https://www.facebook.com/109564367429138/

Atmoprakash Darshan-আত্মপ্ৰকাশ দৰ্শন, Jorhat (2025)

22/09/2025

*-* হৃদয় জিনা জুবিনলৈ-
-দক্ষিণ যোৰহাটত শ্ৰদ্ধাঞ্জলি *-*

!!::!! বকুলৰ পথাৰ আলিত ৰোপণ গছ পুলি !!::!!

•``• প্ৰান্তে প্ৰান্তে শোভাযাত্ৰা •``•

:: আত্মপ্ৰকাশ হাৰ্টথ্ৰ'ৱ বাৰ্তা ::

: দক্ষিণ যোৰহাট, ২২ ছেপ্টেম্বৰ :

: একো গীতেই গাবলৈ নৰখা, বহুতত সহায় কৰোঁতা, আন্তঃৰাষ্ট্ৰীয় পৰ্যায়ত হৃদয় জিনা জুবিন গাৰ্গলৈ দক্ষিণ যোৰহাটৰ প্ৰান্তে প্ৰান্তে শ্ৰদ্ধাঞ্জলি অনুষ্ঠান চলি আছে। নামনি তিমতিমীয়া নামঘৰৰ তোৰণৰ সমীপত নৱ প্ৰজন্মৰ উদ্যোগত হাৰ্টথ্ৰ'ৱজনৰ ৰাজহুৱা শ্ৰদ্ধাঞ্জলি আয়োজন কৰে। স্থানীয় ৰাইজ, সাংস্কৃতিক কৰ্মী, বিভিন্ন সমিতি-অনুষ্ঠানৰ প্ৰতিনিধি সকলোৱে ইয়াত ভাগ লৈ শোক প্ৰকাশ কৰিছে। জুবিনৰ গীত পৰিৱেশন কৰিছে অনুৰাগীসকলে। যুৱসকলে প্ৰতিচ্ছবি সন্মুখত উজাগৰে কটাইছে। লিচুবাৰীতো অঞ্চলৰ লোক, ব্যৱসায়ী, সমিতি, অনুষ্ঠান সকলো মিলি সংগীতৰ সাগৰ জুবিনলৈ শ্ৰদ্ধাঞ্জলি জ্ঞাপন কৰি আছে। গীত, কবিতা পৰিৱেশনেৰে অনুৰাগী আৱেগিক হৈ পৰিছে। কুঁৱৰী পুখুৰী চাৰি আলিত অনুৰাগীসকলে আয়োজন কৰিছে শ্ৰদ্ধাঞ্জলি। উলুতলীয়া-উত্তৰ হাতীচুঙী সংযোগী বকুলৰ পথাৰ আলিত উলুতলীয়া গাঁৱৰ যুৱ প্ৰজন্মৰ উদ্যোগত অতি জনপ্ৰিয় জুবিনৰ স্মৃতিত গছ পুলি ৰোপণেৰে স্মৃতি ধৰি ৰখাৰ প্ৰয়াস কৰে। চাউদাং জাতীয় পৰিষদ- অসমৰ যোৰহাট মহকুমা সমিতিৰ সৌজন্যত চৰ্দাৰ আলি কেবাং গাঁওস্থিত কাৰ্যালয়ত সংগীতৰ নৱযুগ প্ৰৱৰ্তিত জুবিন গাৰ্গলৈ শ্ৰদ্ধাঞ্জলি জ্ঞাপন কৰে। ৰংপুৰ নগৰৰ ফালৰ পৰা আৰু ন-আলি ঢেকিয়াজুলি মুছলিম গাঁৱৰ পৰা শোভাযাত্ৰা উলিওৱা পৰিলক্ষিত হৈছে। এনেদৰে দক্ষিণ যোৰহাটৰ ভিন্ন প্ৰান্তত শোভাযাত্ৰা আৰু শ্ৰদ্ধাঞ্জলি অনুষ্ঠানৰ আয়োজন অব্যাহত আছে।

21/09/2025

উলুতলীয়া-উত্তৰ হাতীচুঙী সংযোগী বকুলৰ পথাৰ আলিত উলুতলীয়া গাঁৱৰ নৱ প্ৰজন্মৰ উদ্যোগত হাৰ্টথ্ৰ'ৱ জুবিনৰ স্মৃতিত গছ পুলি ৰোপণ।

