Media Power

16/07/2022

ਵਿਅੰਗ

ਮੈਂ ਸਰਦਾਰ ਸਿਮਰਨਜੀਤ ਸਿੰਘ ਮਾਨ ਦੇ ਬਿਆਨ ਨਾਲ ਸੌ ਫ਼ੀਸਦੀ ਸਹਿਮਤ ਹਾਂ. ਭਗਤ ਸਿੰਘ ਸੱਚਮੁਚ ਅੱਤਵਾਦੀ ਸੀ. ਉਸ ਨੇ ਜਿਹੜੇ ਗੋਰੇ ਅਫ਼ਸਰ ਨੂੰ ਮਾਰਿਆ, ਉਹ ਭਾਰਤ ਵਿੱਚ ਤੀਰਥ ਯਾਤਰਾ 'ਤੇ ਆਇਆ ਹੋਇਆ ਸੀ. ਇਸ ਯਾਤਰਾ ਦੌਰਾਨ ਉਸ ਨੇ ਅਨੇਕ ਖੂਹ ਪੁਟਵਾਏ, ਗਰੀਬ ਕੁੜੀਆਂ ਦੇ ਵਿਆਹ ਕੀਤੇ, ਵਿਧਵਾਵਾਂ ਨੂੰ ਸਿਲਾਈ ਮਸ਼ੀਨਾਂ ਦਿੱਤੀਆਂ ਤੇ ਅਨਾਥ ਬੱਚਿਆਂ ਨੂੰ ਰੋਜ਼ ਇੱਕ ਜੀ ਬੀ ਡਾਟੇ ਨਾਲ ਲੈਪ-ਟੋਪ ਵੰਡੇ. ਭਰੋਸੇਯੋਗ ਸੂਤਰ ਤਾਂ ਇਹ ਵੀ ਦੱਸਦੇ ਹਨ ਕਿ ਭਾਰਤ ਦੀ ਮੁਕੰਮਲ ਅਜ਼ਾਦੀ ਦੀ ਵਕਾਲਤ ਕਰਦਾ ਸੀ ਤੇ ਅਜਾਦੀ ਲਈ ਲੜ ਰਹੇ ਸੁਤੰਤਰਤਾ ਸੈਨਾਨੀਆਂ ਨੂੰ ਏ. ਕੇ. ਸੰਤਾਲੀਆਂ ਦਿਆ ਕਰਦਾ ਸੀ. ਇੱਕ ਵਾਰ ਤਾਂ ਉਸ ਨੇ ਇੰਗਲੈਂਡ ਦੀ ਮਹਾਰਾਣੀ ਨੂੰ ਸਿਰਫ਼ ਇੰਨੀ ਗੱਲ 'ਤੇ ਚੂੰਢੀ ਵੱਢ ਦਿੱਤੀ ਸੀ ਕਿ ਉਹ ਭਾਰਤੀਆਂ ਨੂੰ ਅਜ਼ਾਦੀ ਕਿਉਂ ਨਹੀਂ ਦੇ ਰਹੀ. ਕਿੱਥੇ ਵੱਢੀ ਸੀ, ਇਸ ਬਾਰੇ ਇਤਿਹਾਸਕਾਰ ਚੁੱਪ ਹਨ.

ਭਗਤ ਸਿੰਘ ਸੱਚਮੁਚ ਹੀ ਅੱਤਵਾਦੀ ਸੀ ਜਿਸ ਨੇ ਚੰਨਣ ਸਿੰਘ ਨਾਂ ਦੇ ਪੁਲਸੀਏ ਨੂੰ ਮਾਰਿਆ. ਜੋ ਅਮ੍ਰਿਤਧਾਰੀ ਹੋਣ ਦੇ ਬਾਵਜੂਦ ਵੀ ਅੰਗਰੇਜੀ ਸਰਕਾਰ ਦਾ ਸਿਪਾਹੀ ਬਣਿਆ ਤੇ ਸਦਾ 'ਗੌਡ ਸੇਵ ਦੀ ਕਿੰਗ' ਗਾਇਆ. ਉਹ ਸਰਕਾਰ ਤੋਂ ਕੋਈ ਤਨਖਾਹ ਨਹੀਂ ਸੀ ਲੈਂਦਾ. ਜਦ ਵੀ ਉਹ ਕਿਸੇ ਸੁਤੰਤਰਤਾ ਸੈਨਾਨੀ ਨੂੰ ਗਰਿਫਤਾਰ ਕਰਦਾ, ਉਸਨੂੰ ਹਵਾਲਾਤ ਦੀ ਥਾਂ ਆਪਣੇ ਘਰ ਰੱਖ ਕੇ ਉਸ ਦੀ ਪੂਰੀ ਸੇਵਾ ਕਰਦਾ. ਉਸ ਦੀ ਜ਼ਮਾਨਤ ਦਿੰਦਾ. ਉਸ ਨੇ ਇੰਨੀਆਂ ਜ਼ਮਾਨਤਾਂ ਦਿੱਤੀਆਂ ਕਿ ਜੇ ਅੱਤਵਾਦੀ ਭਗਤ ਸਿੰਘ ਨੇ ਉਸ ਨੂੰ ਨਾ ਮਾਰਿਆ ਹੁੰਦਾ, ਉਸ ਦਾ ਨਾਂ ਗਿਨੀਜ਼ ਬੁੱਕ ਵਿੱਚ ਆ ਜਾਣਾ ਸੀ. ਭਰੋਸੇਯੋਗ ਸੂਤਰ ਦੱਸਦੇ ਹਨ ਕਿ ਉਸ ਦਿਨ ਵੀ ਉਹ ਭਗਤ ਸਿੰਘ ਹੋਰਾਂ ਪਿੱਛੇ ਉਨ੍ਹਾਂ ਨੂੰ ਫੜਨ ਲਈ ਨਹੀਂ, ਸਗੋਂ ਸ਼ਕੰਜਵੀਂ ਲੈ ਕੇ ਨੱਸ ਰਿਹਾ ਸੀ.

