https://youtube.com/channel/UCqsqpw73Sbx8nSH8texVz_g

डोंबिबली Fast, Kalyan (2025)

15/08/2025

डोंबिवली वैदिक सेंटर तर्फे स्वातंत्र्य दिवसानिमित्त रुद्र एकादशणि चा कर्यक्रम संपन्न
गेली 18 वर्षे डोंबिवली वैदिक सेंटर तर्फे, भारतीय नागरिकांच्या आरोग्यासाठी, आणि देशाच्या हितासाठी संकल्प करून, रुद्र एकादशणि चा कार्यक्रम 15 ऑगस्ट रोजी, संपन्न होतं असून, यंदाही अयोध्या नगरी मधील अग्रवाल हॉल मध्ये, 15 ऑगस्ट शुक्रवारी , सकाळी सहा ते दुपारी दीड या कालावधीत, वैदिक मंत्राच्या गजरात, भगवान शंकरावर,अभिषेक करून, रुद्र एकादशणि चा कार्यक्रम डोंबिवली परिसरातील, 80 गुरुजी आणि वैदिक अभ्यासक, यांच्या उपस्थितीत संपन्न झाला.
कार्यक्रमाची सुरुवात गणेश पुजानाने झाली, त्यानंतर, देश हितासाठी,संकल्प आणि प्रार्थना करून, सामूहिक जन गण मन, झाल्यानंतर मुख्य कार्यक्रमाला सुरुवात झाली.
प्रत्येकाची सीमेवर जाऊन लढायची, क्षमता नसते, पण आपण जे काही करू शकतो ते, म्हंटजे, देश हिताचं कामं करणाऱ्यांसाठी, नागरिकांसाठी प्रार्थना, आणि या मातृभूमी बद्दल कृतज्ञता व्यक्त करणं. याच भावनेने हा संकल्प करून हा कार्यक्रम आम्ही करतो, असे विचार कार्यक्रमाचे मार्गदर्शक आणि मुख्य आयोजक श्री रामचंद्रन (मामा) यांनी यावेळी व्यक्त केलें.
विभागीय कल्याण ग्रामीण चे आमदार राजेश गोवर्धन मोरे, यांनी या सोहळ्याला उपस्थित राहून, भगवान शिवाचे दर्शन घेतले.

14/08/2025

*स्वातंत्र्य दिना निमित्त महापालिकेच्या "ड" प्रभागात अनोख्या स्वरुपात तिरंग्यास‍ अभिवादन !*