20/09/2025

লিচুবাৰীত

20/09/2025

নামনি তিমতিমীয়া নামঘৰৰ তোৰণৰ সমীপত

20/09/2025

::!:: ডাঃ নবীন বৰদলৈ মহাবিদ্যালয়ত-
-শিল্পী জুবিন গাৰ্গলৈ শ্ৰদ্ধাঞ্জলি ::!::

:: আত্মপ্ৰকাশ মৰ্মান্তিক বাৰ্তা ::
: যোৰহাট, ২০ ছেপ্টেম্বৰ :

: একবিংশ শতিকাৰ জনপ্ৰিয় শিল্পী জুবিন গাৰ্গৰ আকস্মিক তথা অনাকাংশিত মৃত্যুত মৰ্মাহত হৈ ডাঃ নবীন বৰদলৈ মহাবিদ্যালয়ৰ শিক্ষক গোট, কৰ্মচাৰী গোট, সাংস্কৃতিক কোষ, ছাত্ৰ সংঘৰ উদ্যোগত সকলো সমিতি, কোষৰ আৰু সংঘৰ সহযোগত এক শ্ৰদ্ধাঞ্জলি অনুষ্ঠান আজি মহাবিদ্যালয়ৰ প্ৰাংগণত অনুষ্ঠিত হয়। সহকাৰী অধ্যাপক জ্যোতি ৰঞ্জন পেগুৱে আঁত ধৰা অনুষ্ঠানত জুবিন গাৰ্গৰ প্ৰতিচ্ছবিৰ সন্মুখত এগছি ধৰ্ম প্ৰদীপ আৰু সুগন্ধি ধূপ কাঠী প্ৰজ্বলনেৰে শ্ৰদ্ধাঞ্জলি অনুষ্ঠান আৰম্ভ কৰে অৰ্থনীতি বিভাগৰ মুৰব্বী অধ্যাপক উৎপল বৰদলৈয়ে। উপস্থিত সকলোৱে পূষ্পাজ্বলিৰে বৰেণ্য শিল্পী গৰাকীক শ্ৰদ্ধা জনায়। উপস্থিত সকলোৱে সমস্বৰে শিল্পী গৰাকীৰ অনবদ্য সৃষ্টি "মায়াবিনী এই ৰাতি ..." গীত পৰিৱেশন কৰি শোকত মিয়ম্ৰান হৈ পৰে। তেওঁৰ বিদেহ আত্মা পৰমাত্মাত বিলীন হৈ চিৰ মুক্তি কামনাৰে এক মিনিট মৌন প্ৰাৰ্থনা কৰে।

18/09/2025

::*:: তিতাবৰ টাউন উচ্চ মাধ্যমিক বিদ্যালয়ত-
-অভিভাৱক আৰু ৰাজহুৱা সভা ::*::

:: আত্মপ্ৰকাশ শৈক্ষিক সমন্বয় বাৰ্তা ::

: যোৰহাট, ১৮ ছেপ্টেম্বৰ :

