15/05/2026
ਕਬੱਡੀ ਨੂੰ ਦਮ ਲੈਣ ਲਈ ਆਖਣ ਲੱਗੇ ਮਾਂ ਖੇਡ ਦੇ ਪ੍ਰਦੇਸ਼ੀ ਪੁੱਤ
ਖਿਡਾਰੀਆਂ ਦੀਆਂ ਮਨਮਾਨੀਆਂ,ਡੋਪ ਟੈਸਟ,ਗੈਂਗਵਾਦ ਵਰਗੇ ਮੁੱਦੇ ਬਣੇ ਕਾਰਨ
ਪੰਜਾਬੀਆਂ ਦੀ ਹਰਮਨ ਪਿਆਰੀ ਦਾਇਰੇ ਵਾਲੀ ਖੇਡ ਕਬੱਡੀ ਇਨੀਂ ਦਿਨੀਂ ਬਹ ੁਤ ਸਾਰੇ
ਵਿਵਾਦਾਂ ਦਾ ਸ਼ਿਕਾਰ ਹੋਈ ਹੈ । ਪਿੰਡਾਂ ਦੇ ਕੱਲਰ,ਖੱਤਿਆਂ,ਸੱਥਾਂ ਤੋਂ ਚੱਲ ਕੇ ਅੱਜ ਭਾਵੇਂ ਕਬੱਡੀ ਨੇ
ਵੈਂਬਲੇ ਲੰਡਨ,ਕੌਪਸ ਕੋਲਸੀਅਮ,ਰੋਜਰ ਸੈਂਟਰ ਤੱਕ ਦਾ ਸਫਰ ਕੀਤਾ ਹੈ । ਪਰ ਅੱਜ ਕਬੱਡੀ ਖੇਡ
ਇਸ ਮੋੜ ਤੇ ਆ ਕੇ ਖੜ ਗਈ ਹੈ ਕਿ ਹੁਣ ਇਸ ਦੇ ਪ੍ਰਦੇਸ਼ ਰਾਖੇ ਅਲੰਬਰਦਾਰ ਇਸ ਨੂੰ ਕੁੱਝ ਸਮੇਂ
ਲਈ ਅਰਾਮ ਦੇਣਾ ਚਾਹੁੰਦੇ ਹਨ । ਇਸ ਸਬੰਧੀ ਪਿਛਲੇ ਸਮੇਂ ਵਿੱਚ ਇੰਗਲੈਂਡ ਵਿੱਚ ਵਿਸ਼ਵ ਕਬੱਡੀ
ਮੰਚ ਦੇ ਨਾਂ ਉੱਪਰ ਵੱਡੀ ਬੈਠਕ ਹੋਈ ਹੈ ।ਜਿਸ ਵਿੱਚ ਇੰਗਲੈਂਡ
,ਕੈਨੇਡਾ,ਯੂਰਪ,ਅਮਰੀਕਾ,ਅਸਟ੍ਰੇਲੀਆ ,ਨਿਊਜੀਲੈਂਡ ,ਭਾਰਤ ਸਮੇਤ ਹੋਰਨਾਂ ਕਈ ਦੇਸ਼ਾਂ ਦੀਆਂ
ਸੰਸਥਾਵਾਂ ਦੇ ਆਗੂਆਂ ਨੇ ਭਾਗ ਲਿਆ ਹੈ । ਜਿੰਨਾਂ ਨੇ ਇਹ ਦੱਸਿਆ ਕਿ ਉਨਾਂ੍ਹ ਨੂੰ ਕਬੱਡੀ ਦੇ
ਪ੍ਰਬੰਧਨ ਦੌਰਾਨ ਬਹੁਤ ਸਾਰੀਆਂ ਦਰਪੇਸ਼ ਮੁਸਕਿਲਾਂ ਆ ਰਹੀਆਂ ਹਨ ।ਜਿਸ ਵਿੱਚ ਵੱਡੀ
ਸਮੱਸਿਆ ਪੈਸੇ ਨੂੰ ਲੈ ਕੇ ਵੀ ਹੈ । ਕਬੱਡੀ ਨੂੰ ਕੁੱਝ ਸਮੇਂ ਲਈ ਰੋਕਣ ਦੇ ਕੀ ਕਾਰਨ ਮੁੱਖ ਹਨ
ਆਓ ਸਮਝੀਏ ।
