Short News Kannur

19/10/2025

18/10/2025

പ്രമുഖ ഗാന്ധിയൻ
പി.കൃഷ്ണൻ നമ്പീശൻ
അന്തരിച്ചു.

ഇരിട്ടി:പ്രമുഖ ഗാന്ധിയനും കേരള സർവ്വോദയ മണ്ഡലം മുൻ കണ്ണൂർ ജില്ലാ പ്രസിഡന്റുമായ മുഴക്കുന്ന് പന്തീരടി പി. കൃഷ്ണൻ നമ്പീശൻ (92) അന്തരിച്ചു.കൂത്തുപറമ്പ് തൊക്കിലങ്ങാടി ഹൈസ്കൂൾ റിട്ട. അധ്യാപകനായിരുന്നു. മാറാട് കലാപവേളയിൽ മൂന്നു മാസത്തോളം കലാപ പ്രദേശത്ത് താമസിച്ച് സമാധാന പ്രവർത്തനത്തിന് നേതൃത്വം നൽകിയിരുന്നു. മദ്യ വിരുദ്ധ പ്രവർത്തകനായ ഇദ്ദേഹം കണ്ണൂർ ജില്ലയിലെ സംഘർഷ ബാധിത പ്രദേശങ്ങളിൽ സമാധാന പ്രവർത്തനങ്ങളിൽ പങ്ക് വഹിച്ചിട്ടുണ്ട്. തിരുനാവായ സർവ്വോദയ മേളയുടെ സംഘാടക പ്രധാനികളിൽ ഒരാളായിരുന്നു.
ഭാര്യ: ആടഞ്ചേരി ഭാർഗ്ഗവി അമ്മ.മക്കൾ :കവിത (അമേരിക്ക), കലേഷ്(കെ.എസ്.ആർ.ടി.സി.കണ്ണൂർ) മരുമക്കൾ:പി.എം. സതീശൻ,ആര്യാദേവി. സംസ്കാരം (20.10.2025) തിങ്കളാഴ്ച 11 മണിക്ക് വീട്ടു വളപ്പിൽ നടക്കും.

18/10/2025

കള്ളൻ കൗൺസിലർ പിടിയിൽ; പ്രതിയെ കണ്ട് ഞെട്ടി നാട്. കൂത്തുപറമ്പിൽ വയോധികയുടെ സ്വർണ്ണ മാല പൊട്ടിച്ചോടിയ നാലാം വാർഡ് കൗൺസിലറെ പിടികൂടി. കൗൺസിലർ പി പി രാജേഷിന്പുറത്താക്കാൻ തീരുമാനിച്ച് സി പി എം.

18/10/2025

കണ്ണൂർ കോർപ്പറേഷൻ ഗാന്ധി സർക്കിൾ മുതൽ താണ ജംഗ്ഷൻ വരെയുള്ള ഹൈവേ യിൽ തെരുവ് വിളക്കുകൾ സ്ഥാപിക്കുന്ന പദ്ധതിയുടെ രണ്ടാം ഘട്ടമായ ചേമ്പർ ഹാൾ മുതൽ താണ വരെയുള്ള ലൈറ്റുകളുടെ സ്വിച്ച് ഓൺ കർമ്മം മേയർ മുസ്ലിഹ് മഠത്തിൽ നിർവഹിച്ചു...

11/10/2025

കണ്ണൂർ നഗരത്തിൽ ശീതീകരിച്ച ഹൈടെക് ബസ് കാത്തിരിപ്പ് കേന്ദ്രം തുറന്നു. കാൽടെക്‌സ് കെ എസ് ആർ ടി സിക്ക് സമീപമാണ് എസി സൗകര്യങ്ങൾ അടക്കമുള്ള ബസ് കാത്തിരിപ്പ് കേന്ദ്രം.

45 ലക്ഷം ചെലവിൽ കൂൾവെൽ ടെക്‌നിക്കൽ സർവീസസ് ആൻഡ് ഫെസിലിറ്റി മാനേജ്മെൻ്റ് സ്‌പോർസർ ചെയ്താണ് പണി പൂർത്തിയാക്കിയത്. ഉദ്ഘാടനം മേയർ മുസ്‌ലിഹ് മഠത്തിൽ നിർവഹിച്ചു.

