Ningtampaojel

20/06/2025

THE GREAT ESCAPE - 11TH JANUARY 1982

1981/82 gi matam asida lalhoubagi mingda faduna Jail da thamlaba meeoi khudingmak bail da thoknanabagi khudongchaba amatta leite. Matamdugi Court na lalhoubagi mingda faraba meeoisingbu bail piba amasung pidada makhal ani thokna leirammi. NSA/NSO da detain touduna Manipur gi wangmada leiba Banaras na chingba atei Jail da namsillaga thamjilli. Court na bail piraba singsu Jail dagi release touba matamda gate tagi amuk hanna police na fajilli. Magistrate amagi mamangda puthoktuna anouba case ama pansillaga Jail da amuk-hanna namsillaga thambagi chatnabi ama leirammi. Maran leitaba meeoi kayasu chingnei haiduna case kaya pansinbiraga Jail da namsillaga thamba kaya amasu yaokhi. Court na achumba wayel toujaba pamlagasu matam adugi palliba leingak mapusinga police ka manaraga maran leitaba kayabu awaba famda tahanba ngammi. Asida nattana matamdugi Jail gi IG puramba meeoi aduna CRPF amadi Police sing puraktuna yamna toina Jail manungda combing operation chatthei. Combing Operation manungda ehing nahing sana fu cheiduna ot-neiba kayamarum chatharammi. Asidagi wahou ama oiduna Jail manungda achouba erang ama thokkhi. Fivam aduda khangba ngamdraba PLA cadre singna IG adu koitan tannaduna fukhi. Madugi wahoudagi CRPF singna prisoner singda nongmei kapsinduna, hand gr***de langsinduna landasinkhi. Manungda ehou houriba prisoner sing laksinnaba ahenba force matam adugi Imphal district Additional SP na chinglaga manungda changnaba thomjinlakkhi. Manungda ehou touriba PLA cadre sing atei meeoising pullaga force sing adu manungda changba ngamdanaba Jail gi yotki thongjao adu hangdoktuna changba yadanaba tumnaba thariba kangthon (famung) sing adu louthoklaga thongjao aduda ngaksinduna thamlaga changba thingkhi. Kaina-thangda wari watai kaya sanaraba matungda atei ahenba force sing changhandana Jail gi warder sing changhanduna mathou touhankhi. Thoudok asida maru oina Jail manungda leiriba PLA Cadre singda asok apan yamna yaokhi. Thokliba thoudok adu numidanggi pung taruk (6) aduwaidagi houraga pung nipan (8) taba matamda Additional SP amasung Imphal DC laktuna thoudok adu yasinnaduna loisinkhi. Asokpasing treatment p*khi. Asigumba meeot meenei kaya asigi marakta lalhouba singna khangduna leikhi.

July 6th Tekcham gi thoudok thokle. Thoudok asida Oja N. Bisheswar fakhre Oja kaya lanfamda sikhre. August 1, 1981 da marup Ch. Tombi (Benny), amasung Assamese Marup Bimol Das leikhidre. Amadi eikhoigi athouba marup kaya kaya mathang mathang leikhidaba amadi kaya amana fakhre. Thoudoksing asigi pao tabada Jail da awa fam taduna leiriba PLA cadre sing khangduna leiba ngamlaktre. Masidagi PLA Cadre singna Jail dagi nanthoktuna chennabagidmakta wa tannaba hourakkhi.

Ahanbagi kok chungsinnaba PLA Cadre singna thousil thourang mathang mathang tourammi. Hairiba thourang asi touringeigi cheirak asida PLA Cadre kharana makhoigi oiba tonganba thousil ama touduna jailor bu over power touraga Jeep amada jailor bu faduna hapchillaga gate lomda nanthokkhirammi. Nanthokkhiba asida PLA Cadre 12 ni. Thoudok asi thokkhiba asidagi matam khara leiraga Additional Jail lomda PREPAK na thourang touraga tunnel toukhi. Tunnel asida PREPAK ki matamdugi luchingba ama chenthoknaba thoklubada tunnel mayadagi fakhi amadi meeoi ani nanthoktuna chenkhi. Thokkhiba thoudok asina maram oiraga PLA Cadre singna tunnel tounabagi thourang toubada achouba pambei ama oikhi. Hairiba pambei asina ahouba oiraga achouba Jail Break amagi mang ama mangkhi.

Mai pakpagi tanja fanglabanina, thousil adu mapung fana yekthokpa tarammi. Ahanbada hougadouriba mafam adudagi wall faobada feet kaya oigadage amadi wall gi mapandana feet kaya chatlaga komna chatpa yagadage haibadu yektuna puthoklammi. Karamba mawongda, kayam luna kayam pakkadage amadi matou karamna oxygen fanggadage haibagi thousil aduda mayek sengna taklammi. Tunnel toubagi mawong matoudi leikhidraba marup Ch. Tombi (Benny) dagi technical oiba mahei asi khanghoukhi.

Surung Hutpa Houba:
Surung hutpada tha amagi matam loukhi. Surung hutpada sijinnaba khutlaidi, thangjou ama, sori ama, pen torch light amani. Thangjouna Convict taraba kangbudagi lourakpani, aduga sorina Kitchen dagi lourakpani, punna prisoner 100 dagi tadana chennanabagi pandamni. Leibak thamfam leiraktabadagi sangna tougadabadu tensinba tarakkhi. Chaorakna feet 150 muk sangna toukhi.

