06/06/2026
ബസേലിയോസ് സ്കൂളിന്ഒരാഴ്ചത്തെ അവധി പ്രഖ്യാപിച്ചു
ബത്തേരി: പനിയും ചർദ്ദിയും വയറിളക്കവും ബാധിച്ചതിനെ തുടർന്ന്
ബത്തേരി കോളിയാടി മാർ ബസേലിയോസ് എ.യു.പി സ്കൂളിലെ നിരവധി വിദ്യാർത്ഥികൾ ആശുപത്രിയിലായതിനെ തുടർന്ന് സ്കൂളിന് ഒരാഴ്ചത്തെ അവധി പ്രഖ്യാപിച്ചു. 150 ഓളം കുട്ടികളാണ് ശാരീരിക അസ്വസ്ഥതകളെ തുടർന്ന് വിവിധ ആശുപത്രികളിൽ ചികിത്സ തേടി യത്. ഒരു അധ്യാപികക്കും ശാരീരിക അസ്വസ്ഥത ഉണ്ടായിട്ടുണ്ട്. സംഭവത്തിൽ ആശങ്കപ്പെടേണ്ട സാഹചര്യം ഇല്ലെന്ന് ഡിഎംഒ അറി യിച്ചു.വെള്ളം വഴിയുള്ള ബാക്ടീരിയൽ ഇൻഫെക്ഷൻ ആണെന്നാണ് പ്രാഥമിക സംശയം. ജൂൺ 1 മുതൽ ചില കുട്ടികൾക്ക് ലക്ഷണങ്ങൾ കണ്ടു തുടങ്ങിയിരുന്നു. പരിശോധനയ്ക്കായി സാമ്പിളുകൾ ശേഖരിച്ചിട്ടുണ്ട്.
