POCHOK GITDABLING NEWS

POCHOK GITDABLING NEWS Pochok Gitdabling News is the leading Nepali News media which brings the latest and breaking news.

आज लुङ्सेल प्राथमिक पाठशालाको आयोजनामा लुङ्सेल ग्राम पन्चायत सदस्य श्रीमान प्रणाम तामाङको अध्यक्षतामा आदि कवि भानुभक्त ...
13/07/2025

आज लुङ्सेल प्राथमिक पाठशालाको आयोजनामा लुङ्सेल ग्राम पन्चायत सदस्य श्रीमान प्रणाम तामाङको अध्यक्षतामा आदि कवि भानुभक्त आचर्यको २११औं जन्म जयन्ती भव्य रुपमा पालन गरियो।
कार्यक्रममा विशेष प्रमुख अतिथिको रुपमा पोख्रेबुङ हाई स्कुलका उप प्रधान अध्यापक श्रीमान बिनोद छेत्री ज्यू , विशिष्ट अतिथिको रुपमा पोख्रेबुङ पन्चायत समेती सदस्य करुणा छेत्री ज्यू ,अभिभावकवर्ग,वरिपरिका अनुभावी व्यक्तित्व, विधालयका शिक्षक शिक्षिका साथै विद्यार्थीहरुको सहभागी रहेको थियो।
कार्यक्रममा विशेषगरि कविता वाचन , रामायण पाठ,नृत्य , नाटक, आदि प्रस्तुतिहरु रहेका थिए।

हर्षवर्धन श्रृङ्लालाई राष्ट्रपति द्वारा राज्यसभा सदस्यको रूपमा मनोनित गरिएको छ। दार्जीलिङ वेलफेयर सोसाइटीका अध्यक्ष तथा...
13/07/2025

हर्षवर्धन श्रृङ्लालाई राष्ट्रपति द्वारा राज्यसभा सदस्यको रूपमा मनोनित गरिएको छ।
दार्जीलिङ वेलफेयर सोसाइटीका अध्यक्ष तथा भारतका पूर्व विदेश सचिव समेत रहनुभएका हर्षवर्धन श्रृङ्लालाई राष्ट्रपतिको मनोनयनमा राज्यसभाको सदस्य बनाइएको हो।

उहाँले आफ्नो जीवनको ४० वर्षभन्दा बढी समय देशको सेवा गर्दै बिताउनुभयो। विदेश सचिवको रूपमा भारतलाई अन्तर्राष्ट्रिय स्तरमा प्रतिनिधित्व गर्नुभयो, G20 अध्यक्षताको प्रमुख समन्वयकको जिम्मेवारी सम्हाल्नुभयो, र हालैको अप्रेसन सिन्दूरजस्ता महत्वपूर्ण कूटनीतिक पहलहरूमा समेत सक्रिय भूमिका निर्वाह गर्नुभयो।

श्रीलंकाबाट SAKF कराते च्याम्पियनसिपमा कालिम्पोङका सुशन थापाले सफलतापूर्वक भाग लिए र रेफ्रीको रूपमा फर्किए।श्रीलंकामा आय...
13/07/2025

श्रीलंकाबाट SAKF कराते च्याम्पियनसिपमा कालिम्पोङका सुशन थापाले सफलतापूर्वक भाग लिए र रेफ्रीको रूपमा फर्किए।

श्रीलंकामा आयोजित सार्क देशहरूको SAKF ९ औं दक्षिण एसियाली कराते च्याम्पियनसिप-२०२५ मा रेफ्री र निर्णायकको रूपमा कालिम्पोङका सुशन थापाले सफलतापूर्वक भाग लिए।

योयो दक्षिण एसियाली कराते च्याम्पियनशिप-२०२५ को नवौं संस्करण हो जुन ५ र ६ जुलाई २०२५ मा श्रीलंकाको कोलम्बोस्थित सघथदासा इन्डोर स्टेडियममा आयोजना गरिएको थियो। यो दक्षिण एसियाली कराते फेडरेशन (SAKF) द्वारा आयोजित र श्रीलंकाको खेलकुद मन्त्रालय अन्तर्गत श्रीलंका कराते-डो फेडरेशन द्वारा गरिएको थियो।

उनले यस च्याम्पियनसिपमा श्रीलंका, नेपाल, बंगलादेश, भुटान, पाकिस्तान र भारत गरी जम्मा छ अन्तर्राष्ट्रिय देशहरूले भाग लिने जानकारी पनि दिए।