Room no 4 gi latrine gi kadagi touba houraga changfam du (tunnel inlet) (1 ½ x 1 ½ ft.) asini, asidagi henna chaohanba yadre. Changbada nungaina marang kaina changba yabadi oidre eikhoi pumnamak tunnel gi expert ti oirakkhidabani. Ft. 15 muk touraga ehan hanba oina thengnaba problem asi tunnel manungda thabak suriba meeoisingna oxygen ningthina fangdabana oikhi. Minute ama (1) subada kok chikpa sor (breath) honbada wabana, manungda leiraga subadi ngamdre. Aduna amuk touruba aduga amuk tunnel gi mapanda sor honnaba chenthorakpa asina manungda thabak kuina suba yadre. Oxygen si manungda leitre haina khannei.

Karamna Tunnel manungda oxygen fanghangadage haibasi eikhoida achouba singnaba ama oire. Tunnel gi thabak chatthariba eikhoi pumnamak lemna leinade thabak sujinba yadragasu, kokti thadei, Oxygen gi struggle asida oxygen fangdabagi experience asi eikhoi pumnamakki oina ahanba oigani. Oxygen fanghannaba upaisi makhal ahum (3) sijinnakhi. Upai ani kannakhide akonba ahumsuba upaina eikhoi pumnamakpu mai pakhankhi.

(1) Marup sing nare haisinnaraga jailor dagi Table fan ama louraga tunnel da fan gi nungsit humjilli, oide masina ahanba upai oina sijinnakhibani.

(2) Anisubada likli glass amagi manungda mei chaklaba candle ama leihanbada meido kuina leite, mutkhi. Oxygen glass manungda leitabadagini. Glass ki diameter adu eikhoina santhichegumba amana part ani thokna kakhal ama piragadi glass ki manungda leiriba candle adu mei chaklaga leiba ngamgani. Ngamlibadu oxygen changnaba passage ama piba aduga Carbon dioxide thoknaba passage pibadagini haiba angang oiringeigi science ki para bu ningsinglaga, tunnel da Oxygen changnaba hotnei, mai pakte.

(3) Feet 15 sanglaba tunnel haibadu oirabani. Masidagi mathakta yamna p*kna makhul macha ama hutlaga changyeng tou-e. Leimai mathakta faona hutlubadagi eikhoi pumnamakki thammoida soidana tunnel gi thabaksi mai paklagani haina faonei. Ap*kpa makhul macha asidagi kaptharakpa nungsit oxygen asi Aeroplane gi famfam seat ki kokki mathakta leiba nungsit kaptharakpadumaina eikhoida nungaihalle, Oxygen fangnaba makhul taruk (6) lom muk hutle. Oxygen gi problem solve toure.

Ningthamthagi engjaragasu tunnel manungdadi A/C room gumbani. Adubu warm oibana thabak progress leina chatthabada apanba amadi oihalli. Tunnel manungdusu pungmam mammi. Asigumba mambagi khudong chadaba problem macha sidi manungda electric pusinlaga pumngan nganhalle. Jail gi oina meidi 24 hr pibibanina, eikhoigi laibak faba haibadu tare. Tunnel gi thabaksi nungthil amasung numidang leptana chatthei. Nungthilgi matam oirabasu numidangbu oirabasu surprise Jail search toubasi Jail authority na toina toina pangthok-e. Madugi damakta eikhoina, sentry oinaba mangjounana search team lakle khangdoknaba Old Jail dagi New Jail faoba chaithoklaga meeoi mari manga (4/5) leinei. Makhoina pao pirakpana tunnel manungdagi eikhoina thoraklaga hutliba makhul mensillaga, ningthina loisinba ngamhalli.

Eikhoigi oinadi pot macha (small arm & gr***de) manungda yousillakkadouraba aduga mapandasu manunggi eikhoina chenthorakpada cover fire pinanaba two-wheeler/four-wheeler garina ngairaga leinanabagi khannarabani. Chennabagi plan, houba matamda mapandagi cover fire pirakpa pumnamak eikhoigi thabak thouram ngaktani. Escape tourakpada eikhoigi meeoi nattaba atoppa lupki meeoi eikhoina invite toubadagi yaorakkhi. Madugidamakta eikhoina chaothokchaba faojakhi.

Eikhoigi tunnel faogadabasi 1st MR gi campus manunggi mongsong manungdani. Madudabu faogatpa ngamlabadi Jail da leiramliba matamdugi masing yamlaba PLA cadre pumnamak escape touba ngamlagani haina thajanei. Adubu tunnel manungdagi puthorakpa leibaksi yambana thamfam leitabagi awaba mayoknaba hourakkhi. Ceiling mathakta thambadagi hendoktuna Room-4 gi Veranda gi mathaksu leibakna thalle. Mapandasu leibak sing hondoklaga thamba houre. Thamliba leibaksing asi khangdanaba leibak touthoktuna hingkhol koire. Manungdagi puthorakpa leibaksing adu hingkholgi touthoklaba leisa maraktasu hapchille. Leibak yambana sindokpada awabadi oirabani. Akonbada upai leiraktabadagi eikhoigi manungi tunnel da yet oida leibaksing napsinba yaba napsille. Nungaina marang kaina leiramba tunnel su ekhu khujinkhre. Chap chana leibak thamfam leiraktabagi mathakta, ceiling mathakta mapangal leiriba leipaksing gi arumba asi yambana ceiling asi soidana tektharklaga taraklagani haina kanna khannare. Matam asidadi Jail gi manungda eikhoigi mapandagi pisinlakpa, small armed revolver, gr***de ama leirabani. New Jail gi room no 3 gi toilet ki faklangda leibaktagi feet 5 wangba wall gi brick khara sattoklaga lotlaga thambana combine team, (Army, CRPF, Manipur Police) na search lakpadasu detect touba ngamkhide. Search asi chengadaba numit nini gi mamangda pangthokkhi haina khalli.

