26/10/2020
बँक खाते हॕक करणाऱ्या टोळीचा पर्दाफाश
धुळे - राज्यासह देशातील विविध बँकांमधून अकाउंट हॅक करून बँकांना लाखोंचा गंडा घालणाऱ्या हॅकर्स टोळीचा धुळे पोलिसांनी पर्दाफाश केला आहे.
धुळ्यातील एक्सिस बँकेतून दोन कोटी रुपये अचानक हॅक झाल्याची तक्रार 6 जून रोजी धुळे शहर पोलीस ठाण्यामध्ये दाखल करण्यात आल्यानंतर धुळे पोलिसांनी या बाबत चौकशी सुरू केल्यानंतर धुळे पोलिसांच्या तपासादरम्यान काही धक्कादायक माहिती समोर आली. देशातील विविध बँकांमधील अकाउंट हॅक करणारी टोळी दिल्लीत सक्रीय असल्याची गुप्त माहिती धुळे पोलिसांना मिळाल्यानंतर धुळे पोलिसांनी या तपासासाठी एक स्वतंत्र पथक तयार करून दिल्लीकडे रवाना केले, आणि
दिल्ली पोलिसांच्या मदतीने धुळे पोलिसांनी तपासाची चक्रे फिरवली. या आरोपींच्या मुसक्या आवळण्यात धुळे पोलिसांना यश आले आहे. यामध्ये तीन जण भारतीय असून एक आरोपी हा नायजेरियन आहे तर यामध्ये एका महिला आरोपी चा देखील समावेश आहे. धुळे पोलिसांनी या हॕकर्सकडून 9 मोबाईल हँडसेट तसेच दोन नोटा मोजण्याचे मशीन,एक आयपॉड त्याचबरोबर एक डिजिटल लॉकर, विविध बँकांचे एटीएम कार्ड,पासबुक, चेक बुक असा एकूण 5,98,240 रुपये किंमतीचा मुद्देमाल हस्तगत करण्यात आला आहे. या पकडल्या गेलेल्या या आरोपींच्या व्यतिरिक्त देखील मोठे रॅकेट समोर येण्याची शक्यता धुळे पोलीस अधीक्षक चिन्मय पंडित यांनी व्यक्त केली असून यासंदर्भात पुढील तपास धुळे पोलिस करीत आहेत.
दीपक राजुकार चित्रा (29, जुने महावीर नगर, नवी दिल्ली ), नितीका दीपक चित्रा (30, जुने महावीर नगर, नवी दिल्ली ), टोबॅचिकू जोसेफ ओकोरो उर्फ प्रेस (23, अंसल हाऊसिंग, ग्रेट नोएडा, यु.पी.), रमणकुमार दर्शनकुमार (30, रा.तिलक नगर, नवी दिल्ली), अवतारसिंग उर्फ हॅप्पी वरेआमसिंग (28, तिलक नगर, नवी दिल्ली) अशी अटकेतील आरोपींची नावे आहेत. दरम्यान, अटकेतील आरोपींना 25 ऑक्टोबर रोजी अटक केल्यानंतर न्यायालयाने त्यांना 3 नोव्हेंबरपर्यंत पोलिस कोठडी सुनावली.
सदरील कारवांई ही धुळे जिल्हा पोलिस अधिक्षक चिन्मय पंडित, अप्पर पोलीस अधिक्षक प्रशांत बच्छाव यांच्या मार्गदर्शनाखाली धुळे स्थानिक गुन्हे शाखेचे पोलिस निरीक्षक शिवाजी बुधवंत, सायबर तज्ज्ञ व्रजेश गुजराथी, सहा.निरीक्षक श्रीकांत पाटील , उमेश बोरसे, सारीका कोडापे, हनुमान उगले यांच्या पथकाने केलेली आहे.