ਕਬੱਡੀ ਖਿਡਾਰੀਆਂ ਦੀਆਂ ਅਸਮਾਨੀ ਚੜੀਆਂ ਕੀਮਤਾਂ –
ਪਿਛਲੇ ਕੁੱਝ ਸਮੇਂ ਤੋਂ ਕਬੱਡੀ ਦੇ ਸਟਾਰ ਖਿਡਾਰੀਆਂ ਦੀਆਂ ਕੀਮਤਾਂ ਕਰੋੜਾਂ ਤੱਕ ਪੁੱਜ ਗਈਆਂ
ਹਨ। ਜਿਸ ਨੂੰ ਲੈ ਕੇ ਕੋਈ ਠੋਸ ਇਕਰਾਰਨਾਮਾ ਵੀ ਨਹੀਂ ਹੁੰਦਾ। ਜਿਸ ਵਿੱਚ ਚੱਲਦੇ ਸੀਜਨ ਦੌਰਾਨ
ਜੇਕਰ ਕਿਸੇ ਖਿਡਾਰੀ ਦੇ ਸੱਟ ਲੱਗ ਜਾਵੇ ਤਾਂ ਵੀ ਪੈਸੇ ਪੂਰੇ ਦੇਣੇ ਪੈਂਦੇ ਹਨ । ਕਬੱਡੀ ਪ੍ਰਬੰਧਕ ਇਸ
ਖੇਡ ਨੂੰ ਹੁਣ ਤੱਕ ਕਮਰਸੀਅਲ ਖੇਡ ਨਹੀਂ ਬਣਾ ਪਾਏ । ਕਬੱਡੀ ਟੀਮਾਂ ਬਣਾਉਣ ਲਈ ਆਪਣੀ
ਜੇਬ ਹੀ ਢਿੱਲੀ ਕਰਨੀ ਪੈਂਦੀ ਹੈ ।ਟੂਰਨਾਂਮੈਂਟ ਵੀ ਲੋਕਾਂ ਤੋਂ ਚੰਦਾ ਲੈ ਕੇ ਹੀ ਹੁੰਦੇ ਹਨ । ਇਸ ਖੇਡ
ਵਿੱਚ ਪ੍ਰਬੰਧਕਾਂ ਨੂੰ ਕੋਈ ਆਮਦਨ ਨਹੀਂ ਹੁੰਦੀ ਬੱਸ ਸ਼ੌਂਕ ਦੇ ਪੱਟੇ ਘਰ ਫੁਕ ਤਮਾਸਾ ਹੀ ਵੇਖਦੇ ਹਨ
। ਅੱਜ ਚੰਗੇ ਸਟਾਰ ਖਿਡਾਰੀ ਦਾ ਭਾਅ 70-80 ਲੱਖ ਰੁਪਏ ਹੈ ਜਿਸ ਨੂੰ ਅਦਾ ਕਰਨਾ ਹੁਣ
ਪ੍ਰਮੋਟਰਾ ਦੇ ਵਸ ਤੋਂ ਬਾਹਰ ਜਾਪਦਾ ਹੈ ।ਕਿਉਂਕਿ ਪਿਛਲੇ ਸਮੇਂ ਵਿੱਚ ਵਿਦੇਸ਼ਾਂ ਵਿੱਚ ਕੰਮਾ ਵਿੱਚ
ਵੱਡੇ ਪੱਧਰ ਤੇ ਮੰਦੀ ਵੀ ਆਈ ਹੈ । ਕਬੱਡੀ ਕਰਾਉਣ ਵਾਲੇ ਜਿਆਦਾਤਰ ਛੋਟੇ ਕਾਰੋਬਾਰੀ ਹੀ ਹਨ
। ਜਿੰਨਾਂ੍ਹ ਦੀਆਂ ਜੇਬਾਂ ਹੁਣ ਇੰਨੀਆਂ ਭਾਰੀ ਨਹੀਂ ਰਹੀਆਂ ਜੋ ਖਿਡਾਰੀਆਂ ਦੇ ਖਰਚੇ ਚੁੱਕ ਲੈਣ ।
ਇੱਕ ਚੰਗਾ ਖਿਡਾਰੀ ਫੇਰ ਆਪਣੀ ਮਨਮਰਜੀ ਵੀ ਕਰਦਾ ਹੈ । ਮੈਚ ਖੇਡਣ ਦੇ ਪੈਸੇ ਦੇਣ ਤੋਂ