Thintharagadi ceiling teklakpana maram oiraga eikhoigi tunnel gi thabaksing fail oirani. Aduna ngasimak chellasi haina kanna ngangnare. Matamsidadi eikhoigi tunnel asi 1st MR mongsonda faogatkadaba nattre. Mongsong yougadaba 30 ft muk watlamgani khalli. Chap chana tower sentry gi mathaktagi kaptharakliba flash light na taba mapa oirabani. Sentry na nongmeina kaplakpadasu, kaptharakpadasu chap chana nungairaba mafamda oirabani. 1st MR gi mongsong da faogatlaga eikhoi pumnamak escape tougani haibagi hope kaire. Soidana khangkharadi kaptharakpa sentry gi maruna polang sarani haibasu yaonarakle. Meeoi kharagi wakhalna mapandagi eikhoigi marupsingna cover fire pirakani aduna khara siba yaoragasu eikhoi chendaba yadre nattragadi escape ki plan asi totally fail oirani haibani. Kuina khannaba matam fangkhidre. Numidang oisillabani old Jail da Jail gi warder sing ka-kagi thong lonnaba matam oiraklabani.

Chengani khalliba eikhoida henna echang thouhallibasi mapanga manungga yamna toina e-pao faonaba ngambanasuni. Jail da leiramliba marupsinggi moral wangna leihannaba mapangi marupsing leader singgi achouba singthaba yaba thabak thouwongni khalli. Matamduda eikhoina chaona thabaksing paikhatli. Manungda Armed paire, mapandana cover fire pinanaba marupsing RF rifle ga loinana leire. Gari kaya amana eikhoi oknaba ngaiduna leire. Pumnamaksina chengadaba eikhoi pumnamakpu henna cheningbagi enot ama p*khi haina khalli.

Chenbada yaogadaba PLA Cadre sing, atoppa party gisu yaona list ama semdokle. Chenbada yaogada meeoising tunnel leiriba ka adugi manungda pumnamak leire. Chenbada mateng oinanabagidamak lupa chamma chamma (100) paihalli. List aduda mathang manao naina yaoriba maming mathadu amamamta kouduna chennanabagidmak tunnel manungda changhalle. Khwaigi mamang thangba duna mee surabara haina masing thiraknaba haiduna word passing ama pirakkhi. Tunnel manungda sem saduna leiraba meeoising sure haiba pao hankhibaga tunnel makhuldagi chenba houkhi. Armed paiba kangbuna Tunnel dagi hanna faogatlaga, karigumba mapanda (tunnel faogatfam mayada CRPF ki Petrol party thengnarabadi, makhoinasu cover kharadi pinaba haina khannei. Chellamdaida, cover fire pinaba khutlai paibasingna mang thahalle. Epa paraba leimai (tunnel gi) adu eikhoina khutna enkhatlaga ningkhaihallaga chongkhatlaga chenba hourakpa matung second taruk taret ki matung ahouba nomeigi makhol taba hourakkhi. Sentry na magi post tagi kaptharakpani aduga Nambulgi wangmadagisu eikhoigi hannana ngaiduna leiramlaba marupsingna sentry tamna kaplakpagi makhol kaya amana pumlang lang-e, pumnil nilli. Tunnel makhuldagi leptana chenthorakpa eikhoi pumnamaksi 1st MR gi mongsong tamna chensinnei. Marup amana MR gi Latrine lomdagi New Jail amasung power house anigi marakta leiba CRPF camp lomda gr***de ama langsillaga pokkhaihankhi. Nambul turel youdringei da tingkhang tarana khaba sambal ama leirammi. Tingkhang tara adu namkhaiduna litlaga chatnanaba hotnabada tingkhang tarana nanggal amadi thunda thinduna sokpa yaokhi. Eikhoina Nambul turel lallaga turelgi angamba karakpada torbanduda leiba khongnang pambi amagi marumda eikhoibu ngairamba marupsingna Sentry tamna cover fire piramba ubada angakpa fangna nungaiba faokhi. Numit tuda eikhoi ni, eikhoigi natte khangdoknaba pass word sijinnei. Garida eikhoibu ngaibiramba marupsingna eikhoida onsillaga “kari ensangno” haina laorak-i. Eikhoina “hawai thongbani” haina khumlaga garida kakhatnei. Nambul mapanda eikhoibu ngaibiramba gari kayada tongkhatnaduna thuna yangna chenkhiba ngamhanbana eikhoigi Jail escape, Jail break asi achouba mai pakpa oihankhi.