: তিতাবৰ টাউন উচ্চ মাধ্যমিক বিদ্যালয়ত অভিভাৱক আৰু শিক্ষাৰ্থীসকলৰ ভৱিষ্যৎ সজাগতা সম্পৰ্কে এখন গুৰুত্বপূর্ণ সভা ১৩ ছেপ্টেম্বৰত অনুষ্ঠিত হয়। সভাত সভাপতিত্ব কৰে বলোৰাম গগৈয়ে। "অভিভাৱক আৰু ৰাজহুৱা সভা" শীৰ্ষকেৰে তিতাবৰৰ দেওঘৰীয়া ৰঙ্গমঞ্চত আয়োজিত এই সভাত বিদ্যালয়ৰ প্ৰধান শিক্ষক উত্তম বৰাকে প্ৰমুখ্য কৰি শিক্ষকবৃন্দ আৰু দেওঘৰীয়া অঞ্চলৰ অভিভাৱকসকল উপস্থিত থাকে। শিক্ষক হৰেন শইকীয়াই সভাৰ উদ্দেশ্য ব্যাখ্যা কৰে। প্ৰধান শিক্ষক উত্তম বৰাই বিদ্যালয়ৰ শিক্ষাৰ্থীসকলৰ সঠিক দিশ নিৰ্ণয়, শৃংখলা
আৰু সাফল্যমুখী শিক্ষা লাভৰ বাবে অভিভাৱকসকলৰ সক্ৰিয় ভূমিকা, আৱশ্যকতা আৰু আলোকপাত সম্পৰ্কে বুজাই কয়। শিক্ষাৰ্থীসকলৰ উজ্জ্বল ভৱিষ্যৎ গঢ়ি তোলাৰ উদ্দেশ্যে আৰু তেওঁলোকক আগন্তুক দিনত অধিক পৰিপক্ব আৰু দায়িত্বশীল কৰি তুলিবলৈ সভাখনত কেইবাটাও গঠনমূলক সিদ্ধান্ত গ্ৰহণ কৰা হয়। সভাখনে অভিভাৱক, শিক্ষক আৰু শিক্ষাৰ্থীসকলৰ মাজত এটা সুমধুৰ সম্পৰ্ক স্থাপন কৰাৰ লগতে বিদ্যালয়ৰ শিক্ষাৰ্থীসকলৰ সামগ্ৰিক উন্নয়নক অধিক ফলপ্ৰসূ কৰিবলৈ বিশেষ ভূমিকা পালন কৰে।

18/09/2025

°•° যোৰহাট জিলাৰ বৃহত্তৰ ফেছুৱাল অঞ্চলত-
-এড়ী পালনৰ সজাগতা সভা °•°

:: আত্মপ্ৰকাশ সমন্বয় বাৰ্তা ::

: যোৰহাট, ১৮ ছেপ্টেম্বৰ :

