Insider Odia

Insider Odia Contact information, map and directions, contact form, opening hours, services, ratings, photos, videos and announcements from Insider Odia, Digital creator, Jaleswar , Baleswar , Odisha, Jaleswar.

ଭୁବନେଶ୍ବର ଭିତ୍ତିକ ଫୁଟ୍‌ବଲ୍‌ ଦଳ ଓଡ଼ିଶା ଏଫ୍‌ସି ପରାଜୟରୁ ନିଜର ନୂଆ ଋତୁ ଆରମ୍ଭ କରିଛି। ଘରୋଇ ପଡ଼ିଆ କଳିଙ୍ଗ ଷ୍ଟାଡିୟମରୁ ଚଳିତ ଋତୁ ଆରମ୍...
20/09/2023

ଭୁବନେଶ୍ବର ଭିତ୍ତିକ ଫୁଟ୍‌ବଲ୍‌ ଦଳ ଓଡ଼ିଶା ଏଫ୍‌ସି ପରାଜୟରୁ ନିଜର ନୂଆ ଋତୁ ଆରମ୍ଭ କରିଛି। ଘରୋଇ ପଡ଼ିଆ କଳିଙ୍ଗ ଷ୍ଟାଡିୟମରୁ ଚଳିତ ଋତୁ ଆରମ୍ଭ କରିଥିବା ଓଡ଼ିଶା ମଙ୍ଗଳବାର ଏଏଫ୍‌ସି କପ୍‌ର ପ୍ରଥମ ମ୍ୟାଚ୍‌ରେ ପଡ଼ୋଶୀ ମୋହନ ବାଗାନ ସୁପର ଜାଏଣ୍ଟସ୍‌ଠୁ ୦-୪ ଗୋଲ୍‌ରେ ହାରି ଯାଇଛି। ମ୍ୟାଚ୍‌ର ପ୍ରଥମାର୍ଦ୍ଧ ଗୋଲ୍‌ ଶୂନ୍ୟରେ ଶେଷ ହୋଇଥିଲା।

ଦ୍ବିତୀୟାର୍ଦ୍ଧର ପ୍ରଥମ ମିନିଟ୍‌ରେ ସାହାଲ ଅବଦୁଲ ସାମଦ (୪୬ ମିନିଟ୍‌)ଙ୍କ ଗୋଲ୍‌ରେ ମୋହନ ବାଗାନକୁ ପ୍ରାରମ୍ଭିକ ଅଗ୍ରଣୀ ଦେଇଥିଲା। ଏହାପରେ ଡିମିତ୍ରି ପେଟ୍ରାଟସ (୬୮, ୮୨ ମିନିଟ୍‌) ଦୁଇଟି ଏବଂ ଲିଷ୍ଟନ କାଲ୍‌କୋ (୭୯ ମିନିଟ୍‌) ଗୋଟିଏ ଗୋଲ୍‌ କରି ଆଇଏସ୍‌ଏଲ୍‌ ଓ ଡୁରାଣ୍ଡ କପ୍‌ ବିଜେତା ମୋହନ ବାଗାନକୁ ବିଜୟ ଭେଟି‌ ଦେଇଥିଲେ। ଓଡ଼ିଶା ଶନିବାର କଳିଙ୍ଗ ଷ୍ଟାଡିୟମରେ ଅପରାହ୍ଣ ୫.୩୦ରେ ଚେନ୍ନାଇନ୍‌ ଏଫ୍‌ସି ବିପକ୍ଷରେ ଖେଳି ଆଇଏସ୍‌ଏଲ୍‌ ଅଭିଯାନ ଆରମ୍ଭ କରିବ।

🎙️INSIDER ODIA












ଆନ୍ଦୋଳନରୁ ହଟିବେ କି ପ୍ରାଥମିକ ଶିକ୍ଷକ ? ନା ଜାରି ରହିବ ଆନ୍ଦୋଳନ ? କେଉଁ ନିଷ୍ପତ୍ତି ଏବେ ନେବେ ପ୍ରାଥମିକ ଶିକ୍ଷକ । କାରଣ, ଆନ୍ଦୋଳନ ପ୍ରତ...
12/09/2023

ଆନ୍ଦୋଳନରୁ ହଟିବେ କି ପ୍ରାଥମିକ ଶିକ୍ଷକ ? ନା ଜାରି ରହିବ ଆନ୍ଦୋଳନ ? କେଉଁ ନିଷ୍ପତ୍ତି ଏବେ ନେବେ ପ୍ରାଥମିକ ଶିକ୍ଷକ । କାରଣ, ଆନ୍ଦୋଳନ ପ୍ରତ୍ୟାହାର ପାଇଁ ପ୍ରାଥମିକ ଶିକ୍ଷକ ସଂଘକୁ ଅପିଲ୍ କରିଛନ୍ତି ସରକାର । ଆନ୍ଦୋଳନ କରୁଥିବା ପ୍ରାଥମିକ ଶିକ୍ଷକ ସଂଘ ପ୍ରତିନିଧିଙ୍କ ସହ ଗତକାଲି ଗଣଶିକ୍ଷା ବିଭାଗ ସଚିବ ଆଲୋଚନା କରିଛନ୍ତି ।

ସଂଘର ଦାବି ଉପରେ ତର୍ଜମା ପାଇଁ ୫ ଜଣିଆ ସବ୍ କମିଟି ଗଠନ କରାଯାଇଛି । ଏହି ସବ୍ କମିଟି ଶିକ୍ଷକଙ୍କ ଦାବି ସମ୍ପର୍କରେ ତର୍ଜମା କରି ଆନ୍ତଃମନ୍ତ୍ରୀସ୍ତରୀୟ କମିଟିକୁ ଜଣାଇବ । ଏହାପରେ ଶିକ୍ଷକଙ୍କ ଦାବି ବାବଦରେ ସରକାର ଚୂଡାନ୍ତ ନିଷ୍ପତ୍ତି ନେବେ ।
ଏହା ପୂର୍ବରୁ ଆନ୍ଦୋଳନ ପ୍ରତ୍ୟାହାର ପାଇଁ ସଂଘକୁ ସରକାର ଅନୁରୋଧ କରିଛନ୍ତି । ସେପଟେ ଶିକ୍ଷକ ସଂଘ ଆନ୍ଦୋଳନରୁ ଓହରିବେ କି ନାହିଁ, ତା ଉପରେ ନଜର ରହିଛି । ଆଜି ସଂଘ ଏହା ଉପରେ ନିଷ୍ପତ୍ତି ନେବ ବୋଲି ଜଣାପଡିଛି ।

ସୂଚନା ଥାଉ ଯେ, ରାଜ୍ୟର ୩୧୪ଟି ଯାକ ବ୍ଲକ୍‌ରେ ବ୍ଲକ ଶିକ୍ଷାଧିକାରୀଙ୍କ ଅଫିସ୍ ଆଗରେ ପ୍ରତୀକାତ୍ମକ ଧାରଣା ଦେଇ ଗର୍ଜନ କରୁଛନ୍ତି ହଜାର ହଜାର ଶିକ୍ଷକ-ଶିକ୍ଷୟିତ୍ରୀ । ଖୋଦ୍ ଗଣଶିକ୍ଷା ମନ୍ତ୍ରୀ ସୁଦାମ ମାରାଣିଙ୍କ ଜିଲ୍ଲା ବାରିପଦାଠୁ କୋରାପୁଟର ଜୟପୁର ଯାଏଁ ସବୁଠି ଶିକ୍ଷକଙ୍କ ମୁହଁରେ ଶୁଭିଛି ସରକାର ବିରୋଧୀ ନାରା ।

