https://www.facebook.com/105505031635424/

Khabar 99 News, village sohian, Jagraon (2026)

03/10/2026

ਸੋਸ਼ਲ ਮੀਡੀਆ ਤੇ ਚਰਚਾ ਵਿੱਚ ਬਣਿਆ ਰਹਿਣ ਵਾਲਾ ਮੇਕਅਪ ਆਰਟਿਸਟ, ਸੋਸ਼ਲ ਮੀਡੀਆ ਇਨਫਲੈਂਸਰ ਮਧੂ ਸੂਦਨ ਉਰਫ ਮੈਡ ਸੰਧੂ ਦਾ ਕ ਤ ਲ,, ਹ ਮ ਲਾ ਵ ਰਾਂ ਵੱਲੋਂ ਮਾ ਰੀ ਆਂ ਗਈਆਂ ਗੋ ਲੀ ਆਂ, ਮੈਡ ਸੰਧੂ ਆਪਣੀ ਕਾਰ ਵਾਸ਼ ਕਰਾਉਣ ਲਈ ਗਿਆ ਸੀ,, ਅੰਮ੍ਰਿਤਸਰ ਵਿੱਚ ਵਾਪਰੀ ਘ ਟਨਾ,,

03/10/2026

ਆਪਸੀ ਰੰਜਿਸ਼ ਦੇ ਚਲਦੇ ਮੁੱਲਾਪੁਰ ਦੇ ਨੇੜੇ ਇੱਕ ਨੌਜਵਾਨ ਦਾ ਹੋਇਆ ਕ ਤ ਲ,ਕਾਰ ਸਵਾਰ ਦੋ ਨੌਜਵਾਨਾਂ ਤੇ ਹੋਈ ਫਾ ਇ ਰਿੰ ਗ ਇੱਕ ਦੀ ਮੌਕੇ ਤੇ ਮੌ ਤ,, ਪਰਿਵਾਰ ਦੇ ਮੈਂਬਰਾਂ ਨੇ ਲਗਾਏ ਗੰਭੀਰ ਦੋਸ਼, ਸੁਣੋ ਕੀ ਕਹਿਣਾ ਹੈ ਪਰਿਵਾਰਕ ਮੈਂਬਰਾਂ ਦਾ,,ਕੀ ਕਾਰਨ ਸੀ ਇਸ ਘ ਟ ਨਾ ਦੇ ਪਿੱਛੇ ਅਤੇ ਐਸਐਚਓ ਦਾ ਇਸ
ਘ ਟ ਨਾ ਉੱਤੇ ਕੀ ਕਹਿਣਾ ਹੈ ਦੇਖੋ ਪੂਰੀ ਵੀਡੀਓ,,,

03/10/2026

ਦੇਰ ਰਾਤ ਖੰਜਰਵਾਲ ਤੋਂ ਮੁੱਲਾਂਪੁਰ ਪਿੰਡ ਵਾਲੀ ਸੜਕ ਤੇ ਰਾਤ ਹੋਇਆ ਕ ਤ ਲ , ਮ੍ਰਿ ਤ ਕ ਦਾ ਨਾਮ ਲਾਡੀ ਖਾਨ ਦੱਸਿਆ ਜਾ ਰਿਹਾ ਹੈ ,,
ਪੂਰੀ ਜਾਣਕਾਰੀ ਜਲਦ

