Azhikode News

20/09/2025

അഴീക്കോട് നിയോജക മണ്ഡലം സമഗ്ര വിദ്യാഭ്യാസ പദ്ധതി 'മഴവില്ല് ' എൽ എസ് എസ് , യു എസ് എസ് വിജയം കരസ്ഥമാക്കിയ വിദ്യാർത്ഥികൾക്കുള്ള അനുമോദനോദ്ഘാടനം കെ.വി സുമേഷ് എം.എൽ.എ നിർവ്വഹിക്കുന്നു.

20/09/2025

പാപ്പിനിശ്ശേരി മേൽപ്പാലം : കെ വി സുമേഷിൻ്റെ സാന്നിധ്യത്തിൽ ഉദ്യോഗസ്ഥ സംഘം പരിശോധന നടത്തി.............................................

പാപ്പിനിശ്ശേരി : പിലാത്തറ - പാപ്പിനിശ്ശേരി കെ എസ് ടി പി റോഡിലെ
പാപ്പിനിശ്ശേരി മേൽപ്പാലം കെ വി സുമേഷ് MLA യുടെ സാന്നിധ്യത്തിൽ ഉദ്യോഗസ്ഥസംഘം പരിശോധന നടത്തി .
ഇന്ന് രാവിലെയാണ് സംഘം എത്തിയത് .

മേൽപ്പാലത്തിൽ ഉണ്ടാകുന്ന തകർച്ച കെ വി സുമേഷ് എം എൽ എ പൊതുമരാമത്ത് മന്ത്രി പി എ മുഹമ്മദ് റിയാസിൻ്റെ ശ്രദ്ധയിൽ പെടുത്തിയതിനെ തുടർന്നാണ് ഉദ്യോഗസ്ഥ സംഘം മേൽപ്പാലം സന്ദർശിച്ചത് .
ഉടൻ റിപ്പോർട്ട് നൽകുമെന്ന് സംഘം പറഞ്ഞു.

കെ എസ് ടി പി പ്രോജക്ട് ഡയറക്ടർ എം അഞ്ജന , പി ഡബ്ല്യു ഡി , കെ എസ് ടി പി ഉദ്യോഗസ്ഥർ എന്നിവരാണ് മേൽപ്പാലം സന്ദർശിച്ചത് .

പാപ്പിനിശ്ശേരി ഗ്രാമ പഞ്ചായത്ത് അധ്യക്ഷ എ വി സുശീല , CPIM പാപ്പിനിശ്ശേരി ഏരിയാ കമ്മിറ്റിയംഗം എ സുനിൽ കുമാർ , ലോക്കൽ സെക്രട്ടറി പി വി മോഹനൻ തുടങ്ങിയവരും സ്ഥലത്ത് ഉണ്ടായിരുന്നു .

18/09/2025

പാപ്പിനിശ്ശേരി പിലാത്തറ KSPT റോഡിൽ പാപ്പിനിശ്ശേരി റെയിൽവേ മേൽപ്പാലത്തിൽ നിരന്തരമായി ടാറിംഗ് തകർന്നുവീഴുന്ന സ്ഥിതിയാണുള്ളത്. എം.എൽ.എ ആയതിനു ശേഷം ഈ വിഷയം ശ്രദ്ധയിൽപ്പെട്ടപ്പോൾ PWD ഉദ്യോഗസ്ഥരുമായി ബന്ധപ്പെട്ട് ഒട്ടേറെ പ്രാവശ്യം കുഴികളടച്ച് ഗതാഗത യോഗ്യമാക്കാനുള്ള നടപടി സ്വീകരിച്ചിട്ടുണ്ട്. വീണ്ടും ഇതേ ഭാഗത്ത് ടാറിംഗ് തകരുകയും, സമാനമായ അവസ്ഥ താവം റെയിൽവേ മേൽപ്പാലത്തിലും ഉണ്ടെന്നറിഞ്ഞപ്പോൾ അവിടുത്തെ എം.എൽ.എ ശ്രീ. എം.വിജിനുമായി ചേർന്ന് പൊതുമരാമത്ത് മന്ത്രിയെ കാണുകയും കത്ത് നൽകുകയും ചെയ്തിരുന്നു. മന്ത്രി ഇന്ന് ഇതുമായി ബന്ധപ്പെട്ട് ഉന്നത ഉദ്യോഗസ്ഥരെ പങ്കെടുപ്പിച്ച് അടിയന്തരയോഗം നിയമസഭയിൽ വിളിക്കുകയുണ്ടായി.

