01/02/2026
കണ്ണാരം പൊത്തി : കാഞ്ഞിലേരി വെസ്റ്റ് എൽ പി സ്കൂൾ പൂർവ്വ വിദ്യാർത്ഥി സംഗമം നടന്നു.
കാഞ്ഞിലേരി : കാഞ്ഞിലേരി വെസ്റ്റ് എൽ പി സ്കൂൾ ശതാബ്ദി ആഘോഷത്തിന്റെ ഭാഗമായി കണ്ണാരം പൊത്തി എന്ന പേരിൽ വിദ്യാർത്ഥി സംഗമം സംഘടിപ്പിച്ചു.
മാലൂർ ഗ്രാമപഞ്ചായത്ത് പ്രസിഡണ്ട് കെ സുരേഷ് ബാബു 85 വയസിൽ പ്രായമുള്ള പൂർവ വിദ്യാർത്ഥികളെ ആദരിക്കുകയും പരിപാടിയുടെ ഉദ്ഘാടനവും നിർവ്വഹിച്ചു. വിരമിച്ച അധ്യാപകർക്കുള്ള ആദരവ് ദേശീയ അധ്യാപക അവാർഡ് ജേതാവ് ശിവകൃഷ്ണൻ മാസ്റ്റർ നിർവ്വഹിച്ചു. വാർഡ് മെമ്പർ എ ജയരാജൻ അധ്യക്ഷത വഹിച്ചു.
ബ്ലോക്ക് പഞ്ചായത്ത് മെമ്പർ ഷീബ, എസ് എസ് ജി കൺവീനർ സി വി ദാമോദരൻ നായർ, കെ ടി ഗംഗാധരൻ, സുരേഷ്, മാനേജർ പ്രതിനിധി രാമചന്ദ്രൻ മാണിക്കോത്ത്, പിടിഎ പ്രസിഡണ്ട് ദിനേശ് കുമാർ, എം പി ടി എ പ്രസിഡണ്ട് ആതിര, എം നിസാർ, രാജേഷ് കെ പി, ഉനൈസ് മാസ്റ്റർ തുടങ്ങിയവർ സംസാരിച്ചു.
