23/11/2025
কলাইগাওঁ গৰু বন্ধাত ভয়ংকৰ পথ দুৰ্ঘটনা।
নিয়ন্ত্ৰণ হেৰুৱাই বিদ্যুতৰ খুঁটাত খুন্দা মাৰে বলেৰ বাহনে।
দুৰ্ঘটনাটোত গুৰুতৰ ভাবে আহত হৈছিল আৰক্ষী বিষয়া দুলুমণি মেধি।
দুলুমণি মেধি ওদালগুৰিৰ পৰা মঙ্গলদৈ আৰেঙৰ নিজৰ ঘৰলৈ আহি আছিল।
সংকটজনক অৱস্থাত দুলুমণি মেধিক ততাতৈয়াকৈ স্থানীয় ৰাইজ আৰু মঙ্গলদৈ আৰক্ষীয়ে মঙলদৈ অসামৰিক চিকিৎসালয়লৈ লৈ আনে যদিও চিকিৎসকে মৃত ঘোষণা কৰে।
দুলুমণি মেধি ওদালগুৰিৰ আৰক্ষী ছাউনী বিষয়া (RO)ৰ দায়িত্বত প্ৰায় দুবছৰ কৰ্মৰত হৈ আছিল,তেখেত এজন দক্ষ আৰক্ষী বিষয়াৰ লগতে এগৰাকী ভাল খেলুৱৈ আছিল । আৰক্ষী বিষয়া দুলুমণি মেধিৰ মৃত্যুত আৰক্ষী বিভাগৰ লগতে সমগ্ৰ দৰং জিলাতে শোকৰ ছাঁ পৰিছে।