02/10/2026

ਗਾਂਧੀ ਜੈਅੰਤੀ ਮੌਕੇ ਪੱਤਰਕਾਰਾਂ ਨੇ ਹੱਕਾਂ ਤੇ ਸਹੂਲਤਾਂ ਦੀ ਆਵਾਜ਼ ਬੁਲੰਦ ਕੀਤੀ,,
ਪੰਜਾਬ ਐਂਡ ਚੰਡੀਗੜ੍ਹ ਜਰਨਲਿਸਟ ਯੂਨੀਅਨ ਨੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਦੇ ਨਾਂ ਤਹਿਸੀਲਦਾਰ ਨੂੰ ਸੌਂਪੇ ਮੰਗ ਪੱਤਰ , ਪੈਨਸ਼ਨ, ਸਿਹਤ ਬੀਮਾ , ਸੁਰੱਖਿਆ, ਰਿਹਾਇਸ਼ ਤੇ ਮਾਨਤਾ ਸਮੇਤ 15 ਮੰਗਾਂ ਉਠਾਈਆਂ,,
ਜਗਰਾਉਂ 2 ਅਕਤੂਬਰ (ਜਗਰੂਪ ਸੋਹੀ ) ਗਾਂਧੀ ਜੈਅੰਤੀ ਮੌਕੇ ਪੰਜਾਬ ਐਂਡ ਚੰਡੀਗੜ੍ਹ ਜਰਨਲਿਸਟ ਯੂਨੀਅਨ ਨਾਲ ਸਬੰਧਤ ਪੱਤਰਕਾਰਾਂ ਨੇ ਪੱਤਰਕਾਰਾਂ ਅਤੇ ਮੀਡੀਆ ਕਰਮਚਾਰੀਆਂ ਦੀਆਂ ਵੱਖ-ਵੱਖ ਮੰਗਾਂ ਨੂੰ ਲੈ ਕੇ ਸ਼ੁੱਕਰਵਾਰ ਨੂੰ ਤਹਿਸੀਲਦਾਰ ਪੁਸ਼ਪੇਂਦਰ ਸਿੰਘ ਨੂੰ ਦੋ ਵੱਖ-ਵੱਖ ਮੰਗ ਪੱਤਰ ਸੌਂਪੇ। ਯੂਨੀਅਨ ਦੇ ਪ੍ਰਧਾਨ ਵਿਸ਼ਾਲ ਸਿਡਾਨਾ ਦੀ ਅਗਵਾਈ ਹੇਠ ਸੌਂਪੇ ਗਏ ਇਨ੍ਹਾਂ ਮੰਗ ਪੱਤਰਾਂ ਵਿੱਚੋਂ ਇੱਕ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਦੂਜਾ ਰਾਸ਼ਟਰਪਤੀ ਦ੍ਰੌਪਦੀ ਮੁਰਮੂ ਦੇ ਨਾਂ ਭੇਜਿਆ ਗਿਆ।
ਮੰਗ ਪੱਤਰ ਵਿੱਚ ਪੱਤਰਕਾਰਾਂ ਦੇ ਹੱਕਾਂ, ਸਨਮਾਨ, ਸੁਰੱਖਿਆ ਅਤੇ ਭਲਾਈ ਨਾਲ ਸਬੰਧਤ 15 ਮੁੱਖ ਮੰਗਾਂ ਉਠਾਈਆਂ ਗਈਆਂ ਹਨ। ਯੂਨੀਅਨ ਨੇ ਮਾਨਤਾ ਪ੍ਰਾਪਤ ਪੱਤਰਕਾਰਾਂ ਅਤੇ ਡੈਸਕ ਸਟਾਫ਼ ਲਈ ਪੈਨਸ਼ਨ ਦੀ ਸਹੂਲਤ ਦੇਣ ਅਤੇ ਮੌਜੂਦਾ ਪੈਨਸ਼ਨ ਯੋਜਨਾ ਦੀਆਂ ਸ਼ਰਤਾਂ ਵਿੱਚ ਲੋੜੀਂਦੀ ਛੋਟ ਦੇ ਕੇ ਵੱਧ ਤੋਂ ਵੱਧ ਪੱਤਰਕਾਰਾਂ ਨੂੰ ਇਸ ਦੇ ਘੇਰੇ ਵਿੱਚ ਲਿਆਉਣ ਦੀ ਮੰਗ ਕੀਤੀ।
ਇਸ ਦੇ ਨਾਲ ਪੰਜਾਬ ਰੋਡਵੇਜ਼, ਪਨਬੱਸ ਅਤੇ ਪੀਆਰਟੀਸੀ ਦੀਆਂ ਬੱਸਾਂ ਵਿੱਚ ਮਾਨਤਾ ਪ੍ਰਾਪਤ ਪੱਤਰਕਾਰਾਂ ਅਤੇ ਡੈਸਕ ਸਟਾਫ਼ ਨੂੰ ਮੁਫ਼ਤ ਸਫ਼ਰ ਦੀ ਸਹੂਲਤ ਦੇਣ ਅਤੇ ਕੋਰੋਨਾ ਕਾਲ ਦੌਰਾਨ ਬੰਦ ਕੀਤੀ ਗਈ ਰੇਲ ਯਾਤਰਾ ਦੀ ਸਹੂਲਤ ਮੁੜ ਬਹਾਲ ਕਰਨ ਦੀ ਮੰਗ ਵੀ ਕੀਤੀ ਗਈ।
ਮੰਗ ਪੱਤਰ ਵਿੱਚ ਪੱਤਰਕਾਰਾਂ ਅਤੇ ਮੀਡੀਆ ਕਰਮਚਾਰੀਆਂ ਲਈ ਵਿਸ਼ੇਸ਼ ਪੱਤਰਕਾਰ ਭਲਾਈ ਫੰਡ ਬਣਾਉਣ ਦੀ ਮੰਗ ਕੀਤੀ ਗਈ, ਤਾਂ ਜੋ ਗੰਭੀਰ ਬਿਮਾਰੀ, ਹਾਦਸੇ, ਕੁਦਰਤੀ ਆਫ਼ਤ, ਆਰਥਿਕ ਸੰਕਟ ਜਾਂ ਹੋਰ ਐਮਰਜੈਂਸੀ ਹਾਲਾਤ ਵਿੱਚ ਲੋੜਵੰਦ ਪੱਤਰਕਾਰਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਆਰਥਿਕ ਸਹਾਇਤਾ ਮਿਲ ਸਕੇ।