ସେମାନଙ୍କ ତିନି ଦଫା ଦାବି ଯଥାକ୍ରମେ- ଠିକା ନିଯୁକ୍ତି ଉଚ୍ଛେଦ, ପୁରୁଣା ପେନସନ୍ ଓ କେନ୍ଦ୍ରୀୟ ହାର ଦରମା ଅନୁସାରେ ୪୨ଶହ ଟଙ୍କା ଗ୍ରେଡ୍ ପେ ଲାଗୁ ନହେଲେ ସ୍ଲୁଲ୍‌ରେ ତାଲା ଝୁଲାଇ ଅନିର୍ଦ୍ଦିଷ୍ଟକାଳ ଯାଏଁ ସାମୁହିକ ଛୁଟିରେ ଯିବାକୁ ବି ଧମକ ଦେଇଛନ୍ତି । ବାଲେଶ୍ୱର ବିଇଓ ଅଫିସ୍ ଆଗରେ ଜଣେ ଶିକ୍ଷୟିତ୍ରୀ ନିଜ କୁନିଝିଅକୁ କୋଳରେ ବସାଇ ଧାରଣା ଦେଉଥିବାର ଦୃଶ୍ୟ ଏବେ ସବୁଠି ଚର୍ଚ୍ଚାର ବିଷୟ ପାଲଟିଛି ।ଗୋଟିଏ ପଟେ ଶିକ୍ଷକ-ଶିକ୍ଷୟିତ୍ରୀ ଆନ୍ଦୋଳନରେ ତ ଅନ୍ୟପଟେ ସ୍କୁଲରେ ଝୁଲୁଛି ତାଲା । ପିଲାଏ ସ୍କୁଲକୁ ଆସିଥିଲେ, ହେଲେ ସାର-ଦିଦିଙ୍କ ଷ୍ଟ୍ରାଇକ୍ କଥା ଶୁଣି ବହିବସ୍ତାନୀ ଧକି ପୁଣି ଘରକୁ ଫେରି ଯାଇଥିଲେ । ସରକାର ଶିକ୍ଷକମାନଙ୍କ ଦାବି ନଶୁଣିଲେ ପାଠପଢ଼ା ବ୍ୟାଘାତ ହେବ ବୋଲି କହିଛନ୍ତି ଛାତ୍ରଛାତ୍ରୀ ।

🎙️INSIDER ODIA












ଭୁବନେଶ୍ୱର: ସାବଧାନ! ମାତିଛି ସ୍କ୍ରବ ଟାଇଫସ । ଏହା ଚିଗର ନାମକ କୀଟ କାମୁଡ଼ିଲେ ହେଉଛି । ଯାହାକୁ ଏଚାର ବୋଲି କୁହାଯାଏ । ଚାଷୀ, ବିଲ ବା ଜଙ୍ଗ...
12/09/2023

ଭୁବନେଶ୍ୱର: ସାବଧାନ! ମାତିଛି ସ୍କ୍ରବ ଟାଇଫସ । ଏହା ଚିଗର ନାମକ କୀଟ କାମୁଡ଼ିଲେ ହେଉଛି । ଯାହାକୁ ଏଚାର ବୋଲି କୁହାଯାଏ । ଚାଷୀ, ବିଲ ବା ଜଙ୍ଗଲ ଯାଉଥିବା ଲୋକଙ୍କୁ ଏହା ହେଉଛି । ଏହାର ଲକ୍ଷଣ, ଜ୍ୱର ଲାଗି ରହିବ, ଶରୀରର ଯେଉଁ ସ୍ଥାନକୁ କାମୁଡେ, ସେଠାରେ ସ୍କିନ ଡେଡ ହୋଇଯାଏ । ମୃତ୍ୟୁ ସମ୍ଭାବନା ବି ଅଛି ।

ଏହାର ପରୀକ୍ଷା ସବୁ ଜିଲ୍ଲା ହସ୍ପିଟାଲର DPHL ରେ ଏଲିଶା ପଦ୍ଧତିରେ ହେବାର ବ୍ୟବସ୍ଥା ରହିଛି । ଚିହ୍ନଟ ହେଲେ ଚିକିତ୍ସା ସହଜ । ସାଧାରଣ ଆଣ୍ଟିବାୟୋଟିକ୍‌ କାମ ଦେବ । ଜ୍ବର ନକମିଲେ ଶୀଘ୍ର ପରୀକ୍ଷା କରାଇନିଅନ୍ତୁ ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ ନିର୍ଦ୍ଦେଶ ଦିଆଯାଇଛି ।

ଏହାକୁ ପ୍ୟାରକସିଆ ପରନରିଜିନ କୁହାଯାଏ । ପ୍ୟାରକସିଆ ପରନରିଜିନ ମାନଙ୍କୁ ସ୍କ୍ରବ ଟାଇଫସ ଟେଷ୍ଟ ପାଇଁ ନିର୍ଦେଶ ଅଛି । ବରଗଡ଼, ନବରଙ୍ଗପୁର, ସୁନ୍ଦରଗଡ଼ରେ ଅଛି । ହେଲେ ସର୍ବାଧିକ କେସ୍‌ କେନ୍ଦୁଝରରୁ ଆସୁଛି ।
🎙️INSIDER ODIA












ନୂଆଦିଲ୍ଲୀ: ଦୁନିଆରେ ଏମିତି କିଛି ସ୍ଥାନ ରହିଛି ଯାହା ପଛରେ ଲୁଚି ରହିଥାଏ ଅନେକ ଗୁଡିଏ ରହସ୍ୟ । ଯାହାକୁ ଶୁଣିଲେ ମଣିଷ ନିଜେ ନିଜକୁ ବି ବିଶ୍...
11/09/2023

ନୂଆଦିଲ୍ଲୀ: ଦୁନିଆରେ ଏମିତି କିଛି ସ୍ଥାନ ରହିଛି ଯାହା ପଛରେ ଲୁଚି ରହିଥାଏ ଅନେକ ଗୁଡିଏ ରହସ୍ୟ । ଯାହାକୁ ଶୁଣିଲେ ମଣିଷ ନିଜେ ନିଜକୁ ବି ବିଶ୍ୱାସ କରିପାରେନି । ତେବେ ଆଜି ଆମେ ଆପଣଙ୍କୁ ଏମିତି ଏକ ଗାଁ କଥା କହିବୁ ଯାହାକୁ ଶୁଣିଲେ ଆପଣ ବି କହିବାକୁ ଲାଗିବେ ସତରେ କ'ଣ ଏମିତି ହୋଇ ପାରେ । ହଁ ଆଜ୍ଞା । ଆମେ କହୁଥିବା ରହସ୍ୟମୟୀ ଗାଁଟି ଋଷ ଦେଶର ଓସଟିଆରେ ରହିଛି ।

ଯୋଉ ଗାଁକୁ ଆଜି ପର୍ଯ୍ୟନ୍ତ ଯିଏ ଯାଇଛି ସେ ଆଉ କେବେ ଫେରି ନାହିଁ । ସେ ଗାଁ ର ନାଁ ହେଉଛି ଦର୍ଗାଭସ୍ |