प्रतियोगिताको लागि भारतीय आधिकारिक रेफ्री टोलीमा छनोट हुनुभएकोमा सम्माननीय मेरा गुरुजी हांशी भरत शर्मा माननीय अध्यक्ष र श्री संजीव कुमार जांग्रा माननीय महासचिवलाई हार्दिक आभार व्यक्त गर्दछु।

डा. पी. डी. भोटियालाई सचेत नागरिक सम्मान २०२५ कालेबुङ: सन् २०१७ मा स्थापना भएको सामाजिक संस्था कालेबुङ सचेत मञ्चले आगाम...
12/07/2025

डा. पी. डी. भोटियालाई सचेत नागरिक सम्मान २०२५

कालेबुङ: सन् २०१७ मा स्थापना भएको सामाजिक संस्था कालेबुङ सचेत मञ्चले आगामी ३ अगस्त २०२५, आइतबार, कालेबुङस्थित होटल ट्रेसमा एक विशेष समारोहको आयोजना गर्दैछ ।
समारोहमार्फत् स्वास्थ्य क्षेत्रका एक समर्पित र प्रेरणादायी व्यक्तित्व डा. पी. डी. भोटियालाई “सचेत नागरिक सम्मान-२०२५” द्वारा सम्मानित गरिने आज एक पत्रकार सम्मेलन राखेर मञ्चका प्रमुख सल्लाहकार डा. भुवन पी. खनालले घोषणा गरे । डा. भोटिया, जो मूलतः कालेबुङको लाभा क्षेत्रका निवासी हुन् र हाल सिलगढीमा चिकित्सकीय सेवा दिइरहेका छन् , विगत लामो समयदेखि समाजका पिछडिएका वर्ग र आम नागरिकहरूका लागि समर्पित भावनाले कार्यरत रहँदै आएका डा. भोटियालई उनको सेवा, सरलता र जनहितप्रतिको प्रतिबद्धता संस्थाको मूल्य र लक्ष्यसँग मेल खाने भएकाले मञ्चले यस वर्षको सम्मानका लागि छनौट गरेको हो।
“सचेत नागरिक सम्मान” कालेबुङ सचेत मञ्चद्वारा हरेक वर्ष संस्था स्थापनाको अवसरमा समाजको विभिन्न क्षेत्रमा विशिष्ट योगदान दिने व्यक्तित्वहरूलाई प्रदान गरिँदै आएको छ। स्वास्थ्य, शिक्षा, सामाजिक जागरण, महिला सशक्तिकरण, भाषा–संस्कृति, पर्यावरण संरक्षण जस्ता विषयमा सक्रिय व्यक्तित्वहरूको योगदानको कदर गर्न यो सम्मान सुरु गरिएको हो।
यस वर्षको सम्मान समारोहमा विभिन्न प्रतिष्ठित व्यक्तित्वहरूको उपस्थिति रहनेछ, जसमा प्रमुख अतिथिका रूपमा सिक्किम सरकारका पूर्व मन्त्री श्री जी. एम. गुरुङको उपस्थिति रहनेछ।
कालेबुङ सचेत मञ्चले यस कार्यक्रमलाई सफल बनाउन सम्पूर्ण सामाजिक संस्था, नागरिक समाज, सञ्चारकर्मी तथा शुभेच्छुकहरूमाझ सहयोग र सहभागिताको हार्दिक आग्रह समेत गरेको छ । पत्रकार सम्मेलनमा प्रमुख सल्लाहकार डा. खनालसहित मञ्चका अध्यक्ष भरत योगी, सचिव हेमकुमार सापकोटा अनि कार्यकारी सदस्यहरूको उपस्थिति रहेको थियो।

शास्त्री नगर, सिलगढी बालकृष्ण संघ परिसरमा 'रत्ना देवी मञ्च' को भव्य उद्घाटन सम्पन्न सिलगढीस्थित बालकृष्ण संघ परिसरमा ...
12/07/2025

शास्त्री नगर, सिलगढी बालकृष्ण संघ परिसरमा 'रत्ना देवी मञ्च' को भव्य उद्घाटन सम्पन्न

सिलगढीस्थित बालकृष्ण संघ परिसरमा नव निर्मित 'रत्ना देवी मञ्च'को भव्य उद्घाटन समारोह भव्यताका साथ सम्पन्न भएको छ। समाजसेवी तथा प्रतिष्ठित व्यवसायी श्री सर्जु शर्माले आफ्नी स्वर्गीय आमा रत्ना देवी सुब्बाको स्मृतिमा निजी लगानीमा निर्माण गरिदिएको यस रंगमञ्च सामाजिक ऊर्जा र सांस्कृतिक गौरवको प्रतीक बनेको छ।