ਭਗਤ ਸਿੰਘ ਦਾ ਸਭ ਤੋਂ ਵੱਡਾ ਅੱਤਵਾਦ ਤਾਂ ਉਸ ਅਸੰਬਲੀ ਵਿੱਚ ਬੰਬ ਚਲਾਉਣਾ ਹੈ, ਜਿਹੜੀ ਪੂਰੇ ਡੇਢ ਸੌ ਸਾਲ ਤੋਂ ਭਾਰਤ ਦੀ ਸੇਵਾ ਕਰ ਰਹੀ ਸੀ. ਜਿਸ ਨੇ ਭਾਰਤੀਆਂ ਨੂੰ ਮੁਗਲਾਂ ਦੇ ਰਾਜ ਤੋਂ ਅਜਾਦ ਕਰਵਾਇਆ ਤੇ ਮਨੁੱਖੀ ਅਧਿਕਾਰਾਂ ਨਾਲ ਰਜਾ ਦਿੱਤਾ. ਜਿਹੜੀ ਇੰਗਲੈਂਡ ਤੋਂ ਨੋਟਾਂ ਦੇ ਟਰੱਕ ਭਰ ਕੇ ਲਿਆਈ ਤੇ ਸਾਰੇ ਭਾਰਤੀਆਂ ਵਿੱਚ ਵੰਡ ਦਿੱਤੇ. ਉਨ੍ਹਾਂ ਦੇ ਰਾਜ ਵਿੱਚ ਭਾਰਤ ਦੀ ਇਕੋਨਮੀ ਸੰਸਾਰ ਦੀ ਨੰਬਰ ਇੱਕ ਇਕੋਨਮੀ ਬਣੀ ਤੇ ਇੱਕ ਰੁਪਏ ਦੇ ਸੱਤਰ ਡਾਲਰ ਆਉਣ ਲੱਗੇ ਸਨ. ਉਨ੍ਹਾਂ ਦੇ ਰਾਜ ਵਿੱਚ ਕਿਸੇ ਭਾਰਤੀ ਨੂੰ ਅਜਾਦੀ ਮੰਗਣ ਬਦਲੇ ਸਜ਼ਾ ਦੇਣ ਦੀ ਗੱਲ ਤਾਂ ਛੱਡੋ, 'ਸ਼ਟਅਪ' ਤੱਕ ਨਹੀਂ ਕਿਹਾ ਗਿਆ. ਜਿਹੜੇ ਲੋਕ ਆਪ ਘੁੰਮਣ-ਫਿਰਨ ਜੇਲ੍ਹਾਂ ਵਿੱਚ ਚਲੇ ਵੀ ਗਏ, ਉਨ੍ਹਾਂ ਨੂੰ ਫ਼ਾਈਵ-ਸਟਾਰ ਸਹੂਲਤਾਂ ਦਿੱਤੀਆਂ ਗਈਆਂ ਤੇ ਕਾਲੇ ਪਾਣੀ ਫਸੇ ਲੋਕਾਂ ਨੂੰ ਏਅਰ-ਲਿਫਟ ਕਰ ਕੇ ਕੱਢਿਆ ਗਿਆ. ਭਰੋਸੇਯੋਗ ਸੂਤਰ ਤਾਂ ਇੱਥੋਂ ਤੱਕ ਆਖਦੇ ਹਨ ਕਿ ਉਹ ਆਪਣੀਆਂ ਮੇਮਾਂ ਨੂੰ ਤਲਾਕ ਦੇ ਕੇ ਭਾਰਤੀਆਂ ਨਾਲ ਵਿਆਹ ਦੇਣਾ ਚਾਹੁੰਦੇ ਸਨ ਪਰ ਭਗਤ ਸਿੰਘ ਨੇ ਬੰਬ ਚਲਾ ਕੇ ਸਾਰੀ ਖੇਡ ਵਿਗਾੜ ਦਿੱਤੀ. ਅੱਤਵਾਦੀ ਜੋ ਸੀ