മൊബൈൽ ചാർജിങ്, ക്യാമറ, വൈഫൈ, റേഡിയോ, മ്യൂസിക് സിസ്റ്റം, ടിവി തുടങ്ങിയ സൗകര്യങ്ങളാണ് കാത്തിരിപ്പ് കേന്ദ്രത്തിന് അകത്ത് ഒരുക്കിയിട്ടുള്ളത്. 11 പേർക്കുള്ള ഇരിപ്പിടവും 12 പേർക്ക് നിൽക്കാനുള്ള സൗകര്യവുമുണ്ട്.

രാവിലെ ഒൻപത് മുതൽ രാത്രി ഒൻപത് മണി വരെ എസി പ്രവർത്തിക്കും.

18/09/2025

ച്യൂയിന്ഗം തൊണ്ടയിൽ കുടുങ്ങി മരണത്തിന്റെ വക്കിൽ നിന്നും 8 വയസുകാരിയെ രക്ഷിച്ച 3 യുവാക്കൾ ഇതാണ് 👏👏🔥

സോഷ്യൽ മീഡിയയിൽ ഇന്നലെ മുതൽ വൈറലായ 3 യുവാക്കളുണ്ട് , ചൂയിന്ഗം തൊണ്ടയിൽ കുടുങ്ങിയ പെൺകുട്ടിയെ രക്ഷിച്ച 3 ദൈവദൂതന്മാർ ,നിയാസ് , ഇസ്മായിൽ , ജഫർ , ദൈവദൂതന്മാർ അങ്ങനെ തന്നെ പറയേണ്ടി വരും . ഇന്നലെയാണ് വീഡിയോ സമൂഹമാധ്യമങ്ങളിൽ പ്രചരിച്ചത് . സംഭവത്തെക്കുറിച്ച് യുവാക്കൾ പറയുന്നതിങ്ങനെ ; ഇന്നലെ ഞങ്ങളെല്ലാരും ഒന്നിച്ചു നിൽക്കുമ്പോൾ പെൺകുട്ടി ഞങ്ങളെ തൊണ്ടിയിട്ട് അസ്വസ്ഥത കാണിച്ചു , ശ്വാസം കിട്ടാതെ വന്ന് കണ്ണൊക്കെ തള്ളി വന്നിരുന്നു , എന്തോ കുടുങ്ങി എന്ന് അപ്പോഴേ മനസിലായി , അപ്പൊ തന്നെ കുട്ടിയെ എടുത്ത് പുറത്തു തട്ടികൊടുത്തു , കുറച്ചു നേരം തട്ടിയപ്പോൾ ചൂയിന്ഗം തെറിച്ചു പോകുന്നത് കണ്ടപ്പോഴാണ് കുടുങ്ങിയത് ഇതായിരുന്നു എന്ന് മനസിലായത് . ഇതൊന്നും വൈറലാവാൻ ചെയ്തതല്ല , കുഞ്ഞിന്റെ ജീവൻ രക്ഷിക്കണം എന്ന് മാത്രേ ഉണ്ടായിരുന്നുള്ളു എന്നാണ് ആ മൂന്ന് ചെറുപ്പക്കാർ പറയുന്നത് . എന്തായാലും ചെറുപ്പക്കാര്ക്ക് സോഷ്യൽ മീഡിയയിൽ നിറഞ്ഞ പിന്തുണയും സ്നേഹവുമാണ് ലഭിക്കുന്നത്

17/09/2025

തൊഴിലുറപ്പ് തൊഴിലാളി പാമ്പ് കടിയേറ്റ് മരിച്ചു

മയ്യിൽ :പാമ്പ് കടിയേറ്റ് ചികിത്സയിൽ ആയിരുന്ന തൊഴിലുറപ്പ് തൊഴിലാളി മരിച്ചു. കൊയ്യം സ്വദേശി എ മാധവി (69) ആണ് മരിച്ചത്.

മൂന്നുദിവസം മുൻപ് വീടിന് സമീപത്തെ പറമ്പിൽ വച്ചാണ് പാമ്പ് കടിയേറ്റത്. കണ്ണൂർ എകെജി ആശുപത്രിയിൽ ചികിത്സയിലായിരുന്നു.

ഭർത്താവ്: പരേതനായ കൃഷ്ണൻ. മക്കൾ: സുനിത (മലയാള മനോരമ ഏജന്റ്, കൊയ്യം), റീന, ലീല, റീജ. മരുമക്കൾ: ചന്ദ്രൻ വെളിച്ചപ്പാടൻ, സുരേന്ദ്രൻ (വടുവൻകുളം), വിനു (പെരുവങ്ങൂർ), രാജേഷ് (പഴശി). സഹോദരങ്ങൾ: നാരായണൻ, ചെമ്മരത്തി.