उद्या असलेल्या 79 व्या स्वातंत्र्य दिनाचे औचित्य साधुन तसेच हर घर तिरंगा म्हणजेच घरोघरी तिरंगा या अभियाना अंतर्गत महापालिकेमार्फत अनेक उपक्रमांचे आयोजन करण्यात येत आहेत. याच उपक्रमाचा एक भाग म्हणून आज सकाळी महापालिकेच्या "ड" प्रभागात सहा. आयुक्त उमेश यमगर आणि त्यांच्या पथकाने तीन वेगवेगळे उपक्रम राबवत तिरंग्यास अनोखे अभिवादन केले आहे. या उपक्रमात आमदार सुलभाताई गायकवाड, महापालिका आयुक्त अभिनव गोयल, उप आयुक्त संजय जाधव यांच्या सह अनेक मान्यवर, नागरिक तसेच असंख्य विद्यार्थी सहभागी झाले होते.
या उपक्रमाच्या अनुषंगाने "ड" प्रभाग‍ क्षेत्र परिसरातील स्व. बाळासाहेब ठाकरे उद्यान तसेच वेस्टर्न रिजन स्कुल परिसर येथे आमदार सुलभाताई गायकवाड, महापालिका आयुक्त अभिनव गोयल, उप आयुक्त संजय जाधव यांच्या उपस्थितीत विविध देशी प्रजातींच्या सुमारे 1000 वृक्षांची लागवड करण्यात आली. तद्नंतर शेकडो विद्यार्थ्यांच्या उपस्थितीत जिरेटोप चौक, चिंचपाडा रस्ता, काटेमानिवली चौकापासून "ड" प्रभाग‍ कार्यालया पर्यंत "हर घर तिरंगा" प्रभात फेरी काढण्यात आली. या प्रभात फेरीत शालेय विद्यार्थ्यांनी 100 फुटी ध्वजा समवेत सहभाग घेतला. यावेळी मॉडेल कॉलेज, साकेत कॉलेज, कमलादेवी कॉलेज तसेच सहयोग सामाजिक संस्था, जाणिव सामाजिक संस्था यांचे सह इतर अनेक संस्थांचे सदस्य मोठ्या संख्येने सहभागी झाले होते.
हर घर तिरंगाच्या अनुषंगाने "ड" प्रभाग कार्यालयाने द्वारका विद्यामंदिरामधील विद्यार्थ्यांच्या सहकार्याने युनेस्कोच्या यादीत अंतर्भाव झालेल्या शिवारायांच्या 12 किल्ल्यांची हुबेहुब प्रतिकृती साकारली. या प्रतिकृतींची देखील उपस्थित मान्यवरांनी प्रशंसा केली.
त्याचप्रमाणे हर घर तिरंगा अभियाना अंतर्गत "ड" प्रभाग क्षेत्र परिसरात "हर घर तिरंगा, हर घर स्वच्छता" हे अनोखे जनजागृतीपर अभियानही राबविण्यात आले. यामध्ये सुमित एल्कोप्लास्टच्या टिमने अतिशय परिणामकारकरित्या स्वच्छतेसोबतच ओला आणि सुका कचरा वर्गीकरणाचे महत्त्व आपल्या पथनाट्याच्या माध्यमातुन उपस्थितांना पटवून दिली. आमदार सुलभाताई गायकवाड यांनी या पथनाट्याचे कौतुक करत नागरिकांनी देखील कचरा वर्गीकरण करणे आवश्यक असल्याचे मत व्यक्त केले. नागरिकांनी केवळ उदयाच्या स्वातंत्र्य दिनासाठी नव्हे तर यापुढेही नेहमीच आपल्या मनामध्ये देशभक्तीची भावना जागृत ठेवावी असे आवाहन करीत आयुक्त अभिनव गोयल यांनी उपस्थितांना तसेच सर्व नागरिकांना स्वातंत्र्य दिनाच्या शुभेच्छा दिल्या.

14/08/2025

https://youtube.com/shorts/NHUxPBkRnHE?si=A16XoZtsuPKxOnkU

12/08/2025

https://youtube.com/shorts/26NpwNV_bZ8?si=ojB1BmMpTDuoodTP

12/08/2025

खावडा IV C MH प्रकल्पांतर्गत, स्थानिक समुदायाशी भागीदारी मजबूत करण्यासाठी आणि शाश्वत उपजीविकेला चालना देण्यासाठी शेतकऱ्यांमध्ये उत्पन्नक्षम भाजीपाला बियाण्यांचे वितरण सुरू करण्यात आले आहे.

ही बियाणे शास्त्रीय पद्धतीने विकसित केलेली असून, दर्जेदार उत्पादन आणि शेतीतील चांगल्या परिणामांसाठी उपयुक्त आहेत. सध्या सुरू असलेल्या पेरणी हंगामाशी हे वितरण नीट जुळून आले आहे आणि स्थानिक लोकांकडून या उपक्रमाला चांगला प्रतिसाद मिळतो आहे.

आत्तापर्यंत ओळख पटलेल्या २०० लाभार्थींपैकी सुमारे १३० शेतकऱ्यांना बियाणे देण्यात आले असून, वितरण प्रक्रिया सुरूच आहे आणि समाजातून सकारात्मक प्रतिक्रिया मिळत आहेत.

कारले, दोडका आणि काकडी ही बियाणे स्थानिक समुदायाकडून मिळालेल्या अभिप्रायावरून निवडली आहेत.

बियाणे Bayer या नामांकित ब्रँडची असून, ही शास्त्रीयदृष्ट्या विकसित केली गेलेली व उच्च उत्पन्न देणारी आहेत.

रेझोनिया लिमिटेड (पूर्वीचे स्टर्लाईट ग्रिड३२ लिमिटेड - SGL32) ही भारतातील एक आघाडीची वीज प्रसारण क्षेत्रातील कंपनी आहे.

भारताची ऊर्जा पायाभूत सुविधा बळकट करणे आणि नवीकरणीय ऊर्जा प्रणालीला मुख्य ग्रिडमध्ये सामावून घेणे हे रेझोनियाचे प्रमुख उद्दिष्ट आहे.

देशभरात रेझोनियाच्या वीज प्रसारण वाहिन्यांचे आणि प्रकल्पांचे मोठे पोर्टफोलिओ आहे.