17/02/2026
📌 চাহ বাগিছা আৰু আদিবাসী যুৱক-যুৱতীসকলৰ বাবে সুখবৰ!
শেহতীয়া কেবিনেট বৈঠকত চাহ বাগিছা আৰু আদিবাসী সমাজৰ যুৱক-যুৱতীসকলৰ বাবে গ্ৰেড–১ আৰু গ্ৰেড–২ চৰকাৰী চাকৰিত ৩% আসন সংৰক্ষণৰ সিদ্ধান্ত গ্ৰহণ কৰা হৈছে। এই পদক্ষেপে বহুদিনীয়া দাবীক স্বীকৃতি জনোৱাৰ এক গুৰুত্বপূৰ্ণ পদক্ষেপ হিচাপে বিবেচিত হৈছে।
এই সংৰক্ষণ ব্যৱস্থাই আমাৰ সমাজৰ প্ৰতিভাশালী যুৱ প্ৰজন্মক উচ্চ পদত উপনীত হ’বলৈ নতুন দুৱাৰ মুকলি কৰিব। শিক্ষা, সচেতনতা আৰু কঠোৰ পৰিশ্ৰমৰ জৰিয়তে এতিয়া অধিক সংখ্যক আদিবাসী আৰু চাহ জনগোষ্ঠীৰ সন্তান-সন্ততীয়ে প্ৰশাসনিক ক্ষেত্ৰত নিজৰ স্থান দখল কৰিব পাৰিব।
এই সিদ্ধান্তৰ বাবে চৰকাৰক ধন্যবাদ জনাই, আমি আশা কৰোঁ—এই ব্যৱস্থা সঠিকভাৱে কাৰ্যকৰী হ’ব আৰু ভবিষ্যতে অধিক সুযোগ-সুবিধা সৃষ্টি হ’ব।
✊ এখন শক্তিশালী সমাজ গঢ়িবলৈ শিক্ষিত আৰু সক্ষম যুৱ প্ৰজন্মই হৈছে আমাৰ আটাইতকৈ ডাঙৰ শক্তি।
