25/04/2026
"रात्रीचा अंधार, सांडलेले ऑईल अन् पोलिसांची तत्परता: जळगाव बायपासवर महिला अधिकाऱ्याने रोखला मृत्यूचा थरार!"
जळगाव (प्रतिनिधी): पोलीस दलाची ओळख केवळ गुन्हेगारांना जरब बसवणारी यंत्रणा अशी नसून, संकटकाळी धावून जाणारा तो एक आधारस्तंभही आहे. याचाच प्रत्यय जळगाव बायपासवर आला. तरसोद फाट्याजवळ ऑईल सांडल्यामुळे वाहने घसरून अपघात होत असल्याचे समजताच, नशिराबाद पोलीस स्टेशनच्या प्रभारी सहाय्यक पोलीस निरीक्षक (API) योगिता नारखेडे यांनी स्वतः माती टाकून रस्ता सुरक्षित केला आणि संभाव्य मोठा अनर्थ टाळला.