മേൽപാലത്തിൽ ഇടയ്ക്കിടെ കുഴികൾ രൂപപെടുന്നതിനെ കുറിച്ച് വിശദമായ പരിശോധനയും പറനവും ഉണ്ടാവണമെന്നും ശാശ്വത പരിഹാരം കാണണമെന്നും യോഗത്തിൽ അഭിപ്രായപ്പെടുകയും ചെയ്തു. പാലക്കാട് ഐ.ഐ.ടി വിഭാഗം വിദഗ്ധ പരിശോധന നടത്തി റിപ്പോർട്ട് സമർപ്പിക്കുവാനും സെപ്റ്റംബർ 20ന് എഞ്ചിനീയറിഗ് വിഭാഗവും, ടെക്നിക്കൽ ഉദ്യോഗസ്ഥന്മാരും പങ്കെടുത്തുകൊണ്ട് മേൽപ്പാലം ജോയിൻ ഇൻസ്പെക്ഷൻ നടത്തുവാനും, ജനങ്ങളുടെ ആശങ്കയകറ്റി മേൽപ്പാലം കുഴികളടച്ച് ഗതാഗത യോഗ്യമാക്കുവാനുള്ള നടപടി സ്വീകരിക്കാനും, പാലക്കാട് ഐ.ഐ.ടി യുടെ പരിശോധനക്ക് ശേഷം തുടർ നടപടി സ്വീകരിക്കുവാനും യോഗത്തിൽ തീരുമാനിച്ചു.
പാപ്പിനിശ്ശേരി - പിലാത്തറ KSTP റോഡ് 2013 ൽ ഭരണാനുമതി ലഭിച്ച് 2018 ൽ പൂർത്തിയായതാണ്. RDX ആണ് ഈ പ്രവൃത്തി ചെയ്തിട്ടുള്ളത്.
യോഗത്തിൽ എം.വിജിൻ എംഎൽഎ, പൊതുമരാമത്ത് സെക്രട്ടറി ബിജു ഐ.എ.എസ്, പി.ഡി - അഞ്ജന, സി.ഇ - സുജ റാണി, ജെ ഡി (കെ.എച്ച്.ആർ.ഐ ) - ഷെമി, ഡി.ഡി -സോണി, ഡി.സി.ഇ (വിജലൻസ് )- ഹരീഷ് തുടങ്ങിയവർ പങ്ക്വടുത്തു.

വളരെ പെട്ടെന്ന് തന്നെ മുഴുവൻ ഉന്നത ഉദ്യോഗസ്ഥന്മാരെയും വിളിച്ചു ചേർത്ത് യോഗം നടത്തുകയും തീരുമാനമെടുക്കുകയും ചെയ്ത പൊതുമരാമത്ത് വകുപ്പ് മന്ത്രി ശ്രീ പി.എ മുഹമ്മദ്‌ റിയാസിനെ അഭിനന്ദിക്കുന്നു.

Kv Sumesh MLA

18/09/2025

18/09/2025

അഴീക്കോട് ചാൽ അഞ്ചോത്തി റോഡിന് സമീപം കോട്ടൂർ സജീവൻ (61) അന്തരിച്ചു
ഭാര്യ ലത
മക്കൾ : വിപിൻ , വർഷ
മരുമകൻ : ഷൈജു തേനായി
സഹോദരങ്ങൾ : കാഞ്ചന ,പരേതരായ സത്യശീലൻ, ശോഭന
സംസ്കാരം : 4 മണിക്ക് കൊയക്കീൽ ശ്മശാനം
18 09 2025

16/09/2025

നീർക്കടവ് ഫിഷ് ലാൻ്റിംഗ് സെൻ്റർ യാഥാർത്ഥ്യമാക്കാനുള്ള നടപടികൾ വേഗത്തിലാക്കുന്നത് സംബന്ധിച്ച് ഇന്ന് നിയമസഭയിൽ എം.എൽ.എ കെ.വി സുമേഷ് സബ്മിഷൻ ഉന്നയിച്ചു.

ഫിഷ് ലാൻ്റിംഗ് സെൻ്റർ യാഥാർത്ഥ്യമാക്കാനുള്ള നടപടി വേഗതയിൽ സ്വീകരിക്കുമെന്ന് ബഹു. ഫിഷറീസ് വകുപ്പ് മന്ത്രി മറുപടിയുടെ ഭാഗമായി എം.എൽ.എക്ക് ഉറപ്പു നൽകി.