ਚੰਡੀਗੜ੍ਹ ਵਿੱਚ ਪੱਤਰਕਾਰਾਂ ਲਈ ਸਰਕਾਰੀ ਰਿਹਾਇਸ਼ ਦਾ ਕੋਟਾ ਵਧਾ ਕੇ ਘੱਟੋ-ਘੱਟ 50 ਮਕਾਨ ਜਾਂ ਫਲੈਟ ਕਰਨ ਅਤੇ ਪੰਜਾਬ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ ਪੱਤਰਕਾਰਾਂ ਲਈ ਵੱਖਰਾ ਸਰਕਾਰੀ ਰਿਹਾਇਸ਼ ਕੋਟਾ ਰੱਖਣ ਦੀ ਮੰਗ ਵੀ ਕੀਤੀ ਗਈ। ਇਸ ਤੋਂ ਇਲਾਵਾ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਪੱਤਰਕਾਰਾਂ ਨੂੰ ਕਿਫਾਇਤੀ ਦਰਾਂ ’ਤੇ ਮਕਾਨ ਜਾਂ ਫਲੈਟ ਮੁਹੱਈਆ ਕਰਵਾਉਣ ਲਈ ਵਿਸ਼ੇਸ਼ ਹਾਊਸਿੰਗ ਸਕੀਮਾਂ ਬਣਾਉਣ ਦੀ ਮੰਗ ਰੱਖੀ ਗਈ।
ਯੂਨੀਅਨ ਨੇ ਪ੍ਰਿੰਟ, ਇਲੈਕਟ੍ਰਾਨਿਕ ਅਤੇ ਡਿਜੀਟਲ ਮੀਡੀਆ ਸੰਸਥਾਵਾਂ ਦੇ ਨਿਊਜ਼ ਡੈਸਕ ’ਤੇ ਕੰਮ ਕਰਨ ਵਾਲੇ ਮੀਡੀਆ ਕਰਮਚਾਰੀਆਂ ਨੂੰ ਫੀਲਡ ਵਿੱਚ ਕੰਮ ਕਰ ਰਹੇ ਪੱਤਰਕਾਰਾਂ ਦੇ ਬਰਾਬਰ ਸਰਕਾਰੀ ਸਹੂਲਤਾਂ ਅਤੇ ਭਲਾਈ ਯੋਜਨਾਵਾਂ ਦਾ ਲਾਭ ਦੇਣ ਦੀ ਮੰਗ ਕੀਤੀ। ਪੱਤਰਕਾਰਾਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਲਈ ਘੱਟੋ-ਘੱਟ 10 ਲੱਖ ਰੁਪਏ ਦਾ ਸਿਹਤ ਬੀਮਾ ਕਵਰ ਯਕੀਨੀ ਬਣਾਉਣ ਅਤੇ ਬੀਮਾ ਕੰਪਨੀਆਂ ਨੂੰ ਸਮੇਂ ਸਿਰ ਭੁਗਤਾਨ ਕਰਕੇ ਕੈਸ਼ਲੈੱਸ ਇਲਾਜ ਦੌਰਾਨ ਆਉਣ ਵਾਲੀਆਂ ਮੁਸ਼ਕਲਾਂ ਨੂੰ ਦੂਰ ਕਰਨ ਦੀ ਮੰਗ ਵੀ ਕੀਤੀ ਗਈ।
ਪੱਤਰਕਾਰਾਂ ਖ਼ਿਲਾਫ਼ ਖ਼ਬਰਾਂ ਜਾਂ ਰਿਪੋਰਟਾਂ ਸਬੰਧੀ ਮਿਲਣ ਵਾਲੀਆਂ ਸ਼ਿਕਾਇਤਾਂ ਦੀ ਜਾਂਚ ਲਈ ਸਪੱਸ਼ਟ ਅਤੇ ਪਾਰਦਰਸ਼ੀ ਪ੍ਰਣਾਲੀ ਬਣਾਉਣ, ਜ਼ਿਲ੍ਹਾ ਪੱਧਰ ’ਤੇ ਘੱਟੋ-ਘੱਟ ਐਸਪੀ ਰੈਂਕ ਦੇ ਅਧਿਕਾਰੀ ਤੋਂ ਜਾਂਚ ਕਰਵਾਉਣ ਅਤੇ ਇੱਕੋ ਮਾਮਲੇ ਵਿੱਚ ਵੱਖ-ਵੱਖ ਥਾਵਾਂ ਤੋਂ ਸ਼ਿਕਾਇਤਾਂ ਮਿਲਣ ਦੀ ਸੂਰਤ ਵਿੱਚ ਪੁਲਿਸ ਮੁੱਖ ਦਫ਼ਤਰ ਵਿਖੇ ਏਡੀਜੀਪੀ ਰੈਂਕ ਦੇ ਅਧਿਕਾਰੀ ਦੀ ਅਗਵਾਈ ਹੇਠ ਜਾਂਚ ਕਮੇਟੀ ਬਣਾਉਣ ਦੀ ਮੰਗ ਕੀਤੀ ਗਈ। ਇਸ ਪ੍ਰਕਿਰਿਆ ਵਿੱਚ ਪੱਤਰਕਾਰ ਜਥੇਬੰਦੀਆਂ ਦੇ ਨੁਮਾਇੰਦਿਆਂ ਨੂੰ ਵੀ ਸ਼ਾਮਲ ਕਰਨ ਦੀ ਗੱਲ ਕਹੀ ਗਈ।