: যোৱা ১৫ ছেপ্টেম্বৰত People's Alliance For Chang and Empowerment (PACE)ৰ উদ্যোগত কেন্দ্ৰীয় এড়ী মূগা গৱেষণা আৰু প্ৰশিক্ষণ প্ৰতিষ্ঠানৰ সহযোগত, ১নং ফেছুৱাল জ্ঞানজ্যোতি পুথিভঁৰালত 'এড়ী আমাৰ ভৱিষ্যত' শীৰ্ষক গ্ৰাম্য জীৱিকাৰ বাবে এড়ী পালন বিষয়ত এখন সজাগতা সভা অনুষ্ঠিত হয়। আলোচনাত কেন্দ্ৰীয় এড়ী মূগা গৱেষণা প্ৰতিষ্ঠানৰ সঞ্চালক ড° কাৰ্তিক নেওগ, বৈজ্ঞানিক ড° দিগন্ত মেছ, PACE মেনেজিঙ ট্ৰাষ্টি ড° সান্তনা শইকীয়া, ট্ৰাষ্টি কনকলতা মহিলা বেংকৰ প্ৰতিষ্ঠাপক পদ্মশ্ৰী লখিমী বৰুৱা, NEADS ৰ সঞ্চালক তীৰ্থ প্ৰসাদ শইকীয়া, NASS ৰ সভানেত্ৰী চিত্ৰা বৰা ভৰালী, সমাজসেৱক উমানন্দ ৰাজ বৰা, কৃষি বিভাগৰ অৱসৰপ্ৰাপ্ত যুটীয়া সঞ্চালক প্ৰকাশ বৰা, বিশিষ্ট উদ্যোগী প্ৰবিৰ শইকীয়া, PACE ৰ মাধুৰ্য্য বৰা, ২০ নং গোহাঁই ফেছুৱাল পঞ্চায়তৰ উপ-সভানেত্ৰী সীমা শইকীয়া, NASSৰ সুষমা বৰা উপস্থিত থাকে।
NEADS ৰ সঞ্চালক তীৰ্থপ্ৰসাদ শইকীয়াই আঁতধৰা সজাগতা সভাত বিপুল বৰাই আদৰণি ভাষণ প্ৰদান কৰে । সভাত কেন্দ্ৰীয় এড়ী মূগা গৱেষণা প্ৰতিষ্ঠানৰ সঞ্চালক ড° কাৰ্তিক নেওগে বক্তব্যত কয় যে, এড়ী মূগা পালনৰ যোগেদি ৰাইজৰ অৰ্থনৈতিক ব্যৱস্থা অধিক শক্তিশালী হোৱাৰ লগতে গ্ৰাম্য অৰ্থনৈতিক কাঠামো গঢ় লোৱাৰ সম্ভাৱনা অধিক। তেখেতে আৰু কয় যে, আমাক চাহো লাগিব, এড়ী, মূগাও লাগিব, তেতিয়াহে আমাৰ ভৱিষ্যৎ শক্তিশালী হ'ব। তেখেতে আক্ষেপেৰে কয় যে, এই যোৰহাট হোলোঙাপাৰ মৌজাতে পৃথিৱীৰ শ্ৰেষ্ঠতম এড়ী মূগা গৱেষণা প্ৰতিষ্ঠানটো আছে যদিও স্থানীয় ৰাইজৰ এই বিষয়ত সহযোগিতা নগণ্য। এড়ী, মূগাৰ বিষয়ত থলুৱা অসমীয়া বৈজ্ঞানিক একেবাৰে কম। এনেদৰে PACEৰ নেতৃত্বত স্থানীয় ৰাইজৰ সহযোগত এড়ী মূগা পালনৰ বাবে গৱেষক মাতি আনি ৰাজহুৱা সভা আয়োজন কৰা প্ৰথম । সেইবাবে তেওঁ অঞ্চলবাসী ৰাইজক আন্তৰিক অভিনন্দন জনোৱাৰ লগতে অনাগত সময়ৰ এড়ী, মূগা পালনৰ কৰ্মসূচীত সহায়-সহযোগিতা আগবঢ়াই যাব বুলি সকলোকে অনুপ্ৰাণিত কৰে। ফেছুৱাল অঞ্চলত ৰাইজৰ মাজত এড়ী পালনৰ বাবে উদ্যোগ ল'বলৈ আগবাঢ়ি অহা People's Alliance For Change and Empowerment ( PACE )ৰ কৰ্মকৰ্তা আৰু মেনেজিঙ ট্ৰাষ্টি ড° সান্ত্বনা শইকীয়াই বাইদেউক ধন্যবাদ জ্ঞাপন কৰে। PACEৰ ট্ৰাষ্টি তথা কনকলতা মহিলা বেংকৰ প্ৰতিষ্ঠাপক তথা পদ্মশ্ৰী বঁটাৰে সন্মানিত মহিলা লখিমী বৰুৱাই বক্তব্য প্ৰদান কৰাৰ লগতে বৈজ্ঞানিক ড° দিগন্ত মেছ, PACE ৰ মেনেজিঙ ট্ৰাষ্টি ড° সান্ত্বনা শইকীয়া, মাধুৰ্য বৰা আৰু NASSৰ চিত্ৰা বৰা ভৰালীয়ে বক্তব্য প্ৰদান কৰে। ডেৰ শতাধিক ন-পুৰণি এড়ী পালকৰ উপস্থিতিত আয়োজন হোৱা আলোচনাত কৃষি বিভাগৰ অৱসৰপ্ৰাপ্ত যুটীয়া সঞ্চালক প্ৰকাশ বৰাৰ বক্তব্যৰে সজাগতা সভা সামৰণি কৰে। এই আলোচনাৰ যোগেদি ভবিষ্যতে ফেছুৱাল, জতকীয়া, কাৰি গজপুৰীয়া, ২নং ফেছুৱাল অঞ্চলক এড়ী পালনৰ যোগেদি আদৰ্শ পৰ্যটন গাঁও হিচাপে গঢ়িব লৈ কাম কৰা পৰিকল্পনা কৰা হয়।

31/08/2025

*:* ডাঃ নবীন বৰদলৈ মহাবিদ্যালয়ত-
-'ৰাষ্ট্ৰীয় ক্ৰীড়া দিৱস'-
-উদ্‌যাপন *:*
!:! হকীৰ যাদুকৰ মেজৰ ধ্যানচাঁদৰ কৃতিত্বক স্মৰণ !:!