30/05/2022

29/05/2022

ਉਸਦੀ ਸਕਿਓਰਟੀ ਕਰਦੇ ਹਥਿਆਰ ਵਾਪਸ ਲੈ ਲਏ, ਭਗਵੰਤ ਮਾਨ ਸਰਕਾਰ, ਸਮਰਥਕਾਂ ਨੇ ਹੁੱਬ-ਹੁੱਬ ਦੱਸਿਆ ਕਿ ਇਸ ਇਸ ਬੰਦੇ ਦੀ ਸਕਿਓਰਟੀ ਵਾਪਸ ਲਈ। ਅਨੇਕਾਂ ਵਿਰੋਧੀ ਉਸਦੀ ਜਾਨ ਦੇ ਦੁਸ਼ਮਣ ਸਨ।

ਭਗਵੰਤ ਮਾਨ ਸਰਕਾਰ ਤੇ ਸੂਚੀਆਂ ਨਸ਼ਰ ਕਰਨ ਵਾਲਾ ਕੇਜੀ ਮੀਡੀਆ ਸਿੱਧਾ ਜ਼ਿੰਮੇਵਾਰ ਹੈ, ਇਸ ਵਾਰਦਾਤ ਲਈ।

ਜੱਗ ਜਾਣਦਾ ਕਿ ਉਸਦੇ ਗੀਤਾਂ ਕਾਰਨ ਓਹਦੇ ਨਾਲ ਹਮੇਸ਼ਾ ਅਣਬਣ ਰਹੀ, ਪਰ ਬਿਨਾ ਵਜ੍ਹਾ ਉਸਦੇ ਕਤਲ ਕਾਰਨ ਅੱਖਾਂ ਵੀ ਰੋ ਰਹੀਆਂ ਤੇ ਦਿਲ ਵੀ। ਪਰਿਵਾਰ ਦਾ ਸ਼ਿੰਦਾ ਪੁੱਤ, ਲੱਖਾਂ ਲੋਕਾਂ ਦਾ ਚਹੇਤਾ, ਨਹੀਂ ਰਿਹਾ। ਪਰਿਵਾਰ ਅਤੇ ਉਸਨੂੰ ਚਾਹੁਣ ਵਾਲਿਆਂ ਨਾਲ ਤਹਿ ਦਿਲੋਂ ਅਫ਼ਸੋਸ ਹੈ।

ਪਹਿਲਾਂ ਸੰਦੀਪ ਨੰਗਲ ਅੰਬੀਆਂ ਤੇ ਹੁਣ ਸਿੱਧੂ ਮੂਸੇਆਲਾ…! ਦੋਵੇਂ ਦਿਨ ਦਿਹਾੜੇ ਮਾਰੇ ਗਏ। ਹਾਲੇ ਦੀਪ ਸਿੱਧੂ ਦਾ ਵਿਛੋੜਾ ਨੀ ਭੁੱਲਦਾ।

29/05/2022

Lawrence Bishnoi Group ਨੇ ਪੋਸਟ ਪਾ ਕੇ ਲਈ ਸਿੱਧੂ moosewala ਦੇ ਕਤਲ ਦੀ ਜ਼ਿੰਮੇਵਾਰੀ !!

15/05/2022

ਅੱਜ ਦਾ ਤਾਪਮਾਨ 44 ਡਿਗਰੀ...