ਸਰਕਾਰੀ ਇਸ਼ਤਿਹਾਰ ਨੀਤੀ ਨੂੰ ਸਪੱਸ਼ਟ, ਨਿਰਪੱਖ, ਪਾਰਦਰਸ਼ੀ ਅਤੇ ਇਕਸਾਰ ਬਣਾਉਣ ਅਤੇ ਪੰਜਾਬ ਤੋਂ ਪ੍ਰਕਾਸ਼ਿਤ ਹੋਣ ਵਾਲੇ ਛੋਟੇ, ਹਫ਼ਤਾਵਾਰੀ ਅਤੇ ਮਾਸਿਕ ਅਖ਼ਬਾਰਾਂ ਤੇ ਰਸਾਲਿਆਂ ਲਈ ਉਨ੍ਹਾਂ ਦੀ ਪ੍ਰਕਿਰਤੀ ਅਤੇ ਸੀਮਤ ਸਰੋਤਾਂ ਨੂੰ ਧਿਆਨ ਵਿੱਚ ਰੱਖਦਿਆਂ ਢੁਕਵੇਂ ਮਾਪਦੰਡ ਤੈਅ ਕਰਨ ਦੀ ਮੰਗ ਵੀ ਕੀਤੀ ਗਈ।
ਨਵੀਂ ਦਿੱਲੀ ਸਥਿਤ ਪੰਜਾਬ ਭਵਨ ਵਿੱਚ ਪੱਤਰਕਾਰਾਂ ਲਈ ਰਾਖਵੇਂ ਕਮਰਿਆਂ ਦਾ ਕੋਟਾ ਵਧਾ ਕੇ ਘੱਟੋ-ਘੱਟ ਛੇ ਕਰਨ ਅਤੇ ਬੁਕਿੰਗ ਪ੍ਰਕਿਰਿਆ ਨੂੰ ਸੌਖਾ ਤੇ ਪਾਰਦਰਸ਼ੀ ਬਣਾਉਣ ਦੀ ਮੰਗ ਵੀ ਮੰਗ ਪੱਤਰ ਵਿੱਚ ਸ਼ਾਮਲ ਕੀਤੀ ਗਈ।
ਯੂਨੀਅਨ ਨੇ ਲੰਬਿਤ ਜਾਂ ਰੋਕੇ ਗਏ ਪੀਲੇ ਕਾਰਡਾਂ ਦਾ ਤੁਰੰਤ ਨਿਪਟਾਰਾ ਕਰਨ, ਪੱਤਰਕਾਰਾਂ ਦੀ ਮਾਨਤਾ ਸਬੰਧੀ ਲੰਬਿਤ ਅਰਜ਼ੀਆਂ ਦੇ ਨਿਪਟਾਰੇ ਲਈ ਸਥਾਈ ਐਕ੍ਰੈਡੀਟੇਸ਼ਨ ਕਮੇਟੀ ਗਠਿਤ ਕਰਨ ਅਤੇ ਡਿਊਟੀ ਦੌਰਾਨ ਪੱਤਰਕਾਰ ਦੀ ਮੌਤ, ਗੰਭੀਰ ਹਾਦਸੇ ਜਾਂ ਹੋਰ ਅਣਸੁਖਾਵੀਂ ਘਟਨਾ ਦੀ ਸੂਰਤ ਵਿੱਚ ਪੱਤਰਕਾਰ ਅਤੇ ਉਸ ਦੇ ਪਰਿਵਾਰ ਨੂੰ ਸਰਕਾਰੀ ਸਹਾਇਤਾ ਦੇਣ ਲਈ ਐਕਸ-ਗ੍ਰੇਸ਼ੀਆ ਗ੍ਰਾਂਟ ਦੇ ਘੇਰੇ ਵਿੱਚ ਲਿਆਉਣ ਦੀ ਮੰਗ ਕੀਤੀ।
ਇਸ ਤੋਂ ਇਲਾਵਾ ਪੱਤਰਕਾਰਾਂ ਨੂੰ ਨਿਡਰ ਅਤੇ ਸੁਰੱਖਿਅਤ ਮਾਹੌਲ ਵਿੱਚ ਕੰਮ ਕਰਨ ਦੀ ਸਹੂਲਤ ਦੇਣ, ਡਿਊਟੀ ਦੌਰਾਨ ਧਮਕੀ, ਹਮਲੇ ਜਾਂ ਕੰਮ ਵਿੱਚ ਰੁਕਾਵਟ ਸਬੰਧੀ ਸ਼ਿਕਾਇਤਾਂ ਲਈ ਜ਼ਿਲ੍ਹਾ ਪੱਧਰ ’ਤੇ ਨੋਡਲ ਅਧਿਕਾਰੀ ਨਿਯੁਕਤ ਕਰਨ ਅਤੇ ਅਜਿਹੀਆਂ ਸ਼ਿਕਾਇਤਾਂ ਦਾ ਸਮਾਂਬੱਧ ਨਿਪਟਾਰਾ ਯਕੀਨੀ ਬਣਾਉਣ ਦੀ ਮੰਗ ਕੀਤੀ ਗਈ।
ਯੂਨੀਅਨ ਨੇ ਇਨ੍ਹਾਂ ਮੰਗਾਂ ’ਤੇ ਉੱਚ ਪੱਧਰੀ ਮੀਟਿੰਗ ਬੁਲਾ ਕੇ ਸਬੰਧਤ ਵਿਭਾਗਾਂ ਨੂੰ ਲੋੜੀਂਦੇ ਨਿਰਦੇਸ਼ ਜਾਰੀ ਕਰਨ ਅਤੇ ਮੰਗਾਂ ਨੂੰ ਲਾਗੂ ਕਰਨ ਲਈ ਸਮਾਂਬੱਧ ਕਾਰਜ ਯੋਜਨਾ ਤਿਆਰ ਕਰਨ ਦੀ ਮੰਗ ਕੀਤੀ। ਇਸ ਦੇ ਨਾਲ ਹੀ ਪੱਤਰਕਾਰ ਜਥੇਬੰਦੀਆਂ ਅਤੇ ਪੰਜਾਬ ਸਰਕਾਰ ਵਿਚਕਾਰ ਨਿਯਮਤ ਸੰਵਾਦ ਦੀ ਵਿਵਸਥਾ ਕਾਇਮ ਕਰਨ ’ਤੇ ਵੀ ਜ਼ੋਰ ਦਿੱਤਾ ਗਿਆ। ਇਸ ਮੌਕੇ ਤੇ ਸੰਤੋਖ ਗਿੱਲ,ਹਰਵਿੰਦਰ ਸੱਗੂ,ਵਿਸ਼ਾਲ ਸਿਡਾਨਾ,ਲਾਡੀ ਸਿੱਧੂ, ਸਤਿਨਾਮ ਬੜੈਚ, ਸੁਰਿੰਦਰ ਸੋਨੀ, ਬਲਵਿੰਦਰ ਰਸੀਨ, ਹਰਵਿੰਦਰ ਸਿੰਘ ਖਾਲਸਾ, ਗੁਰਦੀਪ ਸਿੰਘ,ਜਸਵੀਰ ਸ਼ੇਤਰਾ,ਸਮੀਪ ਮੀਪਾ,ਜਗਰੂਪ ਸੋਹੀ ਅਤੇ ਰਾਏਕੋਟ, ਸੁਧਾਰ ਅਤੇ ਮੁੱਲਾਂਪੁਰ ਖੇਤਰ ਦੇ ਪੱਤਰਕਾਰ ਵੀ ਹਾਜ਼ਰ ਸਨ।

