20/07/2025
जीटीए मुख्य कार्यपाल अनित थापा आइतबार कालेबुङ पुगेका थिए। विभिन्न कार्यक्रमहरूमा सहभागिता जनाउने उद्देश्यले कालेबुङ भ्रमणमा रहेका थापालाई 33 नम्बर समष्टिमा स्थानीय जनसमुदायले भव्य स्वागत गरेका थिए।
समष्टि अन्तर्गत पर्ने साढे तीन माइल र सात माइलमा क्षेत्रमा थापाले जीटीए मार्फत सार्वजनिक भवन प्रदान गरेकोमा क्षेत्रवासीहरूले उनलाई आभार व्यक्त गरेका थिए। यसै गरी तिनले चार माइल क्षेत्रमा जीटीएको मार्फत निर्माण भएको मन्दिरको औपचारिक रूपमा उद्घाटन गरे। विधिवत रूपमा सम्पन्न उद्घाटन समारोहमा क्षेत्रवासीहरूको उल्लेखनीय उपस्थिति देखिएको थियो।
मन्दिर उद्घाटनपछि आयोजित एक विशेष कार्यक्रममार्फत स्थानीय जनताले अनित थापालाई कृतज्ञता स्वरूप सम्मान तथा सम्बर्द्धना अर्पण गरे। उक्त कार्यक्रममा थापाले धार्मिक स्थलहरूले समुदायबीच एकता, आस्था र सामाजिक समरसता सुदृढ गर्न मद्दत पुग्ने धारणा व्यक्त गरेका थिए उक्त कार्यक्रममा थापासँग सभासद् कमल सुब्बा, नगरप्रशासक रवि प्रधान, जीटीए पीआरओ तथा समष्टि अध्यक्ष अनुप छेत्री, नारी शक्ति केन्द्रीय समिति मूलसचिव प्रतिभा कुमाई, भागोप्रमो कालेबुङ जिल्ला अध्यक्ष विनय घिसिङ, नारी शक्ति मूलसचिव सुष्मा लामा, समष्टि मूलसचिव स्टरमन लेप्चा, समष्टि उपाध्यक्षद्वय सुरेन छेत्री, राकेश थापा, समष्टि नारी शक्ति अध्यक्ष लक्ष्मी सिमिक, सह-सचिव कला मोथे आदिको विशेष उपस्थिति रहेको थियो।