- ਵੱਧ ਤੋ ਵੱਧ ਦਰੱਖਤ ਕੱਟੋ.
- ਸੜਕਾਂ ਹੋਰ ਚੌੜੀਆਂ ਕਰੋ।
- ਚਾਰੇ ਪਾਸੇ ਸੀਮਿੰਟ ਦੇ ਘਰ ਬਣਾਓ
- ਸਭ ਤਰ੍ਹਾ ਦੇ ਅਖਬਾਰ ਪੜ੍ਹੋ ਤਾਂ ਜੋ ਬਾਂਸ-ਰੁੱਖਾਂ ਨੂੰ ਖਤਮ ਕੀਤਾ ਜਾ ਸਕੇ
- ਵੱਧ ਤੋ ਵੱਧ ਟਿਊਬਵੈਲ ਪੁੱਟੋ
- ਵੱਧ ਤੋ ਵੱਧ ਪਲਾਸਟਿਕ ਦੀ ਵਰਤੋਂ ਕਰੋ
- ਹਰ ਰੋਜ਼ ਨਦੀਆਂ, ਨਹਿਰਾਂ ਵਿੱਚ ਕੂੜਾ ਸੁੱਟੋ
- ਇਸ ਤਰ੍ਹਾਂ ਰਾਤ ਅਤੇ ਦਿਨ ਭੱਜਦੇ ਰਹੋ,
- ਦਿਨ ਅਤੇ ਰਾਤ ਏਅਰ ਕੰਡਸ਼ਨਰਾਂ ਨੂੰ ਚਾਲੂ ਰੱਖੀਏ,
- ਗੱਡੀਆਂ ਨੂੰ 24 ਘੰਟੇ ਚਲਾਉਂਦੇ ਰਹੋ,
-RO ਤੋਂ ਹੀ ਪਾਣੀ ਪੀਓ ਅਤੇ ਭਰਪੂਰ ਪਾਣੀ ਨਾਲੀ ਵਿਚ ਵਹਾਓ,
- ਸਾਈਕਲ ਚਲਾਉਣ 'ਤੇ ਪਾਬੰਦੀ ਰੱਖੀ ਜਾਵੇ,
- ਦੇਸ਼ ਵਿੱਚ ਧੂੰਆਂ ਅਤੇ ਪ੍ਰਦੂਸ਼ਣ ਪੈਦਾ ਕਰੋ,
- ਉਹ ਸਾਰਾ ਕੰਮ ਕਰੋ ਤਾਂ ਜਿਸ ਨਾਲ ਓਜ਼ੋਨ ਦਾ ਮੋਗਾ ਆਪਣੇ ਜੀਵਨ ਕਾਲ ਵਿੱਚ ਬਹੁਤ ਵੱਡਾ ਹੋ ਜਾਵੇ।
- ਬਹੁਤ ਸਾਰੀਆਂ ਡਿਸਪੋਜ਼ੇਬਲ ਵਸਤੂਆਂ ਦੀ ਵਰਤੋਂ ਕਰੋ।
- ਰੋਜ਼ ਸਵੇਰੇ-ਸ਼ਾਮ ਘਰ ਦੇ ਸਾਹਮਣੇ ਵਾਲੀ ਸੜਕ ਨੂੰ ਪਾਈਪ ਲਗਾ ਕੇ ਪੀਣ ਵਾਲੇ ਪਾਣੀ ਨਾਲ ਧੋਵੋ, ਹਰ ਰੋਜ਼ ਕਾਰ ਨੂੰ ਧੋਵੋ,
- ਪੰਪ ਚਲਾ ਕੇ ਭੁੱਲ ਜਾਓ ਜਦੋਂ ਤੱਕ ਗੁਆਂਢੀ ਆ ਕੇ ਪੰਪ ਬੰਦ ਨਾ ਕਰਨ ਲਈ ਕਹਿ ਦੇਣ

ਅਤੇ ਨਵੀਂ ਪੀੜ੍ਹੀ ਲਈ ਇੱਕ ਸੁਨੇਹਾ ਛੱਡੋ
ਤੁਹਾਡੀ ਬਰਬਾਦੀ ਦਾ ਅਸਲ ਕਾਰਨ ਅਸੀ ਮੂਰਖ ਲੋਕ ਹੀ ਹਾਂ
ਜੇਕਰ ਅਸੀਂ ਮੂਰਖ ਨਾ ਹੁੰਦੇ ਤਾਂ ਤੁਹਾਨੂੰ ਕਦੀ ਵੀ ਇੰਨਾ ਗੰਦਾ, ਜ਼ਹਿਰੀਲਾ , ਖਰਾਬ ਵਾਤਾਵਰਨ ਨਾ ਦਿੰਦੇ।
ਸੁਧਰਨ ਲਈ ਸਮਾ ਹੈ ਸੁਧਰ ਜਾਓ ,
ਨਹੀਂ ਤਾਂ ਕੁਦਰਤ ਨੂੰ ਮੂੰਹ ਦਿਖਾਉਣ ਜੋਗੇ ਅਸੀ ਨਹੀਂ ਰਹਿਣਾ!!

ਸਭ ਨਾਲ ਸਾਂਝਾ ਨਾ ਕਰੀਏ ਕਿਓਂਕਿ ਸਾਡੇ ਉਪਰ ਇਹਨਾ ਗੱਲਾਂ ਦਾ ਕੋਈ ਅਸਰ ਨਹੀਂ ਹੁੰਦਾ