02/10/2026

ਜਦੋਂ ਬਾੜ ਹੀ ਖੇਤ ਨੂੰ ਖਾਣ ਲੱਗ ਜਾਵੇ ਤਾਂ ਖੇਤ ਦਾ ਰੱਬ ਹੀ ਰਾਖਾ,,, ਦੇਖੋ ਵੀਡੀਓ ਕੀ ਹੈ ਪੂਰਾ ਮਾਮਲਾ ਜਗਰਾਉਂ ਸ਼ਹਿਰ ਦੀ ਘਟਨਾ,,,

01/10/2026

ਜਗਰਾਓਂ ਦੇ ਅੱਡਾ ਰਾਏਕੋਟ ਸਥਿਤ ਕੂੜੇ ਦੀ ਸਮੱਸਿਆ ਨੂੰ ਲੈ ਕੇ ਅੱਜ ਸ਼ਹਿਰ ਵਾਸੀਆਂ ਨੇ ਦਿੱਤਾ ਈਓ ਨੂੰ ਮੰਗ ਪੱਤਰ 15 ਦਿਨਾਂ ਦੇ ਵਿੱਚ ਵਿੱਚ ਸਮੱਸਿਆ ਦਾ ਹੱਲ ਕਰ ਦੇਵਾਂਗੇ ਈਓ ,, ਸੁਣੋ ਇਸ ਸਬੰਧ ਵਿੱਚ ਨਗਰ ਕੌਂਸਲ ਈਓ ਦਾ ਕੀ ਕਹਿਣਾ ਹੈ ,,ਦੇਖੋ ਵੀਡੀਓ

01/10/2026

ਜਗਰਾਓਂ ਵਿੱਚ ਕੂੜੇ ਦੇ ਪਹਾੜਾਂ ਨੂੰ ਲੈ ਕੇਅੱਜ ਕੌਂਸਲ ਵਿੱਚ ਹੋਇਆ ਫਿਰ ਹੰਗਾਮਾ , ਜਗਰਾਉਂ ਦੇ ਅੱਡਾ ਰਾਏਕੋਟ ਪਾਰਕ ਦੇ ਮਗਰਲੇ ਪਾਸੇ ਲੱਗੇ ਕੂੜੇ ਦੇ ਪਹਾੜਾਂ ਤੋਂ ਦੁਖੀ ਦੇਣ ਪਹੁੰਚੇ ਈਓ ਨੂੰ ਮੰਗ ਪੱਤਰ ਦੇਖੋ ਪੂਰੀ ਵੀਡੀਓ ਕੀ ਹ ਪੂਰਾ ਮਸਲਾ ,,

