11/06/2026
"അതെ.. പശുവായിരുന്നു ശരിയായ ജീവിത മാർഗം " 😄
ഇത് സമദ്, പാലക്കാട് കണ്ണാടിയിൽ ഉള്ള ക്ഷീര ഡയറി ഫാമിന്റെ ഉടമസ്ഥരിൽ രണ്ടിൽ ഒരാൾ.
ഇപ്പോൾ 33 വയസ്സുണ്ട്, ആദ്യം കുറെ നാൾ മറ്റു പല ജോലികളും ചെയ്തു, എന്നാൽ അതൊന്നും മനസ്സിന് ഇണങ്ങിയില്ല, പിന്നീട് പോത്ത് വളർത്തി എന്നാൽ അതിനു ദിവസ വരുമാനം ഇല്ലാത്തതു കൊണ്ട് അതും അങ്ങോട്ട് ശരിയായില്ല. പക്ഷെ 4 വർഷം മുൻപ് പശു വളർത്തൽ തുടങ്ങി, ദിവസ വരുമാനം കിട്ടി തുടങ്ങി, എന്നാലും അധ്വാനത്തിനൊത്തുള്ള വരുമാനം കിട്ടിയില്ല, അതിനു കാരണം ആദ്യം വളർത്തിയിരുന്നത് സാധാരണ ക്രോസ്സ് പശുക്കളെയാണ്.
എന്നാൽ പശുക്കളെ മാറ്റി, ഹൈ ബ്രീഡ് പശുക്കളെ ചിന്താമണിയിൽ നിന്നും കൊണ്ട് വന്ന്. അതോടെ ഫാമിന്റെ മുഖം മാറി, തുടക്കം 5 പശുക്കളായിരുന്നു, എന്നാൽ വെറും 3 മാസം കൊണ്ട് 10 പശുവായി, പിന്നീട് അത് 20 ഉം 30 ഉം പിന്നെ 40 ഉം വരെയായി.
3 വർഷം മുൻപ് ക്ഷീര ഡയറിയുടെ ഒരു വീഡിയോ നമ്മുടെ ചാനലിൽ ഇട്ടപ്പോൾ ഇതുപോലുള്ള പശുകൾക്ക് ആവശ്യക്കാരായി, ആവശ്യക്കാരുടെ എണ്ണം കൂടിയപ്പോൾ കൂടുതൽ പശുക്കളെ ചിന്താമണിയിൽ നിന്നും എടുക്കാൻ നിബന്ധിതരായി.
എന്തായാലും ഇപ്പോൾ ദിവസം 600 ലിറ്റർ പാൽ ഇവിടെ വിൽക്കുന്നുണ്ട് അതും സംഘത്തിൽ ആണ് കൊടുക്കുന്നതെങ്കിലും ലാഭാകരമായിട്ടാണ് മുന്നോട്ടു പോകുന്നത്.
ഫാമിന്റെ വളർച്ചയെ കുറിച്ച് സമദ് പറയുമ്പോൾ തന്നെ കണ്ണ് കലങ്ങുന്നത് കാണാം, കാരണം ജീവിതത്തിൽ അനുഭവിച്ച പ്രതിസന്ധികളിൽ നിന്നും ഇന്ന് വരെ എത്തിച്ചത് പശുവാണ്. പിന്നെ സമദ് പറഞ്ഞ ഒരു കാര്യം പ്രത്യേകം ശ്രദ്ധിക്കേണ്ടതുണ്ട് " കുറച്ചു നാളുകളായിട്ടേ ഇവിടെ പണിക്ക് ആളുകൾ ഉണ്ടായിട്ടു, അതിനു മുൻപ് ഞാനും ഹർഷദുമാണ് ഇവിടുത്തെ മുഴുവൻ ജോലി ചെയ്തിരുന്നത് "
ഇന്നും ഫാമിലെ ജോലികൾ ഒരു മടിയും കൂടാതെ സമദ് & ഹർഷാദ് ചെയ്യുന്നു, അത് തന്നെയാണ് ഇവരുടെ വിജയത്തിന്റെ രഹസ്യവും. പശുവിനെ വാങ്ങാൻ 500 കിലോമീറ്റർ ദൂരെയുള്ള ചിന്താമണിയിൽ പോയി തിരിച്ചു വന്ന് ഫാമിലെ ബാക്കിയുള്ള ജോലികളും ചെയ്യുമ്പോഴും ഒരു അവശതയും മുഖത്തൊ ശരീരത്തോ കാണിക്കാതെ ഈ ചെറുപ്പക്കാരൻ ജോലി ചെയ്യുന്നു.
ജോലി ചെയ്യാൻ മാത്രമല്ല സമദിന് സമയം ദിവസവും ക്രിക്കറ്റ് കളിക്കാനും ടൈം ഉണ്ട് ( സമദും ഹർഷദും ഒരേ പോലെ ക്രിക്കറ്റ് ഭ്രാന്ത് ഉള്ളവരാണ് 😄)
എന്തായാലും സമദിന്റെ ജീവിതത്തിൽ പശു ഒരു അനുഗ്രഹം തന്നെയാണ്. അപ്പോൾ ഇത് വായിക്കുന്ന ചെറുപ്പക്കാരോടും എനിക്ക് പറയാനുള്ളത് പശു നല്ലൊരു ബിസിനസ് ഐഡിയ തന്നെയാണ്, എന്നാൽ ഇതിന് ആദ്യം വേണ്ടത് പശുവിനോടുള്ള താല്പര്യം തന്നെയാണ്. നല്ലൊരു വരുമാനം മാസം ഉണ്ടാക്കാൻ നിങ്ങൾ ആഗ്രഹിക്കുന്നു എങ്കിൽ ധൈര്യമായി ഈ മേഖലയിലേക്ക് നിങ്ങൾക്കും ഇറങ്ങാം...
" പശു വളർത്തിയാൽ ഒരിക്കലും പട്ടിണി കിടക്കില്ല " സമദ് (8281424360)
NB :- പശുവിനെ കുറിച്ച് പഠിക്കാതെയും പാൽ വിപണി കണ്ടെത്താതെയും ആരും ഒരിക്കലും ഈ മേഖലയിൽ ഇറങ്ങരുത്, സ്വന്തം ജോലി ചെയ്താൽ മാത്രം വരുമാനം കിട്ടുന്ന മേഖലയാണ് പശു മേഖല.
Edapparambil farms❤️