15/09/2025

തെങ്ങ് മുറിച്ചു നീക്കുന്നതിനിടെ ദേഹത്ത് പതിച്ച് മധ്യവയസ്കന് ദാരുണാന്ത്യം

ചെറുപുഴ: തെങ്ങ് മുറിച്ചു നീക്കുന്നതിനിടെ ദേഹത്ത് പതിച്ച് മധ്യവയസ്കന് ദാരുണാന്ത്യം.
ചെറുപുഴ കോക്കടവിലെ മൈലാടൂർ സണ്ണി (52) ആണ് മരിച്ചത്. സ്വകാര്യ വ്യക്തിയുടെ പറമ്പിൽ നിന്ന് തെങ്ങ് മുറിക്കുന്നതിനിടെ രാവിലെയാണ് അപകടം. സണ്ണിയെ ഉടൻ പരിയാരം കണ്ണൂർ ഗവ.മെഡിക്കൽ കോളേജിൽ എത്തിച്ചെങ്കിലും രക്ഷിക്കാനായില്ല.

14/09/2025

കാട്ടാമ്പള്ളിയിൽ സ്കൂട്ടറുകൾ തമ്മിൽ കൂട്ടിയിടിച്ച് പള്ളിയിലേക്ക് നിസ്കരിക്കാൻ പോയ വ്യാപാരി മരിച്ചു

14-09-2025

പുതിയതെരു: കാട്ടാമ്പള്ളിയിൽ സ്കൂട്ടറുകൾ തമ്മിൽ കൂട്ടിയിടിച്ച് വ്യാപാരി മരിച്ചു. കാട്ടാമ്പള്ളി ജംഗ്ഷനിലെ സ്റ്റേഷനറി വ്യാപാരിയായ
കാട്ടാമ്പള്ളി സ്വദേശിയും ഇപ്പോൾ കണ്ണാടിപ്പറമ്പ് പള്ളേരി മുംതാസ് മൻസിലിൽ താമസക്കാരനുമായ കെ.പി അബൂബക്കർ (75) ആണ് മരിച്ചത്. ഇന്ന് പുലർച്ചെ 5.10 ന് കാട്ടാമ്പള്ളി പള്ളിക്ക് മുന്നിലായിരുന്നു അപകടം.

സുബഹ് നിസ്കാരത്തിന് പള്ളിയിലേക്ക് പോയ അബൂബക്കർ സഞ്ചരിച്ച സ്കൂട്ടറിൽ മറ്റൊരു സ്കൂട്ടർ ഇടിച്ചാണ് അപകടം. റോഡിൽ തെറിച്ച് വീണ അബൂബക്കറിനെ കണ്ണൂരിലെ ആശുപത്രിയിൽ എത്തിച്ചെങ്കിലും രക്ഷിക്കാനായില്ല.

https://chat.whatsapp.com/L1awUZgMlNm4J1kc7Dastl?mode=ac_t

13/09/2025

മതുക്കോത്ത് റോഡ് മുറിച്ച് കടക്കവെ ബസിടിച്ച് പരിക്കേറ്റ കോൺഗ്രസ് പ്രവർത്തകൻ മരിച്ചു

13-09-2025

മതുക്കോത്ത് റോഡ് മുറിച്ച് കടക്കവെ
ബസിടിച്ച് പരിക്കേറ്റ കോൺഗ്രസ് പ്രവർത്തകൻ മരിച്ചു

മതുക്കോത്ത്: ബസിടിച്ച് പരിക്കേറ്റ കോൺഗ്രസ് പ്രവർത്തകൻ മരിച്ചു.
സജീവ കോൺഗ്രസ് പ്രവർത്തകനും മതുക്കോത്ത് എംസിആർ സ്മാരക മന്ദിര കമ്മിറ്റിയുടെ സ്ഥാപക രക്ഷാധികാരിയുമായിരുന്ന മതുക്കോത്ത് പുഷ്പാലയത്തിൽ ചങ്ങാട്ട് സൽഗുണൻ (60) ആണ് മരിച്ചത്.

ഇന്നലെ വൈകുന്നേരം മതുക്കോത്ത് തൃപ്തി ഹോട്ടലിന് മുന്നിൽ റോഡ് മുറിച്ച് കടക്കവെ ഇരിക്കൂർ - കണ്ണൂർ റൂട്ടിലോടുന്ന ശ്രേയസ് ബസ് ഇടിക്കുകയായിരുന്നു. ഗുരുതരമായി പരിക്കേറ്റ് ചാല മിംസ് ആശുപത്രിയിൽ ചികിത്സയിലിരിക്കെ ഇന്ന് രാവിലെ 9.30 ഓടെയാണ് മരണപ്പെട്ടത്.