ଏହି ଗାଁକୁ ଲୋକେ 'ମୃତ୍ୟୁର ଗାଁ' ବୋଲି କୁହନ୍ତି । ଏହି ଭୟ ଓ ଲୋକ କଥାକୁ ନେଇ ସେହି ଗାଁକୁ କେବେ କେହି ଯାଆନ୍ତି ନାହିଁ । ଏହି ଗାଁଟି ଏକ ପଥର ପାହାଡ ଶିଖରରେ ରହିଛି । ଯୋଉଠି ୯୯ ଟି ଘର ରହିଛି । କୁହାଯାଏ ଏହି ଗାଁଟି ୧୬ ଶହ ଶତାବ୍ଦୀରେ ନିର୍ମାଣ କରାଯାଇଥିଲା । ଧଳା ପଥରରେ ତିଆରି ହୋଇଛି ଏହି ଗାଁରେ ଥିବା ସମସ୍ତ ଘର । ଆଉ ସେହି ଘର ଭିତରେ ପୋତା ହୋଇଛି ନରକଙ୍କାଳ । ରାତି ହେଲା ମାତ୍ରେ ସେହି ଘର ଭିତରୁ ଶୁଭେ ବିକଟାଳ ସ୍ଵର । ଏହି ଘର ମାନଙ୍କ ମଧ୍ୟରୁ ଅନେକ ଘର ୪ମହଲା ବିଶିଷ୍ଠ । କୁହାଯାଏ ଏହା ଇସାରତ ପରିବାର ସହିତ ଜଡିତ । ପଡୋଶି ଲୋକ ମାନଙ୍କ କହିବା କଥା ଅନୁସାରେ ସେଠାରେ କେବଳ ମାଳ ମାଳ ଖପୁଡି ଦେଖିବାକୁ ମିଳେ । ଆଜି ପର୍ଯ୍ୟନ୍ତ ଯିଏ ଥରେ ସେଠାକୁ ଯାଇଛି ସେ ଆଉ ଫେରିନି ।

ରୁଷିଆନ୍ ଆଣ୍ଡ ଇଉରୋପିଆନ୍ ଷ୍ଟଡିଜର ପ୍ରଫେସରଙ୍କ କହିବା କଥା ଅନୁସାରେ, ଗିଲେଜନଟ୍ ନଦୀ ପାଖରେ ଏହି ଜନବସତି ଗଢି ଉଠିଥିଲା । ସେମାନେ ଯେଇଁ ଘର ସବୁ ତିଆରି କରିଥିଲେ ତାହା ଆଗରେ ଗୋଟିଏ ଲେଖାଏଁ କୂଅ ଥିଲା । ଘର ଚାରିପାଖରେ ଶବ ଗୁଡିକ ପୋଟା ଯାଇଥିଲା । ସବୁଠାରୁ ଗୁରୁତ୍ଵପୁର୍ଣ୍ଣ କଥା ହେଲା ଏହି ସ୍ଥାନକୁ ଯିବା ଏତେ ସହଜ ନୁହେଁ । ଏଠାକୁ ଯିବାକୁ ଥିବା ରାସ୍ତା ମଧ୍ୟ ବଡ ଅତି ଭୟଙ୍କର । ପାହାଡ କଡେ କଡେ ଏଠାକୁ ଯିବାକୁ ହୁଏ । ପାଖାପାଖି ୭ ରୁ ୮ ଘଣ୍ଟା ସମୟ ଲାଗିଥାଏ ଏଠାକୁ ଯିବାକୁ । ଏହି ସ୍ଥାନକୁ ଯାଇଥିବା କିଛି ପର୍ଯ୍ୟଟକଙ୍କ କହିବା କଥା ହେଲା ଏହି ସ୍ଥାନ ସମ୍ପର୍କରେ ସୂଚେଇବା ପାଇଁ କେହି ବି ଗାଇଡ୍ ମିଳନ୍ତି ନାହିଁ । ଏତେ ସବୁ ରହସ୍ୟ ଲୁଚି ରହିଥିବା ଏହି ଗାଁକୁ ଲୋକମାନେ ବୋଧ ହୁଏ ସେଇଥିପାଇଁ କୁହନ୍ତି ଏହି ଗାଁ 'ମୃତ୍ୟୁର ଗାଁ'।

🎙️INSIDER ODIA












ନୁଆଦିଲ୍ଲୀ, ୧୧/୦୯ : ୧୭ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମ ଦିବସ । ଏହି ଅବସରରେ ଦେଶବାସୀଙ୍କୁ ବଡ ଉପହାର ଦେବାକୁ ଯାଉଛନ୍ତି କେନ୍ଦ...
11/09/2023

ନୁଆଦିଲ୍ଲୀ, ୧୧/୦୯ : ୧୭ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଜନ୍ମ ଦିବସ । ଏହି ଅବସରରେ ଦେଶବାସୀଙ୍କୁ ବଡ ଉପହାର ଦେବାକୁ ଯାଉଛନ୍ତି କେନ୍ଦ୍ର ସରକାର । ପ୍ରଧାନମନ୍ତ୍ରୀଙ୍କ ଜନ୍ମଦିନ ଅବସରରେ ଦେଶରେ ଆରମ୍ଭ ହେବାକୁ ଯାଉଛି 'ଆୟୁଷମାନ ଭବଃ' ଯୋଜନା । ପ୍ରଧାନମନ୍ତ୍ରୀଙ୍କ ଜନ୍ମଦିନ ଅବସରରେ ଆୟୁଷମାନ ଭବଃ କାର୍ଯ୍ୟକ୍ରମ ଶୁଭାରମ୍ଭ ହେବ ।
ପ୍ରତ୍ୟେକ ରାଜ୍ୟରେ ଲାଗୁ ହୋଇଥିବା ସ୍ୱାସ୍ଥ୍ୟ ସ୍କିମ୍ ଜରିଆରେ ଏହି ଯୋଜନାରୁ ହିତାଧିକାରୀଙ୍କୁ ଲାଭ ମିଳିପାରିବ । ଏହି କାର୍ଯ୍ୟକ୍ରମ ଜରିଆରେ ପ୍ରତ୍ୟେକ ରାଜ୍ୟରେ ଆୟୁଷମାନ ଭବଃ ଶିବିର ଅନୁଷ୍ଠିତ ହେବ । ଏବଂ ପ୍ରଥମ ପର୍ଯ୍ୟାୟରେ ପ୍ରାୟ ୬୦ହଜାର ଲୋକଙ୍କୁ ଆୟୁଷମାନ ଭବଃ କାର୍ଡ ପ୍ରଦାନ କରାଯିବ । ଆଗାମୀ ଦିନରେ ଏହି ସେବା ଅଧିକରୁ ଅଧିକ ଲୋକଙ୍କ ନିକଟରେ କିପରି ପହଞ୍ଚିପାରିବ ସେନେଇ ପ୍ରୟାସ କରାଯିବ ବୋଲି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ କହିଛନ୍ତି ।
🎙️INSIDER ODIA












ନୁଆଦିଲ୍ଲୀ: ଆଜି ରିଜର୍ଭ ଡେ'ରେ ଭାରତ ଏବଂ ପାକିସ୍ତାନ ମଧ୍ୟରେ ଏସିଆ କପ୍ ର ସୁପର ଫୋର୍ ମ୍ୟାଚ୍ ଖେଳାଯିବ। ରବିବାର ଦିନ ପ୍ରବଳ ବର୍ଷା ହେତୁ ଭ...
11/09/2023

