16/05/2026
పన్నెండేళ్ళ అబ్బాయి సౌరవ్...
వేసవి కనుక స్నేహితులతో కలిసి దగ్గర్లో ఉన్న కెనాల్ లో ఈత కొడుతూ, ఆడుతూ సాగిపోతున్న బాల్యం సౌరవ్ ది.
తలిదండ్రులు చనిపోగా 20 ఏళ్ళ అక్కతో కలిసి ఒక గ్రామంలో నివసిస్తున్నారు.
కొత్తగా ఎన్నికైన సర్పంచ్ విరాజ్ కన్ను వీడి అక్క పై పడింది.
కొత్త ఇల్లులు పేదలకు మంజూరు అయినా లిస్ట్ లో వీళ్ళ పేరు లేకుండా ఇబ్బంది పెట్టసాగాడు.
పేపర్లు లేవని, చెల్లవని, గుర్తింపు కార్డులు పనికి రావని ప్రతి సారి వివిధ కారణాలు చెప్తూ గ్రామ పంచాయితీ చుట్టూ తిరిగేలా చేసాడు.
ఇవన్నీ కుట్రలు తెలియని అమాయక బాల్యం సౌరవ్ ది.
తల్లిదండ్రుల డెత్ సర్టిఫికెట్ అడిగితే తీస్కుని వెళ్లి ఆ సర్పంచ్ మోహన పడేసి విసుగుపోయిన ఆమె గట్టిగ అరుస్తూ ఇంకేం కావాలి ఇంకెన్ని రోజులు ఇలా వేధిస్తావ్ అంటూ గ్రామస్తుల ముందు అరిచింది.
అందుకు సర్పంచ్ అహం దెబ్బ తిని
ఒకరోజు రాత్రి 12 తర్వాత ఇంటి తలుపులు కొట్టి ఆమెను మరో ఇద్దరి సహాయంతో బలాత్కరించాడు సర్పంచ్.
సౌరవ్ అరుస్తూ కేకలు పెడుతున్న ఒకరు కూడా సహాయానికి రాలేదు.
వాళ్ళు వెళ్ళిపోయాక అక్క తమ్ముళ్లు ఇద్దరు బోరుమని ఏడవసాగారు.
తెల్లవారు జామున
సౌరవ్ ఇంట్లో ఉన్న తన తండ్రి ఉపయోగించే నాటు తుపాకీ పట్టుకుని నిప్పులు చెరుగుతున్న కళ్ళతో సర్పంచ్ ఇంటి వైపు వెళ్ళాడు.
వెళ్లిన 20 నిమిషాలకు తుపాకీ పేలిన శబ్దం తో ఆ ఊరు నిద్ర లేచింది.
సర్పంచ్ తన ఇంటి వరండాలో మూడు బుల్లెట్ల తో శరీరం తూటు పడి రక్తం మడుగు లో నిద్ర పోయాడు శాశ్వతంగా...
సౌరవ్ పారిపోలేదు.
గర్వంగా ఆ శవం పక్కనే తుపాకీ తో కూర్చున్నాడు.
తుపాకీ శబ్దం విని అక్కడికి చేరుకున్న తన అక్క భయబ్రాంతులతో "ఎంత పని చేసావ్ సౌరవ్" అంటూ రోదిస్తుంది.
సౌరవ్ మాత్రం అక్కని చూస్తూ చిరునవ్వు నవ్వాడు.
ఆ నవ్వులో వేల అర్దాలు.
పోలీసులు వచ్చి అరెస్ట్ చేసి జువనైల్ జైలు కి తరలించారు.
విచారణలో కూడా ఎపుడు ఏడవడం కానీ
భయపడడం కానీ చేయలేదని పోలీసులు వెల్లడించారు..
****************
ఇంత చిన్న వయసులో చట్టం గురించి తెలియకుండా తన అక్క కు జరిగిన అన్యాయానికి వెంటనే ప్రతీకారం తీసుకున్న సౌరవ్ నిజంగా చెడ్డవాడా !!
పరిస్థితులు వాడి బాల్యాన్ని లాక్కుని హంతకుడిని చేస్తే మన వ్యవస్థ శిక్షించి జైలు కు పంపింది.
న్యాయం చట్టం అనేవి మన దేశంలో పేదవాడికి ఎపుడు ఆమడదూరంలో అందని ద్రాక్ష లాంటివే..
అందుకే ఇలాంటి సౌరవ్ లు పుడుతూనే ఉన్నారు.
, , , , , , , , , , , ,
