Khabar Gujarat News

01/08/2026

અખંડ રામધૂનના 63 માં વર્ષમાં પ્રવેશ નિમિત્તે આજે તા.01/08/2026 ને શનિવાર શ્રી બાલા હનુમાન મંદિરની વિશેષ આરતી...

01/08/2026

ઉપરવાસમાં ભારે આવક: મચ્છુ-2 ડેમના 16 દરવાજા ખોલાયા, નીચાણવાળા વિસ્તારોને એલર્ટ

01/08/2026

01/08/2026

સનસનાટી હત્યાકાંડમાં પોલીસ રિમાન્ડ દરમિયાન ખુલી વિસ્ફોટક વિગતો...

જામનગરમાં 26 મહિના જૂના હત્યાકાંડનો પોલીસ દ્વારા સનસનાટીભર્યો ભેદ ઉકેલવામાં આવ્યો છે. પોલીસના જણાવ્યા મુજબ મૃતકની પત્નીએ પોતાના પૂર્વ પ્રેમી અને તેના મિત્ર સાથે મળી પતિની હત્યાનું કાવતરું રચ્યું હતું. હત્યા કર્યા બાદ મૃતદેહને અંદાજે 12થી 13 ફૂટ ઊંડા ખાડામાં દફનાવી દેવામાં આવ્યો હતો અને સમગ્ર ઘટનાને લગભગ 26 મહિના સુધી ગુપ્ત રાખવાનો પ્રયાસ કરવામાં આવ્યો હતો.

પોલીસ તપાસ મુજબ મૃતક જિગ્નેશ માવદિયા અને પૃથ્વીબેન ઉર્ફે ભૂમિબેન વચ્ચે અંદાજે આઠ વર્ષ પહેલાં પ્રેમ થયો હતો. તે સમયે જિગ્નેશ કામકાજ અર્થે દ્વારકામાં રહેતો હતો. બંનેએ બાદમાં પ્રેમલગ્ન કર્યા હતા. લગ્નજીવન દરમિયાન બંને દ્વારકા અને ત્યારબાદ પોરબંદર જિલ્લાના રાણાવાવ વિસ્તારમાં રહેતા હતા. દંપતીને બે દીકરીઓ પણ છે.

પોલીસના જણાવ્યા મુજબ પૃથ્વીબેનનો લગ્ન પહેલાં નિલેશ સાથે પ્રેમસંબંધ હતો, જે બાદમાં તૂટી ગયો હતો. જોકે લગ્નજીવન દરમિયાન આર્થિક મુશ્કેલીઓ અને પતિ-પત્ની વચ્ચે થતા અવારનવારના ઝઘડાઓ વચ્ચે પૃથ્વી ફરી પોતાના પૂર્વ પ્રેમી નિલેશના સંપર્કમાં આવી હતી. બંને વચ્ચે ફરી સંબંધ શરૂ થયા બાદ જિગ્નેશને રસ્તામાંથી હટાવવાનો નિર્ણય લેવાયો હોવાનો પોલીસનો દાવો છે.

તપાસ દરમિયાન સામે આવ્યું કે નિલેશે જિગ્નેશને નવો વ્યવસાય શરૂ કરવાની લાલચ આપી જામનગર બોલાવ્યો હતો. જિગ્નેશનું મૂળ વતન જામનગર હોવાથી તે તૈયાર થઈ ગયો હતો. ત્યારબાદ દરેડ વિસ્તારમાં આવેલા શિવમ પાર્ક ખાતે એક કારખાનું ભાડે લેવામાં આવ્યું હતું.

પોલીસ તપાસમાં ખુલાસો થયો કે હત્યાના ત્રણ દિવસ પહેલાં જ મશીનરી સ્થાપવાની વાત કહી કારખાનામાં અંદાજે 13 ફૂટ ઊંડો ખાડો ખોદાવવામાં આવ્યો હતો. 31 મે, 2024ની રાત્રે નિલેશે જિગ્નેશને દારૂની પાર્ટીના બહાને કારખાનામાં બોલાવ્યો હતો. પોલીસની તપાસમા સામે આવ્યુ કે દારૂમાં સાયનાઈટ ભેળવી તેને પીવડાવવામાં આવ્યું, જેના કારણે તેનું મોત થયું હતું. ત્યારબાદ મૃતદેહને પહેલેથી તૈયાર કરાયેલા ખાડામાં દફનાવી દેવામાં આવ્યો હતો.

હત્યા બાદ થોડા જ દિવસોમાં કારખાનું ખાલી કરી દેવામાં આવ્યું હતું. બીજી તરફ મૃતકના પરિવારજનોને સતત એવી માહિતી આપવામાં આવતી રહી કે જિગ્નેશ ઓસ્ટ્રેલિયામાં નોકરી કરી રહ્યો છે અને કોઈનો સંપર્ક રાખવા માંગતો નથી. પરિવારજનો લગભગ બે વર્ષ સુધી આ વાતને સાચી માની બેઠા હતા.

01/08/2026

રેસ્ક્યૂ ઓપરેશનનું રહસ્ય: SDRF ટીમ પાસે શું-શું હોય છે? જાણો વિગતવાર...

ભારે વરસાદ વચ્ચે SDRF હાઈ એલર્ટ પર: રેસ્ક્યૂ માટે આધુનિક સાધનો સાથે સજ્જ ટીમ

ભારે વરસાદ અને પૂર જેવી પરિસ્થિતિમાં SDRF (સ્ટેટ ડિઝાસ્ટર રિસ્પોન્સ ફોર્સ)ની ટીમ 24 કલાક એલર્ટ મોડ પર કામગીરી માટે તૈયાર રહે છે. ગુજરાત SDRFના જવાન સાથેની ખાસ વાતચીતમાં જાણવા મળ્યું કે ટીમ પાસે પૂર અને બચાવ કામગીરી માટે અત્યાધુનિક સાધનો ઉપલબ્ધ છે.

ટીમ પાસે મોટરબોટ, લાઇફ જેકેટ, લાઇફ બોય, રેસ્ક્યૂ રોપ, સ્ટ્રેચર, કટર, બ્રેકિંગ ટૂલ્સ, સર્ચ લાઇટ, વાયરલેસ કમ્યુનિકેશન સિસ્ટમ સહિતના વિવિધ બચાવ સાધનો છે. ઉપરાંત મેડિકલ કિટ અને ઇમરજન્સી રેસ્ક્યૂ ઉપકરણોની મદદથી ટીમ કોઈપણ આફતની સ્થિતિમાં ઝડપી કામગીરી કરવા સજ્જ રહે છે.

SDRFના જવાને નાગરિકોને અપીલ કરી હતી કે ભારે વરસાદ દરમિયાન નદી, ડેમ અને પાણી ભરાયેલા વિસ્તારોમાં જવાનું ટાળવું તેમજ તંત્રની સૂચનાઓનું પાલન કરવું, જેથી જાનહાનિ અને દુર્ઘટનાઓ અટકાવી શકાય.

01/08/2026

બાલા હનુમાન મંદિરની અખંડ રામધૂનનો 63મા વર્ષમાં પ્રવેશ

01/08/2026

ગ્રામ્ય પંથકમાં કાચા સોનારૂપી મેઘમહેરથી રાહત

01/08/2026

શું જામનગરમાં પણ જૂનાગઢવાળી થશે...? બાઈકચાલક ખાડામાં ફસાયો....