ନୁଆଦିଲ୍ଲୀ: ଆଜି ରିଜର୍ଭ ଡେ'ରେ ଭାରତ ଏବଂ ପାକିସ୍ତାନ ମଧ୍ୟରେ ଏସିଆ କପ୍ ର ସୁପର ଫୋର୍ ମ୍ୟାଚ୍ ଖେଳାଯିବ। ରବିବାର ଦିନ ପ୍ରବଳ ବର୍ଷା ହେତୁ ଭାରତ-ପାକିସ୍ତାନ ମ୍ୟାଚ୍ ଶେଷ ହୋଇପାରି ନାହିଁ। ପ୍ରଥମେ ବ୍ୟାଟିଂ କରି ଟିମ୍ ଇଣ୍ଡିଆ ୨୪.୧ ଓଭରରେ ୨ ୱିକେଟ୍ ହରାଇ ୧୪୭ ରନ୍ ସଂଗ୍ରହ କରିଥିଲା। କିନ୍ତୁ ଏହା ପରେ ବର୍ଷା ଆରମ୍ଭ ହୋଇଥିଲା ଏବଂ ମ୍ୟାଚ୍ ଖେଳାଯାଇ ପାରିନଥିଲା।
କଲମ୍ବୋରେ ଏହି ମ୍ୟାଚ୍ ଅନୁଷ୍ଠିତ ହେଉଛି ଏବଂ ଆଜି ବି ଏଠାରେ ବର୍ଷା ହେବାର ସମ୍ଭାବନା ଅଛି।

ଆଜି କଲମ୍ବୋରେ ବର୍ଷା ସହିତ ଆରମ୍ଭ ହୋଇଥିଲା। ଅନେକ ପ୍ରଶଂସକ ସୋସିଆଲ ମିଡିଆରେ ବର୍ଷାର ଭିଡିଓ ଏବଂ ଫଟୋ ସେୟାର କରିଛନ୍ତି। ପାଣିପାଗ ବିଭାଗ ଅନୁଯାୟୀ, ସକାଳ ୧୧ଟା ପର୍ଯ୍ୟନ୍ତ ବର୍ଷା ହେବାର ସମ୍ଭାବନା ରହିବ। କିନ୍ତୁ ଏହା ପରେ ଅପରାହ୍ନ ୧ ଟା ପର୍ଯ୍ୟନ୍ତ ବର୍ଷା ହେବାର ସମ୍ଭାବନା ନାହିଁ। ଅବଶ୍ୟ, ଏହା ପରେ ସମୟ ପ୍ରଶଂସକଙ୍କୁ ନିରାଶ କରିପାରେ। ପାଣିପାଗ ବିଭାଗ ୱେବସାଇଟ୍ ଅନୁଯାୟୀ, ରାତି ୧୧ ଟା ପର୍ଯ୍ୟନ୍ତ ପ୍ରବଳ ବର୍ଷା ହେବାର ସମ୍ଭାବନା ରହିବ।

🎙️INSIDER ODIA












ଭୁବନେଶ୍ୱର ୧୧/୦୯: ସାରା ରାଜ୍ୟରେ ଡେଙ୍ଗୁର ପ୍ରକୋପ । ବିଶେଷକରି ଭୁବନେଶ୍ୱରେ କାୟା ବିସ୍ତାର କରିବାରେ ଲାଗିଛି ଡେଙ୍ଗୁ । ଡେଙ୍ଗୁ ରୋକିବାକୁ ...
11/09/2023

ଭୁବନେଶ୍ୱର ୧୧/୦୯: ସାରା ରାଜ୍ୟରେ ଡେଙ୍ଗୁର ପ୍ରକୋପ । ବିଶେଷକରି ଭୁବନେଶ୍ୱରେ କାୟା ବିସ୍ତାର କରିବାରେ ଲାଗିଛି ଡେଙ୍ଗୁ । ଡେଙ୍ଗୁ ରୋକିବାକୁ ବିଏମ୍‌ସି ପକ୍ଷରୁ ଜାରି ରହିଛି ପ୍ରୟାସ । ତଥାପି ଲୋକେ ଡେଙ୍ଗୁ କବଳରେ ଶିକାର ହେଉଛନ୍ତି ।

ଏହାରି ଭିତରେ ମୁଖ୍ୟ ଶାସନ ସଚିବ ପ୍ରଦୀପ କୁମାର ଜେନା କ୍ୟାପିଟାଲ ହସ୍ପିଟାଲରେ ଭର୍ତ୍ତି ହୋଇଛନ୍ତି । କାରଣ ତାଙ୍କୁ ବି ଡେଙ୍ଗୁ ହୋଇଛି । ଏବେ ସେ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଦିନେ ଦୁଇ ଦିନ ରହିବେ । ଧିରେ ଧିରେ ସ୍ୱାସ୍ଥ୍ୟ ଅବସ୍ଥାରେ ଉନ୍ନତି ଆସୁଛି ବୋଲି ସୂଚନା ଦେଇଛନ୍ତି କ୍ୟାପିଟାଲ ହସ୍ପିଟାଲ ନିର୍ଦ୍ଦେଶକ ଡ଼ାକ୍ତର ଏଲ୍ ଡି.ସାହୁ । ହସ୍ପିଟାଲ ଯାଇ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଷୟରେ ପଚାରି ବୁଝିଛନ୍ତି ବିଡ଼ିଏ ଭାଇସ ଚେୟାରମ୍ୟାନ ବଲଓ୍ୱନ୍ତ ସିଂ ଓ ଖୋର୍ଦ୍ଧା ଜିଲ୍ଲାପାଳ ।

🎙️INSIDER ODIA












ଭୁବନେଶ୍ୱର(ଓଡ଼ିଶା ଭାସ୍କର): ରାଜ୍ୟର ନିଯୁକ୍ତି ପାଇବେ ୨୦ ହଜାର କନିଷ୍ଠ ଶିକ୍ଷକ । ରାଜ୍ୟରେ ପ୍ରାଥମିକ ଶିକ୍ଷକ ଅଭାବ ପୂରଣ ପାଇଁ ସେମାନଙ୍କୁ ...
11/09/2023

ଭୁବନେଶ୍ୱର(ଓଡ଼ିଶା ଭାସ୍କର): ରାଜ୍ୟର ନିଯୁକ୍ତି ପାଇବେ ୨୦ ହଜାର କନିଷ୍ଠ ଶିକ୍ଷକ । ରାଜ୍ୟରେ ପ୍ରାଥମିକ ଶିକ୍ଷକ ଅଭାବ ପୂରଣ ପାଇଁ ସେମାନଙ୍କୁ ବର୍ଷିକିଆ ଚୁକ୍ତି ଅର୍ଥାତ ସ୍କିମେଟିକ୍ ଭାବେ ନିଯୁକ୍ତି ଦିଆଯିବ । ଓଡ଼ିଶା ବିଦ୍ୟାଳୟ ଓ ଶିକ୍ଷା କାର୍ଯ୍ୟକ୍ରମ ପ୍ରାଧିକରଣ (ଓସେପା) ଏହି ନିଯୁକ୍ତି ପ୍ରକ୍ରିୟା ପରିଚାଳନା କରିବ ।
ଏନେଇ ଓସେପା ୱେବସାଇଟ୍‌ରେ ବିଜ୍ଞପ୍ତି ପ୍ରକାଶ ପାଇଛି। ଆସନ୍ତା ୧୩ରୁ ଆବେଦନ ପ୍ରକ୍ରିୟା ଆରମ୍ଭ ହେଉଥିଲା ବେଳେ, ଅକ୍ଟୋବର ୧୦ ଶେଷ ତାରିଖ ରହିଛି।