01/10/2026

ਕੂੜੇ ਦੇ ਪਹਾੜਾਂ ਨੂੰ ਲੈ ਕੇ ਅੱਜ ਜਗਰਾਉਂ ਨਗਰ ਕੌਂਸਲ ਵਿੱਚ ਹੋਇਆ ਫਿਰ ਹੰਗਾਮਾ, ਜਗਰਾਉਂ ਦੇ ਅੱਡਾ ਰਾਏਕੋਟ ਪਾਰਕ ਦੇ ਮਗਰਲੇ ਪਾਸੇ ਲੱਗੇ ਕੂੜੇ ਦੇ ਪਹਾੜਾਂ ਤੋਂ ਦੁਖੀ ਦੇਣ ਪਹੁੰਚੇ ਈਓ ਨੂੰ ਮੰਗ ਪੱਤਰ ਦੇਖੋ ਪੂਰੀ ਵੀਡੀਓ ਕੀ ਹ ਪੂਰਾ ਮਸਲਾ,,

01/10/2026

ਜਗਰਾਉਂ ਦੇ ਅੱਡਾ ਰਾਏਕੋਟ ਪਾਰਕ ਦੇ ਮਗਰਲੇ ਪਾਸੇ ਸਥਿਤ ਲੱਗੇ ਕੂੜੇ ਦੇ ਪਹਾੜਾਂ ਨੂੰ ਲੈ ਕੇ ਅੱਜ ਪਿੰਡ ਪੋਨਾ ਕੋਠਾ ਅਤੇ ਜਗਰਾਉਂ ਸ਼ਹਿਰਵਾਸੀ ਮਿਲੇ ਈਓ ਜਗਰਾਓਂ ਨੂੰ,,ਦਿੱਤਾ 15 ਦਿਨਾਂ ਦਾ ਅਲਟੀਮੇਟ,ਨਵੀਂ ਲੱਗ ਰਹੀ ਮਸ਼ੀਨਰੀ ਵੀ ਨਹੀਂ ਲੱਗਣ ਦੇਵਾਂਗੇ ਸ਼ਹਿਰ ਵਾਸੀ,, ਆਸ ਪਾਸ ਦੇ ਹਲਕੇ ਦੇ ਲੋਕਾਂ ਦਾ ਲੰਘਣਾ ਤੇ ਰਹਿਣਾ ਹੋਇਆ ਦੁਸ਼ਵਾਰ,,,