:: আত্মপ্ৰকাশ শৈক্ষিক বাৰ্তা ::

: যোৰহাট , ৩১ আগষ্ট :

: ডা: নবীন বৰদলৈ মহাবিদ্যালয় ক্ৰীড়া সংঘৰ উদ্যোগত আৰু আভ্যন্তৰীণ মান নিশ্চিতকৰণ কোষৰ সহযোগত হকীৰ যাদুকৰ, পদ্মবিভুষণ, মেজৰ ধ্যাঁনচাদৰ জন্মদিন উপলক্ষ্যত ২৯ আগষ্টত অতি উলহ-মালহেৰে 'ৰাষ্ট্ৰীয় ক্ৰীড়া দিৱস' উদযাপন কৰা হয়৷ 'ৰাষ্ট্ৰীয় ক্ৰীড়া দিৱস'ৰ কাৰ্যসূচীৰ শুভ উদ্বোধন কৰি মহাবিদ্যালয়ৰ অধ্যক্ষ ড০ দিগন্ত কুমাৰ ফুকনে 'উইজাৰ্দ' তথা 'হকীৰ যাদুকৰ' হিচাপে বিশ্বখ্যাত মেজৰ ধ্যাঁনচাদৰ ক্ৰীড়া প্ৰতিভা আৰু বৰ্তমান সময়ত ক্ৰীড়াৰ গুৰুত্বতাৰ সম্পৰ্কে বক্তব্য আগবঢ়ায়। ডাঃ নবীন বৰদলৈ মহাবিদ্যালয়ৰ ক্ৰীড়া সংঘৰ যুটীয়া সমন্বয়ক তথা মহাবিদ্যালয়ৰ ভূগোল-বিজ্ঞান বিভাগৰ মুৰব্বী সৰোজ শইকীয়াই আঁত ধৰা উদ্বোধনী অনুষ্ঠানত মহাবিদ্যালয়ৰ গৰিষ্ঠ সংখ্যক শিক্ষক-শিক্ষয়িত্ৰী আৰু ছাত্ৰ-ছাত্ৰী উপস্থিত থাকে। এই দিৱসৰ লগত সংগতি ৰাখি ছাত্ৰ-ছাত্ৰী আৰু শিক্ষক-শিক্ষয়িত্ৰীসকলৰ মাজত বিভিন্ন পৰম্পৰাগত খেলৰ প্ৰতিযোগিতা অনুষ্ঠিত হয়৷ খেলসমূহ পৰিচালনা সহায় কৰে শিক্ষক ক্ৰমে ৰাণাজিৎ গগৈ, ৰঙাই ভূঞা, সঞ্জীৱ ৰাজখোৱা, জ্যোতি ৰঞ্জন পেগু, আৰু উৎপল বৰাৰ লগতে ছাত্ৰ ছাত্ৰীৰ হৈ চিবা বাক্তি, জিন্তু শ‌ইকীয়া আৰু ববিতা মগৰে।

29/08/2025

°^° সূৰুয ড্ৰামা প্ৰডাকচন ওৱৰ্কচৰ-
-শাৰদীয় নাট্য আলোচনা °^°

!-! ২৬ অক্টোবৰত হ'ব শাৰদীয় নিবেদন !-!

+খ্যাত নাট্যকাৰ মানবেন্দ্ৰ শৰ্মাৰ+

*:* জীৱন সন্ধ্যাৰ দোকমোকালিত *:*

•~• উচৰ্গা কৰিব •~•

_-_ গংগা দেৱী শৰ্মা পাঠক _-_
-: আৰু :-
_-_ শৰ্মিষ্ঠা বৰুৱাৰ_-_
•~• স্মৃতিত •~•

:: আত্মপ্ৰকাশ নাট্য বাৰ্তা ::

: যোৰহাট, ২৯ আগষ্ট :

