرکاری اعداد و شمار کے مطابق، چین کی معیشت میں رواں سال کی پہلے سہہ ماہی میں پچھلے سال کے مقابلے پانچ اعشاریہ چار فیصد اضافہ ہوا ہے۔

یہ اضافہ تمام تر توقعات کے برعکس ہے۔ تاہم امریکہ کے ساتھ تجارتی جنگ کے چلتے سال کے بقیہ مہینوں میں معیشت کی اچھی کارکردگی کے امکانات معدوم ہوتے نظر آتے ہیں۔

15/04/2025

سپریم کورٹ کے سابق جج روہنٹن نریمن نے سخت انتباہ کیا ہے کہ اگر آئین کے 'بنیادی ڈھانچے' کے نظام کو کسی بھی طرح کمزور کیا گیا تو یہ ملک کے لیے تباہ کن ثابت ہوگا اور جلیانوالہ باغ قتل عام جیسے واقعات پھر سے ہونے کا خدشہ پیدا ہو جائے گا۔ جسٹس روہنٹن نریمن نے پیر کو اپنی کتاب 'دی بیسک اسٹرکچر ڈاکٹرین' کی رسم اجراء کے موقع پر ان خیالات کا اظہار کیا۔
Download app now

13/04/2025