23/08/2025
बलात्कारको आरोप लागेको महेन्द्र गुरुङकी पत्नीले भनिन्, 'मेरो लोग्ने निर्दोष छ, उमाथि झुटो आरोप लगाइएको हो'
++
चालक महासङ्घका महेन्द्र गुरुङकी पत्नीले महेन्द्र गुरुङ निर्दोष रहेको बताएकी छन्। स्टारन्युजसित बोल्दै उनले भनेकी छन्, 'मेरो छोरा पनि एडिक्ट, बुहारी पनि एडिक्ट हो। चारमहिना अघि छोराले बिहे गरेर ल्याएको। बुहारीकै करले छोरालाई अगस्त 1 तारिक रिह्याब हालेको छौं। त्यसपछि बुहारी घरि घरि हराइरहन्थिन्, हामीले खोजेर ल्याउनुपर्थ्यो। हिज पनि बुहारी हराइन्, 10 बजी राती थानामा हराएको डायरी पनि लेखायौं। बुहारीले मेरो लोग्ने विरुद्ध त्यस्तो आरोप लगाएर एफआईआर गरिछन्। महेन्द्र गुरुङ बुहारी खोज्न गएको हो, भागेको होइन। मेरो लोग्ने निर्दोष छ।'
'बुहारीले के सोचेर यस्तो दोष लगाएको हो हामीलाई थाहा छैन,' उनले भनिन्, 'तर बुहारी हिजैदेखि हराएकी हुन्, कहाँ बसिन्, के गरिन् हामीलाई थाहा छैन। हामी सबै ठाउँ खोज्दा पनि पाएनौं।'
उनले भनेअनुसार महेन्द्र गुरुङमाथि झुटो आरोप लगाइएको हो। महेन्द्र गुरुङ भागेको होइनन्।उनले आफूहरूले न्याय पाउने विश्वास पनि व्यक्त गरेकी छन्।