: অপেছাদাৰী ক্ষেত্ৰৰ অন্যতম পুৰণি নাট্যানুষ্ঠান যোৰহাটৰ সূৰুয ড্ৰামা প্ৰডাকচন ওৱৰ্কচৰ শাৰদীয় নিবেদন সম্পৰ্কে ২৬ আগষ্টত এক আলোচনা সম্পন্ন হয়। তৰাজানৰ গংগা ভৱনত অনুষ্ঠিত আলোচনাত এই বৰ্ষৰ শাৰদীয় নাট্যানুষ্ঠান ২৬ অক্টোবৰত অনুষ্ঠিত কৰিবলৈ সিদ্ধান্ত লয়। পৰিয়াল আৰু সমাজৰ বাস্তৱ প্ৰতিচ্ছবি ডাঙি ধৰি কেইবাখনো নাটকে আজিৰ প্ৰজন্মৰ চকু মুকলি কৰোৱা পৈণত নাট্যকাৰ মানবেন্দ্ৰ শৰ্মাৰ 'জীৱন সন্ধ্যাৰ দোকমোকালিত' শাৰদীয় বতৰত মঞ্চস্থৰ বাবে নিৰ্বাচন কৰে। নাট্য সন্ধিয়া সৰবৰহী মহিলা গংগা দেৱী শৰ্মা পাঠক আৰু অভিনেত্ৰী শৰ্মিষ্ঠা বৰুৱাৰ স্মৃতিত উচৰ্গা কৰিবলৈ আলোচনা হয়। সূৰুয ড্ৰামা প্ৰডাকচন ওৱৰ্কচৰ সভাপতি বিনোদ গগৈ, সম্পাদক মানবেন্দ্ৰ শৰ্মা, বিষয়ববীয়া তথা সদস্য-শিল্পী অৰ্পণ শৰ্মা পাঠক, চন্দন ঠাকুৰ, বিজু দুৱৰা, দেৱজিৎ বৰা আৰু ছফিকুল ইছলাম উপস্থিত থাকি আলোচনাত বিভিন্ন দিশ আলোকপাত কৰে। সভাপতি-সম্পাদকে শ্ৰীগণেশ চতুৰ্থীত শিল্পীসকলক নাটকৰ পাণ্ডুলিপি প্ৰদান কৰে। যোৰহাট থিয়েটাৰ হলত এই নাট্য সন্ধিয়া অনুষ্ঠিত হ'ব বুলি উদ্যোক্তাসকলে জনাইছে।

28/08/2025

*'* ডাঃ নবীন বৰদলৈ মহাবিদ্যালয়ত-
-জৰুৰী চিকিৎসা কক্ষ উন্মোচন *"*

:: আত্মপ্ৰকাশ শৈক্ষিক বাৰ্তা ::

: যোৰহাট, ২৮ আগষ্ট :

: দক্ষিণ যোৰহাটৰ একমাত্ৰ উচ্চ শিক্ষাৰ প্ৰতিষ্ঠান ডাঃ নবীন বৰদলৈ মহাবিদ্যালয়ত আজি মহাবিদ্যালয়ৰ ইতিহাসত এক নতুন সংযোজন জৰুৰী চিকিৎসা সেৱা কক্ষ উন্মোচন কৰা হয়। উন্মোচকৰ দ্বায়িত্ব পালন কৰি যোৰহাট জিলাৰ অতিৰিক্ত জ্যেষ্ঠ স্বাস্থ্য বিষয়া ডাঃ ভক্তিময় ভট্টাচাৰ্য্যই শিক্ষা প্ৰতিষ্ঠানত চিকিৎসা সেৱা কক্ষৰ আৱশ্যকতা সম্পৰ্কে আৰু সাম্প্ৰতিক কালৰ নৱ প্ৰজন্মৰ ধঁপাত জাতীয় ৰাগীয়াল দ্ৰব্য প্ৰীতি নিৰ্মূল কৰাৰ ঘৰুৱা কৌশল প্ৰয়োগৰ প্ৰতি মনোনিৱেশ কৰিবলৈ আহ্বান জনায়। অধ্যক্ষ ড° দিগন্ত কুমাৰ ফুকনে বন্তি প্ৰজ্বলনৰে কাৰ্যসূচী শুভাৰম্ভ কৰি উপস্থিত সকলোকে আদৰণি আৰু শুভ কামনা জনাই মহাবিদ্যালয়ৰ নৱ্য সংযোজনত সন্তোষ প্ৰকাশ কৰে। যোৰহাটৰ যক্ষ্মা ৰোগ নিয়ন্ত্ৰণৰ সমন্বয়ক মিনতি নেওগ উপস্থিত থাকি ছাত্ৰ-ছাত্ৰীৰ লগতে সমাজৰ সকলোৰে সুস্বাস্থ্য বৰ্তাই ৰাখিবলৈ শিক্ষানুষ্ঠানৰ দ্বায়িত্ব আৰু কৰ্তব্য সম্পৰ্কে বক্তব্য আগবঢ়ায়। এই কক্ষ আন্তঃগাঁথনি, আচবাব আৰু প্ৰাথমিক চিকিৎসাৰ সা-সৰঞ্জাম অনুদান আগবঢ়োৱা যোৰহাট সঞ্জীৱনী চিকিৎসালয়ৰ স্বতাধিকাৰী তথা স্ত্ৰীৰোগ বিশেষজ্ঞ ডাঃ পংকজ বৰুৱা আৰু তেখেতৰ সহধৰ্মিণী ডাঃ নৱনীতা বৰুৱাৰ বদান্যতা বাবে মহাবিদ্যালয়ৰ ফালৰ পৰা কৃতজ্ঞতা জ্ঞাপন কৰে। স্বাস্থ্য সেৱা কোষৰ সঞ্চালিকা স্বপ্নালী চৌধুৰী বৰাই চিকিৎসা কক্ষৰ সা-সৰঞ্জাম সংৰক্ষণৰ বাবে এটা আলমাৰি অনুদান দিয়ে। অনুষ্ঠান আতঁ ধৰা চিকিৎসা কোষৰ সমন্বয়ক সংগীতা হাজৰিকাই উপস্থিত সকলোকে শলাগ আৰু কৃতজ্ঞতা জনায়।