ਇਲਾਵਾ ਪ੍ਰਬੰਧਕ ਉਹਨਾਂ ਦੇ ਰਹਿਣ ,ਖਾਣ ਪੀਣ ਅਤੇ ਹੋਰ ਖਰਚੇ ਵੀ ਚੁੱਕਦੇ ਹਨ ।ਜਿਸ ਨੂੰ ਲੈ
ਖਿਡਾਰੀਆਂ ਦੀ ਅਸਤੁੰਸਟੀ ਨੇ ਉਹਨਾਂ ਨੂੰ ਨਿਰਾਸ ਕੀਤਾ ਹੈ ।
ਡੋਪ ਟੈਸਟ ਨਾ ਹੋਣ ਕਾਰਨ ਖਿਡਾਰੀਆਂ ਦੁਬਾਰਾ ਗਲਤ ਦਵਾਈਆਂ ਦੀ ਵਰਤੋਂ –
ਕਬੱਡੀ ਪ੍ਰਬੰਧਕ ਇਸ ਗੱਲ ਨੂੰ ਲੈ ਕੇ ਵੀ ਲੋਕਾਂ ਦੇ ਮੇਹਣੇ ਸੁਣ ਰਹੇ ਹਨ ਕਿ ਨੌਜਵਾਨਾਂ ਦੀਆਂ
ਭਰ ਜਵਾਨੀ ਵਿੱਚ ਹੋ ਰਹੀਆਂ ਮੌਤਾਂ ਦਾ ਕਾਰਨ ਸ਼ਕਤੀਵਰਧਕ ਦਵਾਈਆਂ ਹਨ ।ਜਿੰਂਨਾਂ੍ਹ ਦਾ
ਇਸਤੇਮਾਲ ਜਿਆਦਾ ਹੋ ਰਿਹਾ ਹੈ । ਭਰੇ ਮੈਦਾਨ ਵਿੱਚ ਕਿਸੇ ਨੌਜਵਾਨ ਦੀ ਮੌਤ ਹੋ ਜਾਣਾ ਵੱਡੇ
ਸਵਾਲ ਖੜੇ ਕਰਦੀ ਹੈ । ਭਾਵੇਂ ਕਬੱਡੀ ਵਾਲੇ ਇਹ ਦਾਅਵਾ ਕਰਦੇ ਹਨ ਕਿ ਕਬੱਡੀ ਖੇਡ ਵਿੱਚ
ਕੋਈ ਵੀ ਪਬੰਦੀਸ਼ੁਦਾ ਚੀਜ ਨਹੀਂ ਵਰਤੀ ਜਾਂਦੀ ਪਰ ਇਸ ਨੂੰ ਲੈ ਕੇ ਕਬੱਡੀ ਹਮੇਸ਼ਾ ਸਵਾਲਾਂ ਵਿੱਚ
ਘਿਰੀ ਰਹਿੰਦੀ ਹੈ । ਅਜਿਹੀਆਂ ਸਮੱਸਿਆਵਾਂ ਪੈਦਾ ਕਰਨ ਲਈ ਦੇਸ਼ੀ ਵਿਦੇਸ਼ੀ ਕਬੱਡੀ ਪ੍ਰਮੋਟਰ
ਸੰਸਥਾਵਾਂ ਸਿੱਧੇ ਅਸਿੱਧੇ ਰੂਪ ਵਿੱਚ ਜੁੰਮੇਵਾਰ ਹਨ । ਡੋਪ ਟੈਸਟਾਂ ਨੂੰ ਲੈ ਕੇ ਕਬੱਡੀ ਵਿੱਚ ਕਈ
ਵਾਰੀ ਵੱਡਾ ਭੁਚਾਲ ਪਿਆ ਪਰ ਹੱਲ ਵਾਲੇ ਪਾਸੇ ਕੋਈ ਉਸਾਰੂ ਕੰਮ ਨਹੀਂ ਹੋਇਆ ।ਹੁਣ ਵਿਸ਼ਵ
ਕਮੇਟੀਦਾ ਇਹ ਮੰਨਣਾ ਕਿ ਕ ੁੱਝ ਸਮੇਂ ਲਈ ਕਬੱਡੀ ਨੂੰ ਰੋਕ ਕੇ ਇਸਦਾ ਸਥਾੀ ਹੱਲ ਕੱਢਿਆ ਜਾਵੇ