13/09/2025

എം.വി.സുധാകരൻ മാസ്റ്റർ

അഴീക്കോട് : അഴീക്കോട് വെസ്റ്റ് യു പി സ്കൂൾ റിട്ട. ഹെഡ്മാസ്റ്റർ ചാൽ കളത്തിൽ കാവിനു സമീപത്തെ ഗുരുചന്ദ്രികയിൽ എം.വി.സുധാകരൻ (83) നിര്യാതനായി.
ഭാര്യ: ടി.വി. ചന്ദ്രമതി.

മക്കൾ: ടി.വി. ജ്യോതീന്ദ്രൻ (മാനേജർ, ദയ മെഡിക്കൽസ് കണ്ണൂർ), ടി.വി. സിന്ധു (ഡെപ്യൂട്ടി ഡയറക്ടർ, ഹൈഡ്രോളജി സെക്ഷൻ, കൂത്തുപറമ്പ്), ടി.വി. സിജു (കോ ഓർഡിനേറ്റർ, ദയ അക്കാദമി അഴീക്കോട്), ടി.വി. സീമ (മൂന്നുനിരത്ത്).
മരുമക്കൾ: പ്രിൽന (ദയ മെഡിക്കൽസ് കണ്ണൂർ ), ടി. രാജീവൻ (റിട്ട. ലക്ചറർ, മട്ടന്നൂർ പോളിടെക്നിക്ക്), വി.ജിഷ (പാപ്പിനിശ്ശേരി), പി.എം അരുൺ (ദുബായ്).

സഹോദരങ്ങൾ: സുകന്യ, സുജാത, സുലേഖ, പരേതനായ സുരേശൻ.

സംസ്കാരം ഇന്ന് വൈകുന്നേരം 3.30ന്
കൊയക്കീൽ സമുദായ ശ്മശാനത്തിൽ.

12/09/2025

അഴീക്കൽ- പറശ്ശിനിക്കടവ്-മാട്ടൂല്‍ റൂട്ടില്‍ ആധുനിക സജ്ജീകരണത്തോടെ ബോട്ട് സര്‍വീസ് ഒരുങ്ങുന്നു*

കെ.വി സുമേഷ് എം.എല്‍.എ സന്ദര്‍ശനം നടത്തി

പറശ്ശിനിക്കടവ് -അഴീക്കല്‍ - മാട്ടൂല്‍ റൂട്ടില്‍ സര്‍വീസ് നടത്താന്‍ ഒരുങ്ങുന്ന രണ്ടു ബോട്ടുകള്‍ അഴീക്കല്‍ തുറമുഖത്ത് എത്തി. സംസ്ഥാന ജലഗതാഗത വകുപ്പ് നിര്‍മ്മിച്ച് ആലപ്പുഴയില്‍ നിന്നും അഞ്ച് ദിവസം യാത്ര ചെയ്ത് അഴീക്കല്‍ തുറമുഖത്ത് എത്തിയ ബോട്ടുകള്‍ കെ.വി സുമേഷ് എം.എല്‍.എ സന്ദര്‍ശിച്ചു. ബോട്ട് സര്‍വീസ് കാര്യക്ഷമമാക്കുന്നതിനൊപ്പം പാസഞ്ചര്‍ കം ടൂറിസം എന്ന ലക്ഷ്യം കൂടി മുന്നില്‍ കണ്ടാണ് ആധുനിക സജ്ജീകരണങ്ങളോടു കൂടിയ ബോട്ടുകള്‍ തയ്യാറാക്കിയതെന്ന് എം എല്‍ എ പറഞ്ഞു. ഇരു ബോട്ടുകളിലും അല്‍പദൂരം യാത്രചെയ്ത എം എല്‍ എ ബോട്ടുികളിലെ ഇരട്ട എന്‍ജിനുകള്‍ ഉള്‍പ്പെടെയുള്ള സംവിധാനങ്ങള്‍ വിലയിരുത്തി.