28/08/2025

^•° ভাওনা স্মৃতিগ্ৰন্থ-
-'নৈমিষা'ৰ-
-বাবে লেখা আহ্বান ^•^

:: আত্মপ্ৰকাশ সাহিত্য বাৰ্তা ::

: যোৰহাট, ২৮ আগষ্ট :

: ৰৰৈয়া অঞ্চলৰ চুটীয়াকাৰী গাঁৱৰ বৰ নামঘৰৰ সমীপৰ নৈমিষা ক্ষেত্ৰত সদৌ অসম ভিত্তিত ভাওনা প্ৰতিযোগিতা আয়োজন কৰা হৈছে। চুটীয়াকাৰী গাঁৱৰ ৰাইজৰ উদ্যোগত আৰু পাৰ্শ্বৱৰ্তী গাঁৱৰ ৰাইজৰ সহযোগত আয়োজিত ভাওনা প্ৰতিযোগিতাৰ সৈতে সংগতি ৰাখি 'নৈমিষা' নামেৰে এখন স্মৃতিগ্ৰন্থ প্ৰকাশৰ প্ৰস্তুতি চলি আছে। এই স্মৃতিগ্ৰন্থত প্ৰকাশৰ বাবে ভাওনাৰ সৈতে ৰজিতা থকা লেখা আহ্বান কৰিছে। লেখাসমূহ ৩০ ছেপ্টেম্বৰৰ আগতে পোৱাকৈ দিবলৈ উদ্যোক্তাসকলে জনাইছে। সবিশেষ জানিবলৈ সম্পাদনা সমিতিৰ সম্পাদকৰ লগত ৯১০১৪৯৫৪৯৮ ভ্ৰাম্যভাষ সংখ্যাত যোগাযোগ কৰিব পাৰিব। প্ৰতিযোগিতা ২৩ অক্টোবৰৰ পৰা ৩১ অক্টোবৰলৈ অনুষ্ঠিত হ'ব।

27/08/2025

* নিমাতী ঘাটত নিমপুলি প্ৰাকৃতিক সংস্থা *

:!!: পুলি ৰোপণ আৰু বিতৰণ :!!:

"::" প্ৰকৃতিপ্ৰেমীৰ আগ্ৰহ বৃদ্ধি "::"

:: আত্মপ্ৰকাশ প্ৰকৃতি বাৰ্তা ::

: যোৰহাট, ২৭ আগষ্ট :