11TH JANUARY 1982 da Imphal Central Jail dagi chenkhiba PLA Cadre tarataruk (16) amadi atoppa Party gi taruk (6) pu faba amadi pao piba ngambada sel gi mana oina pigani haina Manipur Government na laothokkhi. Laothokkhiba cherol asiga loinana chenbada yaokhiba meeoisinggi photo sing newspaper, bus ki maningda, mee yamna tinfam mafamsingda, wall da thettuna meeyamda khanghankhi.

for more info please visit: ningtampaojel.com

13/05/2025

ANOUBA MATAMGI ANOUBA LANGI KHUTLAI || 13 May 2025
Hongdunata leiba melemgi khongchat asida meeoibana thengnariba Lan asisu ahongba kaya lak-i. Houjik maru oina sijinariba Lan gi khutsu-khutlai da Electronic Warfare asi yamna kanaba ama oirakli. Ahongba asida eikhoisu yaoba tarak-e. Ngasi eikhoina sijinariba Electronic equipment sing; Drone, Anti-Drone Gun, Anti-drone Jammer ayambana China na saba ngaktani. Malemgi oinasu Electronic Warfare asi China na mangjil tharakli. Malemsida Drone khwaidagi yamna puthokpa leibaksu China na oiri. Mayai oirap faba, landasu sijinaba yaba, malemgi oina mamalsu hongba Drone sing China na puthokli. Malemgi thakta ‘Chinese Cheap Drone’ hai, adubu lairaba eikhoidadi Cheap drone se onthokna tangkhre. Hiram kayada malemgi anouba super power oirakliba China asi India gidi ‘Enemy No.1’ ni hairibani. Pakistan na No.2 da leire. Madugi mathangda Bangladesh, Nepal sing mathang mathang parengda leiribani. India asi magi yeknaba leibakna koisillaga leiri. ‘Yeknabagi Yeknabadi eikhoigi marupini’ haiba lan gi kanglonsu leiri.
Lan gi kanglon da masing yamba natraga leibak chaoba khaktana Lan ngammi natraga ngamgani haiba leite. India gi lanmee sing Kangleipakta loina lakpa yaba natte. Kashmir, Pakistan, Siachen Glacier maikeising mikup ama thadokpa yaba natte. Eikhoina thengnariba ereibak Ningtamjanaba Lan asida, India se yamna chaowika haiduna kiruningai leite. Kangleipak yaona WESEA lamdam sigi meeoi ama leirifaodi Loilam sandokpa India ga lan leptana thengnagani, loi challiba asi handoktrifaodi India su ing-tappa sungfang fangloi. Meekha ponna hingbabudi, iningtamna sikhibana henna fei haibasi meeoibagi wakhalda chennaba ihulni.
WESEA gi lamdam asigi Ningtam Lalhou asina khitang kankhatlakpada atei India gi yeknaba leibak sing asina soidana mateng panglakpa natraga khudong chaba adum lourakkani. India ga China ga natraga Pakistan ga India ga matam amada hekta Lan thoklakpa yai, adugumba matamduda WESEA gi Ningtam Lalhou singsu achoba khudongchaba ama soidana lourakkani. Kashmir su soidna khudong chaba lourakkani. ‘South India singna karigumba ningtamba tallaklabadi mateng panggani’ haiduna Tamil Nadu gi CM Stalin na laothokhiba, Dravidian singna North India ga tokhai tanaba ehou soidana lakhini. Geo-politics ki khudong chaba lounaba ngainaduna leinaribani.
Hindu Lainingda ka henjinbagi ehou kankhatlakliba, Capitalism da khongjen yangkhatlakliba India masa manungmaktada tuhatpiraba meeoi kayagi Lalhou kankhatlaklibani.
Akanbagi asonba mafam yamna lei. Asonba mafamgi achengba yengduna khudong chaba louba haibasisu hounasani. Yeknabagisu achou-achouba drone pai, achouba drone na thadarakpa achouba bomb dagi ngakthoknaba theidoknaba sem-saduna leibana Yaolloi singda asok-apan kaya nangde. Yaolloisinggi ap*kpa drone na ap*kpa dropbomb thadabada yeknabada asi-ana kayamasu nanglibani.

For more info please visit: ningtampaojel.com

14/04/2025

Athouba Singgi Numit 13 April, 2025
Meeyamga loinana RPF amadi Masigi Lanmee PLA gi unit Dept. Station khudingmak ta thawai katkhraba athoubasingbu ekaikhumnaba utpagi thouram mapung fana pangthokkhre.
________________________________________________________________________
THAGATPA FONGDOKCHABA

Manipur puwarigi leimaida “ATHOUBASINGGI NUMIT” 13 April haina lengdana leihouragadaba numitsida laioikhraba Athoubasinggi khuvamda mapung oina Cheirao ching gi thelda amadi mafam- mafam khudingda leiriba Athoubasinggi khuvamda masagi chillaba thougaising thadoktuna heikat leikat tambada saruk yabikhiba eramdamsigi nungsijaraba ahal laman, epa epal, ema ebel, eche echal, echil enao, Club, Association, Organization gi meehutsing, Bar Association, School, Collage gi oja amasung maheiroising, Government amadi Private institution singda thabak toubiriba thoumeesing pumnamakki mafamda RPF ki maikeidagi thagatpa fongdokchari. Loinana meeyamgidamak awaba kaya mayoknaduna ninghannaba leitana thabak touriba Journalist sing, numit asigidamak mateng pangbirakkhiba transport ki thabak toubiriba echil enao amasung heikat leikat tamba lakp*khiba meeyambu asoi angam thoklakpa matamda ana layenggidamak lengbirakkhiba Doctors amadi Nurse singbusu RPF ki maikeidagi thagatchabaga loinana toubimal khangba utchari. Manipur Police amadi Traffic Police ta leibiriba echil-enao singna lengbirakliba meeyamsingbu ningthina ngaksenbiduna chatthok chatsin toubada mateng pangbibagidamaksu thagatpa fongdokchari.
Aroibada, Athoubasiggi khuvamda heikat leikat tambagi thourambu maipakna pangthokkhibada achouba thoudang loubikhiba khudingmakki mafamda RPF na amukka hanna ekaikhumnaba utchari.