ജില്ലയില്‍ തന്നെ ഏറ്റവുമധികം പേര്‍ ആശ്രയിക്കുന്ന പ്രധാന ബോട്ട് സര്‍വീസായ അഴീക്കല്‍ - മാട്ടൂല്‍ ഫെറി - പറശ്ശിനിക്കടവ് അഴീക്കല്‍-മാട്ടൂല്‍ സര്‍വീസ് കാര്യക്ഷമമാക്കുന്നതിനും കാലപ്പഴക്കം സംഭവിക്കുന്ന മരബോട്ടുകള്‍ മാറ്റി ആധുനിക നിലവാരമുള്ള സോളാര്‍ ബോട്ടുകളും കറ്റമറെയിന്‍ ബോട്ടുകള്‍ അനുവദിക്കണമെന്നും കെ.വി.സുമേഷ് എം.എല്‍.എ 2024 ലെ നിയമസഭ സമ്മേളനത്തില്‍ ആവശ്യപ്പെട്ടിരുന്നു. ബോട്ടിലെ സ്ഥിരം യാത്രക്കാരും അഴീക്കലിലെ ജനങ്ങളും ഇക്കാര്യം ചൂണ്ടിക്കാട്ടി എം.എല്‍.എയ്ക്ക് നിവേദനം നല്‍കിയിരുന്നു. സബ് മിഷന്റെ മറുപടിയായി ഗതാഗത വകുപ്പ് മന്ത്രി ബോട്ടുകള്‍ അനുവദിക്കാം എന്ന് ഉറപ്പു നല്‍കുയും ചെയ്തിരുന്നു. ഇതിന്റെ ഭാഗമായാണ് രണ്ട് പുതിയ ബോട്ടുകള്‍ അനുവദിച്ചത്. അടുത്ത ദിവസം തന്നെ ബോട്ടുകള്‍ പറശ്ശിനിക്കടവ് ബോട്ട് ടെര്‍മിനലില്‍ എത്തുമെന്നും ഗതാഗത മന്ത്രി ഗണേഷ് കുമാര്‍, എം വി ഗോവിന്ദന്‍ മാസ്റ്റര്‍ എം.എല്‍.എ എന്നിവര്‍ ഉള്‍പ്പെടെ ചേര്‍ന്ന് സര്‍വീസ് ഉദ്ഘാടനം ചെയ്യുമെന്നും എംഎല്‍എ പറഞ്ഞു.

അഴീക്കോട് പഞ്ചായത്ത് പ്രസിഡന്റ് കെ അജീഷ്, വാര്‍ഡ് മെമ്പര്‍ ഷബീന, സ്റ്റേഷന്‍ മാസ്റ്റര്‍ കെ.വി സുരേഷ്, ഓഫീസ് സ്റ്റാഫുകളായ വി.പി മധുസൂദനന്‍, പി സനില്‍, പറശ്ശിനി കണ്ട്രോള്‍ ഓഫീസര്‍ കെ.കെ.കൃഷ്ണന്‍, മെക്കാനിക്ക് എന്‍.പി.അനില്‍കുമാര്‍, ദിജേഷ്, ബോട്ട് ജീവനക്കാരായ ദിലീപ് കുമാര്‍, എം.സന്ദീപ്, ബി.ടി.ടോണ്‍, എന്‍.കെ.സരീഷ്, സി.അഭിലാഷ്, കെ.സുമേഷ്, പി.കെ സജിത്ത്, പി.സജീവന്‍, കെ പുരുഷോത്തമന്‍ എന്നിവരും എംഎല്‍എക്കൊപ്പമുണ്ടായിരുന്നു.

ആധുനിക സജ്ജീകരണങ്ങളോടെ ബോട്ട്

സുഗമവും സുരക്ഷിതവുമായ യാത്രക്ക് ആറ് ഹള്ളുകള്‍ ഉള്ള കറ്റമറെയിന്‍ ഉള്ളതാണ് ബോട്

10/09/2025

Missing
🛑🛑🛑🛑🛑🛑🛑🛑🛑
അഴീക്കോട് കാപ്പിലെ പീടിക സ്വദേശി അക്ഷയ് യതീഷിനെ (32) തിങ്കളാഴ്ച 08-09-2025 രാവിലെ മുതൽ കാണ്മാനില്ല..
എവിടെക്കിലും വച്ച് കണ്ടാൽ അടുത്തുള്ള പോലീസ് സ്റ്റേഷനിലോ
9746217426
നമ്പറിലോ ബന്ധപ്പെടുക..
Missing സമയം കറുപ്പ് നിറത്തിലുള ജീൻസ് പാൻ്റും ഗ്രെ കളറിലുള്ള ഷർട്ടും ആണ് ധരിച്ചത്

10-09-25
12.50 pm

29/08/2025

Najeesh Azhikode -

വലിയ അവസരം കിട്ടാത്ത കലാകാരൻ. കാഞ്ഞങ്ങാട് രാമചന്ദ്രന്റെ ശിഷ്യൻ, സാമൂഹ്യ പ്രവർത്തകൻ,ദയ അക്കാദമിയുടെ നെടുംതൂൺ

ഈ ഒരു പാട്ട് മതി അദ്ദേഹത്തെ വിലയിരുത്താൻ ചെറിയ സൗകര്യത്തിലും വി.ടി മുരളി യുടെ പാട്ടിനോട് മത്സരിക്കാൻ പ്രാപ്തി ഉള്ള ഗാനം

ഇദ്ദേഹത്തിന് നല്ല അവസരം കിട്ടേട്ടെ എന്ന് ആശംസിക്കുന്നു..

