Maher Ekta

05/03/2026

ધૂળેટી પર ધંધુસરની અનોખી માન્યતા: ગધેડે ચડી ‘રા’ની સવારી કાઢી માનતા પૂરી કરવાની અનોખી પરંપરા
#મેરએકતા #મહેરએકતા #ધૂળેટી #ધંધુસર #પરંપરા

08/02/2026

હું કરણ ગોરાણીયા. ભાણવડ. જિલ્લો- દેવભૂમિ દ્વારકાથી. હું બ્લાઇન્ડ છું અને મારે હમણાં આવતી 20 ફેબ્રુઆરી થી 23 ફેબ્રુઆરી દરમિયાન GPSC DYSO મામલતદારની મેન્સ પરીક્ષા ચાલુ થાય છે. મારે પેપર લખવા માટે રાઇટર (લહિયો) ની જરૂરિયાત હોય. અને હાલ પરીક્ષાઓનું માહોલ ચાલી રહ્યો હોય તો મને કોઈ રાઈટર ન મળતો હોય. કોઈ હોશિયાર વિદ્યાર્થીઓ કે જે અંડર ગ્રેજ્યુએટ હોય તેવા વ્યક્તિ જો મને હેલ્પ માટે આપો તો તેને પણ અનુભવ મળે અને મને પણ હેલ્પ મળી રહે. તેમાં કુલ ચાર પેપર હોય છે. ઇંગલિશ ભાષા. ગુજરાતી ભાષા. અને બે પેપર GS ના. તેમાં જે વ્યક્તિને ફક્ત ઇંગલિશ જ ફાવતું હોય તે ફક્ત ઇંગલિશ ના પેપર માં આવે તો પણ ચાલે. અને જેને GS ફાવતું હોય તે ફક્ત GS ના પેપર માં આવે તો પણ ચાલે. જે કાંઈ ચાર્જ કે ખર્ચ થશે તે આપવામાં આવશે. પરીક્ષાના સેન્ટર અમદાવાદ અથવા ગાંધીનગર આવી શકે. જો કોઈ આવી શકે તેમ હોય તો મને તારીખ 9 સુધીમાં કોન્ટેક્ટ કરશો કારણકે મારે પરમિશન લેવાની હોય છે આયોગમાંથી 9638769156.😀
#મેરએકતા #મહેરએકતા

25/01/2026

ભાવભીની શ્રદ્ધાંજલિ- બેસણું
#મેરએકતા #મહેરએકતા #શ્રદ્ધાંજલિ #બેસણું

27/12/2025

23/12/2025

મઢડા ખાતે આઈશ્રી સોનલ માંના ૧૦૨મા જન્મોત્સવ નિમિત્તે સોનલ બીજ મહોત્સવ ભવ્ય રીતે ઉજવાયો હતો. આ પ્રસંગે જૂનાગઢની ‘ફોર એમ રાહડા ગ્રુપ’ની બહેનોએ ઢાલ-તલવાર સાથે અનોખો રાસ રજૂ કરી દર્શકોને મંત્રમુગ્ધ કર્યા હતા. કાર્યક્રમ દરમિયાન ગ્રુપને શીલ્ડ આપી સન્માનિત પણ કરવામાં આવ્યા હતા.
#મેરએકતા #મહેરએકતા #મઢડા #આઈશ્રીસોનલમાં #૧૦૨માંજન્મોત્સવ #સોનલબીજમહોત્સવ #ફોરએમરાહડાગ્રુપ 😄😃😬