सन् १९७२ मा कवि/लेखक स्व. बालकृष्ण समको स्मृतिमा स्थापित बालकृष्ण संघ, शास्त्री नगर सिलगढी, देवकोटा संघ पछिको सबैभन्दा पुरानो नेपाली/गोर्खा सामाजिक संस्था हो। यस संघले स्थापनाकालदेखि नै नेपाली साहित्य, कला, संस्कृतिको संरक्षण र सामाजिक चेतनाको प्रवाहमा महत्त्वपूर्ण योगदान दिँदै आएको छ।

हिजो सम्पन्न उद्घाटन समारोहमा संघका वरिष्ठ संस्थापक सदस्य श्री बि बि बिश्वकर्माको प्रमुख आतिथ्यतामा मञ्चको उद्घाटन गरिएको थियो। उक्त कार्यक्रममा समाजसेवी सर्जु शर्मा, समाजसेवी अरुण बराल, देवकुमार रसाइली ,डी के विश्वकर्मा,कैलास रसाइली ,कालु घिमिरे
बिनोद तामाङ संघकी अध्यक्ष श्रीमती शर्मिला गुरुङ, बि बि बिश्वकर्मा लगायत स्थानीय बुद्धिजीवी, समाजसेवी र विशिष्ट अतिथिहरूको उल्लेखनीय उपस्थिति रहेको थियो।उक्त कार्यक्रम संघकै सचिव निलम गजमेरद्वारा सञ्चालन गरिएको थियो।

उक्त अवसरमा बोल्ने वक्ताहरूले रत्ना देवी मञ्चको स्थापनाले भावी पुस्तालाई साहित्य, संस्कृति र सामाजिक चेतनाको थलो प्रदान गर्ने विश्वास व्यक्त गरे। संघले विगतमा आयोजना गर्दै आएको विविध साहित्यिक, सांस्कृतिक तथा सामाजिक कार्यक्रमहरू अब अझ सुव्यवस्थित र सशक्त रूपमा प्रस्तुत हुने अपेक्षा गरिएको छ।

यसै अवसरमा संघले आगामी दुर्गा पूजा समारोहका लागि आयोजन समिति पनि गठन गरेको छ। उक्त समितिको अध्यक्षमा श्री अरुण बराल चयन भएका छन् भने सचिव पदमा अभिषेक सिंह र कोषाध्यक्ष दिनेश तामाङ चयन भएका छन् । दुर्गा पूजालाई यस वर्ष विशेष भव्यता र सांस्कृतिक विविधताका साथ मनाउने निर्णय गरिएको जानकारी दिइएको छ।