30/09/2026

ਅਮਿਤ ਸ਼ਾਹ ਦੀ ਪੰਜਾਬ ਰੈਲੀ: ਨਸ਼ਾ ਮੁਕਤ ਪੰਜਾਬ ਦਾ ਵਾਅਦਾ ਅਤੇ ਵੱਡੇ ਸਵਾਲ ,
ਪੰਜਾਬ ਦੀ ਸਿਆਸਤ ਵਿੱਚ ਨਸ਼ਿਆਂ ਦਾ ਮੁੱਦਾ ਇੱਕ ਵਾਰ ਫਿਰ ਕੇਂਦਰ ਵਿੱਚ ਆ ਗਿਆ ਹੈ,ਅੱਜ ਜਲੰਧਰ ਵਿੱਚ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਭਾਜਪਾ ਦੀ ‘ਨਸ਼ਾ ਮੁਕਤ ਪੰਜਾਬ ਯਾਤਰਾ’ ਦੇ ਸਮਾਪਤੀ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਪੰਜਾਬ ਨੂੰ ਨਸ਼ਾ ਮੁਕਤ ਕਰਨ ਲਈ 31 ਦਸੰਬਰ 2029 ਦੀ ਸਮਾਂ-ਸੀਮਾ ਦਾ ਵਾਅਦਾ ਕੀਤਾ, ਉਨ੍ਹਾਂ ਕਿਹਾ ਕਿ ਜੇਕਰ ਪੰਜਾਬ ਵਿੱਚ ਭਾਜਪਾ ਦੀ ਸਰਕਾਰ ਬਣਦੀ ਹੈ ਤਾਂ ਨਸ਼ਿਆਂ ਦੇ ਕਾਰੋਬਾਰ ਨੂੰ ਖਤਮ ਕਰਨ ਲਈ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ,,।ਅਮਿਤ ਸ਼ਾਹ ਨੇ ਆਪਣੇ ਭਾਸ਼ਣ ਵਿੱਚ ਸੂਬੇ ਦੀ ਮੌਜੂਦਾ ਆਮ ਆਦਮੀ ਪਾਰਟੀ ਸਰਕਾਰ ’ਤੇ ਨਸ਼ਿਆਂ ਦੇ ਮੁੱਦੇ ਨੂੰ ਲੈ ਕੇ ਗੰਭੀਰ ਦੋਸ਼ ਲਗਾਏ । ਉਨ੍ਹਾਂ ਦਾ ਦਾਅਵਾ ਸੀ ਕਿ ਪੰਜਾਬ ਵਿੱਚ ‘ਚਿੱਟੇ’ ਦਾ ਕਾਰੋਬਾਰ ਖੁੱਲ੍ਹੇਆਮ ਚੱਲ ਰਿਹਾ ਹੈ ਅਤੇ ਉਨ੍ਹਾਂ ਨੇ ਨਸ਼ਾ ਮੁਕਤ ਪੰਜਾਬ ਨੂੰ ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿੱਚ ਭਾਜਪਾ ਦੇ ਮੁੱਖ ਮੁੱਦੇ ਵਜੋਂ ਪੇਸ਼ ਕੀਤਾ । ਇਹ ਦੋਸ਼ ਅਮਿਤ ਸ਼ਾਹ ਦੇ ਸਿਆਸੀ ਬਿਆਨ ਹਨ ਅਤੇ ਇਨ੍ਹਾਂ ਨੂੰ ਉਸੇ ਸੰਦਰਭ ਵਿੱਚ ਦੇਖਿਆ ਜਾਣਾ ਚਾਹੀਦਾ ਹੈ ।
31 ਦਸੰਬਰ 2029—ਕੀ ਇਹ ਸਿਰਫ਼ ਵਾਅਦਾ ਹੈ ਜਾਂ ਰੋਡਮੈਪ ਵੀ ,?
ਪੰਜਾਬ ਦੇ ਲੋਕਾਂ ਲਈ ਸਭ ਤੋਂ ਵੱਡਾ ਸਵਾਲ ਇਹ ਹੈ ਕਿ ਨਸ਼ਾ ਖਤਮ ਕਰਨ ਲਈ ਸਮਾਂ-ਸੀਮਾ ਤਾਂ ਦੱਸੀ ਗਈ ਹੈ , ਪਰ ਇਸ ਟੀਚੇ ਨੂੰ ਹਾਸਲ ਕਰਨ ਲਈ ਵਿਸਥਾਰਤ ਕਾਰਜ-ਯੋਜਨਾ ਕੀ ਹੋਵੇਗੀ ,,?
ਨਸ਼ਾ ਸਿਰਫ਼ ਪੁਲਿਸ ਦੀ ਕਾਰਵਾਈ ਨਾਲ ਖਤਮ ਹੋਣ ਵਾਲੀ ਸਮੱਸਿਆ ਨਹੀਂ । ਇਸ ਵਿੱਚ ਤਸਕਰੀ ਦੇ ਨੈੱਟਵਰਕ, ਸਰਹੱਦੀ ਤਸਕਰੀ , ਨਸ਼ਾ ਵੇਚਣ ਵਾਲਿਆਂ ਖ਼ਿਲਾਫ਼ ਕਾਰਵਾਈ ਨਸ਼ੇ ਦੇ ਆਦੀ ਨੌਜਵਾਨਾਂ ਦਾ ਇਲਾਜ ਪੁਨਰਵਾਸ ਅਤੇ ਰੋਜ਼ਗਾਰ ਵਰਗੇ ਕਈ ਪੱਖ ਸ਼ਾਮਲ ਹਨ,ਇਸ ਲਈ ਪੰਜਾਬ ਦੀ ਜਨਤਾ ਲਈ ਅਸਲ ਪਰਖ ਇਹ ਹੋਵੇਗੀ ਕਿ ਕੌਣ ਕੀ ਵਾਅਦਾ ਕਰਦਾ ਹੈ ਅਤੇ ਉਸ ਵਾਅਦੇ ਨੂੰ ਪੂਰਾ ਕਰਨ ਲਈ ਕਿਹੜੀ ਨੀਤੀ ਬਜਟ, ਪੁਲਿਸੀ ਕਾਰਵਾਈ ਅਤੇ ਪੁਨਰਵਾਸ ਪ੍ਰਣਾਲੀ ਪੇਸ਼ ਕਰਦਾ ਹੈ ।
4,000 ਕਿਲੋਮੀਟਰ ਦੀ ‘ਨਸ਼ਾ ਮੁਕਤ ਪੰਜਾਬ ਯਾਤਰਾ ,,