ଆଶାୟୀ ପ୍ରାଥୀମାନେ ଯେଉଁମାନେ ଆବଶ୍ୟକ ଯୋଗ୍ୟତା ରଖୁଛନ୍ତି ସେମାନେ ଓସେପା ୱେବସାଇଟ୍‌ https://osepa.odisha.gov.in ରେ ଯାଇ ଆବେଦନ କରିପାରିବେ। ଆସନ୍ତା ଡିସେମ୍ବର ମାସ ସୁଦ୍ଧା ଏହି ନିଯୁକ୍ତି ପ୍ରକ୍ରିୟା ସମାପ୍ତ କରିବାକୁ ଲକ୍ଷ୍ୟ ରଖାଯାଇଥିବା ଗଣଶିକ୍ଷା ବିଭାଗର ଜଣେ ଅଧିକାରୀ ସୂଚନା ଦେଇଛନ୍ତି । ଏହି ନିଯୁକ୍ତିର ସମସ୍ତ ସୂଚନା ଓସେପାର ୱେବସାଇଟରେ ଜାରି କରାଯାଇଛି। ଅନଲାଇନ କମ୍ପ୍ୟୁଟର ବେସଡ ଟେଷ୍ଟ (ସିବିଡି) ମୋଡ଼ରେ ଏହି ନିଯୁକ୍ତି ପରୀକ୍ଷା କରାଯିବ । ଓସେପାରେ ୱେବସାଇଟ୍‌ରେ ନିଯୁକ୍ତି ପାଇଁ ଜିଲ୍ଲାୱାରୀ ପଦବୀ, ଲିଖିତ ପରୀକ୍ଷାର ସିଲାବସ୍‌, କେଉଁ କେଉଁ ତଥ୍ୟ ଅପଲୋଡ୍ କରାଯିବ ଆଦି ସବିଶେଷ ବିବରଣୀ ଉପଲବ୍ଧ ରହିଛି।ଏହା ବ୍ୟତୀତ ଅନ୍ୟକୌଣସି ମାଧ୍ୟମରେ ଆବେଦନକୁ ସ୍ୱୀକାର କରାଯିବ ନାହିଁ। ଆଶାୟୀମାନେ ଉପଯୁକ୍ତ ଇମେଲ୍ ଆଇଡି ଏବଂ ମୋବାଇଲ୍ ନମ୍ବର ଦେଇ ନିଜ ନାମ ପଞ୍ଜୀକରଣ କରିବେ। ଏହା ପରେ ଆବଶ୍ୟକ ତଥ୍ୟ ଅପଲୋଡ୍ କରି ଆବେଦନ କରିବେ। ଅନଲାଇନରେ ଆବେଦନ ଜନିତ କୌଣସି ସମସ୍ୟା ଦେଖାଦେଲେ ଆଶାୟୀମାନେ ହେଲ୍ପଡେସ୍କ୍‌ ନମ୍ବର: ୭୩୫୩୯ ୨୭୭୭୯ ସୋମବାରଠୁ ଶୁକ୍ରବାର ପର୍ଯ୍ୟନ୍ତ ପୂର୍ବାହ୍ଣ ୧୦ଟାରୁ ଅପରାହ୍ଣ ୫ଟା ମଧ୍ୟରେ ଯୋଗାଯୋଗ କରିପାରିବେ।

ପ୍ରଥମରୁ ପଞ୍ଚମ ଓ ଷଷ୍ଠରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଏପରି ଭାବେ ଦୁଇଟି ବର୍ଗରେ କନିଷ୍ଠ ଶିକ୍ଷକଙ୍କୁ ନିଯୁକ୍ତି ଦିଆଯିବ । ଜଣେ ନୋଡାଲ ଅଧିକାରୀ ଏହି ଦାୟିତ୍ୱରେ ରହିବେ । ନିଯୁକ୍ତି ପାଇବା ପରେ ଶିକ୍ଷକମାନେ ଜିଲ୍ଲା ପରିଷଦ ଅଧିନରେ ରହିବେ ଓ ବାର୍ଷିକ ଚୁକ୍ତି ସମାପ୍ତ ହେବା ପରେ ସେମାନଙ୍କର ନବୀକରଣ କରାଯିବ । ସେମାନେ ମାସିକ ପାରିଶ୍ରମିକ ପାଇବେ । ତେବେ ଦକ୍ଷତା ନଥିଲେ ଶିକ୍ଷକଙ୍କୁ ୩୦ ଦିନର ନୋଟିସ୍ ଦିଆଯାଇ କାର୍ଯ୍ୟରୁ ଅନ୍ତର କରିଦିଆଯିବ । ସ୍କୁଲର ପ୍ରଧାନଶିକ୍ଷୟିତ୍ରୀ ଏହି ଦକ୍ଷତା ନିର୍ଦ୍ଧାରଣ କରିବେ ।
🎙️INSIDER ODIA












କନକ ବ୍ୟୁରୋ: ୫-ଟି ସଚିବଙ୍କ ହେଲିକପ୍ଟର ଗସ୍ତକୁ ନେଇ ସରଗରମ ରାଜନୀତି । ହେଲିକପ୍ଟର ଗସ୍ତକୁ ନେଇ ଆରଟିଆଇକୁ ମଗାଯାଇଥିଲା ଉତ୍ତର । ତେବେ ଆରଟି...
05/09/2023

କନକ ବ୍ୟୁରୋ: ୫-ଟି ସଚିବଙ୍କ ହେଲିକପ୍ଟର ଗସ୍ତକୁ ନେଇ ସରଗରମ ରାଜନୀତି । ହେଲିକପ୍ଟର ଗସ୍ତକୁ ନେଇ ଆରଟିଆଇକୁ ମଗାଯାଇଥିଲା ଉତ୍ତର । ତେବେ ଆରଟିଆଇ ପାଖରେ କୌଣସି ତଥ୍ୟ ନଥିବା କହିଥିଲା ପରିବହନ ବିଭାଗ । ବାସ୍ତବରେ ୫-ଟି ସଚିବଙ୍କ ହେଲିକପ୍ଟର ଗସ୍ତ ବାବଦକୁ କେତେ ଖର୍ଚ୍ଚ ହୋଇଛି, ସେ ନେଇ ବିଜେପି ପ୍ରଶ୍ନ ଉଠାଇଥିଲା । ଏପରିକି ବିଜେପି ମୁଖପାତ୍ର ଅନୀଲ ବିଶ୍ୱାଳ କହିଥିଲେ ଯେ, ସଚିବଙ୍କ ଗସ୍ତ ବାବଦକୁ ଖର୍ଚ୍ଚ ହୋଇଛି ୫୦୦ କୋଟି ଟଙ୍କା ।ଯାହା ପରେ ସଫେଇ ରଖିଥିଲେ ମନ୍ତ୍ରୀ ଟୁକୁନି ସାହୁ । ଆଗାମୀ ବିଧାନସଭା ଅଧିବେଶନରେ ହେଲିକପ୍ଟର ଉଡ଼ାଣକୁ ନେଇ ତଥ୍ୟ ରଖିବେ ବୋଲି କହିଥିଲେ ମନ୍ତ୍ରୀ । ତେବେ ପ୍ରକୃତରେ ଗତ ୫ବର୍ଷରେ ହେଲିକପ୍ଟର ଗସ୍ତ ବାବଦକୁ ପ୍ରାୟ ୫୦ କୋଟି ଟଙ୍କା ଖର୍ଚ୍ଚ ହୋଇଛି । ଏହାକୁ ନେଇ ଏବେ ପୁଣିଥରେ ମନ୍ତ୍ରୀଙ୍କୁ ଟାର୍ଗେଟ୍ କରିଛି ବିଜେପି । ବିଜେପି କହିଛି, ଯଦି ବିଭାଗ ପାଖରେ ତଥ୍ୟ ନାହିଁ, ତା ହେଲେ ମନ୍ତ୍ରୀ କହିଲେ କ'ଣ ପାଇଁ ।