ਤਾਂ ਕਿ ਇਸ ਬਦਨਾਮੀ ਤੋਂ ਬਚਿਆ ਜਾਵੇ ।ਇੱਕ ਸਾਲ ਕਬੱਡੀ ਰੋਕ ਕੇ ਖਿਡਾਰੀਆਂ ਸਮਾਂ ਦਿੱਤਾ
ਜਾ ਰਿਹਾ ਕਿ ਉਹ ਆਪਣੀਆਂ ਆਦਤਾਂ ਸ ੁਧਾਰ ਲੈਣ।ਜੇਕਰ ਉਹ ਅਜਿਹਾ ਨਹੀਂ ਕਰਦੇ ਤ ਾਂਹੋਰ
ਸਖਤੀ ਹੋ ਸਕਦੀ ਹੈ ।
ਗੈਂਗਵਾਰ ਦਾ ਮਾੜਾ ਪ੍ਰਭਾਵ-
ਪਿਛਲੇ ਇੱਕ ਦਹਾਕੇ ਦੌਰਾਨ ਕਬੱਡੀ ਤੇ ਕਾਲਾ ਸਾਇਆ ਚੱਲ ਰਿਹਾ । ਜਿਸਦੇ ਚੱਲਦਿਆਂ ਪਿਛਲੇ
ਸਮੇਂ ਕਈ ਖਿਡਾਰੀਆਂ ਅਤੇ ਪ੍ਰਮੋਟਰਾ ੳੇੁੱਪਰ ਹਮਲੇ ਹੋਏ ਹਨ । ਬਰਤਾਨੀਆਂ ਦੇ ਕਪਤਾਨ ਸੰਦੀਪ
ਨੰਗਲ ਅੰਬੀਆਂ ,ਤੇਜਪਾਲ ਸਿੰਘ,ਗੁਰਵਿੰਦਰ ਸਿੰਘ,ਰਾਣਾ ਬਲਾਚੌਰੀਆ ਵਰਗੇ ਨ ੌਜਵਾਨਾਂ ਦਾ ਦਿਨ
ਦੀਵੀ ਕਾਤਲ ਹੋਣਾ ਬਹੁਤ ਵੱਡੀ ਚਣੌਤੀ ਹੈ । ਕਈ ਖਿਡਾਰੀ ਆਪਣੇ ਨਾਲ ਕਈ ਕਈ ਗੰਨਮੈਨ ਲੈ
ਕੇ ਖੇਡਦੇ ਹਨ । ਇਸ ਦੌਰਾਨ ਦੇਸ਼ ਵਿਦੇਸ਼ ਵਿੱਚ ਖਿਡਾਰੀਆਂ ਅਤੇ ਕਬੱਡੀ ਪ੍ਰਬੰਧਕਾਂ ਉੱਪਰ
ਗੋਲੀਆਂ ਨਾਲ ਹਮਲੇ ਹੋਏ । ਜੋ ਕਿ ਇੱਕ ਡਰ ਅਤੇ ਸਹਿਮ ਦਾ ਮਾਹੌਲ ਪੈਦਾ ਕਰਦੇ ਹਨ ।ਕਬੱਡੀ
ਪ੍ਰਮੋਟਰਾਂ ਤੋਂ ਫਿਰੌਤੀਆਂ ਮੰਗੀਆਂ ਜਾ ਰਹੀਆਂ।ਕਬੱਡੀ ਵਾਲਿਆਂ ਨੂੰ ਹਰ ਸਮੇਂ ਗੋਲੀ ਦਾ ਡਰ ਸਤਾ
ਰਿਹਾ ਹੈ । ਜਿਸ ਨੂੰ ਲੈਕੇ ਪ੍ਰਬਧਕ ਚਾਹੁੰਦੇ ਹਨ ਅਸੀਂ ਕੁੱਝ ਸਮੇਂ ਲਈ ਮੈਚ ਬੰਦ ਕਰ ਦੇਈਏ।ਹਰ
ਵੱਡਾ ਖਿਡਾਰੀ ,ਵੱਡਾ ਪ੍ਰਮੋਟਰ,ਵੱਡਾ ਕਬੱਡੀ ਕੱਪ ਗੋਲੀ ਦੇ ਨਿਸ਼ਾਨੇ ਉੱਪਰ ਹੈ ।
