02/06/2026
🚨 : କାଗଜପତ୍ରରେ ସରିଲା ରାସ୍ତା କାମ, ବାସ୍ତବରେ ଲକ୍ଷ ଲକ୍ଷ ଟଙ୍କାର ସରକାରୀ ଅର୍ଥ ହରିଲୁଟ୍!
📌 ଥୁଆମୂଳ ରାମପୁର (ବାଗଡ଼ିଆଣି ଗ୍ରାମପଞ୍ଚାୟତ):
କଳାହାଣ୍ଡି ଜିଲ୍ଲା ଥୁଆମୂଳ ରାମପୁର ବ୍ଲକ ବାଗଡ଼ିଆଣି ପଞ୍ଚାୟତ ଅନ୍ତର୍ଗତ କମରାଘାଟ ଗ୍ରାମରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନା (MGNREGA) ରେ ଏକ ବଡ଼ଧରଣର ମହାଦୁର୍ନୀତି ସାମ୍ନାକୁ ଆସିଛି। କ୍ଷେତ୍ରସ୍ତରରେ ବିନା କାମରେ କିମ୍ବା ନାମକୁ ମାତ୍ର ଅଳ୍ପ କାମ କରି ସରକାରୀ ପାଣ୍ଠିକୁ ଆତ୍ମସାତ କରାଯାଇଥିବା ଅଭିଯୋଗ ହେଉଛି।
👉 କାଗଜ କହୁଛି କାମ ହୋଇଛି, ଆଖି କହୁଛି ଲୁଟ୍ ହୋଇଛି!
#ପ୍ରକଳ୍ପ: ଖଣ୍ଡୁଆଳ ମନ୍ଦିରରୁ ନୂଆପଡ଼ା ମୁରୁମ ମେଟାଲ ରାସ୍ତା ନିର୍ମାଣ।
ବ୍ୟୟବରାଦ: ମୋଟ ୯ ଲକ୍ଷ ଟଙ୍କା।
ଉଠାଣ ସରିଛି:ମୋଟ ୨,୯୦,୫୧୮.୨ ଟଙ୍କା।
ସରକାରୀ ତଥ୍ୟ: କାଗଜପତ୍ରରେ ୧୧୮ ଜଣ ଶ୍ରମିକଙ୍କୁ ୭୭୪ ଶ୍ରମ ଦିବସର କାମ ମିଳିସାରିଛି।
ବାସ୍ତବ ସ୍ଥିତି: ରାସ୍ତାରେ କୌଣସି କାମର ଚିହ୍ନବର୍ଣ୍ଣ ନାହିଁ। କେବଳ ଲୋକଙ୍କ ଆଖିରେ ଧୂଳି ଦେବା ପାଇଁ ରାସ୍ତା କଡ଼ରେ କିଛି ମେଟାଲ (ପଥର ଖଣ୍ଡ) ପକାଇ ଛାଡ଼ି ଦିଆଯାଇଛି। ନା ମୁରୁମ ପଡ଼ିଛି ନା ରାସ୍ତା ସମ୍ପ୍ରସାରଣ ହୋଇଛି। ଗରିବ ଶ୍ରମିକଙ୍କ ହକ୍ ପଇସା ଜାଲ୍ ମଷ୍ଟର ରୋଲ୍ ସାହାଯ୍ୟରେ ହରିଲୁଟ୍ କରାଯାଇଛି।
🚫 #ପୋର୍ଟାଲରେ_ଫଟୋ_ଗାଏବ (ଫଟୋ ଉପଲବ୍ଧ ନାହିଁ):
ନିୟମ ଅନୁଯାୟୀ ପ୍ରକଳ୍ପ ସ୍ଥଳର ଜିଓ-ଟ୍ୟାଗ୍ ଫଟୋ ଅପଲୋଡ୍ ହେବା କଥା, କିନ୍ତୁ ସରକାରୀ ୱେବସାଇଟ୍ରେ 'Photo Not Available' (ଫଟୋ ଉପଲବ୍ଧ ନାହିଁ) ବୋଲି ସ୍ପଷ୍ଟ ଦେଖାଯାଉଛି, ଯାହା ଦୁର୍ନୀତିର ସ୍ପଷ୍ଟ ପ୍ରମାଣ ଦେଉଛି।
🔥 #ଭିଜିଲାନ୍ସ_କରୁଛି_କଣ?
ସ୍ଥାନୀୟ ବୁଦ୍ଧିଜୀବୀ ଓ ଗ୍ରାମବାସୀଙ୍କ କହିବା ଅନୁସାରେ, ଏହି ବାଗଡ଼ିଆଣି ପଞ୍ଚାୟତରେ କେବଳ ମନରେଗା ନୁହେଁ, ବରଂ ITDA, SFC ଏବଂ CFC ପାଣ୍ଠିର ଅନେକ କାର୍ଯ୍ୟରେ ବ୍ୟାପକ ଅନିୟମିତତା ହୋଇଛି, ଯେଉଁଥିରେ ଏହି କନିଷ୍ଠ ଯନ୍ତ୍ରୀଙ୍କ ସମେତ ଅନ୍ୟ ଯନ୍ତ୍ରୀ ମାନେ ସମ୍ପୂର୍ଣ୍ଣ ସମ୍ପୃକ୍ତି ରହୁଛନ୍ତି। ବିନା କାମରେ କେମିତି ଲକ୍ଷ ଲକ୍ଷ ଟଙ୍କାର ବିଲ୍ ପାସ୍ ହେଉଛି? ଭିଜିଲାନ୍ସ ବିଭାଗ ସବୁ ଜାଣିଶୁଣି ଚୁପ୍ ଅଛି କି ବୋଲି ଜନସାଧାରଣ ପ୍ରଶ୍ନ କରିଛନ୍ତି।
ତୁରନ୍ତ ଏଭଳି ଅସାଧୁ ଯନ୍ତ୍ରୀ ଓ ସମ୍ପୃକ୍ତ ବ୍ୟକ୍ତିଙ୍କ ବିରୋଧରେ ଦୃଢ଼ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସ୍ଥାନୀୟ ଅଞ୍ଚଳରେ ଦାବି ଜୋର ଧରିଛି।