🎙️INSIDER ODIA












ନୂଆଦିଲ୍ଲୀ: ୨୦୨୩ ବିଶ୍ୱକପ୍ ପାଇଁ ଭାରତୀୟ ଦଳ ଘୋଷଣା କରାଯାଇଛି। ଦଳର ଅଧିନାୟକ ରୋହିତ ଶର୍ମା ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର ଦଳ ଘୋଷଣା...
05/09/2023

ନୂଆଦିଲ୍ଲୀ: ୨୦୨୩ ବିଶ୍ୱକପ୍ ପାଇଁ ଭାରତୀୟ ଦଳ ଘୋଷଣା କରାଯାଇଛି। ଦଳର ଅଧିନାୟକ ରୋହିତ ଶର୍ମା ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର ଦଳ ଘୋଷଣା କରିଛନ୍ତି। ଏହି ଅବସରରେ ବିସିସିଆଇ ସୋସିଆଲ ମିଡିଆରେ ଦଳର ଏକ ଫଟୋ ସେୟାର କରିଛି। ବିସିସିଆଇ ଲେଖିଛି, ''ବିଶ୍ୱକପ୍ ୨୦୨୩ ପାଇଁ ଟିମ୍ ଇଣ୍ଡିଆ ପ୍ରସ୍ତୁତ। କିନ୍ତୁ ବିସିସିଆଇର ଏହି ଟ୍ୱିଟକୁ ପୂର୍ବତନ ଭାରତୀୟ ଦଳର ଓପନର୍ ବୀରେନ୍ଦ୍ର ସେହ୍ବାଗ ପସନ୍ଦ କରିନାହାନ୍ତି।ବର୍ତ୍ତମାନ ଦେଶର ନାମକୁ ନେଇ ସୃଷ୍ଟି ହୋଇଛି 'ଇଣ୍ଡିଆ' ବନାମ 'ଭାରତ' ବିବାଦ । ସମସ୍ତେ ଏହି ପ୍ରସଙ୍ଗ ଉପରେ ନିଜର ମତ ଦେଉଛନ୍ତି। ଟିମ୍ ଇଣ୍ଡିଆର ପୂର୍ବତନ ଓପନର୍ ବୀରେନ୍ଦ୍ର ସେହ୍ବାଗ ମଧ୍ୟ ଏଥିରେ ନିଜର ମତ ରଖି ଅଡୁଆ ଭିତରେ ପାଦ ଥୋଇଛନ୍ତି। ସେ ବିସିସିଆଇର ଟ୍ୱିଟରେ ଲେଖିଛନ୍ତି , ''ଟିମ୍ ଇଣ୍ଡିଆ ନୁହେଁ, ଟିମ୍ ଭରତ। ଏହି ବିଶ୍ୱକପ୍‌ରେ ଭାରତକୁ ହୃଦୟ‌ରେ ରଖି କୋହଲି, ରୋହିତ, ବୁମରା, ଜାଡୁ 'ଭାରତ' ଲେଖା ହୋଇଥିବା ଜର୍ସି ପିନ୍ଧ।''ଉଲ୍ଲେଖଯୋଗ୍ୟ, କଂଗ୍ରେସ ସମେତ ଅନେକ ବିରୋଧୀ ଦଳ ୨୦୨୪ ଲୋକସଭା ନିର୍ବାଚନରେ ​​ଏକାଠି ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଥିଲେ। ମିଳିତ ଭାବରେ ସେମାନେ ଏକ ମିଳିତ ମଞ୍ଚ ଗଠନ କଲେ ଏବଂ ଏହାର ନାମ ରଖିଲେ 'ଇଣ୍ଡିଆ'। ଏଇଠୁ ହିଁ ବିବାଦ ଆରମ୍ଭ ହୋଇଥିଲା। ଶାସକ ଦଳ ବିଜେପି ଏହାକୁ ବିରୋଧ କରିଥିଲା ​​ଏବଂ ସେବେଠାରୁ 'ଇଣ୍ଡିଆ' ବଦଳରେ ଦେଶର ନାମ 'ଭାରତ' ବ୍ୟବହାର ପାଇଁ କୁହଯାଉଛି।

🎙️INSIDER ODIA












ଅଷ୍ଟ୍ରେଲିଆରେ ପାଠ ପଢ଼ିବେ କେନ୍ଦୁଝର ସରକାରୀ ଇଞ୍ଜିନିୟରିଂ କଲେଜର 5 ଛାତ୍ରଛାତ୍ରୀ, କଠିନ ପରିଶ୍ରମ କର, ନିଜର କ୍ୟାରିୟର୍ ଲକ୍ଷ୍ୟ ହାସଲ କରି...
05/09/2023

ଅଷ୍ଟ୍ରେଲିଆରେ ପାଠ ପଢ଼ିବେ କେନ୍ଦୁଝର ସରକାରୀ ଇଞ୍ଜିନିୟରିଂ କଲେଜର 5 ଛାତ୍ରଛାତ୍ରୀ, କଠିନ ପରିଶ୍ରମ କର, ନିଜର କ୍ୟାରିୟର୍ ଲକ୍ଷ୍ୟ ହାସଲ କରିବା ନେଇ ଗୁରୁମନ୍ତ୍ର ଦେଲେ ମୁଖ୍ୟମନ୍ତ୍ରୀ ।

ଭୁବନେଶ୍ବର: କେନ୍ଦୁଝର ସରକାରୀ ଇଞ୍ଜିନିୟରିଂ କଲେଜରୁ ମାଇନିଂ ଇଞ୍ଜିନିୟରିଂରେ ସଫଳତାର ସହ ବିଟେକ୍ ପାସ କରିଥିବା 5 ଜଣ ମେଧାବୀ ଛାତ୍ରଛାତ୍ରୀଙ୍କୁ ଉଚ୍ଚଶିକ୍ଷା ପାଇଁ ଅଷ୍ଟ୍ରେଲିଆ ପଠାଯିବ। ସେମାନେ ବିଶ୍ୱର ଅନ୍ୟତମ ସୁନାମଧନ୍ୟ କର୍ଟିନ୍ ବିଶ୍ୱବିଦ୍ୟାଳୟରେ ମାଇନିଂ ଇଞ୍ଜିନିୟରିଂ କ୍ଷେତ୍ରରେ ଉଚ୍ଚଶିକ୍ଷା ଲାଭ କରିବାର ସୁଯୋଗ ପାଇବେ ଓ ଏଥିପାଇଁ ସେମାନଙ୍କ ପାଠପଢ଼ା, ଅଷ୍ଟ୍ରେଲିଆରେ ରହଣୀ ଏବଂ ଯାତାୟାତ ବାବଦକୁ ସମସ୍ତ ଖର୍ଚ୍ଚ କେନ୍ଦୁଝର ଜିଲ୍ଲା ଖଣିଜ ପ୍ରତିଷ୍ଠାନ ବହନ କରିବ।ଓଡ଼ିଶାର କେନ୍ଦୁଝର ଜିଲ୍ଲାରୁ ଏହି ଛାତ୍ରଛାତ୍ରୀମାନେ ଅଷ୍ଟ୍ରେଲିଆ ଯାଇ କର୍ଟିନ୍ ବିଶ୍ୱବିଦ୍ୟାଳୟ ଅଧିନସ୍ଥ ୱେଷ୍ଟ୍ ଅଷ୍ଟ୍ରେଲିଆନ୍ ସ୍କୁଲ୍ ଅଫ୍ ମାଇନ୍ସ, ମିନେରାଲ୍ସ, ଏନର୍ଜି ଆଣ୍ଡ୍ କେମିକାଲ ଇଞ୍ଜିନିୟରିଂ(WASM: MECE)ରେ ଉଚ୍ଚଶିକ୍ଷା ଲାଭ କରିବା ବିଷୟରେ ଜାଣି ମୁଖ୍ୟମନ୍ତ୍ରୀ ନିଜର ଖୁସିବ୍ୟକ୍ତ କରିଥିଲେ। ସେ ସମସ୍ତ ଛାତ୍ରଛାତ୍ରୀଙ୍କୁ ଏହି ନୂଆ ଯାତ୍ରାପାଇଁ ଶୁଭେଚ୍ଛା ଜଣାଇବା ସାଙ୍ଗକୁ କଠିନ ପରିଶ୍ରମ କରି ନିଜର କ୍ୟାରିଅର୍ ଲକ୍ଷ୍ୟ ହାସଲ କରିବାକୁ ପରାମର୍ଶ ଦେଇଥିଲେ।