शास्त्री नगरको इतिहास र सांस्कृतिक चेतनासँग गहिरो नाता जोडिएको बालकृष्ण संघले आफ्नो सेवा र सृजनशीलताको आयामलाई अझ विस्तार गर्दै समग्र सिलगढी क्षेत्रलाई साहित्य–संस्कृतिको क्षेत्रमा कार्यगरिरहने जानकारी संघको सभापति श्रीमति सर्मिला गुरूङले जानकारी गराएकी छिन्।
~~~~~

12/07/2025

सप्तश्री ज्ञानपीठले २११ औँ भानु जयन्तीको अवसर पारेर शुक्रबार विशेष कार्यक्रमको आयोजना गरी नेपाली भाषा, साहित्य र संस्कृतिका गौरव भानुभक्त आचार्यलाई श्रद्धा अर्पण गर्दै भानु जयन्ती पालन गरेको छ।
कार्यक्रमको मुख्य आकर्षणको रूपमा आयोजित रामायण पाठ प्रतियोगितामा विद्यार्थीहरूले उत्साहपूर्वक सहभागिता जनाएका थिए। गीत, नृत्य र भेषभूषाको समायोजनसहितको प्रस्तुतिले नेपाली मौलिक संस्कृतिको उजागर गरेको छ।
कार्यक्रममा भानुभक्त आचार्यको जीवन, काव्य साधना र उनको योगदानमाथि परिचर्चा पनि गरिएको थियो।
कार्यक्रममा प्रमुख अतिथिको रूपमा युवा सर्जक छुदेन काविमो उपस्थित थिए भने कार्यक्रममा वरिष्ठ पत्रकार अरूणकुमार रसाइली, सुधा राई , विद्यालयका निर्देशक तपनकुमार प्रधान, प्रधान अध्यापिका स्मृता प्रधान, मेरियम गुरूङ, प्रशासक अविनाश छेत्री, प्रशासिका सुब्रता थामी, निर्णायकहरु धिरज त्रिखत्री, गीता रामतेलको विशेष उपस्थिति रहेको थियो।पारस शर्माले स्वागत मन्तव्य राखेको कार्यक्रममा होमा प्रधानले सम्मान पत्र पठन अनि सपना छेत्रीले कृतज्ञता प्रकट गरेका थिए। विद्यार्थी ग्रेसियस राईले सञ्चालन अनि विद्यार्थी नियती छेत्रीले वार्ता प्रस्तुत गरेका थिए। कार्यक्रम विषयमा नेपाली विभागका शिक्षक डा.भुवन पी. खनालले थप जानकारी दिएका छन्।

मलामी जाने बारेको सूचना। गितडब्लिङ बुधबारे बजार निवासी 'मसिने दाजु' भनेर चिनिने धन बहादुर विश्वकर्माको आकस्मिक निधन भयो।...
11/07/2025

मलामी जाने बारेको सूचना।
गितडब्लिङ बुधबारे बजार निवासी 'मसिने दाजु' भनेर चिनिने धन बहादुर विश्वकर्माको आकस्मिक निधन भयो।‌
उहाँको दाह संस्कार भोलि मिति 12 जुलाई 2025 शनिवारका दिन गरिने भएको हुँदा सम्पूर्ण छरछिमेक आफन्त ईष्टमित्र शुभचिन्तक आदिमा बिहान 11 बजे निजी निवासमा उपस्थित भइ दिन अनुरोध गरिन्छ।

विनित
सम्पूर्ण शोकाकुल विश्वकर्मा परिवार

11/07/2025

"भानु पाला वेलफेयर एसोसिएसनले मनायो गुरु पूर्णिमा"

गुरु पूर्णिमाको पावन अवसरमा भानु पाला अनि bp entertainment को तत्वधानमा प्रत्येक वर्ष झैं यस वर्ष पनि गुरु हरु प्रति सुस्रधा गुरु पूर्णिमा पालन गरियो। सिने जगतका बरिष्ट निर्देशक श्री अमर रसाईली,अरुण प्रकाश राई, भानु पाला एव bp entertainment का संयोजक निर्देशक विक्रम पराजुली,कलाकार प्रदिप पाख्रिन,फुर्बा शेर्पा,गोर्खेश्वरी प्रोडक्सनका निर्देशक प्रकाश छेत्री, मनी छेत्री, एन्जल भुजेल,बिनिता प्रधान, भानु पाला का कलाकारहरु शान्ति शर्मा,अमित कुमार प्रधान,प्रशान्त क्षेत्रीको विशेष उपस्थिति रहेको थियो। गुरुहरू प्रति सम्झना गर्दै वहाँहरुले दिनु भएको आशिर्वाद र योगदानको कदर गर्दै,अहिले शिथिलता आई रहेको नाटक अभिनय क्षेत्रलाई सधैं निरन्तरता दिने प्रतिबद्धता जाहिर गरे।

नेपाल चीन जोडने मितेरी पुल बगाएपछि नौ जनाको मृत्यु 18 जना बेपत्ता। नेपालका अधिकारीहरूले नेपाल-चीन सीमामा रहेको पुल बाढील...
09/07/2025

नेपाल चीन जोडने मितेरी पुल बगाएपछि नौ जनाको मृत्यु 18 जना बेपत्ता।