22/12/2025

રાણાકંડોરણામાં મા લીરબાઈ આઈ મહોત્સવની તૈયારી અંગે મીટીંગ યોજાઈ

સનાતની પરંપરામાં ભજન-ભોજનની અલખ જગાડનાર મર્મજ્ઞ કવિત્રી મા લીરબાઈ માતાજીના 150માં નિર્વાણ દિવસે ભવ્ય મહોત્સવ રાણાકંડોરણામાં યોજાશે. ઇન્ટરનેશનલ મહેર સુપ્રિમ કાઉન્સીલ દ્વારા આયોજિત આ મહોત્સવ અંતર્ગત 19 જાન્યુઆરીએ મહેર સમાજનો સામૂહિક લગ્નોત્સવ તથા 20 જાન્યુઆરીએ સર્વજ્ઞાતિય મહાયજ્ઞ યોજાશે. આજ યોજાયેલી આયોજન બેઠકમાં મોટી સંખ્યામાં આગેવાનો તથા જ્ઞાતિજનો જોડાયા હતા. પ્રથમ દિવસે સમાજ સુધારા સંબંધિત ઠરાવો પસાર થશે, જ્યારે બીજા દિવસે નિશુલ્ક યજ્ઞમાં જોડાવવા 31 ડિસેમ્બર સુધી નોંધણી કરી શકાશે. પ્રમુખ વિમલજીભાઈ ઓડેદરાએ મહોત્સવની સફળતા માટે સૌના સહકારની અપેક્ષા વ્યક્ત કરી હતી.
#મેરએકતા #મહેરએકતા #લીરબાઈઆઈ૧પ૦નિર્વાણ #રાણાકંડોરણા #લીરબાઈઆઈમહોત્સવ 👍

22/12/2025

અંકલેશ્વર ખાતે સમસ્ત મહેર સમાજનું ભવ્ય સ્નેહ મિલન યોજાયું

ભરુચ જિલ્લાના અંકલેશ્વર અને નેત્રંગ વિસ્તારમાં વસવાટ કરતા સમસ્ત મહેર જ્ઞાતિના પરિવારો માટે ગત શનિવાર, તારીખ 20/12/2025 ના રોજ એક ભવ્ય 'સ્નેહ મિલન' કાર્યક્રમનું આયોજન કરવામાં આવ્યું હતું. આ પ્રસંગે મોટી સંખ્યામાં મહેર જ્ઞાતિના ભાઈ-બહેનો અને પરિવારો ઉપસ્થિત રહ્યા હતા, જેનાથી સમગ્ર વાતાવરણ ઉત્સાહમય બની ગયું હતું. આ સ્નેહ મિલનનો મુખ્ય ઉદ્દેશ્ય રોજગાર કે અન્ય કારણોસર વતનથી દૂર રહી અંકલેશ્વર-નેત્રંગમાં સ્થાયી થયેલા પરિવારો વચ્ચે પરસ્પર સંપર્ક વધે અને સામાજિક એકતા વધુ મજબૂત બને તેવો રહ્યો હતો. કાર્યક્રમ દરમિયાન ઉપસ્થિત મહેમાનોએ અંકલેશ્વર મહેર સમાજના મિત્રોને આ સફળ આયોજન બદલ અભિનંદન પાઠવ્યા હતા. વક્તાઓએ જણાવ્યું હતું કે, સમાજમાં એકતા અને સંગઠન કાયમ રહે તે માટે જે આગેવાનો દિવસ-રાત મહેનત કરી રહ્યા છે, તેમની કામગીરી ખરેખર સરાહનીય છે. આવા કાર્યક્રમોથી નવી પેઢીને પોતાના સામાજિક મૂલ્યો અને સંસ્કારો સાથે જોડાયેલા રહેવાની પ્રેરણા મળે છે. સમગ્ર આયોજનને સફળ બનાવવા માટે મહેર સમાજના અગ્રણીઓએ ભારે જહેમત ઉઠાવી હતી. અંતમાં સમૂહ ભોજન સાથે કાર્યક્રમનું સૌહાર્દપૂર્ણ વાતાવરણમાં સમાપન થયું હતું.




#મેરએકતા #મહેરએકતા #અંકલેશ્વરમહેરસમાજ #સ્નેહમિલન #ભરુચમહેરસમાજ #નેત્રંગમહેરસમાજ

21/12/2025

પોરબંદરના ખેલાડી રુદ્ર ઓડેદરાની બેડમિન્ટનમાં મોટી સિદ્ધિ: U-19 ગુજરાત ટીમમાં પસંદગી
મૂળ પોરબંદરના વતની અને હાલ વડોદરાની જાણીતી ઊર્મિ સ્કૂલમાં અભ્યાસ કરી રહેલા યુવા બેડમિન્ટન ખેલાડી રુદ્ર રાજેશ ઓડેદરાએ એક નોંધપાત્ર સિદ્ધિ હાંસલ કરી છે. રુદ્રની U-19 SGFI (સ્કૂલ ગેમ્સ ફેડરેશન ઓફ ઇન્ડિયા) ગુજરાતની બેડમિન્ટન ટીમમાં પસંદગી કરવામાં આવી છે.
આગામી નેશનલ લેવલની સ્પર્ધા માટે સમગ્ર ગુજરાતમાંથી માત્ર પાંચ ખેલાડીઓની પસંદગી કરવામાં આવી છે, જેમાં પોરબંદરના આ પ્રતિભાશાળી ખેલાડીનો સમાવેશ થતાં જિલ્લા અને રાજ્યનું ગૌરવ વધ્યું છે.
રુદ્રની આ સફળતા બદલ તેના પરિવાર પર અનેક શુભેચ્છાઓનો વરસાદ વરસી રહ્યો છે. હવે રુદ્ર આગામી સમયમાં દિલ્હી ખાતે યોજાનાર નેશનલ લેવલની સ્પર્ધામાં ગુજરાતનું પ્રતિનિધિત્વ કરશે.
#મહેરએકતા