ਟੀਮਾਂ ਦੇ ਮੁਕਾਬਲਿਆਂ ਦੀ ਘੱਟ ਰਹੀ ਦਿਲਚਸਪੀ –
ਬੀਤੇ ਕੁੱਝ ਸਾਲਾਂ ਤੋਂ ਕਬੱਡੀ ਅੰਦਰ ਮੁਕਾਬਲੇਬਾਜੀ ਘੱਟ ਗਈ ਹੈ ।ਇਨਾਮਾਂ ਦੀ ਵਧ ਰਹੀ ਤਾਦਾਦ
ਕਾਰਨ ਸਾਰੇ ਸਟਾਰ ਖਿਡਾਰੀ ਜਿਆਦਾਤਰ ਇੱਕ ਬਣਾ ਕੇ ਖੇਡਦੇ ਹਨ ।ਜਿਸ ਨੂੰ ਲੈ ਕੇ ਦੇਖਣ
ਵਾਲਿਆ ਦਾ ਸੁਆਦ ਜਾਂਦਾ ਰਿਹਾ ਹੈ ।ਲੋਕ ਜਿੰਨਾਂ ਦੀ ਟੱਕਰ ਦੇਖਣਾ ਚਾਹੁੰਦੇ ਹਨ ਉਹ ਇੱਕ ਹੀ
ਟੀਮ ਦਾ ਹਿੱਸਾ ਹੁੰਦੇ ਹਨ।ਇਸ ਨਾਲ ਜਿੱਥੇ ਟੀਮਾਂ ਦਾ ਬਜਟ ਵਧਿਆ ਹੈ ਉੱਥੇ ਇੱਕਪਾਸੜ
ਮੁਕਾਬਲੇ ਹੋਣ ਕਾਰਨ ਲੋਕਾਂ ਦਾ ਰੁਝਾਨ ਵੀ ਘਟ ਰਿਹਾ ਹੈ । ਚੰਗੀਆਂ ਟੀਮਾਂ ਅਤੇ ਵੱਡੇ ਖਿਡਾਰੀ
ਖਰੀਦਣ ਦੇ ਚੱਕਰ ਚ ਹੁਣ ਕਈਆਂ ਦਾ ਚੁੱਗਾ ਚੌੜ ਹੋਇਆ ਪਿਆ ਹੈ ।ਕਬੱਡੀ ਹੁਣ ਕੁੱਝ ਘੰਟਿਆਂ
ਦਾ ਮਨੋਰੰਜਨ ਰਹਿ ਗਈ ਹੈ । ਕਬੱਡੀ ਨੂੰ ਨਰਸਰੀ ਤੋਂ ਪ੍ਰਫੁਲਿਤ ਕਰਨ ਦੀ ਬਜਾਏ ਕੁੱਝ ਘੰਟਿਆਂ
ਦੇ ਮਨੋਰੰਜਨ ਲਈ ਹੀ ਵਾਧੂ ਪੈਸਾ ਖਰਚਿਆ ਜਾ ਰਿਹਾ ਜਿਸ ਨੇ ਕਬੱਡੀ ਵਾਲਿਆਂ ਦਾ ਆਰਥਿਕ
ਤੌਰ ਤੇ ਲੱਕ ਟੁੱਟ ਗਿਆ ਹੈ । ਹ ੁਣ ਸਾਰੇ ਚਾਹੁੰਦੇ ਹਨ ਆਪਸੀ ਮੱਤਭੇਦ ਭੁਲਾਅ ਕੇ ਕੁੱਝ ਚੰਗਾ
ਕਰੀਏ ।
ਕੀ ਕਬੱਡੀ ਵਾਲੇ ਇੱਕਮੱਤ ਹੋਣਗੇ-
ਕਬੱਡੀ ਖੇਡ ਨੂੰ ਲੈ ਕੇ ਦੇਸ਼ ਵਿਦੇਸ਼ ਵਿੱਚ ਇਸ ਖੇਡ ਦੀਆਂ ਇੱਕ ਤੋਂ ਵਧੇਰੇ ਸੰਸਥਾਵਾਂ ਹਨ।ਜਿੰਨਾਂ
