07/06/2025
🐥গৰম দিনত ব্ৰইলাৰ মূৰ্গীৰ পালনৰ পদ্ধতি :
👉 প্ৰথমে মন কৰিবলগা কথাটো হল আপোনাৰ ফাৰ্ম খন টিং বা তিৰপালৰ হলে বেচি গৰম পৰিব। টকৌ পাত বা খেৰৰ বনাব চেষ্টা কৰিব ভাল ফল পাব। খেৰ বা টকৌ পাত ৩ ইঞ্চি ডাঠ হব লাগে।
👉পানী বাচন সৰহকৈ লগাওঁক, ১০০০ মুগীৰ বাবে ৩৫ টা পানী বাচন ব্যৱহাৰ কৰক।
👉 অতিৰিক্ত ঠাণ্ডা পানী যোগানৰ সুবিধা বাবে ১০০০ চৰাই কাৰণে ১৫ টা মাটিৰ পাত্ৰ ব্যৱহাৰ কৰিব পাৰে।
👉 ফাৰ্মৰ পানী টেংকীত (Syntax) যাতে ৰদ পৰি পানী গৰম হৈ নাযায় তাৰ বাবে পানী টেংকী ঠাণ্ডা জেগাত ৰাখিব লাগে। পানী টেংকি খেৰৰ দ্বাৰা ঢাকি ৰাখিব নাইবা ফাৰ্ম চেডৰ ভিতৰত স্থাপন কৰিলে পানী ঠাণ্ডা হৈ থাকে।
👉 পানী টেংকি টো বগা ৰঙৰ হলে বেচি ভাল।
👉প্ৰতি ১৫/২০ মিনিট মুৰে মুৰে চৰাই বিলাক জগাই দিয়া লগতে ফাৰ্ম খনৰ ভিতৰত লাহে লাহে খোজ কাঢ়ি থাকিব। যি নেকি চৰাইবোৰ পৰি থকা ঠাইৰ পৰা আন ঠাইলৈ যায় আৰু চৰাই বোৰৰ মাজত অধিক পানী খাবলৈ প্ৰেৰণা যোগায়। বায়ু চলাচলত সহায় কৰে।
👉 ফাৰ্মত গৰম দিনত চাইড বাৰণ্ডা ব্যবহাৰ কৰিব। মনত ৰাখিব কাষৰ চাইড পেণ্ডেলে যাতে বায়ু চলাচলত অসুবিধা সৃষ্টি নকৰে।
👉 ফাৰ্মৰ বেৰৰ মকৰাজাল পৰিষ্কাৰ কৰিব লাগে। যাৰ ফলত ফাৰ্মৰ চেডৰ ভিতৰত ২০ % বায়ু প্ৰবাহ বৃদ্ধি পাব।
👉 ফাৰ্মৰ চেডৰ বাহিৰত ৬ ইঞ্চি উচ্চতালৈকে ঘাঁহ থাকিলে তাপ হ্ৰাস পায়।
👉 ফাৰ্মৰ বাহিৰত দৈঘ্য অনুসৰি ( উত্তৰ - দক্ষিণ দিশ) দুইটা লাইনৰ বাবে বৃক্ষৰোপন কৰিলে ফাৰ্মৰ চেডৰ উষ্ণতা হ্ৰাস কৰাত সহায় কৰে। ফাৰ্মৰ ভিতৰত গৰম বতাহ প্ৰৱেশ কৰিলে গছৰ ঠাণ্ডা বতাহে কিছু উষ্ণতা হ্ৰাস কৰে।
👉পৰিস্কাৰ আৰু চেঁচা পানী যোগান ধৰক পাৰিলে বৰফৰ পানী দিব চেষ্টা কৰিব।
👉 ফাৰ্মৰ ফলীয়া তিতা আৱৰ্জনা আৰু কেক গঠন বোৰ আঁতৰাই পেলাই দিব।
👉 আপোনাৰ ফাৰ্ম খনৰ চালৰ উপৰত পানী মটৰ লগাই পানী ছটিয়াই দিব যাতে ফাৰ্মৰ ভিতৰৰ পৰিৱেশ ঠাণ্ডা হৈ থাকে।
👉পানীত দূপৰীয়া Perlite C আৰু Fit 5 জাতীয় দৰব মিহলাই খাবলৈ দিয়ক।
👉ইলেক্ট্ৰনিক ফেন ব্যৱহাৰ কৰক কমেও ৫ খন ১০০০ মুগী বাবে।
👉 বেচি গৰম পৰিলে মূৰ্গী গাত Spray নকৰিব।
🔹🐥 খাদ্য কেনেকৈ দিব।👇
👉 ৰাতিপুৱা ৬ বজাৰ পৰা ১০ বজালৈ দৈনিক দানা খোৱাৰ পৰিমাণৰ ২০ % খাব দিব লাগে।
👉 দূপৰীয়া ৯ বজাৰ পৰা ৫ বজালৈ দানা খাব নিদিব। বিয়লি ৫ বজাৰ পৰা ৬ বজালৈ ১৫ % দানা ভিজাই খাব দিব।
👉 বেচি গৰম পৰিলে দিনত দানা খাব নিদিব। যদি দিনৰ সময়ত বেচি গৰম নপৰে তেন্তে অতি কম পৰিমাণ দানাৰ লগত পানী মিহলাই খুৱাব পাৰিব।পৰিমাণ ১০ কেজি দানাৰ লগত ৩ লিটাৰ মান পানী । সময় বিয়লি ৪ বজাৰ পৰা সন্ধিয়া ৬ বজাৰ ভিতৰত দিব পাৰিব।
👉 ৰাতি খাদ্যৰ ( বিয়লি ৬ বজাৰ পৰা পুৱা ৬ বজালৈ) দৈনিক খোৱাৰ পৰিমাণৰ ৬৫ % খাদ্য দিব লাগে সঘনাই, যদি ফাৰ্মত ফাৰ্মাৰ জনে লাহে লাহে খোজ কাঢ়ি থাকে তেন্তে ৰাতি ৬৫% খাদ্য খোৱাত সহায়ক হব।
👉 ৰাতি শীতল ঠাণ্ডা সময়ত দানা খাব দিয়াটো অতি গুৰুত্বপূৰ্ণ। কিন্তু তাৰ বাবে ফাৰ্মত পোহৰ পৰ্য্যাপ্ত পৰিমাণৰ হব লাগিব, অৰ্থাৎ প্ৰতি ১০০০ চৰাই বাবে ৬ তা ১২ ৱাটৰ চি এফ এল লাইট লগাব লাগে।
👉 ৰাতি সময়ত মুৰ্গীক বেচি পৰিমাণৰ দানা খুৱাব চেষ্টা কৰিব।
👉 অত্যাধিক পৰিমাণে গৰম পৰিলে ফামাৰ সকলে ফাৰ্মৰ ভিতৰত থাকক বিশেষকৈ দুপৰীয়া ১ বজাৰ পৰা সন্ধিয়া ৬ বজালৈ ফাৰ্মৰ পৰা আতঁৰি নাযাব।
এই নিয়মাৱলী সমূহ ২৫ দিনৰ ওপৰৰ চৰাই বাবেহে।