ପ୍ରକାଶ ଯେ, ଅଷ୍ଟ୍ରେଲିଆ ବିଶ୍ୱବିଦ୍ୟାଳୟର ବିଭିନ୍ନ ଉଦ୍ୟୋଗମାନଙ୍କର ସହ ସମ୍ପର୍କ, ଉଚ୍ଚ-ପ୍ରଭାବ ଅନୁସନ୍ଧାନ ଏବଂ ନବୀନ ପାଠ୍ୟକ୍ରମର ବିସ୍ତୃତ ଶୃଙ୍ଖଳା ପାଇଁ ଏହା ସମଗ୍ର ବିଶ୍ୱରେ ପରିଚିତ। ଏହି ଶିକ୍ଷାନୁଷ୍ଠାନ ଲଗାତାର 7 ବର୍ଷ ଧରି ମିନେରାଲ୍ ଏବଂ ମାଇନିଂ ଇଞ୍ଜିନିୟରିଂ ଶିକ୍ଷାଦାନ କ୍ଷେତ୍ରରେ କ୍ୟୁଏସ୍ ବିଶ୍ୱ ବିଶ୍ୱବିଦ୍ୟାଳୟ ରାଙ୍କିଂରେ ଦ୍ୱିତୀୟ ସ୍ଥାନ ଅଧିଗ୍ରହଣ କରିଆସୁଛି। ଏଠାରେ ଅଧ୍ୟୟନ କରିବା ପାଇଁ କେନ୍ଦୁଝର ଜିଲ୍ଲାରୁ ଯେଉଁ 5 ଛାତ୍ରଛାତ୍ରୀଙ୍କ ଚୟନ ହୋଇଛି ସେମାନେ ହେଲେ, ମିନର୍ଭା ସାହୁ, ଅଦ୍ୱିକ କୁମାର, ଆକିବ୍ ଅହମ୍ମଦ, ଗିତିଶ ଶେଖର ନାୟକ ଓ ସରୋଜ କୁମାର ବିଶ୍ୱକର୍ମା।

🎙️INSIDER ODIA












ବଦଳିବ କି ଦେଶର ନାଁ ? ଭାରତର ଇଂରାଜୀ ନାମ 'ଇଣ୍ଡିଆ'କୁ ଦିଆଯିବ କି ବାଦ୍‌ ? କାହିଁକି ଆରମ୍ଭ ହେଲା ଏପରି ଚର୍ଚ୍ଚା ? ନୂଆଦିଲ୍ଲୀ: ଇଂରାଜୀ ନା...
05/09/2023

