03/10/2024
*बोदवड रेल्वे स्थानकावर "नाशिक बडनेरा मेमो" ला थांबा.*
*👉🏼 आमदार चंद्रकांतभाऊ पाटिल यांचा दणका ; विविध संघटनांच्या रेल रोको आंदोलनाला यश..*
*▫️ रेल रोको आंदोलनाच्या माध्यमातून सुरुवातीला "अमरावती पुणे एक्स्प्रेस" तर आता "नाशिक बडनेरा मेमो" ला मिळाला थांबा !*
*● उर्वरित गाड्यांसंदर्भात आमदार चंद्रकांतभाऊ पाटिल यांचा पाठपुरावा सुरु..*
बोदवड:- दि/03
बोदवड रेल्वे स्थानकावर दिनांक 30 सप्टेंबर रोजी कोरोना काळात बंद पडलेल्या गाड्या पुर्ववत करण्यासाठी तसेच नविन विविध गाड्यांना थांबा मिळण्यासाठी राष्ट्रीय विकलांग पार्टी , भिम आर्मी भारत एकता मिशन , व्यापारी संघटना , कृषी संघटना , प्रवासी संघटना तसेच पत्रकार संघटना यांच्या वतीने आमदार चंद्रकांतभाऊ पाटिल यांच्या उपस्थितीत "रेल रोको आंदोलन" पार पडले होते. यापुर्वी ; 9 ऑगस्ट 2023 रोजी रेल रोको आंदोलन पार पडले होते. त्यावेळेस, रेल्वे प्रशासनाने आश्वासन देउनही शब्दपुर्ती न करता केवळ अमरावती पुणे एक्स्प्रेस या एका रेल्वे गाडीला थांबा दिला होता. कोरोना मध्ये बंद केलेल्या गाड्या पुर्ववत न केल्याने राष्ट्रीय विकलांग पार्टी , भिम आर्मी भारत एकता मिशन , व्यापारी संघटना , कृषी संघटना , प्रवासी संघटना तसेच पत्रकार संघटना यांच्या वतीने दिनांक 30 सप्टेंबर रोजी बोदवड रेल्वे स्थानकावर "रेल रोको आंदोलन" पार पडले. यावेळी , आमदार चंद्रकांतभाऊ पाटिल दुसर्यांदा दाखल होत त्यांनी आक्रमक भुमिका मांडली. आमदार चंद्रकांतभाऊ पाटिल "रेल रोको आंदोलनावर" ठाम असल्याने रेल्वे प्रशासनाने झुकती भुमिका घेत , डीआरएम यांच्या अधिकारक्षेत्राखालील असलेल्या "नाशिक बडनेरा मेमो" या रेल्वे गाडीला तात्काळ थांबा देण्याचे आश्वासन रेल्वे प्रशासनाकडून देण्यात आले होते. दिलेला शब्द रेल्वे प्रशासनाकडून पाडण्यात आला असून "नाशिक बडनेरा मेमो" थांबा मंजूर झाला आहे. बोदवड रेल्वे स्थानकावर दिनांक 4 रोजी नाशिक बडनेरा जाणारी गाडी रात्री साधारणत: 1:07AM तर बडनेरा ते नाशिक जाणारी रेल्वे गाडी दुपारी साधारणत: 1:41 PM वाजता थांबेल. उर्वरित गाड्यासंदर्भात रेल्वे प्रशासनाने त्याबाबतचे प्रस्ताव वरीष्ठ यंत्रणेकडे पाठविले आहे. याबाबत आमदार चंद्रकांतभाऊ पाटिल हे प्रयत्नशील असून मुख्यमंत्री सन्मा. एकनाथराव जी शिंदे साहेब यांच्याकडे ते सातत्याने विषय लावून धरत आहे. रेल्वे गाड्यांना थांबा मिळण्यासाठी आमदार चंद्रकांतभाऊ पाटिल यांचे चौफेर प्रयत्न सुरु आहेत. रेल्वे प्रशासनाने शब्द न पाळल्यास ते गनिमी कावा पद्धतीने रेल्वे रुळावर "रेल रोको आंदोलन" करणार असल्याचा इशारा त्यांनी यापुर्वी दिलेला आहे. बोदवड रेल्वे स्थानकावर कोरोना काळात बंद पडलेल्या गाड्या पुर्ववत करण्यासाठी तसेच इतर नविन गाड्या सुरु करण्यासाठी आमदार चंद्रकांतभाऊ पाटिल यांचा मुख्यमंत्री सन्मा. एकनाथ राव जी शिंदे साहेब यांच्याकडे पाठपुरावा सुरु आहे.