01/08/2025

പി വി കെ കടമ്പേരി മാസ്റ്റർ അവാർഡ് പ്രഖ്യാപിച്ചു

തിരുവനന്തപുരം : ബാലസംഘം സംസ്ഥാന രക്ഷാധികാരി സമിതിയുടെ പ്രഥമ പ്രസിഡണ്ട് ആയിരുന്ന പി വി കെ കടമ്പേരിയുടെ നാമധേയത്തിൽ ബാലസംഘം സംസ്ഥാന കമ്മിറ്റിയും കടമ്പേരി സ്മാരക ട്രസ്റ്റും ചേർന്ന് നൽകിവരുന്ന കുട്ടികളുടെ രംഗത്തെ പ്രതിഭകൾക്കുള്ള 2025 വർഷത്തെ പുരസ്‌കാരം തൃശ്ശൂരിലെ ഹെവേന ബിനുവിനും, കടമ്പേരി മാസ്റ്റർ പ്രത്യേക പുരസ്‌കാരം കണ്ണൂരിലെ വചസ്സ് രതീഷിനും. മൂലം തിരുനാൾ ഗവൺമെന്റ് ഹയർ സെക്കൻഡറി സ്കൂൾ വിദ്യാർത്ഥിനിയായ ഹെവേന കേരള സർക്കാരിന്റെ കുട്ടികളുടെ അന്താരാഷ്ട്ര ഉച്ചകോടി പ്രബന്ധ സമാഹാരത്തിൽ തൃശ്ശൂർ ജില്ലയിലെ മായന്നൂർ ഗ്രാമത്തിലൂടെ ഒഴുകുന്ന ഭാരതപ്പുഴ മലിനീകരണത്തെക്കുറിച്ച് എഴുതുകയും ജനശ്രദ്ധ നേടുകയും ചെയ്തു. ഇന്ത്യയുടെ തന്നെ അഭിമാന നേട്ടമായ PCR Watt Watch എന്ന ഇലക്ട്രിസിറ്റി കോൺസെപ്ഷൻ മെഷറിംഗ് മെഷീൻ സുഹൃത്തിനൊപ്പം കണ്ടുപിടിക്കുകയും നാഷണൽ ലെവൽ രണ്ടാം സ്ഥാനം നേടുകയും അന്താരാഷ്ട്ര തലത്തിലേക്ക് തിരഞ്ഞെടുക്കപ്പെടുയും ചെയ്തു. കുട്ടികൾ നിയന്ത്രിക്കുന്ന ലോകത്തിലെ ആദ്യ ഇന്റർനെറ്റ് റേഡിയോ സംവിധാനം സാഹിതിവാണിയിലെ റേഡിയോ ജോക്കിയായും റേഡിയോ ചീഫ് ഡയറക്ടറായും പ്രവർത്തിക്കുന്നുണ്ട് ഈ എട്ടാം ക്ലാസുകാരി.അരങ്ങ്,പഹൽഗാം, അക്ഷരങ്ങൾ, കാഴ്ച, പട്ടിണി തുടങ്ങി നിരവധി കവിതകളുടെ രചയിതാവ് കൂടിയാണ് ഈ കൊച്ചു മിടുക്കി.

സംസ്ഥാന സർക്കാരിന്റെ കീഴിൽ സാമൂഹ്യനീതി വകുപ്പ് ഏർപ്പെടുത്തിയ സർഗാത്മക ബാലൻ പുരസ്കാര ജേതാവായ വചസ്സ് രതീഷ് നാഷണൽ കൗൺസിൽ ഫോർ ചൈൽഡ് വെൽഫയർ സംഘടിപ്പിച്ച ക്ലിന്റ് സ്മാരക ചിത്രരചന മത്സരത്തിൽ (യെല്ലോ ഗ്രൂപ്പ് )ഒന്നാം സ്ഥാനം കരസ്ഥമാക്കിയിട്ടുണ്ട്.

രണ്ടു പേരും സംസ്ഥാന സർക്കാരിന്റെ ഉജ്ജ്വല ബാല്യ പുരസ്കാര ജേതാക്കളാണ്.