27/06/2026
Nijang Karbi anglong, Rongkhang constituency arlo kedo Tilapara garo arong arat atum aphan vosik niphai 26 arni "Rongkhang micro welfare unit" atum pen Kecho asang, phurui-athe lapen ingti heihui keron pon.
Labangso kerap kapajir amei ahut Rongkhang micro welfare unit ameiphu Akehai Joysing Rongpi pen lamthe kaningje pon lake kosonsi rong Arlo kachingthurji lapen kacharli anat kapaphrang dun thekjima pu aphuthak rat amei ahut chethan-mum ajaimek pado pon.
Lasonsi Tilapara garo arong arat atum pen Rongkhang micro welfare unit ameiphu akehai Joysing rongpi lapen Gilbert Teron atum aphan lapuson rong arat aphan varsai keme kevan pithek apot haladak arong arat atum pen ning aklong pen ning kachingsam chepaklang pon.
Sonsi haladak arong arat atum bangso amei ahut akehai Joysing Rongpi lapen Gilbert Teron atum kapinkhat atengsi non kevangji arni alongta cherap cheto dun bomji p**a haladak arong arat tum pen lamthe chepaklang pon thu.
Sonsi, bangso amei jut det pen akehai Joysing rongpi pen pherangke angno lamthe kaningje pon, non kevangji council election apharman nelitum Rongkhang micro welfare unit atum pen sitame kachesik do p**a ningje pon.