ਦੇ ਆਪਸੀ ਹਲਕੇ ਹਲਕੇ ਮੱਤਭੇਦ ਹਨ ।ਇੱਕ ਦੂਜੇ ਨੂੰ ਠਿੱਬੀ ਲਾਉਣ ਲਈ ਇਹ ਅੰਦਰੋਂ ਅੰਦਰੀ
ਚਾਲਾਂ ਚੱਲਦੇ ਹਨ ਰਹਿੰਦੇ । ਜੇਕਰ ਕੋਈ ਸ ੰਸਥਾਂ ਚੰਗੇ ਪਾਸੇ ਹੁਲਾਰਾ ਦੇਣਾ ਚਾਹੁੰਦੀ ਤਾਂ ਦੂਜੇ ਲੱਤਾਂ
ਖਿਚਣ ਲੱਗ ਜਾਂਦੇ ਹਨ ।ਨਿੱਕੀਆਂ ਨਿੱਕੀਆਂ ਗੱਲਾਂ ਦੇ ਬਹੁਤ ਵੱਡੇ ਵੱਡੇ ਸਿਆਪੇ ਪਏ ਹੋਏ ਹਨ
।ਪਿਛਲੇ ਵਿੱਚ ਵੀ ਕਈ ਅਜਿਹੇ ਮੌਕੇ ਆਏ ਜਦੋਂ ਕਈ ਮਸਲਿਆਂ ਨੂੰ ਲੈ ਕਬੱਡੀ ਵਾਲਿਆਂ ਨੇ
ਇੱਕਮੰਚ ਸਿਰਜਣ ਦੀ ਕੋਸ਼ਿਸ ਕੀਤੀ ਪਰ ਅੰਦਰਲੀ ਹਾਊਮੈਂ ਨਹੀ ਬੈਠਣ ਦਿੰਦੀ ।ਅਜਿਹੇ ਕੁੱਝ ਵੀ
ਸੰਭਵ ਨਹੀਂ ਲੱਗ ਰਿਹਾ।
ਨਵੇਂ ਚੇਹਰਿਆਂ ਲਈ ਮੌਕੇ ਘੱਟ ਰਹੇ ਹਨ –
ਪਿਛਲੇ ਕਈ ਸਾਲਾਂ ਤੋਂ ਕੁੱਝ ਇੱਕ ਖਿਡਾਰੀ ਹੀ ਕਬੱਡੀ ਤੇ ਕਾਬਜ ਹਨ ।ਉਹਨਾਂ ਨੇ ਹੀ ਦੇਸ਼
ਵਿਦੇਸ਼ ਦੀ ਕਬੱਡੀ ਨੂੰ ਹਾਈਜੈਕ ਕੀਤਾ ਹਇਆ ਹੈ ।ਉਹ ਚੰਗਾ ਖੇਡਣ ਭਾਵੇਂ ਮਾੜਾ ਪਰ ਉਹਨਾਂ
ਦਾ ਦਬਦਬਾ ਬਰਕਰਾਰ ਹੈ । ਜਦਕਿ ਬਹ ੁਤ ਸਾਰੇ ਨਵੇਂ ਮੁੰਡੇ ਨਵੇਂ ਦਿਸਹੱਦਿਆਂ ਦੀ ਤਲਾਸ ਵਿੱਚ
ਇੱਥੇ ਹੀ ਰੁਲ ਜਾਂਦੇ ਹਨ ।ਕਬੱਡੀ ਫੇਡੇਰਸ਼ਨਾਂ ਕੋਈ ਮਾਪਦੰਡ ਨਹੀਂ ਬਣਾ ਸਕੀਆਂ ।ਕਬੱਡੀ
ਖਿਡਾਰੀਆਂ ਦੇ ਗਰੇਡ ਨਾ ਹੋਣ ਕਾਰਨ ਕਈ ਚੰਗੇ ਉਭਰਨ ਵਾਲੇ ਸਿਤਾਰੇ ਰੁੱਲ ਗਏ ਹਨ । ਜਿੱਥੇ
ਉਪਰਲੇ ਕੁੱਝ ਇਕ ਸਟਾਰਾਂ ਤੇ ਪੈਸਾ ਪਾਣੀ ਵਾਂਗ ਸ ੁੱਟਿਆ ਜਾ ਰਿਹਾ ਹੈ ਉੱਥੇ ਅੁਭਰਦੇ ਖਿਡਾਰੀਆਂ
