Anudhina Agni

29/01/2023

💡 *என் மனதில் பட்டவை* 🌿

*ஆதியாகமம் 26:18 ல்* தன் தகப்பனாகிய ஆபிரகாமின் நாட்களில் வெட்டினவைகளும், *ஆபிரகாம் மரித்தபின் பெலிஸ்தர் தூர்த்துப்போட்டவைகளுமான* துரவுகளை மறுபடியும் தோண்டி, தன் தகப்பன் அவைகளுக்கு இட்டிருந்த பேர்களின்படியே அவைகளுக்குப் பேரிட்டான்.

ஆபிரகாம் உயிரோடு இருக்கும் வரை அவன் தோண்டின துரவுகளை *ஒருவனாலும் மூடமுடியவில்லை.* இதனால் அவன் மரித்தப்பின் அவன் தோண்டின துரவுகளை பெலிஸ்தியர்கள் மூடிப்போட்டனர்.

ஆபிரகாம் என்றால் விசுவாசம். *நமக்கு விசுவாசம் இருக்கும்வரை பிசாசானவனால் நம்முடைய ஆசீர்வாதங்களை மூடிப்போடமுடியாது.*

இதை புதியஏற்பாட்டு வெளிச்சத்தில் சொன்னால்... நமக்குள் விசுவாசம் இருக்கும்வரை.. அப்போ விசுவாசம் குறையும் போது இல்லாதிருக்கும் போது பிசாசால் கிரியை செய்யமுடியுமா ?முடியாது.

*ஏனெனில் நமக்குள் விசுவாசத்தை துவங்கினவரே அதை முடிக்கிறவராய் இருக்கிறார்.*
எபிரெயர் 12:1

*நமது விசுவாசம் ஒழிந்து போகாதபடி நமக்காய் வேண்டுதல் செய்கிறவரும் அவரே.*
லூக்கா 22:32

*மங்கியெரிகிற திரியை அணையாமல் காக்கிறவர்* நமது விசுவாசத்தையும் அணையவிடமாட்டார். ஏசாயா 42:3

*பிசாசானவன்(பெலீஸ்தியர்கள்) நமது ஆசீர்வாதங்களை மூடிப்போடமுடியாது. ஏனெனில் நாம் விசுவாசத்தை வைத்திருக்கிற தேவன் உயிருள்ளவர்.*

💁🏻‍♂ *அனுதின🔥அக்கினி மிஷெனரி ஊழியம் / மத்தியபிரதேஷ்* - Google Pay : *8109944146*

25/01/2023

21/01/2023

*"அனுதின🔥தீ "(338)*

வெள்ளாட்டுக்குட்டிகளின் தோலை *அவன் கைகளிலேயும் ரோமமில்லாத அவன் கழுத்திலேயும்* போட்டு,
ஆதியாகமம் 27:16

தலைப்பு : *ரெபேக்காளும் கிருபையும். (பாகம் -7)*

ரெபேக்காளின் தீவிரம். தன் குமாரனுக்கு ரோமம் இல்லா இடங்களில் வெள்ளாட்டு தோலை போட்டு மூடுகிறாள் ரெபேக்காள்.

ஏனெனில் ஈசாக்கு சும்மா ஆசீர்வதித்திடமாட்டார். தடவி பார்த்து தீர விசாரித்து எல்லாம் சரியாய் இருந்தால் மட்டுமே ஆசீர்வாதம், இல்லையேல் சாபம்.

*இதை கிருபையின் வெளிச்சத்தில் சொன்னால்..* ஆசீர்வதிக்க ஈசாக்கு எதிர்ப்பார்க்கும் தகுதி யாக்கோபிடம் இருக்க வேண்டும் என்பதற்காக ரெபேக்காள் அவனை ரோமம் இல்லாத இடங்களில் வெள்ளாட்டு தோலை போட்டு தகுதிப்படுத்தினது போல..

*தகுதியில்லாத நம்மையும் ஆசீர்வதிக்க பிதா எதிர்ப்பார்க்கும் தகுதியை, கிறிஸ்து(கிருபை) தனது நீதியினால் நம்மை மூடி நாம் ஆசீர்வதிக்கப்பட நம்மை தகுதிப்படுத்தினார்.*

அன்று.. தான் ஆசீர்வதிக்கப்பட்டது தன் திறமையினால் அல்ல என்று யாக்கோபு உணர்ந்திருப்பான்.

*இன்று... நாம் ஆசீர்வதிக்கப்பட்டதும் படுவதும் கிருபையின் தயவினால் தான் என்று நாம் உணர்கிறோமா ?*

💁🏻‍♂சாம்டேவிட் / *அனுதின🔥அக்கினி* -9907927990

19/01/2023

💡 *என் மனதில் பட்டவை* 🌿

லூக்கா 18:11 ல் பரிசேயன் நின்று: *தேவனே! நான் பறிகாரர், அநியாயக்காரர், விபசாரக்காரர் ஆகிய மற்ற மனுஷரைப்போலவும், இந்த ஆயக்காரனைப்போலவும் இராததனால் உம்மை ஸ்தோத்திரிக்கிறேன்.*

தேவனுக்கு முன் தன்நீதியை காட்டும் எந்த ஜெபமும் பெருமையுள்ள ஜெபமே. அது ஒருநாளும் கேட்கப்படமாட்டாது.

*என்னை பொறுத்தவரை...* பாவிகளை விட பெருமையுள்ளவர்களே மிக மோசமானவர்கள். ஏனெனில் பாவிகளுக்குக்கூட தேவன் மனமிரங்கிடுவார். ஆனால் பெருமையுள்ளவர்களுக்கு இரங்குவதில்லை எதிர்த்தே நிற்கிறார்.
*யாக் 4:6*

பாவத்தை விட பெருமை கொடூரமானது. அது சுயநீதி என்னும் போர்வையில் தான் வெளிப்படுகிறது.

*யார் பெருமையுள்ளவர்கள் ?* யார் தங்கள் சுயநீதிகளை நம்பி தேவனிடம் நிற்கிறார்களோ (பரிசேயனை போல).. அல்லது தங்கள் சுயநீதியினால் ஒன்றை தேவனிடம் பெறநினைக்கிறவர்களுமே பெருமையுள்ளவர்கள்.

இயேசு நமக்காக நம்முடைய பாவங்களை சுமந்து தீர்த்து ஜெயித்துவிட்டார். *ஆனால் நாம் தான் நம்முடைய சுயத்தை ஜெயிக்கவேண்டும்.*

💁🏻‍♂ *அனுதின🔥அக்கினி மிஷெனரி ஊழியம் / மத்தியபிரதேஷ்* - Google Pay : *8109944146*

01/01/2023

https://youtu.be/wg2IbpQcoro