05/06/2026
Malemgi aying-asha gi khal kaitharakliba asidagi kannaba mee-oi bana thoudang louminnaba tangai fade. Honglakliba akoibagi phibam asibu ngak-sennaba amadi mahousagi leijariba khal bu tungee meerolgidamak shok-handana thamnabagi wakhallon da MSF gi mashing yamlaba thoumee singna kaitharakliba Koubru gi shaktam asi matam kharagi tungda mut-khigadra wajaduna Mission Mount Koubru Afforestation (Sanghallasi Koubru Chingdol) haibasida ing kumja 2019 May gi 4 amadi 5, numit nini chupna chingmai singda U-chara lishing ama henna thakhi. Chahi asimakki June 5, Malem pumbana World Environment Day pangthokpa numit asida Imphal East gi manung channa leiba Lamyanba Hijam Irabot Memorial Park, Keibi Khullen da U- chara kayasu thakhi.
COVID-19 gi akanba safu-cheithengna mee-oi kana amattana yum dagi mapan thokpa kinaraba matamda MSF na malemgi akoibagi fibam shok-handana thamnaba amadi nongma-nongmagi kaitharakliba mahousagi khal asibu kanbada thoudang loudaba yadre, maheiroi lup ama oina, lamdam sigi nahashinggisu khunnai asi kanbada achouba mapham ama yao-e khanjaduna tangai fadana Luploi shingna ashang-amantana thallaba Manipur ama oiraknabagi wakhallon da ing kumja 2020 June gi cheichat 5, Irai numit ta "Sanghallasi Manipur" haiba environment friendly campaign asigi makhada Kwaithel Thounaojam leikai da leiba maheiroi lup asigi mayai loishanggi akoibada U-chara thakhi.
Hairiba "Sanghallasi Manipur", environment friendly campaign asigi manung channa makha tana ing kumja 2020 dagi houduna chahi khudinggi tampakka tainaba Manipur gi mapham mapham da leiba chingmai shingda U-chara thaba, yengsan khongchat chang naina chatpa amadi mathou taba thabak paikhattuna lakli. Ing kumja 2024 June 8, Saturday numit, World Environment Day- 2024 ga mari leinana hairiba numit asida MSF amadi Central Forest Division (CFD), Forest Department, Govt. of Manipur ga khutshamnaduna "Sanghallasi Manipur", environment friendly campaign gi makhada "Meeyam hupna U-thabagi Khongjang" (Mass Tree Plantation Drive) ama Imphal East gi manung channa Nongmaiching chingshang parengda U-chara 1500 muk thakhi. U-chara thabagi khongjang asida MSF gi luploi mashing 250 henba amadi CFD gi Official team gi mee-oi 20 na saruk yakhi. U-waa kak-thatpa, umang kok-thokpa sina mahousagi akoibagi fibam da sathina shok-hallak- e haibasi meepum khudingna khangjaba mathou tarakli.
Ing kumja 2025 gi oina tampaklamgi tongan-tonganba mafamsingda amadi maheiloishangsinggi campus da U-chara thabagi thabak thouram leptana changsinkhi; mamang mamangda thakhiba, houkhiba chahi 2020 dagi campaign asigi makhada ngasifaoba leptana U-chara thabagi khongjang changsinba mafamsingda chattuna yengsinba touduna lakli.
Chatliba chahi 2026 June gi cheichat 2, Monday numit ta "Sanghallasi Manipur " campaign asigi saruk ama oina, masigi manung channa chatharakliba U-chara thabagi thabak thouram oina "Taibang Thawai sing Kannaba Maru Kokthoklaba Chingmai sing Eshang-Shanghallasi" haiba theme asigi makhada "Malemgi Mahousa Kannabagi Khongjang" ama MSF amadi Central Forest Division (CFD), Forest Department, Manipur ga khutshamnaduna Imphal West gi manung channa Changangei Uchekon da leiba COMET School da, maheiloishang asigi Principal su saruk yaraduna Heibok-Ching, Langthabal da pak-shanna U-chara thanabagi khongjang asigidamak "Lamthabagi Thouram" (Flag-Off Ceremony) ama pangthokhi. Masigi matungda, chaorakna school gi maheiroi 200, MSF gi thoumee 200 amadi Oficial team gi mee-oi kharaga loinana Heibok-Ching gi kok- thoklaba chingmaida U-chara 1000 muk thakhi. Indian Forest Act, 1927 makhada Reserved Forest amadi Protected Forest shingbu mee-oi bagi thabak thouram na mahousagi akoibagi fibam da akaiba pirakadabadagi kanjanaba yaori. Adum oinamak, Act amadi Law asigi marumda, senjao paiba sing, politicians singna makhoi masa-masagi kaanaba yenglaga, lallon itik ki sendong khara fangnabagi amadi Manipuri khunnai asi muthatnaba manba political agenda amagi makhada U-waa, Umang amadi chingmai sing kok-thok-li. Masina leijaramliba mahousagi ching, pat, turel da achouba safu ama pirak-tuna kangpal amadi eshinggi thawai-panba potshak sing, mee-oiba, Saa-nga pumbada sathina cheitheng pirak-li. Masina hak- thengnana amadi nakoinana mee-oibana masana masabu hingjanabagi Hak faoba khongaonari. Asigumba loilam gi lujadaba machat asi nongma natraga nongmadi meeyamna nakhoigi mathakta para tambibagi tangkak ama shoidana lakani, ngallingeida tungee meerolgidamak eikhoi pumnamakna thamoi sengna eikhoigi akoibagi fibam asi kannaba hotnaminnasi, kaitharakliba mahousagi khal asida kari tousige haibaromda changsinminnasi.