ਦਾ ਵੀ ਖਿਆਲ ਰੱਖਣਾ ਚਾਹੀਂਦਾ ਹੈ । ਲੋਕਾਂ ਦੀ ਤਬੀਅਤ ਵੀ ਕੁੱਝ ਇਸ ਕਦਰ ਹੋ ਗਈ ਹ ੈਕਿ
ਉਹ ਕੁੱਝ ਇੱਕ ਸਟਾਰਾਂ ਨੂੰ ਹੀ ਹਰ ਥਾਂ ਖੇਡਦਾ ਦੇਖਣਾ ਚਾਹੁੰਦੇ ਹਨ ।ਜਿਸ ਨਾਲ ਨਵੇਂ ਮੁੰਡਿਆਂ
ਲਈ ਮੌਕੇ ਘੱਟ ਰਹੇ ਹਨ ।
ਕੀ ਦੁਨੀਆਂ ਭਰ ਵਿੱਚ ਕਬੱਡੀ ਬੰਦ ਹੋ ਜਾਵੇਗੀ
ਵਿਸ਼ਵ ਕਬੱਡੀ ਮੰਚ ਦੇ ਮਾਧਿਅਮ ਰਾਹੀਂ ਭਾਵੇਂ ਇਹ ਸੁਨੇਹਾ ਦੇਣ ਦੀ ਕੋਸ਼ਿਸ ਕੀਤੀ ਜਾ ਰਹੀ ਹੈ
ਕਿ ਕਬੱਡੀ ਦੇ ਉਜਵਲ ਭਾਵਿਖ ਲਈ ਕੁੱਝ ਮੌਲਿਕ ਅਤੇ ਵਕਤੀ ਸਖਤ ਫੈਸਲਿਆਂ ਦੀ ਜਰੂਰਤ ਹੈ
ਪਰ ਕਬੱਡੀ ਸ ੰਸਥਾਵਾਂ ਦੀ ਬਹੁ ਗਿਣਤੀ ਅਤੇ ਵਿਚਾਰਾਂ ਦਾ ਵਖਰੇਵਾਂ ਹੋਣ ਕਾਰਨ ਇੱਕ ਸੀਜਨ
ਕਬੱਡੀ ਬੰਦ ਕਰਨ ਨਾਲ ਵੀ ਸ ੁਧਾਰਾਂ ਦੇ ਲੱਛਣ ਘੱਟ ਲੱਗਦੇ ਹਨ ।
ਕੈਨੇਡਾ,ਅਮਰੀਕਾ,ਅਸਟ੍ਰੇਲੀਆ,ਨਿਊਜੀਲੈਂਡ ਵਰਗੇ ਦੇਸ਼ਾਂ ਵਿੱਚ ਵਧੇਰੇ ਸੰਸਥਾਵਾਂ ਹੋਣ ਕਾਰਨ ਇਸ
ਫੈਸਲੇ ਨੂੰ ਲਾਗੂ ਕਰਨ ਵਿੱਚ ਦਿੱਕਤ ਦਿਖਾਈ ਦੇ ਰਿਹਾ ਹੈ । ਬਿੱਲੀ ਦੇ ਗਲ ਟੱਲੀ ਬੰਨਣ ਤੋਂ ਹਰ
ਕੋਈ ਕਤਰਾਉਂਦਾ ਹੈ।ਕੁੱਝ ਸ ੰਸਥਾਵਾਂ ਨੇ ਇਸ ਦੌਰਾਨ ਕਬੱਡੀ ਕਰਾਉਣ ਦਾ ਵੀ ਐਲਾਨ ਕਰ ਦਿੱਤਾ
ਹੈ ।
ਕੀ ਕਹਿੰਦੇ ਹਨ ਕਬੱਡੀ ਬੰਦ ਨੂੰ ਲੈ ਕੇ ਇੱਕਜੁੱਟ ਹੋਣ ਵਾਲੇ ਨੁਮਾਇੰਦੇ-
ਕਬੱਡੀ ਦੇ ਅਗਲੇ ਸੀਜਨ ਨੂੰ ਲੈ ਕੇ ਉੱਘੇ ਖੇਡ ਪ੍ਰਮੋਟਰ ਸ ੍ਰ ਰਛਪਾਲ ਸਿੰਘ ਸੀਰਾ ਸ ੰਮੀਪੁਰ ਸਲੋਹ ਨੇ
