25/10/2025
জুবিন গাৰ্গে সাত লক্ষাধিক টকা দান দিছিল 'এতিম মাদ্ৰাছা'ৰ নামত ৷
সময় পুৱতি নিশা। নগাঁৱৰ কোনোবা এঠাইত ফাংচন কৰি ঘৰমুৱা হৈছিল জুবিনদা। উভতাৰ পথত জুবিনদাই মন কৰিলে এটা ঘৰৰ পৰা এটা সুমধুৰ মিশ্ৰিত স্বৰ ভাহি আহিছে। নিশা দুই-তিনি বজাত এটা সুমধুৰ স্বৰ কাণত পৰাত জুবিনদা আচৰিত হ'ল। লগে লগে সেই ঘৰটোলৈ গাড়ী ঘূৰাবলৈ ড্ৰাইভাৰক নিৰ্দেশ দিলে।
ঘৰটোত উপস্থিত হৈ দেখিলে কিছু সংখ্যক কণ কণ শিশুই পঢ়ি আছে।
তাতে থকা মানুহ এজনক জুবিনদাই সুধিলে― "এইখন কি হয়?" মানুহজনে উত্তৰ দিলে যে সেইখন এখন 'এতিম মাদ্ৰাছা'।
জুবিনদাই আকৌ সুধিলে― "এই পুৱতি নিশা ল'ৰাকেইজনে কি কৰি আছে?" মানুহজনে ক'লে― "সিহঁতে কোৰান মুখস্থ কৰি আছে। ইহঁতৰ কামেই হৈছে কোৰান মুখস্থ কৰা।"
এইবাৰ জুবিনদাই সুধিলে― "ইহঁতৰ ঘৰ ক'ত? মাক-দেউতাক ক'ত থাকে?" মানুহজনে উত্তৰ দিলে যে, সিহঁত অনাথ শিশু। বেছি সংখ্যক শিশুৰেই মাক-দেউতাক নাই। কিছুমানৰতো ঘৰত কোনোৱেই নাই।"
জুবিনদাই আৰু বিশেষ একো কথা নাপাতিলে। অলপ আগতে ফাংচন কৰি পোৱা সমূদায় ধন তেওঁ মাদ্ৰাছাখনৰ নামত দি গুচি আহিল।
