18/07/2025
কামপুৰত গ্ৰীষ্মকালীন বিহু কৰ্মশালা ।
বৃহত্তৰ কামপুৰ শিল্পী সমাজৰ উদ্যোগত কামপুৰ উচ্চতৰ মাধ্যমিক বিদ্যালয় চৌহদত দহদিনীয়া কাৰ্যসূচীৰে অনুষ্ঠিত কৰা হৈছে গ্ৰীষ্মকালীন বিহু কৰ্মশালা । আধুনিকতাৰ ধামখুমীয়াত ক্ৰমাৎ যেন হেৰাই যাব ধৰা বিহুৰ স্বকীয়তা আৰু ঐতিহ্যৰ সৈতে নৱপ্ৰজন্মক জড়িত কৰোৱাৰ উদ্দেশ্যেৰে ১৭ জুলাইৰ পৰা অনুষ্ঠিত কৰা হৈছে এই কৰ্মশালাখনি । বৃহত্তৰ কামপুৰ শিল্পী সমাজে অনুষ্ঠিত কৰা এই কৰ্মশালাত বিহু নাচ, বিহু গান, ঢোলবাদন, পেপাবাদন ইত্যাদিৰ প্ৰশিক্ষণ দিয়া হ'ব । ইতিমধ্যে এই কৰ্মশালাত অৰ্ধ-শতাধিক প্ৰশিক্ষাৰ্থীয়ে অংশগ্ৰহণ কৰিছে । উল্লেখ্য যে কামপুৰৰ শিল্পী সমাজে অনুষ্ঠিত কৰা এই কৰ্মশালাত মুখ্য প্ৰশিক্ষক হিচাপে পবিত্ৰপ্ৰাণ বৰুৱা আৰু জ্যোতিষ্ণা গোহাঁই আৰু DY বিহুৰাণী দিপামনি বৰা উপস্থিত থাকিব বুলি উদ্যোক্তাই জানিবলৈ দিছে ।
#অসমীয়ানিউজ
