26/10/2025
Bani Israel Mein Ek Shakhs Tha Jisne Ninyanwe Khoon Na-Haq Kiye The, Phir Wo Nadim Hokar Masla Poochhne Nikla.
Wo Ek Darvesh Ke Paas Aaya Aur Usse Poocha, “Kya Is Gunah Se Tauba Qabool Hone Ki Koi Soorat Hai?”
Darvesh Ne Jawab Diya, “Nahi.”
Ye Sunn Kar Usne Us Darvesh Ko Bhi Qatal Kar Diya Aur Sau Khoon Poore Kar Diye.
Phir Wo Doosron Se Poochhne Laga.
Aakhir Usko Ek Darvesh Ne Bataya, “Falaan Basti Mein Chala Ja.”
Wo Aadha Raasta Bhi Nahi Pahucha Tha Ke Uski Maut Waqe Ho Gayi.
Marte Marte Usne Apna Seena Us Basti Ki Taraf Jhuka Diya Jahan Wo Tauba Ke Liye Ja Raha Tha.
Aakhir Rehmat Ke Farishton Aur Azaab Ke Farishton Mein Bahaam Jhagda Hua Ke Kaun Use Le Jaaye.
Lekin Allah Ta’ala Ne Us Basti Ko Jahan Wo Tauba Ke Liye Ja Raha Tha Hukm Diya Ke “Uski Naash Se Qareeb Ho Ja.”
Aur Doosri Basti Ko Jahan Se Wo Nikla Tha Hukm Diya Ke “Uski Naash Se Door Ho Ja.”
Phir Allah Ta’ala Ne Farishton Se Farmaaya, “Ab Donon Ka Faasla Dekho.”
Jab Napa Gaya To Us Basti Ko Jahan Wo Tauba Ke Liye Ja Raha Tha, Ek Balisht Naash Se Nazdeek Paaya. Isliye Wo Bakhsh Diya Gaya.
Sahih Al-Bukhari 3470