പോസ്റ്റ്മോർട്ടത്തിന് ശേഷം മൃതദേഹം ജില്ലാ ആശുപത്രിയിൽ സൂക്ഷിച്ചിരിക്കുകയാണ്. നാളെ
രാവിലെ 10 മണിക്ക് വീട്ടിൽ പൊതുദർശനത്തിന് വെച്ച ശേഷം ഉച്ചക്ക് 2 മണിക്ക് പയ്യാമ്പലത്ത് സംസ്കാരം നടക്കും.

🔴🔵🟢🟠🔵🔴🟠
*നിങ്ങളുടെ നാടുകളിലെയും പരിസര പ്രദേശങ്ങളിലെയും വാർത്തകളും വിദ്യാഭ്യാസ,ജോലി ഒഴിവുകളും തത്സമയം അറിയാൻ ഷോർട്ട് ന്യൂസ് വാട്സ്ആപ്പ് ഗ്രൂപ്പിൽ ജോയിൻ ചെയ്യുക*

https://chat.whatsapp.com/L1awUZgMlNm4J1kc7Dastl?mode=ac_t

57 വാട്സ്ആപ്പ് ഗ്രൂപ്പുകളിലായി
*25,000 മെമ്പേഴ്‌സ്...*

*ചുരുങ്ങിയ ചിലവിൽ പരസ്യങ്ങൾ നൽകാൻ ബന്ധപ്പെടുക..*

12/09/2025

12/09/2025

പറശ്ശിനിക്കടവ്-മാട്ടൂല്‍ റൂട്ടില്‍ ആധുനിക സജ്ജീകരണത്തോടെ ബോട്ട് സര്‍വീസ്

12/09/2025

കണ്ണൂർ : പറശ്ശിനിക്കടവ്-അഴീക്കല്‍- മാട്ടൂല്‍ റൂട്ടില്‍ സര്‍വീസ് നടത്താന്‍ ഒരുങ്ങി രണ്ട് ബോട്ടുകള്‍ അഴീക്കല്‍ തുറമുഖത്ത് എത്തിച്ചേർന്നു.

സംസ്ഥാന ജലഗതാഗത വകുപ്പ് നിര്‍മിച്ച് ആലപ്പുഴയില്‍ നിന്നും അഞ്ച് ദിവസം യാത്ര ചെയ്ത് അഴീക്കല്‍ തുറമുഖത്ത് എത്തിയ ബോട്ടുകള്‍ കെ വി സുമേഷ് എംഎല്‍എ സന്ദര്‍ശിച്ച് സംവിധാനങ്ങള്‍ വിലയിരുത്തി.

അടുത്ത ദിവസം തന്നെ ബോട്ടുകള്‍ പറശ്ശിനിക്കടവ് ബോട്ട് ടെര്‍മിനലില്‍ എത്തും. ഗതാഗത മന്ത്രി ഗണേഷ് കുമാര്‍, എം വി ഗോവിന്ദന്‍ മാസ്റ്റര്‍ എംഎല്‍എ എന്നിവര്‍ ചേര്‍ന്ന് സര്‍വീസ് ഉദ്ഘാടനം ചെയ്യുമെന്നും എംഎല്‍എ പറഞ്ഞു.

അഴീക്കോട് പഞ്ചായത്ത് പ്രസിഡന്റ് കെ അജീഷ്, വാര്‍ഡ് അംഗം ഷബീന, സ്റ്റേഷന്‍ മാസ്റ്റര്‍ കെ വി സുരേഷ്, ഓഫീസ് സ്റ്റാഫുകളായ വി പി മധുസൂദനന്‍, പി സനില്‍, പറശ്ശിനി കണ്ട്രോള്‍ ഓഫീസര്‍ കെ കെ കൃഷ്ണന്‍, മെക്കാനിക്ക് എന്‍ പി അനില്‍ കുമാര്‍, ദിജേഷ്, ബോട്ട് ജീവനക്കാരായ ദിലീപ് കുമാര്‍, എം സന്ദീപ്, ബി ടി ടോണ്‍, എന്‍ കെ സരീഷ്, സി അഭിലാഷ്, കെ സുമേഷ്, പി കെ സജിത്ത്, കെ പുരുഷോത്തമന്‍, പി സജീവൻ എന്നിവരും എംഎല്‍എയുടെ ഒപ്പമുണ്ടായിരുന്നു.