Prahaar Digital

Prahaar Digital कोकणासह महराष्ट्रातील घडामोडी
जाहिरातीसाठी संपर्क :
सिंधुदुर्ग - 9130582166 रत्नागिरी - 9518588700

26/10/2025

ओंकार हत्ती आला इन्सुली चर्च समोर ; ग्रामस्थांची मोठी गर्दी

अभिनेते सतीश शाह यांचे निधन : बॉलिवूडवर शोककळा​मुंबई: बॉलिवूडचे सुप्रसिद्ध अभिनेते आणि विनोदी कलाकार सतीश शाह यांचे शनिव...
25/10/2025

अभिनेते सतीश शाह यांचे निधन : बॉलिवूडवर शोककळा
​मुंबई: बॉलिवूडचे सुप्रसिद्ध अभिनेते आणि विनोदी कलाकार सतीश शाह यांचे शनिवारी दुपारी अडीच वाजता मुंबईतील हिंदुजा रुग्णालयात दुःखद निधन झाले. ते ७४ वर्षांचे होते. त्यांच्या निधनाने हिंदी चित्रपट आणि दूरचित्रवाणी सृष्टीवर शोककळा पसरली आहे.
​सतीश शाह यांचे व्यवस्थापक हरीश मांजरेकर यांनी दिलेल्या माहितीनुसार, त्यांचे पार्थिव सध्या रुग्णालयात ठेवण्यात आले असून, त्यांच्यावर रविवारी अंत्यसंस्कार केले जातील.
​मागील काही काळापासून शाह मूत्रपिंडाच्या विकाराने त्रस्त होते. त्यांच्यावर नुकतेच मूत्रपिंड प्रत्यारोपण शस्त्रक्रियाही करण्यात आली होती. मात्र, उपचारादरम्यान त्यांची प्राणज्योत मालवली.
​अष्टपैलू अभिनयाची छाप:
​सतीश शाह यांनी चित्रपट आणि दूरचित्रवाणी अशा दोन्ही माध्यमांत आपल्या अष्टपैलू अभिनयाने प्रेक्षकांच्या मनात स्थान निर्माण केले होते. 'साराभाई व्हर्सेस साराभाई' या गाजलेल्या मालिकेत साकारलेली 'इंद्रवदन साराभाई' यांची भूमिका विशेष गाजली. या भूमिकेमुळे ते घराघरात पोहोचले. याशिवाय, 'जाने भी दो यारो' (Jaane Bhi Do Yaaro) या कल्ट क्लासिक चित्रपटातील त्यांच्या भूमिकेचे आजही कौतुक केले जाते.
​त्यांनी 'मैं हूं ना' (2004), 'कल हो ना हो' (2003), 'फना' (2006), आणि 'ओम शांती ओम' (2007) यांसारख्या अनेक लोकप्रिय आणि ब्लॉकबस्टर चित्रपटांमध्ये महत्त्वपूर्ण भूमिका साकारल्या.
​अभिनयासोबतच, २००८ मध्ये त्यांनी अभिनेत्री अर्चना पूरण सिंग यांच्यासोबत 'कॉमेडी सर्कस' या लोकप्रिय रिॲलिटी शोमध्ये परीक्षक म्हणूनही काम केले. चित्रपट सृष्टीतील त्यांच्या महत्त्वपूर्ण योगदानाबद्दल २०१५ साली त्यांना फिल्म अँड टेलिव्हिजन इन्स्टिट्यूट ऑफ इंडिया (FTII) चे फेलो म्हणून सन्मानित करण्यात आले होते. त्यांच्या निधनाने कला क्षेत्राचे मोठे नुकसान झाले आहे.

25/10/2025

उबाठा हा कीड लागलेला पक्ष - नितेश राणेंचा घणाघात

25/10/2025

सिंधुदुर्ग जिल्ह्यात अरबी समुद्रात वादळसदृश वातावरण निर्माण झालं आहे. हवामान विभागाने अतिवृष्टीचा इशारा देत ताशी ४० ते ५० किलोमीटर वेगाने वारे वाहण्याची शक्यता व्यक्त केली आहे. त्यामुळे मच्छिमारांनी समुद्रात मच्छिमारीसाठी जाऊ नये, असा इशारा देण्यात आला आहे.
या इशाऱ्यानंतर शेकडो मच्छिमार नौका आश्रयासाठी देवगड बंदरात दाखल झाल्या आहेत. यामध्ये गुजरात, रत्नागिरी, मालवण आणि वेंगुर्ला या भागातील नौकांचा समावेश आहे. दोन दिवसांपासून वादळसदृश परिस्थिती कायम असून मच्छिमारी व्यवसाय पूर्णपणे ठप्प झाला आहे.