12/04/2025

ATHOUBASINGGI KHUVAMDA MEEYAMNA HEIKAT LEIKAT TAMBIYU
Revolutionary People's Front
Press Release | No.25005 Date: 2025-04-11

Ema leibak Manipur bu India gi loilam leingaktagi ningtamba hanjinnaba changsillakliba lanjang asida thouna faba athouba kayagi e-khengtana yektuna thamlamlaba “Athoubasing gi Numit” “13 April”na lakpada Ema leibak-kidamak thawai kat-khraba laioikhraba athouba singgi mafamda RPF amadi masigi lanmee PLA na kok nonduna ekai-khumnaba utchari. Loinana yeknaba mayang lamlou lanmee gi tamthiraba meeot meeneida,mapuroiba,macha kainabagi awa meisa langhourabi Ema Ebel Eche Echal sing amadi punsi chuppa soinaiduna awa cheitheng khangliba nungsijaraba ereichasing khudingmakki mafamdasu RPF amadi masigi lanmee PLA na ekai-khumnaba utchari.

“Chatledo Eikhoidi Nakhoigi Hayenggidamak” haibasi thamoigi wani. Mitki pi, humang amasung ekhengna chamthoklaba hayenggi khongchattugi lambiduni. Nungsibi Ema! karamba matamdano Emana momon meenok tamgadaba? Emanadi uramlani Enga gi nonglakta chotlaba esada setliba lanfidu hakchanggi enilna kangba ngaikhiba, fivamna yadadua chara kaya henkhiba, ahing kaya khutta chetna pairiba khutlaidu yenglaga Ema bu ningsingduna chamarak khankhibani Emagini haina. Eikhoina chetna thajei chatpabu leptrabadi panthungdi nongma soidana yourakkani. Wanglaba ching mata thiba lokchap lanbada tingkhang tumbou netkhaiba masana tabani. Tasanu ekheng khongyadagi, piba ngamjage masina asengba yaol ehougi mar-khonggul, liraksanu khonggul mareibak nungsiba naha kayana.

Ngasigi numitsini yaol ehougi puwarida khongfam amatta lengdana yekanaba lamlou lanmeegi mayokta mairong yaduna thengnakhiba lantheng. Kodompokpi gi lanthengda athouba yaolloi kaya thawaina pontha p*khrabasu masina chukhatlamba yaol ehougi meira dudi mutpa naidana henna henna chakkhatlakli. Lanjao kaya lakkhini, masigi mamangda lan kaya thengnafam thokpadu thengnaduna lak-e. Lanjaba oina chakyom puduna nongju-nungsa khaktana, tin-kangna thallaba umang-wamangda masing naidana landanaba sem sakhibani. Mai pakpasu yao-e, maithibasu yao-e. Adubu hanba leitanadi chatthari. Eikhoina khangjaba amadi mayang lamlou lanmeesingdi matou mannaba hotnabani, khutsumal charaga lanmee oibani. Siba kidaba amata yaode. Mareibak nungsibasu amata yaode. Sel tanba lakpani. Eikhoigi umang-wamanggi potthok huranba lakpani. Makhoina thengnagadaba lan-gi mahutta apangba kanglup faduna makhoigi mahut lanthengnanaba senfam chaona chaona kaithaduna khoichak thaba kangbuni. Mayoknaba lanfamda mairong yabagi mahutta mamai leiduna chenkhiba ngaktani. Handak eikhoigi meeyamna Delhi Bandit mayamsigi matik-mayai khanglamlagani. Ereibakki furup masel hatnahannaba semba, hatnaraga kumhei yengduna leithokpa, yum kaya tanggoi onba, meeoi lising 60 gi mathakta lanjennabada Delhi gunda makok kayana hanna yengdaba, loi mapu mayek sengle haibasi khanglabani. Houjik ereichasing khu-u senba matamni. Mayang tat-ta eikhoi thuba hounade. Amaga amaga hunnaduna kanglup masamakki manungda muknaba p*k thannaba hotnaba matam natte. Kanglup amaga kanglup amaga hanta-sunanaba sinduna wathok oiraba matung, kanglup masamaktugi manungda tinnaba yadanaba hotnabagi lallong asi eikhoi yelhoumee pumba likhatpa yadanaba hotnabagi lallongni. Ningtam ehou leiba lam amada loi mapuna toina sannaba lallong amani. Ereichasingna khangbigadabadi eikhoi maselgi lan-si thokhannaba hotnariba pumba class collaborator ni. Mawa loubiroidabani, matung elloidabani.
Kanglupki lan-gi mathakta naha kaya drug ka sagonnahanduna leibakki- leibak meeyamgi khan- gadaba amasung masagi mahei-masing tamduna yaifanaba hotnabagi mahutta atoppa taibang amada puduna sirum-narum leihalli. Chaokhraba chinglam gi mafamda poppy thaba, kani sungbada sougri yungduna leiriba masing yamkhraba Delhi gi lamlou lanmeesingna kankhattuna thambagi maramdi naha mayamsi hatnaba hotnabani. Meeoiba ama oina saramchat chatliba mayamsi drug nani. Naha kaya thiba khangdana mangkhibada lamlou lanmee mayam kamdouri? Chingnung manung, umang wamangda lotpa khutlaidi numit khudinggi fari. Masagi gari yaona mangkhiba angangdi thiba khangdri. Madusu President’s Rule (PR) gi matamni, Delhi leingakni. Loi mapuna loi chanduna thamliba meeyam asi mee oina udabani.