: নিমপুলি প্ৰাকৃতিক সংস্থাৰ স্বেচ্ছাসেৱীসকলে নিমাতী ঘাটত ২৪ আগষ্টত নিমপুলি ৰোপণ আৰু বিতৰণ কৰে। বৰনৈ ব্ৰহ্মপুত্ৰৰ পাৰ সুশোভিত আৰু ঘাটৰ প্ৰাকৃতিক পৰিৱেশ মনোমোহা কৰাৰ লগতে ঔষধি গুণসম্পন্ন মহানিমে বায়ু বিশুদ্ধ কৰি ৰখাৰ মহৎ উদ্দেশ্য লৈ নিমাতী ঘাটত এই কাৰ্যসূচী লোৱা হৈছে বুলি প্ৰকৃতিপ্ৰেমীসকলে উল্লেখ কৰে। পুলি ৰোপণেৰে কাৰ্যসূচী শুভাৰম্ভ কৰাৰ পাছত ঘাটৰ বিভিন্ন স্থান, জাহাজ, চুবুৰীয়া অঞ্চল, নামঘৰ, বাসস্থান আদিত ৰোপণৰ বাবে ব্যক্তি বিশেষ, ব্যৱসায়ী আৰু লেবাৰ সন্থাৰ প্ৰতিনিধিয়ে পুলিসমূহ গ্ৰহণ কৰে। আগ্ৰহী প্ৰকৃতিপ্ৰেমী অধিক হোৱাত পৰৱৰ্তী সময়ত তেওঁলোকক পুলি প্ৰদানৰ ব্যৱস্থা কৰে। বিগত স্বাধীনতা দিৱসত মাজুলী জিলা প্ৰশাসনৰ দ্বাৰা সন্মান প্ৰাপক নিমাতী ঘাটৰ তত্বাৱধায়ক বিজু দাস সহিতে ৰূপক, প্ৰণৱ হাজৰিকা আদি বিষয়া-কৰ্মচাৰী, ব্যৱসায়ীসকলৰ সম্পূৰ্ণ সহযোগত আধ্যাত্মিক মাধ্যমেৰে পুলি ৰোপণ কৰা হয়। জ্যেষ্ঠ ধৰ্মপ্ৰাণ প্ৰদীপ বৰাই বন্তি প্ৰজ্বলন কৰি কাৰ্যসূচী শুভাৰম্ভ কৰে। আঁত ধৰে নিমপুলি প্ৰাকৃতিক সংস্থাৰ সদস্য দিলীপ বৰাই। যোগসুত্ৰত আছিল সংস্থাৰ সমন্বয়ক ৰাজীৱ শৰ্মা। জ্যেষ্ঠ সমন্বয়ক থানেশ্বৰ বৰা, ধৰ্মেশ্বৰ ভৰালী, জিতুল গগৈ, প্ৰচাৰ সমন্বয়ক বিনোদ গগৈ আৰু উত্তম কুমাৰ শইকীয়াই এই কাৰ্যসূচীত অৱদান যোগায়। উল্লেখ্য যে, নিমপুলি প্ৰাকৃতিক সংস্থাৰ সমন্বয়ক তথা প্ৰকৃতিপ্ৰেমীসকলে নিজা ব্যয়েৰে এনেদৰে নিমপুলি ৰোপণ আৰু বিতৰণ কৰি অষ্টম বৰ্ষত উপনীত হৈছে। সেই মৰ্মে পৰৱৰ্তী সময়ৰ বাবে প্ৰয়োজনীয় অতিৰিক্ত পুলি সমন্বয়ক উত্তম কুমাৰ শইকীয়াই আগবঢ়াবলৈ দায়িত্ব লয়। সংস্থাৰ এনে ভূমিকাক নিমাতী ঘাটৰ পৰিচালক তথা ব্যৱসায়ীসকলে শলাগ লয়।

Atmoprakash Darshan-আত্মপ্ৰকাশ দৰ্শন

22/09/2025

21/09/2025

20/09/2025

20/09/2025

20/09/2025

18/09/2025

18/09/2025

31/08/2025

29/08/2025

28/08/2025

28/08/2025

27/08/2025

Address

Telephone

Website

Alerts

Contact The Business

Shortcuts

Share

Category