25/10/2025

मागील काही दिवसांपासून मडुरा, कास, सातोसे आणि आसपासच्या गावांमध्ये हाहाकार माजवणारा ओंकार हत्ती आज सकाळी मुंबई-गोवा राष्ट्रीय महामार्गावर उतरला. इन्सुली डोबवाडी येथे हत्तीने थेट महामार्गावर ठिय्या मारल्याने महामार्गावरील वाहतूक काही काळ ठप्प झाली. त्यानंतर हत्तीने इन्सुलीतील भरवस्तीतील कुडवटेम्ब व सावंतटेम्ब परिसरात आश्रय घेतला.

25/10/2025

Abhang repost | विशाल परब भक्ती रसात गेले न्हाऊन


25/10/2025

MUMBAI | विधानभवन शेजारील झाडावर चढत एका व्यक्तीचं आंदोलन

- विधानभवन शेजारील झाडावर चढत एका व्यक्तीचं आंदोलन
- झाडावर चढलेल्या व्यक्तीला खाली उतरवण्यासाठी पोलिसांचे प्रयत्न
- अग्निशमन दलाच्या गाड्याही विधानभवनासमोर दाखल

25/10/2025

शिर्डीत साईदर्शनासाठी भाविकांची गर्दी

25/10/2025

साळीस्ते खून प्रकरण ; मृतदेह डॉक्टर पेशातील व्यक्तीचा असल्याची चर्चा


साळीस्तेतील खून प्रकरण : आज तरुणाची ओळख पटण्याची शक्यताकणकवली : तालुक्यातील साळीस्ते येथे गुरुवारी दुपारी एका अज्ञात तरु...
24/10/2025

साळीस्तेतील खून प्रकरण : आज तरुणाची ओळख पटण्याची शक्यता

कणकवली : तालुक्यातील साळीस्ते येथे गुरुवारी दुपारी एका अज्ञात तरुणाचा मृतदेह खूनी अवस्थेत आढळून आला होता. या प्रकरणाने संपूर्ण परिसरात खळबळ उडाली आहे. पोलिसांनी तातडीने तपास सुरू करून काही महत्वपूर्ण धागेदोरे हाती घेतले आहेत. मिळालेल्या माहितीनुसार, या तरुणाची ओळख आज, शुक्रवारी पटण्याची शक्यता आहे.

या प्रकरणाचा तपास पोलीस अधीक्षक मोहन दहिकर, उपविभागीय पोलीस अधिकारी घनश्याम आढाव यांच्या मार्गदर्शनाखाली कणकवली पोलिसांनी गतीमान केला आहे. प्राथमिक तपासात पोलिसांना मिळालेल्या पुराव्यांवरून हा मृतदेह महाराष्ट्रालगतच्या एका राज्यातील तरुणाचा असल्याचा निष्कर्ष निघाला आहे. पोलिसांनी त्या राज्यातील संबंधित ठिकाणाशी संपर्क साधून मृत तरुणाच्या कुटुंबीयांशी संपर्क साधला असून ते कणकवलीकडे रवाना झाले आहेत.

तरुणाच्या ओळखीबाबत खात्री झाल्यानंतर पोलिसांचा तपास अधिक वेगाने पुढे जाईल. त्यामुळे हा खून कोणी केला आणि त्यामागची कारणे काय, या बाबींचा उलगडा लवकरच होईल, असा विश्वास पोलिसांनी व्यक्त केला आहे.

गुरुवारी सापडलेला मृतदेह अत्यंत विद्रुप अवस्थेत होता. मृताच्या डोक्याचा व छातीचा भाग कुजलेला होता, तसेच शरीरावर धारदार शस्त्राचे वार असल्याचे पोलिसांना आढळून आले. याशिवाय ओळख पटू नये म्हणून मारेकऱ्यांनी चेहरा विद्रुप करण्याचा प्रयत्न केल्याचेही प्राथमिक तपासात स्पष्ट झाले आहे.

या भीषण घटनेमुळे साळीस्ते परिसरात भीतीचे वातावरण पसरले आहे. मात्र पोलिसांनी तपासाची चक्रे वेगाने फिरवली असून खुनाचा उलगडा लवकरच होईल, असा विश्वास व्यक्त केला जात आहे.

24/10/2025

ऐन दिवाळीत अवकाळी पावसामुळे भातशेतीचे नुकसान

Address

Kankavli

Telephone

+919130582166

Website

https://youtube.com/@PrahaarDigital

Alerts

Be the first to know and let us send you an email when Prahaar Digital posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Prahaar Digital:

Shortcuts

Share

Category