Delhi na semba khutsemgi lan asina atamnana lamdam asigi meeyamgi senmitlon, amasung khunnailon-gi fivam kayam sokchilhalli. Masi fagatnaba hotnabada areng areng putthahan- gadouribani. Keithel pumba leitabaga chap mannahalle amasung keithelda sel leitare. Seldi keithelda leigadabani. Sinmeesing thabak suningai leite. Loumeesing buffer zone semjinduna lou-wu-singwu tounaba changba yadri. Sambal khajinduna chatthok-chatsin yanadri. Mahei-masing tamba angangsing lairik tambagi wahanthok yaohandri. Masina tunggi lakkadaba meerolna kari oigadouri? Pumnamaksi touge yaona touribani. Yaitong khamdongba, akhang-ahei mayamsu Delhi gi punglonda jagoi sabana masing yamsillakli. Fana yamna apamba lan-thum amasung mingchat pamlabasu Sandrembi Emadi ngaksam youre haibasi kaofam thokte khanjei.
Aroibada thamjaningbadi April 13 gi paojeldi Kodompokpi gi lanfam asi ningtam lan-gi saruk amani. Ningtamba haibadu fangdanadi loilam leingaktagi amasung mayang lamlou-lanmeegi makhuttagi nanthokpa sukngam ngamloi. Ningtam ehou amasung ningtam lan asibu tarai-tarai lourabadi tungda lakkadaba meerolna ngasi wariba asidagi saruk chama henna awaba kaya mayoknagani. Manipur da Manipur macha yelhoumee leiraktaba yari. Manipur haiba nungsikhraba eramdam asi faoba machet- machet thugaiduna pumang manghankhiba yari. Manipur macha leitrabada Manipur khak leihourabada karida kannafam leigani. Manipur leitraga Manipur macha yelhoumee leihoubadasu wahanthok leigadara? Wafam asi numit asina lakpada ereichasingna ningsingbiyu. Houdong lamboibadi matat khangna tinnaba, matang chabada loisinnaba thousil-thourang yatkadabani.
Aroibada handakki chahi 2025, April 13, Sajibu gi taramanga (15) ni panba Nongmaijing numit “Athoubasinggi Numit” asida chingmee tammee ereicha khudingmakna e sa e sagi achinba kaya kaithokpiduna laioikhraba athoubasing gi khuvamda heikat- leikat tambada saruk yabinaba amasung numidanggi matamda yumthong khudingda meira katpinabasu RPF ki maikeidagi nolukna paojenjari.Loinana numit asigi oina laining laisongi thabak thouramsing nattana chakcha heijanaba amadi makhal khudingmakki harao kumheising leppiyu haina RPF na haijari.

“Victory to PLA” “Long Live RPF”

Dt. 2025-04-11

Roben Khuman

Secretary Publicity
Revolutionary People’s Front.

02/04/2025

MEEYANLON NA SAGATPA KUKI HAIRIBA ASI INDIA NA SIJINARI ||

WESEA lamdam asida Sak-chu manaba, fijet-chakcha, chatnabi-nat, Lon nachingbada khara-khara manaba naknaba singna yelhoungeidagi khunda-leitaminaduna lakli. Mapan lam Loilam sandokpasinggi safu kaya yousillaktuna, Leibak Loi chansillakpa, Loilam Leingaklon chatharakhiba matamda Furup singgi saktamda singnarakpa, furup masel nungsinadanaba hoo kamsillamba kaya leihoukhi.

British Loilam Leingak matamda, Chittagong lomdagi Bengoli singna meeoi kanglup kharada sijinaba Lon ‘Kuki’ haiba asi Manipur da amuk pusillaktuna British na mee furup kharada sijinaba hourakhi. Masigi safu asina khara kankhatlakhiba matamda, ‘nakhoi Kuki ni, eikhoi Kuki natte’ haibagi chayetnaba furup singgi marakta thoklakpa hourakhi. Loilamgi sahum changlaba meeoi kharana lamdam asida khundaduna lakhraba, Khongjai, Thadou, Aimol, Anal… nachingba furup kharabu namduna Kuki gi manungda pusinnaba hotnarakhi.

India na lamdam asibu makhoigi Loilam Leibak oina chatharakpa matamda makha tana, furup masel marakta nakpak tanahannaba thousil oina ‘Kuki’ haiba asi henna chaothokhannaba hotnaduna lakhi. Atoppa furup singgi maraktasu khutchabi khara semgatlaga, lamdam asida muknaba hengatlaktuna Kuki hairiba asina chingsillaba meeoisingga atoppa furup singga thengkhang-thengkhang kayada khatna-cheinaba, hatna-sunaba thoklakli.