ਦੱਸਿਆ ਕਿ ਅਸੀਂ ਕੋਸ਼ਿਸ ਕਰ ਰਹੇ ਹਾਂ ਕਿ ਇੱਕ ਵਿਸ਼ਵ ਪੱਧਰੀ ਸ ੰਸਥਾਂ ਕਾਇਮ ਕਰੀਏ ਜਿਸ ਨੇ
ਸਾਰੀ ਦੁਨੀਆਂ ਦੀ ਕਬੱਡੀ ਨੂੰ ਸ ੰਚਾਰੂ ਢੰਗ ਨਾਲ ਚਲਾਉਣ ਦਾ ਅਹਿਦ ਲੈਣਾ ਹੈ । ਇਹ ਸੰਸਥਾਂ
ਹੀ ਖਿਡਾਰੀਆਂ ਦੀਆਂ ਕੀਮਤਾਂ ਇਕਰਾਰਨਾਮੇ,ਡੋਪ ਟੈਸਟ ਤੈਅ ਕਰੇਗੀ । ਜਿਸ ਵਿੱਚ ਹਰ ਇੱਕ
ਕਬੱਡੀ ਖਿਡਾਰੀ ਰਾਜਿਸਟਰਡ ਹੋਵੇਗਾ। ਸਾਡੇ ਨਾਲ ਜੁੜਿਆ ਖਿਡਾਰੀ ਹੀ ਸਾਡੀ ਆਰਗਨਾਈਜੇਸ਼ਨ
ਦੇ ਵੱਖ ਵੱਖ ਮੁਲਕਾਂ ਵਿੱਚ ਹੁੰਦੇ ਟੂਰਨਾਮੈਂਟ ਖੇਡੇਗਾ ।ਜਿਹੜਾ ਖਿਡਾਰੀ ਜਾਂ ਸੰਸਥਾਂ ਸਾਡੇ ਦਾਇਰੇ ਤੋਂ
ਬਾਹਰ ਹੋਵੇਗਾ ਉਹ ਸਾਡਾ ਖੇਡ ਸੀਜਨ ਨਹੀਂ ਖੇਡ ਸਕਦਾ । ਉਹਨਾਂ ਦੁਨੀਆਂ ਭਰ ਦੀਆਂ ਕਬੱਡੀ
ਸੰਸਥਾਵਾਂ ਨੂੰ ਇੱਕ ਮੰਚ ਤੇ ਆਉਣ ਦੀ ਅਪੀਲ ਕੀਤੀ ਹੈ ।ਉਹਨਾਂ ਕਬੱਡੀ ਦੇ ਦਰਪੇਸ਼ ਮਸਲਿਆਂ
ਨੂੰ ਲੈ ਕੇ ਚਿੰਤਾਂ ਜਾਹਿਰ ਕੀਤੀ ਹੈ ।
ਸੋ ਦੇਸ਼ ਵਿਦੇਸ਼ ਦੀਆਂ ਕਬੱਡੀ ਸ ੰਸਥਾਵਾਂ ਨੂੰ ਇਸ ਖੇਡ ਨੂੰ ਅਮਲੀ ਜਾਮਾ ਪਹਿਨਾਉਣ ਲਈ ਇੱਕ
ਵਾਰੀ ਇੱਕ ਮੰਚ ਤੇ ਬੈਠਣਾ ਹੀ ਹੋਵੇਗਾ ।ਜੇਕਰ ਅਜਿਹਾ ਨਹੀਂ ਹੁੰਦਾ ਤਾਂ ਅੱਜ ਮਾਂ ਖੇਡ ਦੀ ਜੋ
ਹਾਲਤ ਬਣ ਗਈ ਹੈ ਇਸ ਨੇ ਬਹੁ ਦੇਰ ਤੱਕ ਨਹੀਂ ਚੱਲਣਾ । ਆਓ ਕਬੱਡੀ ਦੇ ਖੁਸ਼ਹਾਲ ਭਾਵਿਖ
ਦੀ ਕਾਮਨਾ ਕਰਦਿਆਂ ਅੱਗੇ ਵਧੀਏ ॥ਆਮੀਨ
ਲੇਖਕ
ਸਤਪਾਲ ਸਿੰਘ ਮਾਹੀ ਖਡਿਆਲ,
ਫੋਨ 9872459691