20/12/2025

ગગનભાઈ એલ. થાપલીયા જેઓ પોરબંદર ડિસ્ટ્રિક્ટ બાર એસોસિઅનમાં જોઈન્ટ ટ્રેઝરર તરીકે ચૂંટાયા
#મેરએકતા #મહેરએકતા

20/12/2025

પૂ. મા લીરબાઈ આઈ મહોત્સવ-૨૦૨૬ની તૈયારીઓનો પ્રારંભ આવતી કાલે મહત્વપૂર્ણ આયોજન મીટીંગ યોજાશે
#મેરએકતા #મહેરએકતા

20/12/2025

અમદાવાદ સિવિલ નજીક મહેર સમાજનું સેવાકીય આરોગ્ય ભવન તૈયાર, ૧૧ જાન્યુઆરીએ થશે લોકાર્પણ
Meher Samaj's service health building near Ahmedabad Civil ready, to be inaugurated on January 11
#મેરએકતા #મહેરએકતા

19/12/2025

પોરબંદર ખાતે ભવ્ય IMPL - માલદેવ રાણા કેશવાલા કપ ક્રિકેટ ટુર્નામેન્ટનું આયોજન: આંતરરાષ્ટ્રીય અને સ્થાનિક ટીમોનો સંગમ

ઇન્ટરનેશનલ મહેર સુપ્રીમ કાઉન્સિલ (IMSC) દ્વારા પોરબંદર ખાતે બહુપ્રતિક્ષિત ઇન્ટરનેશનલ મહેર પ્રીમિયર લીગ (IMPL) – માલદેવ રાણા કેશવાલા કપ ક્રિકેટ ટુર્નામેન્ટનું ભવ્ય આયોજન કરવામાં આવ્યું છે. આ ટુર્નામેન્ટ 26 ડિસેમ્બરથી 1 જાન્યુઆરી દરમિયાન પોલીસ હેડક્વાર્ટર ગ્રાઉન્ડ ખાતે રમાશે, જે ક્રિકેટપ્રેમીઓ માટે એક અનોખો ઉત્સવ બની રહેશે.
આ ટુર્નામેન્ટ ગ્રાસરૂટ ક્રિકેટ અને આંતરરાષ્ટ્રીય ભાગીદારીનું અનોખું સંયોજન રજૂ કરે છે. તેમાં ટોરોન્ટો, કેલ્ગેરી, યુકે, દુબઈ, અમેરિકા અને ઈન્ડો-બ્રિટિશ જેવી વિદેશી ટીમો ભાગ લેવા માટે પોરબંદર આવી રહી છે. આંતરરાષ્ટ્રીય સ્તરની ટીમો ઉપરાંત, ગુજરાતના વિવિધ ગ્રામ્ય વિસ્તારો અને શહેરોની સ્થાનિક ટીમો પણ આ સ્પર્ધામાં ભાગ લેશે, જે સ્થાનિક ખેલાડીઓ માટે વૈશ્વિક સ્તરના ખેલાડીઓ સામે રમવાની સુવર્ણ તક પૂરી પાડશે.
આયોજકોના મતે, આ ટુર્નામેન્ટનો મુખ્ય ઉદ્દેશ્ય માત્ર ક્રિકેટ રમવાનો નથી, પરંતુ રમતગમતની ભાવના દ્વારા સમુદાયિક એકતા મજબૂત કરવાનો અને સ્થાનિક પ્રતિભાને પ્રોત્સાહન આપવાનો છે. આ વિશાળ આયોજન પોરબંદરના રમતગમતના ઇતિહાસમાં એક મહત્વપૂર્ણ સીમાચિહ્ન રૂપ બની રહેશે.

#મેરએકતા #મહેરએકતા 👍👍