ਭਾਜਪਾ ਮੁਤਾਬਕ 18 ਸਤੰਬਰ ਤੋਂ ਸ਼ੁਰੂ ਹੋਈ ਇਸ ਮੁਹਿੰਮ ਨੇ 13 ਦਿਨਾਂ ਵਿੱਚ ਪੰਜਾਬ ਦੇ ਸਾਰੇ 117 ਵਿਧਾਨ ਸਭਾ ਹਲਕਿਆਂ ਨੂੰ ਕਵਰ ਕੀਤਾ ਅਤੇ ਲਗਭਗ 4,000 ਕਿਲੋਮੀਟਰ ਦਾ ਸਫ਼ਰ ਤੈਅ ਕੀਤਾ । ਇਸ ਮੁਹਿੰਮ ਨੂੰ 2027 ਦੀਆਂ ਪੰਜਾਬ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਨਸ਼ਿਆਂ ਦੇ ਮੁੱਦੇ ਨੂੰ ਸਿਆਸੀ ਤੌਰ ’ਤੇ ਕੇਂਦਰ ਵਿੱਚ ਲਿਆਉਣ ਦੀ ਕੋਸ਼ਿਸ਼ ਵਜੋਂ ਵੀ ਰਿਪੋਰਟ ਕੀਤਾ ਗਿਆ ਹੈ ।
ਅਮਿਤ ਸ਼ਾਹ ਨੇ ਨਸ਼ੇ ਤੋਂ ਪ੍ਰਭਾਵਿਤ ਪਰਿਵਾਰਾਂ ਨਾਲ ਮੁਲਾਕਾਤ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਨਸ਼ੇ ਕਾਰਨ ਪਰਿਵਾਰਾਂ ਨੇ ਆਪਣੇ ਨੌਜਵਾਨ ਪੁੱਤਰ ਗੁਆਏ ਹਨ । ਇਹ ਦਰਦ ਪੰਜਾਬ ਦੇ ਹਜ਼ਾਰਾਂ ਪਰਿਵਾਰਾਂ ਦੀ ਹਕੀਕਤ ਨੂੰ ਸਾਹਮਣੇ ਲਿਆਉਂਦਾ ਹੈ ।
ਪੰਜਾਬ ਪੁੱਛ ਰਿਹਾ ਹੈ—ਹੁਣ ਅੱਗੇ ਕੀ ,,?
ਸਿਆਸੀ ਬਿਆਨਾਂ ਤੋਂ ਇਲਾਵਾ ਪੰਜਾਬ ਦੇ ਲੋਕਾਂ ਨੂੰ ਹੁਣ ਠੋਸ ਜਵਾਬ ਚਾਹੀਦੇ ਹਨ ,,ਨਸ਼ਾ ਤਸਕਰਾਂ ਖ਼ਿਲਾਫ਼ ਕਿੰਨੀ ਸਖ਼ਤੀ ਹੋਵੇਗੀ ,ਨਸ਼ੇ ਦੇ ਆਦੀ ਨੌਜਵਾਨਾਂ ਦਾ ਇਲਾਜ ਕਿਵੇਂ ਹੋਵੇਗਾ ?
ਨਸ਼ਾ ਛੱਡ ਚੁੱਕੇ ਨੌਜਵਾਨਾਂ ਲਈ ਰੋਜ਼ਗਾਰ ਦੀ ਕੀ ਯੋਜਨਾ ਹੋਵੇਗੀ ,,ਸਰਹੱਦੀ ਤਸਕਰੀ ਨੂੰ ਰੋਕਣ ਲਈ ਕੇਂਦਰ ਅਤੇ ਪੰਜਾਬ ਸਰਕਾਰ ਵਿਚਕਾਰ ਕੀ ਨਵੀਂ ਰਣਨੀਤੀ ਹੋਵੇਗੀ ,ਅਤੇ 31 ਦਸੰਬਰ 2029 ਦੇ ਟੀਚੇ ਨੂੰ ਮਾਪਣ ਲਈ ਕਿਹੜੇ ਪਾਰਦਰਸ਼ੀ ਅੰਕੜੇ ਜਨਤਾ ਸਾਹਮਣੇ ਰੱਖੇ ਜਾਣਗੇ ,,ਪੰਜਾਬ ਦਾ ਨੌਜਵਾਨ ਕਿਸੇ ਵੀ ਪਾਰਟੀ ਦੇ ਸਿਆਸੀ ਨਾਅਰੇ ਤੋਂ ਵੱਧ ਨਸ਼ੇ ਤੋਂ ਮੁਕਤੀ, ਸੁਰੱਖਿਅਤ ਭਵਿੱਖ ਅਤੇ ਰੋਜ਼ਗਾਰ ਚਾਹੁੰਦਾ ਹੈ ।ਅਮਿਤ ਸ਼ਾਹ ਵੱਲੋਂ ਦਿੱਤੀ 31 ਦਸੰਬਰ 2029 ਦੀ ਡੈੱਡਲਾਈਨ ਹੁਣ ਇੱਕ ਵੱਡਾ ਸਿਆਸੀ ਵਾਅਦਾ ਹੈ । ਇਸ ਵਾਅਦੇ ਦੀ ਅਸਲ ਪਰਖ ਸਮਾਂ ਬੀਤਣ ਨਾਲ ਹੋਵੇਗੀ —ਕਿ ਇਸਨੂੰ ਪੂਰਾ ਕਰਨ ਲਈ ਕਿਹੜੇ ਕਦਮ ਚੁੱਕੇ ਜਾਂਦੇ ਹਨ ਅਤੇ ਪੰਜਾਬ ਵਿੱਚ ਨਸ਼ਿਆਂ ਦੀ ਸਮੱਸਿਆ ’ਤੇ ਉਨ੍ਹਾਂ ਦਾ ਅਸਲ ਪ੍ਰਭਾਵ ਕੀ ਰਹਿੰਦਾ ਹੈ ।ਪੰਜਾਬ ਨੂੰ ਨਸ਼ਾ ਮੁਕਤ ਕਰਨਾ ਕਿਸੇ ਇੱਕ ਪਾਰਟੀ ਦੀ ਨਹੀਂ, ਸਗੋਂ ਪੰਜਾਬ ਦੀ ਪੂਰੀ ਪੀੜ੍ਹੀ ਦੇ ਭਵਿੱਖ ਦੀ ਲੜਾਈ ਹੈ।,,
ਜਗਰੂਪ ਸੋਹੀ ✍️✍️

Khabar 99 News

03/10/2026

03/10/2026

03/10/2026

02/10/2026

02/10/2026

01/10/2026

01/10/2026

01/10/2026

01/10/2026

30/09/2026

Address

Telephone

Website

Alerts

Shortcuts

Share

Category

Listing takedown request