नेपालका अधिकारीहरूले नेपाल-चीन सीमामा रहेको पुल बाढीले बगाएपछि कम्तीमा नौ जनाको मृत्यु भएको र 18 जना बेपत्ता भएको बताएका छन्।

बेपत्ता हुनेमा छ जना चिनियाँ र तीन जना नेपाली पुलिस रहेका छन्।

नेपाली अधिकारीहरूले नजिकैको जलविद्युत प्लान्टबाट केही मानिसहरूलाई उद्धार गरिएको बताएका छन्। खोजी कार्यमा मद्दत गर्न हेलिकप्टरहरू प्रयोग गरिँदैछ।

गितडब्लिङको पोचोकमा ग्लेन फेमिली फाउन्डेसनको सहयोगमा सूचना केन्द्रको सुरूआत। तार्बु छिरिङ लेप्चा को पहल तथा ग्लेन फेमिली...
08/07/2025

गितडब्लिङको पोचोकमा ग्लेन फेमिली फाउन्डेसनको सहयोगमा सूचना केन्द्रको सुरूआत।

तार्बु छिरिङ लेप्चा को पहल तथा ग्लेन फेमिली फाउन्डेसनको सहयोगमा तल्लो पोचोक निवासी अगस्टिन लेप्चा (साईबाबा) को घरमा सूचनाप्रेन्योर केन्द्रको उत्घाटन गरिएको छ। यस केन्द्रलाई श्रीमती अनिसा राईले सन्चालन गर्नुहुने छ।
उत्घाटन कार्यक्रममा ग्लेन फेमिली फाउन्डेसनको तर्फबाट सोम छिरिङ नाम्चु, रोङरिङ वेलफेयर सोसाईटीका जेराल्ड रोङगोङ, एसओजिजि शैक्षिक वेलफेयर सोसाईटीकी सात्यकी लोप्चन लगायत मेरी सुब्बा, अर्पिता सिङ आदिको उपस्थिति रहेको थियो।
यसबाहेक स्थानीय ग्राम पञ्चायत सदस्या अमृता राई, अप्पर र लोवर पोचोक क्योङ सेजुम का पदाधिकारीगण, महिला स्वनिर्भर समूहका प्रतिनिधिवर्ग आदिले पनि कार्यक्रममा सहभागिता जनाउनुभएको थियो।
यस केन्द्रबाट आधार कार्डको प्रतिलिपि, राशिन कार्ड, बिजुलीको बिल, जनजाति प्रमाणपत्र, रिजल्ट, वाईफाई, मोबाइल र टिभी रिचार्ज, आयुष्मान भारत, जीवन बिमा, कम्प्युटर प्रोग्राम, पेन्सन स्किम, इमेल सेवा, अपाङ्ग कार्ड, पैन कार्ड, इनकम तथा डोमिसियल प्रमाणपत्र, सम्पूर्ण अनलाईन कामकाज, पैसा ट्रान्सफर, जेरक्स, रङ्गिन फोटोकपी, पेन्सन भेरिफिकेसन, लेमिनेशन, पासफोटो, स्वास्थ्य सम्बन्धी सल्लाह आदि सेवाहरू प्रदान गरिनेछ।

पोचोक सब क्लस्टरकी मार्ग्रेट लेप्चा द्वारा उपस्थित अतिथिहरु तथा गण्यमान्य व्यक्तित्वलाई स्वागत गरिएपछि सुरु भएको कार्यक्रममा अनिसा राई र अमृता राईले रिबन काटेर केन्द्रको उत्घाटन गरिएको थियो।

डब्लिङमा पनि यसै संस्थाले यस्तैखाले सूचना केन्द्रको उत्घाटन गरिएको समाचार प्राप्त भएको छ।

08/07/2025

गितडब्लिङ युथ ब्वाइजले 27 जुलाई अर्थात् शहिद दिवसको अवसरमा 12 जुलाई शनिबारदेखि सुरु हुने गरी अन्तर गाउँ नकआउट फुटबल र भेट्रान्स फुटबल प्रतियोगिता आयोजना गर्दैछ।
प्रतियोगिता अन्र्तगत खेलहरू हेर्न सम्पूर्ण खेलप्रेमी सर्वसाधारणलाई आयोजक समितिले अनुरोध गरेको छ।

गितडब्लिङ युथ ब्वाइजले 27 जुलाई अर्थात् शहिद दिवसको अवसरमा 12 जुलाई शनिबारदेखि सुरु हुने गरी अन्तर गाउँ नकआउट फुटबल र भे...
07/07/2025

गितडब्लिङ युथ ब्वाइजले 27 जुलाई अर्थात् शहिद दिवसको अवसरमा 12 जुलाई शनिबारदेखि सुरु हुने गरी अन्तर गाउँ नकआउट फुटबल र भेट्रान्स फुटबल प्रतियोगिता आयोजना गर्दैछ।
प्रतियोगिता अन्र्तगत खेलहरू हेर्न सम्पूर्ण खेलप्रेमी सर्वसाधारणलाई आयोजक समितिले अनुरोध गरेको छ।

Address

Kalimpong

Telephone

+918768249107

Website

Alerts

Be the first to know and let us send you an email when POCHOK GITDABLING NEWS posts news and promotions. Your email address will not be used for any other purpose, and you can unsubscribe at any time.

Shortcuts

Share

Category