Ngasi-ngasimaksu ‘Kuki’ haiba mingthol asigi manungda meeoi khara chingsillaga, tonganba mànglan ama sagathanduna thabaktana, Manipur gi ningtambagi ehou touriba Yaolloi singgi mayokta Counter Insurgency Tools oina sijinari. Indian Loilam Leingaklon gi Laang asida thuduna karigidamak furup kharagi meeoi singna Kuki gi manungda changlaga, matik chadraba sapot-lanpot khara paisillaga Ningtam Yaolloi singbu loisillage matagum thabakna mayong yaduna changsilluba karigino.
Eikhoi-ingna chikna malemsigi meeyamga meemannana nungai-yaifana pange hairabdi eikhoi apunbagi Yeknaba asi Indian Loilam sandokpasing asini khangminnaduna, makhoida onsinduna thengnaraba matamda fanggadabani.

for more information please visit: ningtampaojel.com

31/03/2025

29/03/2025

Ekaikhumnaba Uttuna Awaba Fongdokpa - Condolence
Revolutionary People's Front
PR No.25004 Date: 2025-03-29

Engkumja 2025, March 25, Leibakpokpa numitta Indian Army amasung makhoigi proxy ga thengnaba mayoknaba lanfam amada KYKL gi achangba Meeyamgi Yaol Lanmee (MYL) Pathou Lt. Angom Sanatomba @ Engo (37), apokpagi ming leikhidraba A. Chandramani Meetei, leifam Phayeng Mayai Leikai amadi PREPAK (Pro) gi Marup L/Cpl Maibam Naotonba @ Naatngakpa Meetei (18), apokpa amadi apokpigi ming leikhidraba M. Hemanta Meetei amadi Maibam ongbi Hemabati Devi, leifam Serou Makha Leikai, athouba ani asina Ema leibakkidamak thawaina pontha p*khre. Athouba anina ninghannaba leitana Manipur gi ningtam-lantheng da thawai katkhiba asibu Yaol gi ekaikhumnaba uttuna RPF na awaba fongdokchari loinana leikhidraba athouba anigi emung-manung, sagei-natei, marup-mapang singgi awabadasu RPF amasung masigi lanmee PLA na saruk yajari.

Leikhidraba athouba anigi thawaina Manipur Emagi tampakta engna chikna potthaduna leiba oirasanu!

Dated: 2025-03-29

Bangkim
Assistant Secretary, Publicity
Revolutionary People’s Front.
______________________________________________________________________________________
For more info, please visit: https://ningtampaojel.com/ekaikhumnaba-uttuna-awaba-fongdokpa-2/

08/03/2025

INTERNATIONAL WOMEN’S DAY-MARCH 8
Publicity Committee-Corcom
Press Release | Ref/No/PC-PR77/7/03/2025

Malemgi nupigi numit (International Women’s Day), March 8 na lakpada nupi oibisingna nat, khunnailon, senmitlon amasung leisemlon-gi lamda malemgi puwarida louduna lakliba thoudangsingbu CorCom na ekai khumnajaba utchabaga loinana eramdamgi nupi oibi pumnamakki mafamda yaifa paojel pijari. Chahi asigi malemgi nupigi numitki nunggi wakhallondi ‘Accelerate Action’ haibasina oiri.

Accelerate Action for gender equality haibadi khunnaisida leiriba nupi amasung nupa thong mannahannabagidamak paikhatliba thabak thouramsing asi khonglei yanghanba haibani. ‘Accelerate Action’ hairiba handakki chahigi malemgi nupigi numitki nunggi wakhallon asiga houjik Manipur (Kangleipak) ta oiriba nupi oibisinggi fivam asiga kadai faoba mari leinaribage amadi chusinnaribage haibasisu khannabagi tangaifadaba leirakli. Adubu leibaksida nupigi hakkidamak changsilliba khongjangsinggi oirakliba fivam asidi International Women’s Day gi nunggi wakhallon asiga onna teinabagum ngasidi uba fangli. Nupisingbu namthabagi thouong kaya ama lamdam asida ngasisu leppa leitana chatthari. Masida nattana nupisinggi marakta leiramba makhoigi apunba lingjel, apunbagi panggal adusu angam athou, yaitong khamdongbasingna tongan tonganba pambei kaya sijinnaduna thugaibagi thouwong kaya leptana chatthari. Lamdam asigi nupisinggi leibakki oiba luraba tanja amadi thougai kayada khongfam lengdana punna lepminnaba haiba mahousadagi leijarakpa apunba thouna lingjel adu leingakki angam athou, yaitong khamdongbasingna singkup sana thugaire.

Meeyamgi thabak touba ngamdraba, meeyamgi meehutni haina leiriba meeoisinggi yumda makhoigi mathoudang pangthok-u haina changsilluba meeyamgi thabak toujariba nupi oibisingga adugumba pukchel sengdaba luchingba sabasing adugi langda thuraba echam chamjaraba nupising aduga muknahalle, khut-sa thoknahalle. Nupi oibi kaya luchingba sabasing adugi punsi amadi lanaigi lan-thum ngakpada sijinnare. Maram asina accelerate action for gender equality hariba nunggi wakhallon asigi matung enna thabak thouramsing paikhatpada tangaifadaba nupisinggi apunba lingjel/saktam asigi matangda eikhoina ngasidi neinaba amasung apunba lingjel/saktam poraknaba hotnaba asi yam chaona mathou tare.