ବଦଳିବ କି ଦେଶର ନାଁ ? ଭାରତର ଇଂରାଜୀ ନାମ 'ଇଣ୍ଡିଆ'କୁ ଦିଆଯିବ କି ବାଦ୍‌ ? କାହିଁକି ଆରମ୍ଭ ହେଲା ଏପରି ଚର୍ଚ୍ଚା ?
ନୂଆଦିଲ୍ଲୀ: ଇଂରାଜୀ ନାମ 'ଇଣ୍ଡିଆ' ନୁହେଁ କେବଳ 'ଭାରତ' ନାମରେ ଜଣାଯିବ କି ଦେଶ ? ଜି-୨୦ ସମ୍ମିଳନୀରେ ବିଶ୍ବନେତାଙ୍କୁ ନିମନ୍ତ୍ରଣ କରିବା ଲାଗି ଦେଶର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପ୍ରେସିଡେଣ୍ଟ ନିମନ୍ତ୍ରଣ ପତ୍ରକୁ ନେଇ ଆରମ୍ଭ ହୋଇଛି ତର୍କ ବିତର୍କ ।ଏଥିରେ 'ପ୍ରେସିଡେଣ୍ଟ ଅଫ ଇଣ୍ଡିଆ' ପରିବର୍ତ୍ତେ ପ୍ରଥମ ଥର ଲାଗି ଲେଖାଯାଇଛି 'ପ୍ରେସିଡେଣ୍ଟ ଅଫ ଭାରତ' । ଅର୍ଥାତ ଦେଶର ଇଂରାଜୀ ନାମକୁ ଲେଖାଯାଇନାହିଁ । ତେବେ ଆଗାମୀ ଦିନରେ ଦେଶ କେବଳ 'ଭାରତ' ନାମରେ ଜଣାଯିବ ବୋଲି ଆରମ୍ଭ ହୋଇଛି ଚର୍ଚ୍ଚା ।ଆସନ୍ତା ୯ ଓ ୧୦ ତାରିଖ ଭାରତ ଅଧ୍ୟକ୍ଷତାରେ ଜାତୀୟ ରାଜଧାନୀ ଦିଲ୍ଲୀରେ ଅନୁଷ୍ଠିତ ହେବାକୁ ଯାଉଛି ଜି-୨୦ ସମ୍ମିଳନୀ । ଯେଉଁଥିରେ ଯୋଗ ଦେବାକୁ ଯାଉଛନ୍ତି ଅନେକ ବିଶ୍ବ ନେତା । ଏହି ତାଲିକାରେ ଆମେରିକା ରାଷ୍ଟ୍ରପତି ଜୋ ବାଇଡେନ, ବ୍ରିଟେନ ପ୍ରଧାନମନ୍ତ୍ରୀ ଋଷି ସୁନକ ମଧ୍ୟ ସାମିଲ ଅଛନ୍ତି । ତେବେ ସେପ୍ଟେମ୍ବର ୯ ତାରିଖରେ ରାତ୍ରି ଭୋଜନ ଲାଗି ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ପକ୍ଷରୁ ଜି-୨୦ ବିଦେଶୀ ଅତିଥିଙ୍କୁ ନିମନ୍ତ୍ରିତ କରାଯାଇଛି । ତେବେ କୌଣସି ସରକାରୀ କାର୍ଯ୍ୟକ୍ରମରେ ପ୍ରଥମ ଥର ଲାଗି 'ପ୍ରେସିଡେଣ୍ଟ ଅଫ ଇଣ୍ଡିଆ' ପରିବର୍ତ୍ତେ 'ପ୍ରେସିଡେଣ୍ଟ ଅଫ ଭାରତ' ଲେଖାଯାଇଛି ।ସରକାରୀ ସୂତ୍ରରୁ ମିଳିଥିବା ସୂଚନା ଅନୁସାରେ ଭାରତର ସମ୍ବିଧାନରେ ମଧ୍ୟ ଦେଶର ନାମ 'ଭାରତ' ରହିଛି । ସମ୍ବିଧାନର ଧାରା ୧ରେ 'ଇଣ୍ଡିଆ' ଶବ୍ଦର ଅର୍ଥ ରାଜ୍ୟମାନଙ୍କର ସମୂହ ବୋଲି ରହିଛି । ଜି-୨୦ ବିଦେଶୀ ଅତିଥି ଓ ପ୍ରତିନିଧିମାନଙ୍କୁ ଦେଶ ପକ୍ଷରୁ ଦିଆଯାଇଥିବା ବୁକଲେଟ୍‌ ବା ପୁସ୍ତିକାରେ ଦେଶର ନାମ 'ଗଣତନ୍ତ୍ରର ମାତା' ଭାରତ ରହିଛି । ଯାହାକି ବର୍ଷ ବର୍ଷ ଧରି ଗଣତାନ୍ତ୍ରିକ ବିଚାରଧାରା ଉପରେ ପର୍ଯ୍ୟବେଷ୍ଟିତ । ଏହି ପୁସ୍ତିକାରେ ଆହୁରି ଲେଖାଯାଇଛି ଯେ ଭାରତ ଦେଶର ସରକାରୀ ନାମ । ୧୯୪୬-୪୮ ମସିହା ସମୟରେ ହୋଇଥିବା ନିଷ୍ପତ୍ତି ସହିତ ଦେଶର ସମ୍ବିଧାନରେ ମଧ୍ୟ ଏହା ଉଲ୍ଲେଖ ରହିଛି ।ରାଷ୍ଟ୍ରପତି ଦ୍ରୋପଦୀ ମୁର୍ମୁଙ୍କ ପକ୍ଷରୁ ଜି-୨୦ ବିଦେଶୀ ଅତିଥିଙ୍କୁ ପଠାଯାଇଥିବା ନିମନ୍ତ୍ରଣ ପତ୍ର ସାମ୍ନାକୁ ଆସିବା ପରେ ଆରମ୍ଭ ହୋଇଛି ରାଜନୀତି । ଅନେକ ରାଜନେତା ଏହାକୁ ସ୍ବାଗତ କରିଥିବା ବେଳେ ବିରୋଧୀମାନେ ଏହାର ଘୋର ବିରୋଧ କରିଛନ୍ତି । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ବ ଶର୍ମା ଏହାକୁ ସ୍ବାଗତ କରି କହିଛନ୍ତି, " ଅମୃତ କାଳ ମଧ୍ୟରେ ଆମ ନାଗରିକମାନେ ଜାଗ୍ରତ ହୋଇଛନ୍ତି । ଏହା ମୋତେ ବେଶ ଆନନ୍ଦ ଦେଇଛି ।" ସେପଟେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଟ୍ବିଟ କରି କହିଛନ୍ତି, " ଏହା ପୂର୍ବରୁ ହେବାର ଆବଶ୍ୟକତା ରହିଥିଲା । ଏହି ନିଷ୍ପତ୍ତି ମାନସିକ ଶାନ୍ତି ଆଣିଦେଇଛି । 'ଭାରତ' ହେଉଛି ଆମର ପରିଚୟ । ଏଥିଲାଗି ଆମକୁ ଗର୍ବ କରିବା ଆବଶ୍ୟକ । ଦେଶର ରାଷ୍ଟ୍ରପତି 'ଭାରତ'କୁ ପ୍ରାଧାନ୍ୟ ଦେଇଛନ୍ତି ।"ବିରୋଧୀଙ୍କ ବିରୋଧାଭାଷ:- ବିଜେପି ନେତାମାନେ ଏହି ନିଷ୍ପତ୍ତିକୁ ସ୍ବାଗତ ଜଣାଇଥିବା ବେଳେ ବିରୋଧୀ ମେଣ୍ଟ ଇ-ଣ୍ଡି-ଆ ପକ୍ଷରୁ ଏହାକୁ ଘୋର ବିରୋଧ କରାଯାଇଛି । RJD ନେତା ମନୋଜ ଝା କହିଛନ୍ତି, " ବିରୋଧୀ ମେଣ୍ଟର ନାମ ଇଣ୍ଡିଆ ରଖାଯିବାର କିଛି ସପ୍ତାହ ପରେ କେନ୍ଦ୍ର 'ରିପବ୍ଲିକ ଅଫ ଭାରତ' ନାମରେ ନିମନ୍ତ୍ରଣ ପତ୍ର ପଠାଇଛି । ଦେଶର ସମ୍ବିଧାନ ଧାରା ୧ରେ ଦେଶର ନାମ ଇଣ୍ଡିଆ ରହିଛି । ଯାହାକି ଭାରତ । ଆମେ ଏହି ନାମକୁ ନେଇଯାଉନାହୁଁ । " ଅନ୍ୟପଟେ ଦିଲ୍ଲୀ ମୁଖ୍ୟମନ୍ତ୍ରୀ ଅରିବନ୍ଦ କେଜ୍ରିୱାଲ କହିଛନ୍ତି, "ଯଦି ବିରୋଧୀ ମେଣ୍ଟ ଇଣ୍ଡିଆ ପରିବର୍ତ୍ତେ ଭାରତ ନାମ ରଖନ୍ତି, ତେବେ କଣ ବିଜେପି ଭାରତ ନାମକୁ ଅନ୍ୟ କୌଣସି ନାମରେ ପରିବର୍ତ୍ତନ କରିବ ?"

ଜେପି ନଡ୍ଡାଙ୍କ କଡ଼ା ଜବାବ:- ବିରୋଧୀମାନେ ଏହି ନିଷ୍ପତ୍ତିକୁ ବିରୋଧ କରିବା ପରେ କଡ଼ା ଜବାବ ଦେଇଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ସେ କଂଗ୍ରେସକୁ ଦେଶଦ୍ରୋହୀ ବୋଲି କହିଛନ୍ତି । ସେ ଟ୍ବିଟ କରି କହିଛନ୍ତି, "କଂଗ୍ରେସକୁ ଦେଶର ସମ୍ମାନ ଓ ଗୌରବ ସହିତ ଜଡ଼ିତ ସବୁ ଜିନିଷରେ କଣ ହେଉଛି ସମସ୍ୟା ? ଭାରତ ନାମକୁ ଯୋଡ଼ି ରାଜନୀତି କରୁଥିବା ଲୋକଙ୍କୁ 'ଭାରତ ମାତା କି ଜୟ' ନାରା ଦେବାରେ କଣ ଅସୁବିଧା ହେଉଛି । ଏଥିରୁ ସ୍ପଷ୍ଟ ଯେ କଂଗ୍ରେସ ମନରେ ଦେଶ, ଦେଶର ସମ୍ବିଧାନ ଓ ଦେଶ ପ୍ରତି କୌଣସି ସମ୍ମାନ ନାହିଁ ।"

🎙️INSIDER ODIA












Address

Jaleswar , Baleswar , Odisha
Jaleswar
756033

Website

Alerts

Be the first to know and let us send you an email when Insider Odia posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Insider Odia:

Shortcuts

Share

Category