Houjik eikhoina tangaifadribasi eramdam Manipur (Kangleipak)ki nupisinggi punsi marel amasung leppa leitana thengnariba lantheng mayamsi hanna yengbani. Malemgi nupigi numit asi Europe ta Eng kumja 1908 da mayol chonglabasu, Manipur (Kangleipak)ki nupi khunnaigi oinadi Eng kumja 1904 da loilam mapu British thengnabagi ehou “Ahanba Nupi Lan”puwarida leikhrabani. Makha tarakpada Eng kumja 1939 gi “Anisuba Nupi Lan” loilam mapu amasung loi mapuna khudombida ungkhraba ningkha tamba mangkhraba ningthougi mayokta chatthakhibani. Khwaidagi maru oiribadi Eng kumja 1980 dagi chattharakpa Meira Paibi ehou asina loi mapu India gi namthabagi thousil kaya thengnaduna lakli. Houkhiba nupi lan ani amasung houjik chatthariba Meira Paibigi ehou asimak loilam leingakki mayoktani. Eikhoigi nupi oibising malemgi atei lamgi nupi oibisingdagi kayada mangjil thakhrabano! Kayada chumna lakliba nupigi ehouno! Ehou asi ngasi ngasisu leppa leitri. Khennaribasi Manipur (Kangleipak) ki nupisingdi nupi khunnaigida yengba mityengna anisubada thamlaga ahanba mityengdi eramdam Manipur (Kangleipak) ta loilam leingak thengnabasini.

Tasengna hairabadi meekha polliba lamda piba meekhalgi hak, fundamental rights pumnamak ning-kha tamba fangdrabadi wahanthok leiribra? Nupi kayagi ekai khumnaba amadi punsi manghankhre. Hingjage haibada yadaba lamda karamba hakno wahanthok leiriba? Hinglibra- sirabra mafam khangba ngamdraba, mapuroiba hallaktraba tangkhai lukhra (half widow) oiraba nupi oibi kaya Manipur (Kangleipak)ki leimaida masing hen-gatlakle. Masi 1980 dagini. 2023, May 3 dagi ngasi faoba chatthariba khutnek lan asidasu masi thoklibani. Houjiksu leibak manunggi loilam haibasina anouba loilamni. Ningtambasu malhanba, hak mayamsu piba manba wahanthokti leitaba, meekhalsu touba asengba meekhaldi nattaba, meeyam leingaknidi haiba fascist leingakni. Ereicha masel muknahannaba wathok pumnamakki thourang makhoina semli, aduga wathoksing adubu mayoknariba meeyam, maru oina nupising adubu awot-anei chatthari. Masinani eikhoigi nupi khunnaina Manipur (Kangleipak) ta malemgi nupigi numit pangthokpadi Europe- America gum kumhei natte, lantheng asigi saruk amani haina tattana laoribasi.
Loi mapugi kanglon makhada democracy gi maikhum uptuna pangthokliba meekhalsingda lairaba emunggi nupi kaya sel piduna, pija- pithaktuna meekhalda saruk yahalli. Su-nomduna sel tanbagi mahutta wadana sel tanbagi nat ama semgatlak-e. Nupi khunnaibu ekai khumnabire louragadi karigi ehou kayagi rally chatpa, strike toubada tabibadi lairadana thina- thina otpi- neibiri. Lamdamsida pangthokliba meekhal asi loi leingakki meekhalni. Facism gi leingakta democracy gi maikhum upsinbani. Meeyamgi ningtamba leite, mannaba haibadu ude. Freedom amasung equality haibasi democracy gi masani hainaribani. Adubu India leingaktadi animak yaode. Masa yaodana paiba oithokte. Colonialism na thawai oiraga facism na hakchang oiba leibakni.

Tasengna hairagadi ‘Accelerate Action’ haiba kumsigi nunggi wakhallon asi lamdam asida thokliba India gi khutna semba lan asina nupi oibisinggi senmitta piriba cheitheng adubu utli. Ngasidi khutsemna kanglupki muknaba oina onthoknaba hotnariba violence ki thabak asina matam sangna lamdamsida nungsi channana hingminnarakpa kanglupsinggi marakta wakhal tanaba ngamnadabadagi houjikti ungkhatnaba thokhalle. Ngasidi nupi oibising lambi-lamjaoda thoktuna ehou chatthari, chingkhong chingyada ahing nongsoiba yarekli. Fivam asida khunnai asigi senmitki yanglen saru oiriba kheithelgi senmit kaire. Chaokhat lambida manglomda changsinbagi mahutta lamdam asigi tangdu leitaba kaihanduna, senmitta meekha polle, kanglup masel muknahanduna thamle. Loufam hectare 10,000 lou uba yahandre, amadi lambi fongna thinglabasu India Leingakna yengduna leiri. Fivam asida nupisinggi sufam nomfam, maru oina lairabasingda chaona cheitheng pire.
Pumnamaksina maram oiraga malemgi nupigi numitta eramdamgi nupi khunnaigi mannaba hak amasung makhoibu ot- neiba, ekai khumnaba manghanba toudanaba CorCom na thengnaba yaba pumnamak thengnakhini. Loina loinana ningkha tambagi asengba mahao fangjadriba loi leingakki koluna nanthabiraba eramdamgi nupi khunnaidi struggle touba haibasi nattana eikhoigi lambi leite haibasi khangduna leiri, khangdunasu thengnakhigani haibagi thajaba leijari. Thengnariba pumnamaksisu loilam leingaklon-gi mayoktani. March 8 na lakpasida numit asida anouba wakhal amasung achetpa firepka loinana nupigi ningtambagidamak eikhoi punna thengnaminnarasi haina CorCom na meeyamda thamjari.

Kangla
Date: 07-03-2025
Publicity Committee, Corcom
*********************************************************
For more info please visit:
https://ningtampaojel.com/international-womens-day-march-8/